ߘߌ߲ߜ߭ߌߙߊߦߌ߫ ߞߣߐ߫߸ ߜߋ߬ߟߎ߲߬ߠߌ߲߬ ߦߙߍߞߍߟߌ ߟߋ߬ ߛߌ߰ߣߍ߲߫ ߛߋ߲߬ߠߊ߫ ߞߍ߲ߘߍߟߏ߲ ߛߎ ߘߐ߫ ߂߀߂߆ ߞߏ߲ߞߏߜߍ ߕߟߋ߬ ߁߄ ߡߊ߬߸ ߞߵߊ߬ ߓߍ߲߬ ߛߍ߲߫ ߝ߭ߊߟߊ߲ߕߍ߲߫ ߢߊ߯ߢߊ߮ ߡߊ߬، ߏ߬ ߛߋ߲߭ߝߍ߬߸ ߕߍ߮ ߞߍ߫ ߘߊ߫ ߘߋ߲ߡߌߛߍ߲ߣߍ߲߫ ߓߌߟߏ߯ߟߎ߫ ߢߐ߲߰ ߠߋ߬ ߘߐ߫ ߛߏ ߢߊ߰ߢߊ߰ ߦߙߐ ߛߌߦߊߡߊ߲߫ ߘߐ߫.
ߟߌ߬ߤߟߊ ߡߍ߲ ߠߊߖߍ߲ߛߍ߲߫ ߘߴߊ߲ ߓߊ߯ߙߊߢߐ߲߯ ߌߓߙߊߤߌߡߊ߬ ߖߊ߬ߞߌ߬ߕߋ߬ ߓߟߏ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߟߊ߬ߞߊ߲߬ߘߊ߬ߟߌ߬ߟߊ ߟߎ߬ ߞߊ߬ ߡߊ߬ߕߊ߰ߡߊ߬ߟߌ߫ ߟߋ߬ ߛߌ߰ ߛߋ߲߬ߠߊ߫ ߕߏߟߏ߲߫ ߦߙߐ ߟߎ߬ ߘߐ߫߸ ߘߋ߲ߡߌߛߍ߲ ߠߎ߬ ߦߋ߫ ߥߊ߫ ߟߊ߫ ߦߙߐ ߡߍ߲ ߠߎ߬ ߘߐ߫ ߞߊ߬ ߛߌߦߊߦߊ߫، ߕߍ߮ ߞߍ߫ ߘߊ߫ ߡߍ߲ ߠߎ߬ ߘߐ߫߸ ߊ߬ߟߎ߬ ߓߍ߯ ߦߋ߫ ߛߊ߲߬ ߁߂ ߣߌ߫ ߁߈ ߕߍߟߊ ߟߋ߬ ߘߐ߫.
ߞߊ߯ߙߌ ߣߌ߲߬ ߛߐ߱ߡߊ߬߸ ߘߋ߲ߡߌߛߍ߲߫ ߡߌ߬ߣߊ߬ߣߍ߲ ߢߌ߲߬ ߠߎ߬ ߟߊ߫ ߡߐ߱ ߟߎ߬ ߞߟߌ߫ ߘߊ߫߸ ߞߵߊ߬ߟߎ߬ ߘߊߘߐߢߌ߬ߣߌ߲߬ߞߊ߬، ߝߊ߰ߡߊ ߟߎ߫ ߞߊ߬ ߘߋ߲ߓߊߕߌ߮ ߟߎ߬ ߖߊ߲߭ߓߌ߬ߟߊ߫߸ ߊ߬ߟߎ߬ ߟߊ߫ ߞߍߕߊ ߟߎ߬ ߘߐ߫߸ ߊ߬ ߣߴߊ߬ߟߎ߬ ߟߊ߫ ߛߋ߲ߛߋߘߋ߲ ߠߎ߬ ߘߐ߫߸ ߣߴߏ߬ ߦߋ߫ ߖߊ߲߬ߕߏ߬ ߞߍ ߘߌ߫ ߘߋ߲ߣߍ߲ ߠߎ߬ ߘߐ߫ ߞߵߊ߬ߟߎ߬ ߟߊߕߊ߲߬ߞߊ߬߸ ߊ߬ ߕߌ߯ߕߌ߯ ߛߎߘߐߟߊ ߟߎ߬ ߘߐ߫ ߛߐ߲߬.
