ߞߊ߲ߞߊ߲߫ ߞߕߌ߫ ߡߛߊߦߌ߲ߘߊ ߝߘߏ߬ߓߊ߬ ߞߕߌߓߋߟߋ߲ ߓߘߊ߫ ߘߐ߬ߛߏ߰ߙߋ߬ߟߌ߬ ߞߏ ߘߏ߫ ߝߐ߫߸ ߞߵߊ߬ ߓߍ߲߬ ߡߐ߰ ߛߊ߬ߓߊ߫ ߖߊ߬ߛߏ߲߬ ߞߏ ߡߊ߬ ߘߌ߲ߜ߭ߌߙߊߦߌ߫ ߛߏ ߞߣߐ߫߸ ߊ߬ ߣߐ߬ ߥߊߟߌߢߊ ߏ߬ ߡߍ߲ ߖߊ߬ߕߋ߬ ߟߊ߫ <<ߞߏߖߎ߯ߓߊ>> ߘߌ߫߸ ߞߕߌ ߞߏߟߊߕߍ߮ ߟߎ߬ ߟߊ߫ ߦߋߟߌ߫ ߘߐ߫.
ߟߊ߬ߛߋ߬ߟߌ ߣߌ߲߬ ߞߍ߫ ߘߊ߫ ߂߀߂߆ ߕߙߊߓߊ ߕߟߋ߬ ߅ ߢߌ߲߬ ߠߋ߬ ߡߊ߬߸ ߝߘߏ߬ߓߊ߬ ߞߕߌߞߊ߲ߘߊ߫ ߡߊߙߑߥߊߣ ߓߊߟߑߘߋ߬ ߓߟߏ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߕߐ߰ߡߊ߬ߛߙߋ߬ߟߌ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߡߐ߰ ߟߐ߲ߓߊߟߌ ߟߎ߫ ߣߐ߬ ߡߐ߰ ߛߊ߬ߓߊ ߡߍ߲ ߖߊ߬ߛߏ߲߬ ߠߊ߫ ߞߊ߬ ߥߴߊ߬ߟߎ߬ ߘߌ߫߸ ߊ߬ ߞߍߣߍ߲߫ ߦߏ߫ ߖߌ߬ߣߍ߬ ߞߏߕߌ߯ ߞߘߐ ߘߏ߫ ߟߊ߫ ߡߐ߰ ߟߋ߬ ߊ߬ߟߎ߬ ߘߌ߫، ߊ߬ߟߎ߫ ߖߊ߬ߛߏ߲߬ ߘߴߊ߬ߟߎ߬ ߟߊ߫ ߟߎ ߟߋ߬ ߞߣߐ߫߸ ߡߐ߰ ߟߎ߬ ߓߟߏ߫߸ ߡߍ߲ ߠߎ߬ ߢߊ ߡߊߛߘߌ߬ߣߍ߲߫ ߕߘߍ߬߸ ߊ߬ ߣߌ߫ ߡߙߊ߬ߒ߬ߡߊ߬ߝߋ߲ ߝߣߊ߫ ߕߍ߬ߘߍ߫ ߊ߬ ߟߎ߬ ߓߟߏ߫، ߊ߬ߟߎ߫ ߣߊ߬ ߘߊ߫ ߘߎ߰ߞߎߟߎ߲߫ ߛߊ߬ߓߊ߫ ߟߋ߬ ߞߣߐ߫߸ ߡߍ߲ ߠߎ߬ ߞߐ߬ߟߐ ߦߋ߫ ߝߌ߲߬ߡߊ߲ ߘߌ߫.
ߝߘߏ߬ߓߊ߬ ߞߕߌߓߋߟߋ߲ ߠߊ߫ ߝߐߟߌ߫ ߘߐ߫߸ ߊ߬ ߞߍߓߊ߮ ߟߎ߬ ߡߊ߫ ߛߋ߫ ߞߟߊ߬ߟߐ߲߫ ߠߊ߫ ߡߎߣߎ߲߬߸ ߞߎߡߊߕߍ߫ ߞߵߊ߬ߟߎ߬ ߡߊߟߐ߲߫.
