ߓߙߎߞߌߣߊ߫ ߝߊ߬ߛߏ߫ ߞߎ߲߬ߠߊ߬ߛߌ߮ ߦߴߊ߬ ߝߍ߬ ߞߊ߬ ߝߊ߰ߟߌ ߓߌ߲߬ߓߊߥߏ ߟߊߘߏ߲߬ ߊ߬ߟߎ߬ ߟߊ߫ ߓߌ߲߬ߓߊ߬ߥߏ߬ߟߌ ߛߊ߬ߙߌ߬ߦߊ߬ߛߎ߲ ߘߐ߫߸ ߊ߬ߟߎ߫ ߞߵߏ߬ ߡߍ߲ ߓߐ߫ ߊ߬ ߘߐ߫ ߂߀߁߈ ߠߊ߫، ߒ߬ߓߊ߬߸ ߊ߬ ߦߌ߬ߘߊ߬ ߘߴߊ߬ߟߎ߬ ߟߊ߫ ߞߏߕߌ߯ ߟߊߘߍ ߘߐ߫ ߞߏߟߌ߲ߞߏߟߌ߲ ߕߟߋ߬ ߄ ߣߌ߲߬ ߡߊ߬߸ ߞߏ߫ ߝߊ߰ߟߌ ߓߌ߲߬ߓߊߥߏ ߓߍߣߊ߬ ߕߊ߬ ߌߞߐ߫.
ߞߵߊ߬ ߕߊ߬ ߁߉߈߈ ߡߊ߬ ߤߊ߲߯ ߕߋ߲߬߸ ߝߊ߰ߟߌ ߓߌ߲߬ߓߊߥߏ ߡߊ߫ ߟߊߓߊ߯ߙߴߊ߬ߟߎ߬ ߟߊ߫ ߖߡߊ߬ߣߊ ߞߣߐ߫߸ ߊ߬ ߟߊߕߐ߲߫ ߘߊ߫ ߙߐߞ ߡߊߙߞ ߞߙߌߛߌߦߊ߲ ߞߊߓߏߙߋ߫ ߟߊ߫ ߞߊ߲ߕߌ߯ߦߊ ߟߋ߬ ߞߣߐ߫ ߂߀߁߈ ߠߊ߫، ߒ߬ߓߊ߬߸ ߞߏߟߌ߲ߞߏߟߌ߲ ߕߟߋ߬ ߄ ߞߏߕߌ߯ ߟߊߘߍ ߝߍ߬߸ ߓߙߎߞߌߣߊ߫ ߞߵߊ߬ ߡߙߌߦߊ ߕߊ߬ ߞߏ߫ ߞߵߊ߬ ߓߍ߲߬ « ߞߎ߬ߕߊ߬ ߞߏ ߘߏ߫ ߟߎ߫ ߛߌߦߊߦߊ ߡߊ߬߸ ߡߍ߲ ߠߎ߬ ߦߋ߫ ߖߊ߲߬ߝߊ ߛߊ߲ߘߐߕߊ ߘߌ߫߸ ߊ߬ ߣߌ߫ ߓߊ߰ߓߊ߰ߟߌ߬ ߞߏ ߟߎ߬߸ ߞߵߏ߬ ߟߊ߫ ߖߊߘߏߦߊ߫ ߞߏ ߟߎ߬ ߞߊ߲߬߸ ߊ߬ ߣߌ߫ ߛߌߦߊߡߊ߲߫ ߜߘߍ߫ ߟߎ߫ » ߏ߬ ߝߐ߫ ߘߊ߫ ߞߵߊ߬ ߟߊߕߍ߰ ߓߙߎߞߌߣߊ߫ ߝߊ߬ߛߏ߫ ߟߊ߬ߟߐ߲߬ߠߌ߲߬ߠߌ߲߬ߠߊ ߟߎ߫ ߟߋ߬ ߓߟߏ߫.
