ߘߊ߬ߡߊ߲߬ߓߋ ߟߋ߬ ߞߍߣߍ߲߫ ߞߍ߲ߘߍߟߏ߲ ߛߐ߱ߡߊ߬߸ ߂߀߂߆ ߞߏ߲ߞߏߜߍ ߕߟߋ߬ ߁߄ ߡߊ߬߸ ߡߍ߲ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߟߎߕߌ߮ ߘߏ߫ ߓߐ߬ߣߐ߫ ߊ߬ ߣߌ ߘߐ߫ ߛߍ߬ߞߍ߫ ߕߐ߲߬ߓߐ߬ߞߐ߫ ߣߐ߬ߘߎ߮ ߘߐ߫߸ ߦߋ߲߬ ߡߍ߲ ߦߋ߫ ߘߞߏ߫ ߡߙߊ߬ߘߊ߬ߙߋ߲ ߘߐ߫߸ ߛߌ߯ߙߌ߲߫ ߡߙߊ߬ߓߊ߰ߘߊ ߞߣߐ߫، ߞߏߕߐ ߣߌ߲߬ ߕߐ߯ ߟߋ߬ ߞߏ߫ ߝߊ߬ߡߏߙߌ߫ ߞߐ߲ߘߍ߫߸ ߊ߬ ߛߌ߬ߞߛߊߓߌ ߦߋ߫ ߛߊ߲߬ ߅߆ ߢߐ߲߰ ߠߋ߬ ߘߐ߫߸ ߊ߬ ߞߊ߬ ߡߏ߬ߛߏ߫ ߝߌ߬ߟߊ߫ ߟߋ߬ ߕߏ߫ ߊ߬ ߞߐ߫߸ ߊ߬ ߣߌ߫ ߘߋ߲߫ ߛߌߦߊߡߊ߲߫.
ߛߏ߫ ߞߣߐ߫ ߡߐ߯ ߛߌߦߊߡߊ߲߫ ߠߊ߫ ߟߊ߬ߛߙߋ߬ߦߊ߬ߟߌ߬ ߞߊ߲߫ ߘߐ߫߸ ߞߏ߫ ߘߊ߬ߡߊ߲߬ߓߋ ߣߌ߲߬ ߞߍ߫ ߘߊ߫ ߛߏ߫ ߘߊ ߟߊ߫ ߟߋ߬ ߌߞߘߐ߫߸ ߘߊ߬ߡߊ߲߬ ߞߎ߬ߘߎ߲߬ߣߍ߲ ߡߍ߲ ߠߎ߬ ߦߋ߫ ߛߌ߰ ߟߊ߫ ߛߏ߫ ߞߐߞߊ߲߬ ߏ߬ ߘߌ߫ ߞߊ߬ߣߌ߲߬، ߘߏ߫ ߞߵߊ߬ ߦߌ߬ߘߊ߬ ߞߏ߫ <<ߘߊ߬ߡߊ߲ ߓߋ߬ ߘߴߊ߬ ߞߊ߲߬ ߛߐ߰ߡߘߊ߬ ߖߏߣߊ ߟߋ߬ ߟߊ߫.>>
ߗߍ߭ ߣߌ߲߬ ߦߋ߫ ߓߐ߫ ߟߊ߫ ߞߏ߲߬ߛߏ߲߫ ߠߋ߬߸ ߏ߬ ߦߋ߫ ߜߙߋߘߎ߯ ߞߌ߬ߢߍ߬ߙߐ߫ ߡߙߊ߬ߘߊ߬ߙߋ߲ ߠߋ߬ ߘߐ߫ (ߞߙߎ߬ߛߊ߫ ߡߙߊ߬ߓߊ߰ߘߊ ߘߐ߫)، ߝߊ߬ߡߏ߬ߙߌ߬ ߞߐ߲ߘߍ߫ ߓߘߊ߫ ߦߟߍ߬ߘߐ߬ߞߍ߫ ߛߓߊ߬ ߞߍ߫ ߛߌ߱ ߘߐ߫ ߕߐ߲߬ߓߞߐ߬، ߛߏ߫ ߞߣߐ߫ ߡߐ߯ ߛߌߦߊߡߊ߲߫ ߠߊ߫ ߟߞߊ߬ߟߌ߬ ߞߊ߲߫ ߘߐ߫߸ ߊ߬ ߘߌ߫ ߛߊ߲߬ ߃߀ ߤߊ߲߯ ߄߀ ߢߐ߲߰ ߓߐ߫ ߛߌ߱ ߘߐ߫ ߦߋ߲߬߸ ߡߍ߲ ߣߌ߫ ߛߏ߫ ߞߣߐ߫ ߡߐ߮ ߟߎ߬ ߓߘߊ߫ ߘߏ߲߬ ߢߐ߲߮ ߘߐ߫ ߝߋߝߋ߫.