ߊ߬ߟߎ߫ ߣߐ߬ ߓߊ߯ߙߊ߫ ߖߎ߮ ߡߍ߲ ߞߍ߫ ߟߊ߫ ߣߌ߲߬߸ ߛߊ߬ߙߌ߬ߦߊ߬ ߦߴߏ߬ ߖߊ߬ߕߋ߬ ߟߊ߫ ߕߌߢߍߟߌ߫ ߟߋ߬ ߘߌ߫߸ ߡߍ߲ ߡߌ߬ߣߊ߬ ߝߊ߲ ߞߊ߫ ߛߌߦߊ߫ ߞߏߛߓߍ߫، ߓߊߏ߬߸ ߊ߬ߟߎ߫ ߣߐ߬ ߡߐ߰ ߟߋ߬ ߡߌ߬ߣߊ߬ ߟߊ߫ ߞߵߊ߬ ߟߊߡߙߊ߬߸ ߊ߬ߟߎ߬ ߘߌ߫ ߣߐ߬ߝߍ߬ߜߍ߲߫: ߖߊ߬ߛߏ߲߬ߠߌ߲ ߞߏ ߘߐ߫߸ ߊ߬ ߣߌ߫ ߡߐ߰ ߟߊ߬ߡߙߊ ߘߐ߫߸ ߞߵߏ߬ ߟߊ߫ ߡߐ߰ ߞߏ߬ߙߏ߲߬ ߘߍ ߣߌ߫ ߡߙߊ߬ߒ߬ߡߊ߬ߝߋ߲߬ ߠߊ߬ߡߙߊ ߞߊ߲߬ ߛߊ߬ߙߌ߬ߦߊ߬ ߞߊ߲ߞߕߐߡߊ߬߸ ߏ߬ ߟߎ߫ ߘߏ߲߬ ߦߋ߫ ߞߏ߫ ߟߎ߫ ߟߋ߬ ߘߌ߫߸ ߡߍ߲ ߠߎ߬ ߟߊߕߐ߲ߣߍ߲߫ ߖߌ߬ߣߍ߬ ߞߊ߲ߓߍ߲ ߞߏߟߊߕߐ߲ ߛߊ߬ߙߌ߬ߦߊ߬ߛߎ߲ ߞߣߐ߫߸ ߊ߬ ߕߐ߲ߛߋ߲ ߃߀߃ ߣߌ߫ ߇߈߄ ߣߌ߫ ߈߄߈ ߞߣߐ߫.
ߟߊ߬ߛߋ߬ߟߌ ߣߌ߲߬ ߘߐ߫߸ ߊ߬ ߦߌ߬ߘߊ߬ ߘߊ߫ ߞߏ߫: <<ߞߏ߫ ߛߎ߮ ߣߌ߲߬ ߦߋ߫ ߊߘߡߊߘߋ߲ ߠߊ߫ ߞߊ߲ߠߊߓߌߟߊ ߘߐߞߛߐ߫ ߞߏߓߊ߫ ߟߋ߬ ߘߌ߫߸ ߏ߬ ߡߍ߲ ߦߋ߫ ߞߏ߫ ߡߊߜߟߍ߬ߦߊ߬ߣߍ߲߬ ߘߌ߫ ߛߌ߰ߞߊ߲ ߞߣߐ߫ ߞߊ߬ߣߌ߲߬.>>
ߏ߬ ߟߋ ߘߐ߫߸ ߝߘߏ߬ߓߊ߬ ߞߕߌߞߊ߲ߘߊ ߟߊ߫ ߖߊ߬ߡߊߙߌ ߞߣߐߡߊ߬߸ ߊ߬ ߓߘߊ߫ ߝߙߊߣߊ߫ ߞߕߌߘߊ ߦߌߟߡߊ߫ ߝߟߐ ߣߌ߫ ߘߌ߲ߜ߭ߌߙߊߦߌ߫ ߖߏߣߡߊ߫ ߞߕߌߘߊߟߋ߲ ߣߌ߫ ߘߊߓߏߟߊ߫ ߖߏߣߡߊ߫ ߞߕߌߘߊߟߋ߲ ߠߎ߬ ߖߡߊ߬ߙߌ߬ ߒߞߘߐ߫߸ ߞߏ߫ ߊ߬ߟߎ߬ ߦߋ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫ ߌߞߘߐߞߘߐߣߌ߲߬߸ ߞߊ߬ ߞߕߌ ߘߐ߬ߛߏ߰ߙߋ߬ߟߌ߬ ߘߐߘߎ߲߬ߧߊ߬ߣߍ߲ ߓߌ߬ߟߊ߫ ߌߞߛ ߞߐ߫.
