ߡߎߛߊ߫ ߞߐ߲ߘߍ߫ ߝߣߊ߫ ߓߘߴߊ߬ ߡߙߌߦߊ ߦߌ߬ߘߊ߫ ߣߊ߲߬ߝߏ߰ ߟߊ߫ ߝߊ߬ߞߊ߲߬ߘߐ߬ߛߊߟߌ ߞߏߢߊ ߞߊ߲߬ ߸ߊ߬ ߞߊ߲߫ ߞߏ߫: <<ߡߐ߰ ߕߍ߫ ߡߙߌߣߊ߲ ߘߏ߫ ߞߟߍ߬ ߟߊ߫ ߣߊ߬ߣߌ߲߬ߠߌ߲ ߠߊ߫ ،ߓߊ߬ߙߌ߬ ߸ ߘߊ߬ߟߑߟߎ ߟߎ߬. ߕߎ߬ߢߊ ߘߏ߲߬ ߡߊ߫ ߘߋ߬ߙߌ߬ ߟߏ߲߫ ߞߋߟߋ߲߫ ߞߊ߬ ߛߌߟߊ߲߫ ߘߊߘߐߝߙߊߢߐ߲߯ߦߊ ߢߍ߫>> ߊ߬ ߞߵߏ߬ ߦߌ߬ߘߴߊ߬ ߟߊ߫ ߞߎߡߊ߫ ߘߐ߫.

ߝߣߊ߫ ߸ ߞߏ߫ ߡߍ߲ ߠߎ߬ ߦߋ߫ ߣߊ߲߬ߝߏ߰ ߡߊߝߌ߲߬ ߠߊ߫ ߞߵߊ߬ ߖߌ߰ ߖߘߍ߬ߞߟߏ߬ߓߊ߰ߦߊ ߞߟߍ߬ߟߊ ߘߌ߫ ߸ ߏ߬ ߕߌ߰ߟߊ߬ߡߐ߮ ߟߎ߬ ߣߌ߫ ߣߊ߲߬ߝߏ߰ ߟߊ߫ ߞߎߡߊ ߟߊߡߍ߲ ߞߢߊߡߊ߲߫ ߡߎߣߎ߲߬ ߞߊ߬ ߞߐ߲߬ ߊ߬ ߡߊߞߕߌ ߢߍ߫ ߸ ߖߘߍ߬ߞߟߏ߬ߓߊ߰ߦߊ ߘߏ߲߬ ߠߊ߫ ߟߊ߬ߢߌߣߌ߲ ߘߐߙߐ߲߫ ߕߍ߫ ߘߋ߬ ߊ߲ ߓߌ߬ ߕߟߋ ߣߌ߲߬ ߘߐ߫ ߞߏ߫ ߞߵߊ߬ ߞߟߏ ߟߎ߬ ߟߊߕߊ߲߬ߞߊ߫ ߕߋ߲߬ ߕߎ߲߫ ،ߓߊ߬ߙߌ߬ ߸ߊ߬ ߡߊ߬ߞߏ ߦߴߊ߬ ߞߘߐ ߣߴߊ߬ ߟߊ߬ߢߌߣߌ߲ ߠߎ߬ ߢߊߝߐ ߟߊ߫ ߗߍ߭ ߣߌ߫ ߡߏ߬ߛߏ ߟߎ߬ ߢߍ߫ ߊ߬ߟߎ߬ ߟߊ߫ ߞߊ߲ ߠߴߊ߬ߟߎ߬ ߟߊ߫ ߟߐ߲ߠߌ߲ߦߊ ߝߊ߬ߘߌ ߘߐ߫. ߝߘߊ߬ߝߌ߲߬ߘߋ߲߬ ߛߌߦߊߡߊ߲߫ ߦߋ߫ ߓߐ߫ ߟߊ߫ ߓߌ߬ ߖߘߍ߬ߞߟߏ߬ߓߊ߰ߦߊ ߘߐ߫ ߞߵߊ߬ߟߎ߬ ߘߊߘߎ߲ߞߎ߲ߧߊ ߞߍ߫ : ߞߏ߫ ߖߘߍ߬ߞߟߏ߬ߓߊ߰ߦߊ ߓߘߊ߫ ߦߟߍ߬ߡߊ߲߫ ߞߊ߬ ߞߍ߫ ߊߙߊߓߎ߫ ߘߌ߯ߣߊ߫ ߘߌ߫ ߞߊ߬ ߓߐ߫ ߖߊ߯ߓߊ߫ ߘߌ߯ߣߦߊ ߟߊ߫߸ ߏ߬ ߘߏ߫ ߟߎ߫ ߓߘߊ߫ ߘߏ߲߬ ߞߊߡߕߌߦߊ ߣߌ߫ ߟߊ߬ߡߎ߬ߣߎ߲ߧߊ߬ߟߌ ߕߏ߰ߝߏ ߟߎ߬ ߘߐ߫ ،ߞߊ߬ߡߊߛߐ߬ߘߐ߲߬ ߸ ߊ߬ ߦߌ߬ߘߊ ߘߐ߫ ߊ߬ߟߎ߬ ߟߊ߫߸  ߞߏ߫ ߊ߬ߟߎ߬ ߦߴߊ߬ߟߎ߬ ߓߊ߲߬ ߊ߬ߟߎ߬ ߟߊ߫ ߞߊ߲ ߠߴߊ߬ߟߎ߬ ߟߊ߫ ߟߐ߲ߠߌ߲ߦߊ ߟߎ߫ ߘߐ߫ ߞߵߊߟߊ߫ ߓߊ߬ߕߏ߬. ߊ߬ ߘߏ߲߬ ߸ ߞߎ߬ߙߊ߬ߣߊ߬ ߞߟߏ ߦߋ߫ ߞߎߡߊ ߏ߬ ߟߎ߬ ߡߊߛߐ߬ߛߐ߬ ߟߊ߫ ߘߐ߬ߛߊߙߌ ߞߣߐ߫ ߞߵߊ߬ ߥߎߦߊߒߕߋߦߊ ߸ ߏ߬ ߘߊ߬ߟߑߟߎ ߘߏ߫ ߟߎ߫ ߝߟߍ߫ ߣߌ߲߬ : ߊ߲ ߞߊ߬ ߞߋߟߊߘߋ߲ ߓߍ߯ ߗߋ߫ ߟߴߊ߬ ߡߌ߬ߙߌ߲߬ߘߌ ߡߊ߬ ߊ߬ ߕߊ߫ ߞߊ߲߫ ߘߐ߫ ߸ ߊ߬ ߡߌ߬ߙߌ߲߬ߘߌ ߦߋ߫ ߞߊ߲ ߡߍ߲ ߝߐ߫ ߟߊ߫ ߛߴߊߟߎ߬ ߘߴߊ߬ ߝߊ߰ߡߎ߲߬ (߁߄:߄). ߝߣߊ߫߸ ߞߏ߫ ߞߊ߲ ߠߊߛߌߦߊߦߊ ߦߋ߫ ߊߟߊ߫ ߟߊ߫ ߛߋߓߊ߯ߦߊ ߕߐ߰ߡߊ߬ߛߙߋ ߟߋ߬ ߘߌ߫ (߃߀ :߂߂).

ߊߟߊ߫ ߘߏ߲߬ ߞߊ߬ ߞߎ߬ߙߊ߬ߣߊ ߟߊߖߌ߰ ߊߙߊߓߎ߫ ߞߊ߲ ߘߐ߫ ߟߋ߬ ߞߵߏ߬ ߞߎ߲߭ ߡߞߊ ߡߌ߬ߙߌ߲߬ߘߌ ߞߍ߫ ߘߌ߫ ߊߙߊߓߎ ߟߎ߬ ߘߌ߫ ߞߎ߬ߙߊ߬ߣߊ ߗߋ߫ ߘߊ߫ ߡߍ߲ ߠߎ߬ ߡߊ߬ (߁߂:߁߂، ߊ߬ ߘߏ߲߬ ߡߴߊ߬ ߝߐ߫ ߝߋߎ߫ ߸ߞߏ߫ ߡߊ߲߬ߕߏ߲ ߕߐ߭ ߟߎ߬ ߦߴߊ߬ߟߎ߬ ߓߊ߲߬ ߊ߬ߟߎ߫ ߝߊ߬ߓߘߊ߬ ߞߊ߲ ߘߐ߫. ߞߵߊ߬ ߓߍ߲߬ ߘߌ߯ߣߊ ߣߌ߫ ߟߐ߲ߞߏ ߟߎ߬ ߢߊߝߐ ߡߊ߬ ߸ ߣߴߊ߬ ߞߊ߬ ߘߍ߲߬ߞߣߍ߬ߦߊ߬ߓߊ߮ ߟߎ߬ ߘߌߦߊ߫ ߸ ߊ߬ߟߎ߬ ߦߴߊ߬ ߝߍ߬ ߊ߬ߟߎ߬ ߦߋ߫ ߞߎߡߊ ߡߍ߲ ߝߐ߫ ߟߴߊ߬ߟߎ߫ ߡߊ߰ߙߌ ߦߋ߫ ߞߵߏ߬ ߞߘߐ ߝߊ߰ߡߎ߲߫ ߊ߬ ߢߊ߫ ߓߘߍ ߡߊ߬ ، ߡߙߌߦߊ ߏ߬ ߣߌ߫ ߘߐ߬ߢߌ߬ߡߌ߲߬ߠߌ߲ ߠߋ߬ ߞߢߊߡߊ߲߫ ߞߵߊ߬ ߟߊ߫ ߘߌ߯ߣߊ ߘߊ߬ߟߑߟߎ߬ ߜߍߟߍ߲ ߠߎ߫ ߞߊ߲߬ ߞߊ߬ ߓߐ߫ ߘߐ߬ߛߊߙߌ ߖߍ߬ߘߍ ߞߣߐ߫ ߡߍ߲ ߣߌ߫ ߝߌ߬ߟߌ ߣߌ߫ ߡߙߎߕߟߌ  ߡߊ߬ߝߌ߲߬ߠߌ߲ ߠߎ߬ ߕߍ߫ ߞߋߟߋ߲߫ ߘߌ߫. ߖߘߍ߬ߞߟߏ߬ߓߊ߰ߦߊ ߘߏ߲߬ ߕߍ߫ ߊߙߊߓߎ߫ ߟߎ߫ ߘߎ߲߬ߘߎ߬ߡߊ߬ ߘߌ߫ ߸ߊ߬ ߕߍ߫ ߝߘߊ߬ߝߌ߲ ߠߎ߬ ߘߎ߲߬ߘߎ߬ߡߊ߬ ߘߌ߫ ،ߞߎߡߊߕߍ߫ ߡߌ߬ߙߌ߲߬ߘߌ߬ ߞߙߍߞߙߍߣߍ߲߫ ߡߊ߬ ،ߓߊ߬ߙߌ߬ ߸ߊ߬ ߦߋ߫ ߘߊ߲ߓߊ߮ ߕߊ ߟߋ߬ ߘߌ߫ ߸ߡߍ߲ ߦߋ߫ ߘߎߢߊ߫ ߓߍ߯ ߕߌ߱ ߘߌ߫. ߝߏ߬ߣߌ߫ ߊ߲ ߧߋ߫ ߡߐ߱ ߟߎ߬ ߘߍ߬ߡߍ߲߬ ߠߊ߫ ߊ߬ߟߎ߬ ߦߋ߫ ߞߎ߬ߙߊ߬ߣߊ ߞߘߐ ߝߊ߰ߡߎ߲߫ ߊ߬ߟߎ߬ ߟߊ߫ ߞߊ߲ ߘߐ߫ ߸ߛߟߐߡߌ߲ ߓߌ߬ߟߊ߬ߢߐ߲߰ߡߊ ߡߍ߲ ߦߴߊ߬ߟߎ߬ ߣߴߊ߬ߟߎ߫ ߡߊ߰ߙߌ ߕߍ߫ ߸ߏ߬ ߘߌ߫ ߕߊ߬ߡߌ߲߫ ߝߊ߲߬ߞߊߘߏ߲߬ ߠߊ߫ ߓߘߍߞߍ߭. ߏ߬ ߘߐ߫ ߸ ߊ߲ ߧߋ߫ ߘߊߘߐߝߙߊߢߐ߲߯ߦߊ ߞߍ߫ ߟߐ߲ߞߏ ߣߌ߫ ߟߐ߲ߠߌ߲ ߣߌ߫ ߓߏ߲߬ߧߊ ߟߊ߫ ،ߣߌ߫ ߡߙߌߦߊ ߘߏ߫ ߞߍ߫ ߘߊ߫ ߕߎ߬ߢߊ߬ ߘߌ߫ ߸ ߘߊ߬ߟߑߟߎ ߟߎ߬ ߘߴߊ߬ ߞߐߡߊߓߌ߲ߓߌ߲߫ ߸ߣߴߊ߬ ߘߏ߲߬ ߞߍ߫ ߘߊ߫ ߝߟߌ߬ ߤߊߡߊ߲߫ ߞߊ߬ߙߏ߲߬ ߘߌ߫ ߝߣߊ߫ ߸ ߘߊ߬ߟߑߟߎ ߟߎ߬ ߘߴߊ߬ ߛߊߞߍ߫.

ߣߊ߲߬ߝߏ߰ ߦߋ߫ ߓߊߟߏ߫.

ߓߐߦߌߟߊ : ߡߎߛߊ߫ ߞߐ߲ߘߍ߫ ߟߊ߫ ߝߍߛߑߓߎߞ ߖߊ߬ߕߋ߬ߘߊ ߞߊ߲߬