ߖߌ߬ߣߍ߫ ߘߐ߲߬ߞߟߌ߬ߟߊ߬ߟߊ߫ ߡߏ߬ߤߊ߬ߡߍߘ ߛߋ߬ߦߌ߬ߘߎ߬ߓߊ ߓߊ߲߬ߜ߭ߎߙߊ߬ ߡߍ߲ ߞߊ߲߬ߕߐ߮ ߦߋ߫ ߛߍ߲ߜ߭ߑߟߋߕߐߣ ߘߌ߫߸ ߏ߬ ߟߊߟߐ߬ ߘߊ߫ ߞߐ߰ߦߊ߬ ߞߕߌߘߊ ߦߌߟߡߊ߫ ߝߟߐ ߟߊ߫ ߓߌ߬، ߓߌ߬ߟߊ߬ ߞߍߣߴߊ߬ ߞߐ߫ ߟߋ߬߸ ߞߏ߫ ߊ߬ ߓߘߊ߫ ߡߐ߰ ߝߊ߮ ߞߍ߫ ߡߟߊߥߟߌߒߡߊ߫ ߓߟߏ ߡߊ߬ ߛߌߟߊ߫ ߞߊ߲߫ ߓߌߟߊߒߘߐߖߎ߮ ߘߏ߫ ߘߐ߫ ߝߏߙߋߞߊߙߌߦߊ߫ ߣߌ߫ ߞߐ߰ߦߊ߬ ߕߍߟߊ ߘߐ߫߸ ߞߊ߬ ߗߍ߬ߡߐ߯ ߛߊ߲߬ ߓߌߥߐ߯ߙߐ ߘߏ߫ ߓߐ߬ߣߐ߫ ߊ߬ ߣߌ ߘߐ߫.

ߘߐ߲߬ߞߟߌ߬ߟߊ߬ߟߊ߫ ߛߍ߲ߜ߭ߑߟߋߕߐߣ ߠߊ߫ ߞߕߌ ߟߊߝߟߐ߫ ߘߊ߫ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߞߐ߰ߦߊ߫ ߞߕߌߘߊ ߟߊ߫߸ ߖߊ߬ߡߊ߫ ߘߍ߬ߜߍ ߟߋ߬ ߓߐ߫ ߘߊ߫ ߞߊ߬߬ ߦߋ߲߬ ߡߊߜߍ߲߫ ߞߎ߲ߝߊ߲ ߘߌ߫߸ ߊ߬ ߦߙߐ ߘߏ߲߬ ߟߊߞߊ߲ߘߊߣߍ߲߫ ߕߍ߬ߘߍ߫ ߕߐ߲߫ ߓߟߏߡߊ ߟߎ߬ ߓߟߏ߫ ߟߋ߬ ߢߊ ߓߍ߯ ߡߊ߬، ߘߐ߲߬ߞߟߌ߬ߟߊ߬ߟߊ ߣߌ߲߬ ߣߐ߬ߝߍ߬ߜߍ߲߬ߣߍ߲߫ ߡߐ߰ ߝߊ߰ ߞߏ ߟߋ߬ ߘߐ߫ ߡߟߊߥߟߌߒߡߊ߫ ߓߟߏ ߡߊ߬ ߓߌ߬ߟߊ߬ߒ߬ߘߐ߬ߖߎ߮ ߘߏ߫ ߘߐ߫߸ ߡߍ߲ ߞߍ߫ ߘߊ߫ ߘߓߊ߬ߓߌߟߊ ߕߋ߬ߟߋ߫ ߂߈ ߡߊ߬߸ ߞߐ߰ߦߊ߬ ߣߌ߫ ߝߏߙߋߞߊߙߌߦߊ߫ ߛߌߟߓߊ ߞߊ߲߬߸ ߡߍ߲ ߞߊ߬ ߡߏ߬ߤߊ߬ߡߍ߬ߘ ߟߊ߬ߡߌߣ ߕߙߊߥߟߋ߫ ߓߐ߬ߣߐ߫ ߊ߬ ߣߌ ߘߐ߫߸ ߣߴߊ߬ ߛߌ߬ߞߛߊߓߌ ߕߍ߬ߘߍ߫ ߛߊ߲߬ ߓߌߥߐ߯ߙߐ߫ ߢߐ߲߰ ߘߐ߫.

