ߞߎߣߎ߲ߟߏ߲ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂߈ ߡߊ߬߸ ߝߊ߬ߙߊ߲߬ߛߌ߫ ߥߛߊ߬ߘߋ߲ ߠߎ߬ ߞߊ߬ ߛߊ߬ߙߌ߬ߦߊ߬ ߞߘߐ ߘߏ߫ ߘߐߢߌߡߌ߲߫߸ ߞߊ߬ ߛߎߥߊ߲ߘߟߌ ߞߍ߫ ߞߏ߫ ߊ߬ߟߎ߬ ߓߘߊ߫ ߝߘߎ ߘߐ߫ ߞߍߕߊ ߘߏ߫ ߓߐ߫ ߘߌߦߊߜߏߦߊ ߞߊ߬ߘߊ߲ ߞߣߐ߫، ߞߊ߬ߕߎ߲߯߸ ߊ߬ߟߎ߫ ߞߵߊ߬ߟߎ߫ ߖߊ߬ ߡߎ߲߬ ߞߊ߲߬߸ ߞߏ߫ ߞߊ߲ ߡߍ߲ ߠߎ߬ ߝߐߣߍ߲߫ ߘߌߦߊߜߏߦߊ ߘߌ߫ ߝߘߎ ߘߐ߫ ߊ߬ߟߎ߬ ߟߊ߫ ߘߎ߰ߘߋ߲߬ߧߊ ߛߊ߬ߙߌ߬ߦߊ߬ߛߎ߲ ߞߣߐ߫߸ ߞߊ߬ߝߏ߬ߢߐ߲߰ߦߊ ߕߍ߫ ߘߌߦߊߜߏߦߊ߫ ߘߌ߫ ߦߋ߲߬، ߒ߬ߓߊ߬߸ ߥߛߊ߬ߘߋ߲ ߡߎ߰ߡߍ ߝߣߊ߫ ߓߍ߲߬ߣߴߊ߬ ߡߊ߬ ߏ߬ ߟߋ ߘߐ߫߸ ߞߏ߫ ߞߊ߬ߝߏ߬ߢߐ߲߰ߦߊ ߕߍ߫ ߘߌߦߊߜߏߦߊ߫߸ ߞߵߏ߬ ߞߍ߫ ߊ߬ ߕߊ߫ ߛߊ߬ߙߌ߬ߦߊ߬ ߘߌ߫ ߡߎ߬ߕߎ߲߬ ߛߊ߫، ߊ߬ ߟߊߕߐ߫ ߞߊ߲߬ߜߍ߬ߘߊ ߟߋ߬ ߞߘߐ߫߸ ߏ߬ ߟߎ߬ ߦߴߊ߬ߟߎ߬ ߢߊ ߡߊߖߌ߰ ߊ߬ ߞߏ ߞߘߐ߫.

Vue de l'Assemblée nationale française avec des députés en session, présentations sur écran, et un décor historique.

