ߞߎ߲߬ߠߊ߬ߛߌ߮ ߓߍ߯
ߞߍߞߎߘߊߖߟߊߞߘߐ߫ ߞߍ ߡߙߊ߬ߘߊ߬ߓߊ ߘߌ߫߸ ߏ߬ ߛߍߥߊ ߖߍ߬ߘߍߖߍ߬ߘߍ ߟߋ߬ ߦߴߊ߬ߟߎ߬ ߟߊ߫، ߞߊ߬ߕߎ߲߯߸ ߊ߬ ߡߐߣߍ ߓߌ߬ߟߊ ߊ߬ߟߎ߬ ߘߐ߫߸ ߏ߬ ߘߌ߫ ߛߊ߲߬ ߦߙߌߞߊ߫ ߓߐ߫، ߒ߬ߓߊ߬߸ ߏ߬ ߟߋ ߣߐ߬ ߊ߬ߟߎ߫ ߟߐ߬ ߟߊ߫ ߣߌ߬ߛߌ߫ ߗߡߍ߬ ߞߊ߲ߠߊߕߍ߰ ߟߊ߫ ߞߵߏ߬ ߞߍ߫߫ ߛߘߊߞߊ ߘߌ߫ ߛߏ ߣߌ߫ ߛߏ ߘߏ߲߬ߞߏ ߟߎ߬ ߦߋ߫ ߞߊ߯ߙߌ ߣߌ߲߬ ߡߊ߬߸ ߂߀߂߆ ߘߓߊ߬ߓߌߟߊ ߕߟߋ߬ ߃߀.
ߘߌ߯ߣߊߞߊ߬ߙߊ߲߬ߡߐ߯ ߛߏ߬ߟߏ ߣߌ߫ ߣߊ߲߬ߝߏ߰ ߟߊ߫ ߕߍߘߐߓߍ߲ ߞߐ ߘߌߦߊߣߍ߲߫ ߕߍ߫ ߡߎߣߎ߲߬، ߞߊ߬ߕߎ߲߯߸ ߝߊ߬ߞߊ߲߬ ߘߐ߬ ߛߊ߬ߟߌ߬ ߞߏ ߓߘߊ߫ ߞߍ߫ ߝߐߢߐ߲߯ߞߐ ߘߌ߫، ߏ߬ ߟߋ ߞߏߛߐ߲߬߸ ߡߏߙߌ߬ ߞߡߏ߬ߘߎ߯ ߞߏ߬ߣߊ߬ߕߍ߫ ߓߘߴߊ߬ ߞߊ߲ߠߊߘߌ߫ ߓߍ߯ ߡߊ߬߸ ߞߏ߫ ߞߊ߬ ߓߍ߲߭ ߞߍ߫ ߛߘߊߞߊ ߘߌ߫.
ߞߍߞߎߘߊߘߐ߲߬ߞߌ߲߬ ߛߊߟߌ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߖߌ߬ߣߍ߫ ߘߏ߲߬ߛߏ ߟߎ߬ ߟߊ߫ ߘߍ߭ ߝߊ߬ߛߏ߬ߟߊ߬ߞߊ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߖߡߊ߬ߣߊ ߝߊ߰ߡߊ ߟߎ߬ ߡߊߘߍ߬ߡߍ߲߬ ߠߊ߫ ߟߊ߬ߞߊ߲߬ߘߊ߬ߟߌ ߓߟߏߡߦߊ ߘߐ߫ ߟߋ߬ ߝߛߊߦߌ߫߸ ߞߊ߬ ߟߊߞߊ߲ߘߓߊߟߌߦߊ ߞߟߍ߬، ߊ߬ߟߎ߫ ߞߵߊ߬ߟߎ߬ ߘߡߊߞߊ߬ߛߌ߬ ߡߍ߲ ߠߊ߫߸ ߏ߬ ߟߋ ߝߋ߲߫ ߦߋ ߘߌ߫ ߊ߬ߟߎ߬ ߘߐ߫߸ ߞߵߊ߬ ߟߐ߲߫ ߞߏ߫ ߊ߬ߟߎ߬ ߝߣߊ߫ ߦߋ߫ ߘߏ߫ ߞߍ߫ ߟߊ߫ ߟߊߞߊ߲ߘߊ ߟߊߛߓߊ߬ߕߌ ߘߐ߫߸ ߊ߬ ߣߌ߫ ߖߐ ߟߊߘߏ߲߭ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߟߊߕߊ߲߬ߞߊ ߘߐ߫.
ߘߍ߭ߞߛߌ߬ߘߎ߯ ߞߣߐ߫߸ ߘߏ߲߬ߛߏ ߟߎ߫ ߣߐ߬ ߛߘߊߞߊߓߐߓߊ߫ ߟߋ߬ ߞߍ߫ ߟߊ߫߸ ߞߊ߬ ߘߎ߬ߥߊ߬ߥߎ ߞߍ߫ ߖߡߊ߬ߣߊ ߦߋ߫߸ ߊ߬ߟߎ߬ ߟߊ߫ ߞߎ߲߬ߕߌ߰ ߞߎߘߊ ߟߎ߬ ߦߋ߫، ߝߏ߫ ߞߛߌ߬ߘߎ߯ ߞߊ߬ߝߏ߬ߙߋ߲߬ߕߌ߮ ߞߊ߬ ߓߋ߬ߝߘߍ߫ ߝߌ߬ߟߊ߬ ߘߌ߫ ߘߏ߲߬ߛߏ ߟߎ߫ ߡߊ߬߸ ߊ߬ߟߎ߬ ߟߊ߫ ߖߊ߲߬ߖߏ߲ ߠߎ߬ ߞߍ߫ ߞߊ߲ߡߊ߬.
ߘߍ߭ߕߟߋ߬ ߘߊ߲ߘߐ߫ ߓߟߐߟߐ߫ ߝߛߏߝߛߊ ߞߐߝߍ߬ ߖߌ߬ߣߍ߬ ߞߣߐ߫߸ ߘߍ߬ߞߙߏߝߏ ߟߎ߬ ߓߘߊ߫ ߛߊ߬ߦߌ߲߫ ߊ߬ߟߎ߬ ߡߊ ߡߊ߬ ߣߍ߲ߞߍ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬، ߞߊ߬ߕߎ߲߯߸ ߝߍߛߑߓߎߞ ߕߎ߲߬ ߓߘߊ߫ ߓߟߏߕߍ߰߸ ߞߵߊ߬ ߛߐ߬ߘߐ߲߬ ߞߎ߲߬ߠߊ߬ߛߌ߮ ߡߊ߫ ߢߊߝߐߟߌ߫ ߞߟߊ߬ߟߡߊ߬ ߛߌ߫ ߞߍ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫.