ߊ߬ߟߎ߬ ߟߊ߫ ߕߋߟߋ߲ߓߊ߯ߦߊ ߞߏߕߌ߮߸ ߋߘߊߛߏ ߙߏߘߙߌߖߋ ߓߦߊߟߊ߫ ߞߵߊ߬ ߦߌ߬ߘߊ߬ ߞߏ߫: <<ߛߊ߬ߙߌ߬ߦߊ߬ ߖߊߕߋߘߐߛߌ߮ ߡߍ߲ ߦߋ߫ (ߓߌ߲߬ߓߊ߬ߥߏ߬ߟߌ ߛߊ߬ߙߌ߬ߦߊ߬ߛߎ߲ ߢߊߞߎߘߦߊ߫ ߟߊ߫ ߣߌ߲߬)߸ ߏ߬ ߕߊ߬ߣߍ߲߫ ߞߵߊ߬ ߟߊߥߌ߬ߟߌ߫ ߖߡߊ߬ߣߊ߬ߘߋ߲ ߠߎ߬ ߟߊߥߊ߬ߛߊ ߟߋ߬ ߡߊ߬߸ ߞߵߊ߬ߟߎ߫ ߖߎ߬ߛߎ ߛߎߡߊ߫ ߛߊ߬ߙߌ߬ߦߊ߬ ߞߏ ߘߊߞߎ߲ ߘߐ߫.>>
ߝߊ߰ߟߌ ߓߌ߲߬ߓߊߥߏ ߛߊ߬ߙߌ߬ߦߊ߬ ߞߎߘߊ ߡߍ߲ ߦߋ߫ ߕߋ߲߬߸ ߊ߬ ߞߊ߫ ߞߊ߲߫ ߞߊ߬ ߟߊߘߌ߬ߢߍ߫ ߊ߬ߟߎ߬ ߟߊ߫ ߝߊ߬ߛߏ߬ ߜߙߊ ߟߋ߬ ߓߟߏ߫، ߊ߬ ߘߏ߲߬߸ ߊ߬ߟߎ߬ ߟߊ߫ ߛߊ߬ߙߌ߬ߦߊ ߟߎ߬ ߦߋ߫ ߞߏ߫ ߜߘߍ߫ ߟߎ߫ ߝߣߊ߫ ߟߊߕߐ߲߫ ߠߊ߫ ߞߵߊ߬ߟߎ߬ ߘߐߜߏߦߊ߫߸ ߦߏ߫ ߓߏ߬ߘߊ߬ߘߐ߬ߦߊ ߣߴߊ߬ ߟߊߡߎߣߎ߲ߧߊ߫ ߞߏ ߟߎ߬، ߝߏ߫ ߊ߬ߟߎ߫ ߞߵߊ߬ ߝߐ߫ ߕߎߟߊߝߌ߲ ߠߊ߫ ߖߍ߬ߘߍ߸ ߞߏߏ߫ ߣߌ߫ ߡߍ߲ ߠߎ߬ ߡߌ߬ߣߊ߬ ߘߊ߫ ߓߏ߬ߘߊ߬ߘߐ߬ߦߊ ߞߍ ߘߐ߫ ߥߟߴߊ߬ ߟߊߡߎߣߎ߲ߧߊ ߘߐ߫߸ ߏ߬ ߟߎ߬ ߟߊ߫ ߥߛߎ ߘߌ߫ ߥߊ߫ ߤߊ߲߯ ߛߊ߲߬ ߟߏ߯ߟߎ߫ ߢߐ߲߰، ߒ߬ߓߊ߬߸ ߝߘߊ߬ߝߌ߲߬ߠߊ߫ ߖߡߊ߬ߣߊ ߝߊ߲߬ߓߊ ߡߍ߲ ߠߎ߬ ߦߋ߫ ߓߏ߬ߘߊ߬ߘߐ߬ߦߊ ߟߊߕߐ߲߫ ߠߊ߫߸ ߏ߬ ߘߏ߫ ߟߋ߬ ߝߣߊ߫ ߦߋ߫ ߓߙߎߞߌߣߊ߫ ߝߊ߬ߛߏ߬ ߘߌ߫.
