ߦߏ߫ ߊ߲ ߠߊ߫ ߟߌ߬ߤߟߊ߫ ߕߊ߬ߡߌ߲߬ߣߍ߲ ߠߎ߬ ߞߎߡߊ߫ ߘߴߊ߬ ߞߊ߲߬ ߊߟߎ߫ ߦߋ߫ ߢߊ ߡߍ߲ ߡߊ߬߸ ߞߵߊ߬ ߓߍ߲߬ ߘߋ߲߫ ߠߊߝߟߌ߬ߣߍ߲ ߡߍ߲ ߦߋ߫ ߘߊ߫ ߜߙߋߘߎ߯ ߞߌ߬ߢߍ߬ߙߐ߬ ߛߏ ߞߣߐ߫ ߞߎߣߎ߲߬ ߞߍ߲ߘߍߟߏ߲ ߂߀߂߆ ߞߏ߲ߞߏߜߍ ߕߟߋ߬ ߁߄ ߡߊ߬߸ ߣߴߊ߬ ߞߏ ߞߊ߬ ߓߍ߯ ߢߊߞߘߐߛߋ߫، ߒ߬ߓߊ߬߸ ߘߋ߲߫ ߛߐ߬ߘߐ߲߬ ߛߊ߲߬ ߞߎߘߊ ߘߏ߫ ߟߋ߬ ߟߊߝߟߌ߬ߣߍ߲ ߦߋߣߍ߲߫ ߞߊ߬ߓߌߣߍ ߞߣߐ߫߸ ߕߍ߮ ߓߘߊ߫ ߞߍ߫ ߡߏ߬ߛߏ ߘߏ߫ ߘߐ߫ ߡߎߣߎ߲߬߸ ߛߌߞߊ߫ ߞߍߣߍ߲߫ ߞߏ߫ ߡߍ߲ ߦߋ߫ ߘߋ߲ ߣߌ߲߬ ߛߐ߬ߘߐ߲߬ߓߊ߮ ߘߌ߫߸ ߊ߬ ߓߘߊ߫ ߛߋ߫ ߕߐ߲ߓߟߏߡߊ ߟߎ߬ ߕߊ߫ ߓߟߏ߫ ߡߊ߬ ߕߋ߲߬߸ ߞߵߊ߬ ߟߊߕߊ߯ ߞߙߎ߬ߛߊ߬ ߛߏ ߞߣߐ߫߸ ߊ߬ ߣߌ߫ ߘߋ߲ ߓߍ߯ ߟߊߘߍ߬ߣߍ߲ ߞߐߘߍ߫.
ߊߟߎ߫ ߦߴߊ߬ ߟߐ߲߫߸ ߞߎߣߎ߲߬ ߞߍ߲ߘߍߟߏ߲ ߠߋ߬ ߡߊ߬߸ ߞߙߎ߬ߛߊ߫ ߡߙߊ߬ߓߊ߰ߘߊ ߡߙߊ߬ߘߊ߬ߙߋ߲ ߘߏ߫ ߓߍ߫߸ ߞߏ߫ ߜߙߋߘߎ߯ ߞߌ߬ߢߍ߬ߙߐ߬߸ ߘߋ߲ ߠߋ߬ ߦߋ߫ ߘߊ߫ ߞߊ߬ߓߌߣߍ ߞߣߐ߫ ߦߋ߲߬، ߘߋ߲ ߠߊߦߍ߬ߟߍ ߞߐ ߘߐ߫ ߞߵߊ߬ ߟߊߕߊ߯ ߘߊ߲ߘߊߛߏ ߟߊ߫߸ ߕߎ߬ߡߊ߬ߙߋ߲߬ ߘߊ߲ߘߐ߫߸ ߞߊ߲߬ߖߊ߬ ߕߐ߮ ߘߏ߫ ߡߌ߬ߣߊ߬ ߘߊ߫، ߟߌ߬ߤߟߊ ߡߍ߲ ߛߐ߬ߘߐ߲߬ ߘߴߊ߲ ߓߟߏ߫ ߞߊ߬ ߝߘߊ߫ ߞߓߊ߬ ߞߊ߲ߕߍ߫ ߟߊ߫߸ ߊ߬ߟߋ ߡߍ߲ ߦߋ߫ ߛߍߡߊ߫ ߘߊ߲ߘߊߟߌߟߊ߫ ߘߌ߫ ߞߌ߬ߢߍ߬ߙߐ߬ ߘߊ߲ߘߊߛߏ ߟߊ߫߸ ߏ߬ ߞߊ߬ ߣߌ߲߬ ߞߏ ߕߊ߬ߡߌ߲߬ ߢߊ ߢߊߝߐ߫ ߊ߲ ߧߋ߫.