ߝߊ߬ߙߊ߲߬ߛߌ߫ ߥߛߊ߬ߘߋ߲߫ ߁߀߆ ߓߍ߯ ߟߋ߬ ߓߍ߲߬ߣߍ߲߫ ߣߌ߲߬ ߡߊ߬߸ ߊ߬ ߝߋ߲߫ ߡߊ߫ ߛߐ߬ߘߐ߲߬ ߡߍ߲ ߞߵߊ߬ ߛߐ߬ߛߐ߬، ߛߊ߬ߙߌ߬ߦߊ ߣߌ߲߬ ߣߕߊ߬ߘߐߛߌ߰ ߘߊ߫ ߡߊ߬ߙߌ ߛ߭ߊߙߑߟߐߕ ߜ߭ߊߙߍ߲߫ ߣߌ߫ ߔߏߟ ߞߙߌߛߑߕߐߝ ߟߋ߬ ߓߟߏ߫߸ ߞߵߊ߬ ߦߌ߬ߘߊ߬ ߞߏ߫ ߛߊ߬ߙߌ߬ߦߊ ߡߍ߲ ߝߐߣߍ߲߫ ߣߊ߲߬ߒ߬ߕߊ߲߬ߧߊ ߛߊ߬ߙߌ߬ߦߊ߬ߛߎ߲ ߞߣߐ߫߸ ߣߴߊ߬ߟߎ߬ ߦߋ߫ ߝߘߎ ߘߌߦߊߜߏߦߊ߫ ߞߏ ߟߎ߬ ߘߌ߫߸ ߏ߬ ߟߎ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߞߊ߬ߝߐ߬ߢߐ߲߰ߦߊ ߕߴߛߋ߫ ߞߍ߫ ߟߊ߫ ߘߌߦߊߜߏߦߊ ߘߌ߫ ߝߘߎ ߘߐ߫ ߝߘߎߡߊ ߟߎ߬ ߣߌ߫ ߢߐ߲߯ ߕߍ߫ ߝߋߎ߫.

ߝߊ߬ߙߊ߲߬ߛߌ߫ ߛߊ߬ߙߌ߬ߦߊ ߘߐ߫߸ ߞߏ߫ ߣߊ߯ߣߌ߲߫ ߠߋ߬ ߘߌߦߊߜߏߦߊ ߘߌ߫ ߝߘߎ ߘߐ߫: ߞߊ߲ߞߋߟߋ߲ߕߌ߯ߦߊ߸ ߡߊ߬ߜߍ߲߬ߠߌ߲߸ ߞߘߐߛߌ߯ߟߌ߸ ߞߍߢߐ߲߯ߝߍ߸ ߞߊ߬ߝߏ߬ߢߐ߲߰ߦߊ ߘߌߦߊߜߏߦߊ ߕߴߏ߬ ߘߐ߫ ߡߎ߰ߡߍ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߘߙߎ߬ߞߕߐ߬ߞߕߌ߫ ߞߘߐ߬ߡߊ߲ ߠߎ߬ ߞߵߊ߬ ߝߐ߫ ߟߋ߬ ߞߍߢߐ߲߯ߝߍ ߝߊ߬ߛߙߌ ߘߐ߫߸ ߞߏ߫ ߏ߬ ߦߋ߫ <<ߞߍߢߐ߲߯ߝߍ ߟߋ߬ ߘߌ߫ ߟߊߝߋ߲ ߘߐ߫.>> ߞߵߏ߬ ߞߍ߫ ߊ߬ ߝߐ߫ ߢߊ ߘߌ߫ ߛߍߣߍ߲߬ ߞߏ߫ ߞߊ߬ߝߏ߬ߢߐ߲߰ߦߊ ߦߋ߫ ߘߌߦߊߜߏߦߊ ߟߋ߬ ߘߌ߫߸ ߞߵߊ߬ ߛߐ߬ߘߐ߲߬ ߛߊ߬ߙߌ߬ߦߊ ߡߴߏ߬ ߝߐ߫.

ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ߬ ߘߐ߬ߞߎߙߊ߲߫ (ߞߏ߫ ߘߐߝߌ߲߬ߣߍ߲) ߢߌ߲߬ ߠߋ߬ ߞߵߊ߬ ߞߍ߫߸ ߝߘߎ ߘߏ߫ ߛߊ߬ ߘߊ߫ ߕߐ߬ߢߍ߮ ߞߊ߲߬ ߂߀߁߉ ߟߊ߫߸ ߡߏ߬ߛߏ ߏ߬ ߞߵߊ߬ ߓߊ߲߬ ߊ߬ ߗߍ߬ ߓߟߏ߫ ߞߊ߬ߝߏ߬ߢߐ߲߰ߦߊ߬ ߞߏ ߟߋ߬ ߘߐ߫،