ߞߕߌ ߞߏߟߊߕߍ߮ ߢߌ߲߬ ߠߎ߫ ߞߵߊ߬ ߢߌߣߌ߲߫ ߘߌ߲߬ߞߌߙߊ ߏ߬ ߟߎ߬ ߞߕߌߘߊ ߟߎ߫ ߝߍ߬߸ ߞߏ߫ ߊ߬ߟߎ߬ ߦߴߊ߬߬ ߞߏ ߢߊߢߌߣߌ߲߫ ߢߊ ߓߍ߯ ߘߏ߫ ߡߊ߬߸ ߞߵߊ߬ ߞߍߓߊ߮ ߟߎ߬ ߟߐ߲߫߸ ߞߵߊ߬ߟߎ߫ ߡߌ߬ߣߊ߬߸ ߡߐ߰ ߛߌ߫ ߛߋ߲߬ ߦߴߊ߬ ߘߐ߫߸ ߞߵߊ߬ ߓߍ߯ ߡߌ߬ߣߊ߬، ߞߊ߬ ߓߊ߲߫ ߝߣߊ߫߸ ߊ߬ߟߎ߬ ߦߋ߫ ߢߊ߫ ߖߐ߲ߖߐ߲߫ ߢߌߣߌ߲߫߸ ߞߊ߬ ߡߌ߬ߣߊ߬ߓߊ߰ߕߐ ߟߎ߬ ߦߙߐ߫ ߟߐ߲߫ ߞߊߟߌߦߊ߫ ߘߐ߫ ߌߞߘߐ߫߸ ߞߵߊ߬ߟߎ߫ ߓߌ߬ߟߊ߫ ߟߊ߬ߞߊ߲߬ߘߊ߬ߟߌ ߞߣߐ߫.
ߊ߬ߟߋ߬ ߟߊ߬ߛߋ߬ߟߌ߬ ߞߋߟߋ߲ ߣߌ߲߬ ߘߐ߫߸ ߝߘߏ߬ߓߊ߬ ߞߕߌߓߋߟߋ߲ ߞߵߊ߬ ߦߌ߬ߘߊ߬߸ ߞߏ߫ ߞߏߖߎ߯ߓߊ߫ ߛߎ߮ ߣߌ߲߬ ߡߊ߲߫ ߘߴߊ߬ ߦߋ߫ ߝߋߎ߫، ߏ߬ ߟߋ ߘߐ߫߸ ߊ߬ ߞߊ߬ ߡߐ߱ ߟߎ߬ ߦߟߌߓߌ߬ߟߊ߬ ߞߏ߫: <<ߡߐ߰ ߛߌ߫ ߕߍ߫ ߛߊ߬ߙߌ߬ߦߊ߬ ߛߊ߲ߘߐ߫>>߸ ߊ߬ ߣߌ߫ ߡߐ߰ ߛߌ߫ ߕߐ߮ ߡߍ߲ ߘߴߊ߬ ߞߏ߫ ߛߎ߮ ߘߐ߫߸ ߛߊ߬ߙߌ߬ߦߊ߫ ߞߊ߬ ߡߍ߲ ߝߐ߫ ߊ߬ ߟߊߕߐ߲߫ ߢߊ ߞߊ߲߬߸ ߏ߬ ߟߋ ߟߊߕߊ߯ߡߊߕߐ߫.
ߝߘߏ߬ߓߊ߬ ߞߕߌߞߊ߲ߘߊ ߞߵߊ߬ ߞߊ߲ߠߊߘߌ߫ ߘߌ߲ߜ߭ߌߙߊߦߌߞߊ ߟߎ߫ ߡߊ߬߸ ߞߏ߫ ߊ߬ߟߎ߬ ߦߴߊ߬ߟߎ߬ ߡߝߊ߫ ߞߵߊ߬ߟߎ߬ ߤߊ߲ߞߟߌߛߌ߰߸ ߊ߬ ߣߌ߫ ߞߏ߫ ߊ߬ߟߎ߬ ߦߴߊ߬ߟߎ߬ ߞߊߘߊ߲߫ ߞߊ߬ ߢߊߢߌߣߌ߲ߠߌ߲ߠߊ ߟߎ߬ ߟߊ߫ ߓߊ߯ߙߊ ߟߊߣߐ߰ߦߴߊ߬ߟߎ߬ ߓߟߏ߫߸ ߖߐ߲߰ߛߊ߫ ߕߎ߬ߢߊ ߘߌ߫ ߟߊ߲ߞߣߍߡߊ߫ ߢߊ ߡߍ߲ ߡߊ߬.
ߡߊߙߑߥߊߣ ߓߊߟߑߘߋ߬ ߞߊ߬ ߞߊ߬ ߕߡߊ߬ߖߌ ߓߐ߫ ߓߍ߯ ߘߐ߫߸ ߞߏ߫ <<ߣߌ߲߬ ߞߏߢߊ ߓߍ߯ ߘߌ߫ ߓߌ߬ߟߊ߫ ߕߋ߬ߟߋ ߟߊ߫߸ ߞߊ߬ ߞߏ߫ ߟߴߊ߬ ߛߌߞߊߒߡߊߓߊ߯ߕߐ ߟߎ߫ ߞߊ߲߬߸ ߦߏ߫ ߛߊ߬ߙߌ߬ߦߊ߫ ߞߊ߬ ߡߍ߲ ߝߐ߫.>>
ߟߏ߲ߞߊߛߌߦߊ߫ ߞߡߊ߬ߙߊ߬߸ ߛߌߕߊ߲߬ ߞߊ߬ߓߊ߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.