ߦߙߍߞߍߟߌ ߣߌ߲߬ ߘߏ߲߬ ߡߊ߫ ߞߍ߫ ߦߋ߲߬ ߕߋ߲߬ ߜߊ߲ߛߊ߲߫ ߘߋ߬، ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲߫ ߕߎ߲߬ ߓߘߊ߫ ߛߌ߰ ߛߋ߲߬ߠߊ߬ ߘߌ߲ߜ߭ߌߙߊߦߌ߫ ߞߣߐ߫ ߞߘߐ߬ߡߊ߲߬߸ ߡߍ߲ ߞߍ߫ ߘߊ߫ ߦߋ߲߬ ߖߏߓߊ߮ ߓߟߏ߫߸ ߊ߲ߘߙߋ ߝߊ߬ߙߊ߫ ߝߏ߲߬ߓߊ߫ ߕߎ߲߬ߞߌ߬ߦߊ߬ߣߏ߬߸ ߝߏ߫ ߞߎߡߊ߫ ߞߍ߫ ߘߴߊ߬ ߞߊ߲߬ ߞߎߡߊߛߏ ߟߎ߬ ߟߊ߫߸ ߞߊ߬ ߘߋ߲ߓߊߕߌ߮ ߟߎ߬ ߞߟߌ߫ ߘߋ߲ ߠߎ߬ ߘߐߡߌ߬ߣߊ ߡߊ߬، ߊ߬ ߦߌ߬ߘߊ߬ ߘߊ߫ ߕߏߟߏ߲߫ ߦߙߐ߫ ߕߌ߮ ߟߎ߬ ߝߣߊ߫ ߟߊ߫߸ ߞߏ߫ ߊ߬ߟߎ߬ ߞߊߣߊ߬ ߛߐ߲߬ ߘߋ߲ߣߍ߲߫ ߦߋ߫ ߘߏ߲߬ ߊ߬ߟߎ߬ ߟߊ߫ ߘߐ߲߬ ߦߙߐ ߟߎ߬ ߘߐ߫، ߡߙߌߦߊ ߏ߬ ߕߊ߬ ߛߊ߲߸ ߊ߬ ߡߊߓߏ߲߬ߧߊ߬ ߘߊ߫ ߟߋ߬ ߝߋߝߋ߫߸ ߓߊ߬ߙߌ߬ ߞߐ ߢߌ߲߬ ߠߊ߫߸ ߘߐ߰ߓߐ߫ ߕߎ߲߬ ߓߘߊ߫ ߞߍ߫ ߊ߬ ߟߊ߫.
ߒ߬ߓߊ߬߸ ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߞߎߣߎ߲߬ ߞߍ߲ߘߍߟߏ߲ ߡߌ߬ߣߊ߬ߟߌ ߡߍ߲ ߞߍߣߍ߲߫ ߣߌ߲߬߸ ߏ߬ ߞߍ߫ ߘߊ߫ ߞߕߌ ߝߊ߰ߡߊ ߟߎ߬ ߟߊ߫ ߖߊ߬ߡߊߙߌ ߟߋ߬ ߞߣߐߡߊ߬߸ ߞߏ߫ ߝߏ߫ ߞߊ߬ ߘߋ߲ߣߍ߲ ߠߎ߬ ߟߊ߫ ߛߎ߫ ߘߐ߫ ߕߏߟߏ߲߫ ߦߙߐ߫ ߟߊ߫ ߕߊ߮ ߏ߬ ߟߋ ߟߊߕߐ߲߫ ߜߘߋߜߘߋ߫߸ ߞߵߊ߬ ߛߊ߬ߙߌ߬ߦߊ ߝߣߊ߫ ߡߊߓߏ߲߬ߧߊ߬، ߊ߬ ߓߘߊ߫ ߦߌ߬ߘߊ߬ ߞߏ߫ ߘߋ߲ߣߍ߲ ߡߍ߲ ߠߎ߬ ߓߊ߯ ߡߌ߬ߣߊ߬߸ ߘߋ߲ߓߊߕߌ߮ ߟߎ߫ ߕߊ߬ߣߍ߲ ߞߵߊ߬ ߟߊ߫ ߘߐ߲߬ ߦߙߐ߬ ߕߌ߮ ߞߊ߲߬߸ ߏ߬ ߟߎ߬ ߝߣߊ߫ ߘߌ߫ ߞߟߌ߫ ߞߵߊ߬ߟߎ߬ ߟߊ߫ ߞߍߕߊ ߦߌ߬ߘߴߊ߬ߟߎ߬ ߟߊ߫.
ߊ߬ ߞߏ ߞߏ߬ߣߌ߲ ߦߋ߫ ߛߊ߬ߙߌ߬ߦߊ߬ ߕߊ߫ ߓߟߏ߫ ߡߊ߬ ߡߎߣߎ߲߬߸ ߊ߬ ߡߊ߫ ߟߐ߲߫ ߝߟߐ߫ ߡߙߌߘߐ ߡߍ߲ ߘߌ߫ ߕߊ߬ ߟߏ߲߫ ߣߴߊ߬ ߣߊ߬ߕߐ ߟߎ߬ ߘߐ߫.
ߊ߲ ߢߊ ߦߴߊ߬ ߝߍ߬ ߞߵߊ߬ ߛߍ߲߬ߛߍ߲߬ ߖߋߞߎߖߋߞߎ߫.
Aucun commentaire pour le moment.