ߊ߬ ߟߊ߫ ߡߐ߱ ߟߎ߬ ߟߊ߫ ߟߊ߬ߛߙߋ߬ߦߊ߬ߟߌ ߟߎ߬ ߘߐ߫߸ ߊ߬ ߕߎ߲߬ ߓߘߊ߫ ߘߊ߬ߡߊ߲߬ߛߋ߲ ߓߟߏߞߊ߬ ߣߍ߲ߞߍ߫، ߝߏ߫ ߞߐ ߢߌ߲߬ ߠߋ߬ ߟߊ߫߸ ߊ߬ ߞߵߊ߬ ߡߊߘߏ߲߬ ߘߊ߬ߡߊ߲ ߠߊ߫߸ ߛߴߊ߬ ߘߴߊ߬ ߟߊ߫ ߛߎ߲ߞߊߙߏ߫ ߟߊ߫ ߖߐ߯ߣߍ ߟߎ߫ ߛߐ߬ߘߐ߲߬ ߢߊ ߡߍ߲ ߡߊ߬߸ ߏ߬ ߟߋ ߟߊߓߊ߲ߣߍ߲߫ ߛߊ߬ߦߊ ߡߊ߬ ߣߌ߲߬ ߛߊ߫، ߊ߬ ߟߊ߫ ߡߐ߱ ߘߏ߫ ߞߵߊ߬ ߦߌ߬ߘߊ߬ ߞߏ߫ <<ߊ߬ ߕߎ߲߬ ߦߴߊ߬ ߝߍ߬ ߞߵߊ߬ ߟߊ߫ ߛߎ߲ߞߊߙߏ ߡߎ߬ߛߊ߬ߞߊ ߟߎ߫ ߟߋ߬ ߢߌߣߌ߲߫߸ ߞߵߊ߬ ߟߊ߫ ߘߋ߲ߓߦߊ ߟߊ߫ ߞߏ ߘߏ߫ ߟߎ߫ ߟߊߣߐ߰ߦߊ߬.>>
ߡߊ߬ߛߎߓߊ ߣߌ߲߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߊ߬ ߟߊ߫ ߛߊ߬ߦߊ ߞߎߡߊ ߛߌߦߊߦߊ߫ ߘߴߊ߬ ߛߎ߬ߘߏ߲߬ ߦߙߐ߬ ߞߏ ߘߐ߫، ߓߊߏ߬߸ ߕߐ߲߬ߓߐ߬ߞߐ߫ ߡߐ߰ߓߊ ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߵߊ߬ ߛߎ߭ߘߏ߲߬ ߊ߬ߟߎ߬ ߟߊ߫ ߓߘߊ ߦߋ߲߬߸ ߞߵߏ߬ ߞߎ߲߭ ߞߍ߫߸ ߊ߬ ߓߘߊ߫ ߡߍ߲߫ ߛߌ߱ ߘߐ߫ ߦߋ߲߬، ߓߊ߬ߙߌ߬߸ ߊ߬ ߟߊ߫ ߡߐ߱ ߡߍ߲ ߠߎ߬ ߦߋ߫ ߛߎ߬ߕߌ߮ ߟߎ߬ ߘߌ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߊ߬ ߥߴߊ߬ ߝߎ߬ߙߋ ߘߌ߫ ߊ߬ ߝߊ߬ߛߏ ߟߊ߫ ߞߏ߲߬ߛߏ߲߬.