ߣߴߌ ߞߊ߬ ߘߎߢߊ߫ ߞߊߓߋ ߡߊߝߟߍ߫߸ ߊߡߑߣߍߛߑߕߌ ߍ߲ߕߍߙߑߣߊߛߌߦߐ߲ߣߊߟ ߓߘߴߊ߬ ߦߌ߬ߘߊ߬ ߞߏ߫ ߂߀߂߄ ߠߊ߫߸ ߝߊ߰ߟߌ ߓߌ߲߬ߓߊ߬ߥߏ߬ ߞߏ߬ ߞߎߡߊ ߝߐ߫ ߘߊ߫ ߝߘߊ߬ߝߌ߲߬ ߖߡߊ߬ߣߊ߬ ߁߄ ߠߋ߬ ߞߣߐ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߝߊ߲߬ߞߊ ߖߌ߰ ߘߊ߫ %߁߀ ߢߐ߲߰ ߠߋ߬ ߟߊ߫ ߏ߬ ߘߌ߫، ߞߊ߬ߕߎ߲߯߸ ߊ߬ߟߎ ߦߋ߫ ߛߌ߲߬ߝߏ߲߬ߘߊ߫ ߟߎ߫ ߟߋ߬ ߘߌ߫߸ ߡߍ߲ ߠߎ߬ ߕߍ߫ ߝߊ߰ߟߌ ߓߌ߲߬ߓߊߥߏ ߝߍ߬ ߝߋߎ߫. ߊ߬ߟߋ߬ ߊߡߑߣߍߛߑߕߌ ߞߊ߲߫ ߝߣߊ߫߸ ߞߏ߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߣߌ߫ ߓߙߎߞߌߣߊ߫ ߓߘߊ߫ ߝߊ߰ߟߌ ߓߌ߲߬ߓߊߥߏ ߟߊߘߌ߬ߢߍ߬ ߞߏ ߝߐ߫߸ ߏ߬ ߟߎ߬ ߦߴߊ߬ ߝߍ߬ ߞߵߊ߬ ߟߊߓߊ߯ߙߊ ߘߊߡߌ߬ߣߊ߬، ߖߋ߬ߟߌ߬ߓߟߊ߬ ߝߣߊ߫ ߕߊ ߦߋ߫ ߝߌߙߌ߲ߝߌߙߌ߲ ߞߊ߲߬߸ ߞߵߊ߬ ߓߍ߲߬ ߡߐ߰ߖߎ߮ ߟߎ߫ ߞߍ߬ߟߍ ߡߊ߬.
ߓߙߎߞߌߣߊ߫ ߟߊ߫ ߝߊ߰ߟߌ ߓߌ߲߬ߓߊ߬ߥߏ߬ ߞߏ߬ ߞߎߡߊ ߣߌ߲߬ ߦߋ߫ ߝߐ߫ ߟߊ߫ ߕߎ߬ߡߊ ߡߍ߲ ߠߊ߫ ߕߋ߲߬߸ߏ߬ ߞߵߊ߬ ߛߐ߬ߘߐ߲߫ ߠߋ߬ ߓߊ߰ߓߊ߰ߟߌ ߝߊ߲߬ߞߊ ߓߘߊ߫ ߥߊ߬ߙߊ߫߫ ߊ߬ߟߎ߫ ߝߍ߬ ߦߋ߲߬߸ ߊߟߑߞߊߦߌߘߊ ߓߏߟߏ߲ߝߘߊ ߟߎ߬ ߓߟߏ߫߸ ߊ߬ ߣߌ߫ ߛߌ߬ߟߡߊ߬ ߞߊߝߏ ߟߎ߬، ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߦߋ߫ ߘߊ߲ߕߌߢߍ߫ ߟߊ߫ ߘߍ߬ߞߙߎ ߘߏ߫ ߟߎ߫ ߓߟߏ߫ ߟߋ߬ ߛߐ߲߬߸ ߞߏ߫ ߊ߬ߟߎ߬ ߟߊ߫ ߡߐ߰ ߟߊ߬ߕߎߣߎ߲ ߞߊ߫ ߛߌߦߊ߫، ߊ߬ ߖߍ߬ߘߍ߸ ߏ߬ ߟߎ߬ ߞߊ߲߫ ߠߋ߬ ߞߏ߫ ߓߙߎߞߌߣߊ߫ ߞߎ߲߬ߠߊ߬ߛߌ߮ ߣߐ߬ ߡߐ߰ ߟߊ߬ߕߎߣߎ߲ ߠߋ߬ ߦߋ߫ ߟߊ߫ ߝߙߍ߬ ߘߌ߫߸ ߞߊ߬ ߞߓߊ ߛߌ߰ ߡߐ߱ ߟߎ߬ ߘߊ ߞߊ߲߬߸ ߡߍ߲ ߠߎ߬ ߦߴߊ߬ߟߎ߬ ߡߊ߲߬ߞߕߎ ߖߎ߯ߦߊ߫ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.