ߊ߬ ߟߊ߫ ߢߊߝߐߟߌ ߟߎ߬ ߘߐ߫߸ ߂߀ߙߋ߲ ߝߊ߲߭ ߝߍ߬ ߟߋ߬߸ ߞߵߊ߬ ߛߐ߬ߘߐ߲߬ ߘߋ߲ ߦߋ߫ ߘߊ߲ߘߊߟߌߟߊ ߟߎ߬ ߕߊ߫ ߓߟߏ ߡߊ߬ ߖߊ߲߬ߕߏ߬ߒ߬ߘߐ ߘߊߞߘߐ߫߸ ߕߐ߲ߓߟߏߡߊ ߟߎ߫ ߕߘߍ߬ ߢߊߢߌߣߌ߲ߠߌ߲ ߞߊ߲߬ ߖߐ߫، ߛߌߞߊ߫ ߞߍ߫ ߘߊ߫ ߡߏ߬ߛߏ ߘߏ߫ ߡߊ߬ ߏ߬ ߟߋ ߘߐ߫߸ ߞߏ߫ ߘߋ߲ ߣߌ߲߬ ߛߐ߬ߘߐ߲߬ߓߊ߮ ߟߵߏ߬ ߘߌ߫.
<<ߞߎߣߎ߲߬ ߂߀ߙߋ߲ ߠߋ߬ ߡߊ߬߸ ߞߵߊ߬ ߛߐ߬ߘߐ߲߬ ߘߋ߲ ߦߋ߫ ߟߊ߬ߡߙߊ ߘߐ߫ ߘߊ߲ߘߊߟߌ ߘߊߞߘߐ߫߸ ߕߐ߲ߓߟߏߡߊ ߟߎ߬ ߝߣߊ߫ ߦߴߊ߬ߟߎ߬ ߟߊ߫ ߢߊ߬ߢߌ߬ߣߌ߲߬ߠߌ߲ ߠߎ߬ ߞߊ߲߬߸ ߊ߲ ߘߍ߬ߢߐ߲߯ ߛߍߡߊߡߛߏ ߘߏ߫ ߞߵߊ߬ ߦߌ߬ߘߊ߬ ߞߏ߫ ߘߋ߲ߡߛߏ ߘߏ߫ ߕߍ߬ߘߍ߫ ߊ߬ ߞߘߐ߬ߡߛߏ߬ ߓߘߊ߸ ߘߋ߲ ߦߋ߫ ߘߊ߫ ߞߊ߬ߓߌߣߍ ߞߣߐ߫ ߟߎ ߡߍ߲ ߞߣߐ߫ ߞߊ߬ߣߌ߲߬߸ ߛߌߞߊ߫ ߓߘߊ߫ ߞߍ߫ ߘߋ߲ߡߛߏ ߏ߬ ߡߊ߬، ߞߊ߬ߕߎ߲߯߸ ߘߋ߲ߡߛߏ ߣߌ߲߬ ߦߋ߫ ߛߌ߬ ߟߴߊ߬ ߝߊ߬ ߓߘߊ ߟߋ߬߸ ߊ߬ ߘߌ߫ ߥߊ߫ ߕߋ߬ߟߋ߲߬ ߓߊ߯ߙߊ ߟߊ߫߸ ߊ߬ ߞߘߐ߬ߡߛߏ߬ ߓߘߊ، ߘߋ߲ ߘߏ߫ ߦߴߊ߬ ߓߟߏ߫ ߞߘߐ߬ߡߊ߲߬߸ ߏ߬ ߛߊ߲߭ ߝߌ߬ߟߊ ߟߋ߬ ߕߋ߲߬، ߊ߬ ߛߋ ߡߍ߲ ߞߍ߫ ߘߊ߫ ߟߎ ߞߣߐ߫߸ ߞߵߊ߬ ߛߐ߬ߘߐ߲߬ ߘߋ߲ ߘߏ߫ ߦߋ ߞߊ߬ߓߌߣߍ ߞߣߐ߫߸ ߏ߬ ߞߎߡߊ ߓߘߊ߫ ߖߍ߲ߛߍ߲߫، ߟߎ߫ ߞߣߐ߫ ߡߐ߮ ߟߎ߬ ߛߌߞߊ߫ ߘߴߊ߬ߟߋ ߡߊ߬ ߏ߬ ߟߋ ߘߐ߫ ߛߊ߫߸ ߓߊߏ߬ ߡߐ߱ ߟߎ߬ ߛߌߞߊߣߍ߲߫ ߕߍ߬ߘߍ߫ ߊ߬ ߟߊ߫ ߞߣߐߡߦߊ߫ ߞߏ ߡߊ߬ ߞߘߐ߬ߡߊ߲߬.>> ߘߊ߲ߘߊߟߌߟߊ ߟߋ߬ ߞߊ߲߫ ߕߋ߲߬.