߂߀߁߉ ߟߊ߫߸ ߝߊ߬ߙߊ߲߬ߛߌ߬ ߞߕߌߘߊ ߘߏ߫ ߞߊ߬ ߕߐ߮ ߟߊ߫ ߡߏ߬ߛߏ ߘߏ߫ ߟߊ߫߸ ߞߏ߫ ߊ߬ߟߋ ߟߋ߬ ߞߍߣߍ߲߫ ߕߙߎ߬ ߘߌ߫ ߞߵߊ߬ ߣߴߊ߬ ߗߍ߬ ߟߊ߫ ߝߘߎߛߊ߬، ߓߊߏ߬߸ ߊ߬ ߞߵߊ߬ ߓߊ߲߬ ߊ߬ ߗߍ߬ ߓߟߏ߫ ߞߊ߬ߝߏ߬ߢߐ߲߰ߦߊ߬ ߞߏ ߟߋ߬ ߡߊ߬. ߞߏߢߊ ߣߌ߲߬ ߞߐߡߊߓߌ߲ߓߌ߲ߠߊ ߟߎ߬ ߞߊ߲߫ ߞߏ߫ ߞߕߌߕߍ߯ߟߊ ߏ߬ ߟߎ߫ ߞߊ߬ ߡߏ߬ߛߏ ߞߕߌ߫ ߕߐ߬ߢߍ߮ ߟߋ߬ ߞߊ߲߬ ߏ߬ ߘߌ߫߸ ߓߊߏ߬ ߝߘߎ ߕߴߏ߬ ߞߍ߫ ߟߊ߫ ߘߌߦߊߜߏߦߊ߫ ߘߌ߫.

ߏ߬ ߟߋ ߞߏߛߐ߲߬߸ ߡߛߏ߬ ߞߋߟߋ߲ ߏ߬ ߞߵߊ߬ ߡߊߞߊ߬ߛߌ߬ ߋߙߐߔߎ߬ ߡߐ߰ߦߊ ߤߊߞߍ ߟߎ߬ ߞߕߌߖߌ߲ ߠߊ߫߸ ߞߏ߫ ߊ߬ ߡߊ߫ ߓߍ߲߬ ߞߕߌ߫ ߟߊߣߍ߲ ߏ߬ ߡߊ߬، ߂߀߂߅ ߓߌ߲ߠߊߥߎߟߋ߲ ߠߊ߫߸ ߞߕߌߖߌ߲ ߏ߬ ߞߊ߬ ߖߏ ߘߌ߫ ߡߏ߬ߛߏ ߡߊ߬߸ ߞߊ߬ ߝߊ߬ߙߊ߲߬ߛߌ߫ ߖߙߊ߬ߞߌ߬߸ ߞߏ߫ ߡߐ߰ ߛߌ߫ ߕߴߛߋ߫ ߞߊ߬ߝߏ߬ߢߐ߲߰ߦߊ ߘߌߦߊߜߏߦߊ߫ ߟߊ߫ ߘߏ߫ ߞߊ߲߬߸ ߓߍ߯ ߦߴߊ߬ ߛߊ߬ߥߏ ߟߋ߬ ߘߐ߫߸ ߤߊߟߌ߬ ߝߘߎ ߟߋ߬ ߓߊ߯ ߞߍ߫ ߊߟߎ߫ ߕߍ߫.