ߊ߬ ߞߎߡߊ ߥߙߊ߬ ߘߊ߫ ߞߏߛߓߍ߫، ߓߊߏ߬߸ ߊ߬ ߝߊ߬ ߛߊ߬ ߘߊ߫ ߦߋ߲߬ ߂߀߁߀ ߠߋ߬ ߟߊ߫߸ ߏ߬ ߛߎ߭ ߘߏ߲߬ ߘߊ߫ ߦߋ߲߬ ߠߋ߬߸ ߊ߬ ߣߊ߫ ߝߣߊ߫ ߛߊ߬ ߘߊ߫ ߦߋ߲߬߸ ߞߵߏ߬ ߛߎ߭ߘߏ߲߬ ߦߋ߲߬، ߓߊ߬ߙߌ߬ ߛߌ߰ߞߊ߬ߝߐ ߟߎ߬ ߞߐ ߘߐ߫߸ ߕߐ߲߬ߓߐ߬ߞߐ߫ ߛߏߕߌ߮ ߞߊ߬ ߞߎߡߊ ߓߊ߲ߝߟߍ߬ߟߍ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߞߊ߬ ߝߎ߬ߙߋ ߘߴߊ߬ ߕߌ߱ ߟߎ߫ ߡߊ߬، ߏ߬ ߟߋ ߞߵߊ߬ ߞߍ߫߸ ߞߎߣߎ߲߬ ߞߍ߲ߘߍߟߏ߲ ߡߎ߰ߡߍ ߘߐ߫߸ ߝߎ߬ߙߋ ߥߟߌ߬ ߘߊ߫ ߞߵߊ߬ ߞߎ߲߬ߛߌ߲߫ ߞߏ߲߬ߛߏ߲߬ ߛߏ߫ ߞߣߐߟߊ ߟߊ߫.
ߣߌ߲߬ ߝߣߊ߫ ߓߘߊ߫ ߕߊ߬ߡߌ߲߬ ߘߊ߬ߡߊ߲ ߡߊ߬ߛߎߓߊ ߟߊ߲ߞߣߍߡߊ߫ ߟߊ߫، ߊ߬ߝߐ߫ ߘߊ߬ߡߊ߲߬ߘߊ ߟߎ߫ ߟߊ߬ߞߊ߲߬ߘߊ߬ߟߌ ߦߋ߫ ߕߋ߲߬ ߓߊ߬؟ ߗߍ߭ ߣߌ߲߬ ߞߏ߬ߣߌ߲ ߕߏߣߍ߲߫ ߘߊ߬ߡߊ߲߬ ߞߎ߬ߘߎ߲߬ߣߍ߲ ߠߋ߬ ߞߣߐ߫߸ ߦߏ߫ ߕߙߍ߬ߛߍ߬ ߘߊߡߊ߲߫، ߓߊ߬ߙߌ߬ ߞߐߡߎ߮ ߦߋ߫ ߞߍ߫ ߟߴߊ߬ߟߋ ߟߊ߫، ߛߊ߬ߦߊ ߞߏ߬ߣߌ߲ ߓߘߊ߫ ߛߌߦߊߦߊ߫ ߘߊ߬ߡߊ߲߬ߘߊ ߟߎ߬ ߟߊ߫߸ ߊ߬ ߢߊߢߌߣߌ߲߫ ߕߎߡߊ ߓߘߊ߫ ߛߋ߫ ߞߵߊ߬ ߟߐ߲߫ ߝߙߋߞߋ ߓߊߖߎ ߦߋ߫ ߡߍ߲ ߘߌ߫.
ߡߊ߬ߡߊ߬ߘߌ߬ ߛߋߞߎ߬ ߞߐ߲ߘߍ߫ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߘߏ߫ ߘߞߏ߫ ߡߙߊ ߘߐ߫.
Aucun commentaire pour le moment.