ߞߕߌ߫ ߓߋߟߋ߲ ߠߊ߫߸ ߞߊ߲߬ߓߍ߲߬ ߜߍߡߊ߲ ߠߋ߬ ߕߘߍ߬ ߛߍ߲ߜ߭ߑߟߋߕߐߣ ߝߊ߬ߘߌ ߡߊ߬߸ ߊ߬ ߣߊ߬ ߘߊ߫ ߞߟߍ߬ߡߐ߮ ߟߎ߬ ߟߊ߫ ߜߋ߬ߕߋߜߋ߭ ߟߋ߬ ߞߣߐ߫ ߞߕߌߘߊ ߟߊ߫߸ ߝߐ߰ߓߍ߬ߦߊ߬ߟߊ ߟߎ߬ ߦߴߊ߬ ߖߌ߬ߦߊ߬ߖߟߎ߬ߦߊ ߞߊ߲߬ ߝߏ߫ ߞߵߊ߬ ߘߏ߲߬ ߟߊ߬ߥߟߍ߬ߟߌ߬ ߝߏ߮ ߞߣߐ߫، ߊ߬ ߟߊ߫ ߞߕߌ ߣߌ߲߬ ߘߐ߫߸ ߊ߬ ߞߵߊ߬ ߟߊ߫ ߛߐ߲߬ߡߊ߬ߦߊ ߦߌ߬ߘߊ߬، ߞߏ ߟߎ߬ ߕߊ߬ߡߌ߲߬ ߢߊ ߢߊߝߐ ߘߐ߫߸ ߛߍ߲ߜ߭ߑߟߋߕߐߣ ߞߵߊ߬ ߦߌ߬ߘߊ߬ ߞߏ߫ ߊ߬ ߓߊ߬ߟߌ߬ߣߍ߲ ߣߴߊ߬ ߞߣߐߘߐߝߟߌ߬ߣߍ߲ ߠߋ߬ ߕߘߍ߬߸ ߓߌ߬ߟߊ߬ߒ߬ߘߐ߬ߖߎ߮ ߣߐ߬ ߞߟߊߡߊ߲ ߏ߬ ߘߐ߫، <<ߒ ߛߌߟߊ߲߫ ߘߊ߫ ߟߋ߬߸ ߏ߬ ߟߋ ߘߐ߫ ߒ ߡߊ߫ ߛߋ߫ ߖߌ߰ ߟߊ߫ ߒ ߠߊ߫ ߞߐ߲߬ߛߏ ߞߣߐ߫.>> ߊ߬ ߞߵߏ߬ ߟߋ ߝߐ߫ ߞߕߌߘߊ ߢߊߞߘߐ߫.

ߘߐ߲߬ߞߟߌ߬ߟߊ߬ߟߊ ߞߎߡߊ߫ ߘߊ߫ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߘߏ߫ ߟߎ߫ ߞߊ߲߬߸ ߦߏ߫ ߊ߬ ߝߐ ߡߍ߲ ߞߍ߫ ߘߊ߫ ߞߏ߫ ߝߊ߬ߘߌ߬ߞߣߐ߬ߜߍ߲߬ߘߋ߲ ߠߎ߬ ߕߎ߲߬ ߦߴߊ߬ ߞߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ <<ߝߊ߬ߘߌ߬ߞߣߐ߬ߜߍ߲߬ߘߋ߲߬ ߕߍ߫ ߒ ߞߐ߫>> ߊ߬ ߞߵߊ߬ ߖߊ߬ ߦߙߐ ߏ߬ ߞߊ߲߬ ߞߏߛߓߍ߫.

ߞߊ߬ߦߌ߯ ߕߎߟߊߝߌ߲ ߕߟߋ߬ ߁߭ ߟߋ߬ ߡߊ߬߸ ߛߍ߲ߜ߭ߑߟߋߕߐߣ ߓߌ߬ߟߊ߬ ߘߊ߫ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߞߐ߰ߦߊ߬ ߥߛߎߖߌ߲ߓߊ ߟߊ߫، ߟߊ߬ߥߟߍ߬ߟߌ߬ ߝߏ߮ ߞߣߐ߫߸ ߊ߬ ߡߊߛߎ߬ߘߎ߲߬ߧߊ߬ ߡߐ߮ ߘߏ߫ ߟߎ߫ ߕߍ߬ߘߍ߫ ߦߋ߲߬߸ ߦߏ߫ ߘߐ߲߬ߞߟߌ߬ߟߊ߬ߟߊ߫ ߘߎ߬ߘߎ߫ ߓߋ߬ߣߌ߬߸ ߊ߬ ߣߌ߫ ߓߙߊ ߞߊߛߋ߸ ߏ߬ ߟߎ߫ ߣߊ߬ ߘߴߊ߬ ߦߌ߬ߘߊ߬ ߞߊ߲ ߠߋ߬ ߡߊ߬߸ ߞߏ߫ ߊ߬ߟߎ߬ ߓߍ߯ ߦߋ߫ ߥߏ߬ ߞߋߟߋ߲߫ ߠߋ߬ ߟߊ߫.

ߞߕߌ ߟߊߢߐ߲ߢߐ߲߫ ߕߎߡߊ ߟߊ߫ ߛߊ߫߸ ߞߎߡߊ ߡߍ߲ ߕߍ߬ߘߍ߫ ߡߐ߱ ߟߎ߬ ߘߊ߫ ߞߕߌߘߊ ߘߊߞߘߐߟߊ ߘߐ߫߸ ߊ߬ ߣߌ߫ ߛߊ߬ߓߊ߰ߕߐ ߟߊ߫ ߞߐߙߍ ߘߏ߲߬ߞߏ ߟߎ߬߸ ߏ߬ ߟߋ ߞߏ ߣߌ߲߬ ߞߕߌ ߟߊ ߘߌ߫ ߕߋߟߋ߲ ߠߊ߫߸ ߡߍ߲ ߕߍ߱ ߞߎ߲ߝߊ߲ ߦߋ߫ ߓߍ߯ ߟߊ߫ ߕߋ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.