ߡߊ߬ߙߌ ߛ߭ߊߙߑߟߐߕ ߜ߭ߊߙߌ߲߫ ߞߵߊ߬ ߦߌ߬ߘߊ߬߸ ߞߏ߫ ߓߋ߬ ߦߋ߫ ߞߍ߫ ߟߊ߫ ߡߛߏ߬ ߛߌߦߊߡߊ߲߫ ߠߋ߬ ߞߊ߲߬ ߝߘߎ ߘߐ߫߸ ߡߛߏ߬ ߛߌߦߊߡߊ߲߫ ߠߋ߬ ߏ߬ ߘߐ߬ߜߍ߬ߘߍ߲߬ ߛߎ߮ ߘߐ߫، ߞߵߊ߬ ߛߐ߬ߘߐ߲߬ <<ߞߵߊߟߎ߫ ߘߌ߫ ߢߐ߲߮ ߡߊ߬ ߝߘߎ߫ ߟߊ߫߸ ߏ߬ ߞߘߐ߫ ߕߍ߫ ߞߏ߫ ߞߊ߬ߝߏ߬ߢߐ߲߰ߦߊ ߓߘߊ߫ ߟߊߘߤߊ߬ ߊߟߎ߫ ߕߍ߫، ߝߏ߫ ߊ߬ ߦߋ߫ ߞߍ߫ ߘߌ߬ߢߍ ߟߋ߬ ߞߣߐ߫.>> ߔߏߟ ߞߙߌߛߑߕߐߝ ߝߣߊ߫ ߞߊ߲߫ ߞߏ߫ <<ߗߍ߭ ߟߎ߬ ߘߐ߫ ߣߊ߯ߣߌ߲ߢߐ߲߯ ߞߋߟߋ߲ ߦߴߊ߬ ߓߛߌ߬ߞߌ߬ ߟߊ߫ ߟߋ߬߸ ߞߏ߫ ߊ߬ߟߎ߫ ߡߏ߬ߛߏ ߞߊ߬ߝߏ߬ߢߐ߲߰ߦߊ ߦߋ߫ ߘߌߦߊߜߏߦߊ ߟߋ߬ ߘߌ߫.>> ߏ߬ ߘߐ߫߸ ߞߏ߫ ߝߏ߫ ߞߊ߬ ߗߍ߭ ߟߎ߬ ߞߊ߬ߙߊ߲߫ ߠߋ߬ ߞߵߊ߬ߟߎ߬ ߟߊߞߎߣߎ߲߫ ߏ߬ ߞߏ߫ ߛߎ߮ ߟߎ߫ ߡߊ߬.

ߒ߬ߓߊ߬߸ ߛߊ߬ߙߌ߬ߦߊ߬ ߓߘߴߊ߬ ߟߊߕߐ߲߫ ߛߓߍ ߘߐ߫ ߡߎ߬ߕߎ߲߬߸ ߞߏ߫ ߝߘߎߛߊ ߝߏߦߌ߬ ߛߙߊߕߌ ߕߴߛߋ߫ ߞߍ߫ ߟߴߊ߬ ߝߐ ߘߌ߫ ߞߏ߫ ߓߊ߲߬ ߓߘߊ߫ ߞߍ߫ ߞߊ߬ߝߏ߬ߢߐ߲߰߰ߦߊ ߡߊ߬، ߝߣߊ߫߸ ߞߏ߫ ߝߏ߫ ߞߊ߬ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߠߋ߬ ߝߊ߲߬ߞߊߘߏ߲߬߸ ߝߘߎ ߢߊ߰ߢߊ߮ ߟߎ߫ ߝߍ߬ ߛߐ߲߬.

ߞߊ߬ ߞߐ߲߰ ߞߊ߲߬ߜߍ߬ߘߊ ߟߊ߫ ߘߐ߬ߞߘߌ߬ߟߌ ߢߍ߫߸ ߛߊ߬ߙߌ߬ߦߊ ߣߌ߲߬ ߞߏ߬ߣߌ߲ ߓߘߊ߫ ߞߍ߫ ߞߏ߫ ߞߎߘߊ߫ ߘߌ߫ ߝߊ߬ߙߊ߲߬ߛߌ߫ ߛߊ߬ߙߌ߬ߦߊ ߘߐ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߘߌ߬ߢߍ߬ߟߊ߬ߢߌߣߌ߲ ߠߋ߬ ߞߏ ߓߍ߯ ߢߍߕߊ ߘߌ߫߸ ߝߘߎ ߡߊ߫ ߓߐ߫ ߏ߬ ߞߣߐ߫ ߝߋߎ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.