ߘߋ߲ߡߛߏ ߡߍ߲ ߦߋ߫ ߕߋ߲߬߸ ߘߋ߲ ߘߏ߫ ߦߴߊ߬ ߓߟߏ߫ ߞߘߐ߬ߡߊ߲߬߸ ߏ߬ ߛߊ߲߭ ߝߌ߬ߟߊ ߟߋ߬ ߕߋ߲߬، ߞߊ߲߬ߖߊ ߦߋ߫ ߛߌ߬ ߟߴߊ߬ ߝߊ߬ ߓߘߊ ߟߋ߬߸ ߊ߬ ߘߌ߫ ߥߊ߫ ߕߋ߬ߟߋ߲߫ ߊ߬ ߞߘߐ߬ߡߛߏ߬ ߓߘߊ ߓߊ߯ߙߊ ߟߊ߫.
<<ߒ߬ߓߊ߬߸ ߊ߬ ߟߊ߫ ߡߐ߱ ߟߎ߬ ߛߌߞߊ ߡߍ߲ ߞߍߣߴߊ߬ ߡߊ߬߸ ߊ߬ߟߎ߫ ߞߵߊ߬ ߕߊ߬ ߞߊ߬ ߣߵߊ߬ ߘߌ߫ ߊ߲ ߘߍ߬ߢߐ߲߯ ߛߍߡߊ ߟߎ߬ ߡߊ߬߸ ߊ߬ ߡߊߝߟߍ߫ ߞߊ߲ߡߊ߬، ߡߊ߬ߝߟߍ߬ߟߌ ߏ߬ ߟߋ ߛߋ߲߭ߝߍ߬߸ ߛߍߡߊ ߟߎ߫ ߞߵߊ߬ ߟߊߞߙߐ߬ߛߌ߬ ߞߏ߫ ߘߋ߲ߡߛߏ ߣߌ߲߬ ߡߏߦߌ߫ ߛߊ߲ ߠߋ߬߸ ߊ߬ ߖߌ߬ߓߊ߬ߓߊ߬ߕߐ ߟߋ߬، ߊ߬ߟߎ߫ ߞߵߊ߬ ߢߌ߬ߣߌ߲߬ߞߊ߬ ߞߏ߫ ߘߋ߲ ߦߋ߫ ߡߌ߲߫، ߓߊ߸ ߞߏ߫ ߊ߬ߟߎ߫ ߕߎ߲߬ ߓߘߊ߫ ߘߋ߲ ߘߏ߫ ߟߊߝߟߌ߬ ߞߏ ߡߍ߲߫ ߞߊ߬ߓߌߣߍ ߞߣߐ߫، ߘߋ߲ߡߛߏ ߞߵߊ߬ ߦߌ߬ߘߊ߬ ߞߏ߫ ߘߋ߲ ߦߋߣߍ߲߫ ߞߊ߬ߓߌߣߍ ߡߍ߲ ߞߣߐ߫߸ ߊ߬ߟߋ߫ ߖߍ߬ߘߍ ߦߋ߫ ߟߎ ߞߣߐ߫ ߦߋ߲߬ ߠߋ߬،>> ߘߊ߲ߘߊߟߌߟߊ ߞߵߊ߬ ߟߊ߫ ߞߎߡߊ ߘߊߓߊ߲߫ ߝߣߊ߫߸ ߞߏ߫ ߢߊߝߐߟߌ ߓߍ߯ ߞߐ ߘߐ߫߸ ߊ߬ ߞߊ߬ <<ߔߏߔߏ ߕߊ߬ ߞߊ߬ ߥߊ߫ ߘߋ߲ߡߛߏ ߞߘߐ߬ߡߛߏ߬ ߟߊ߫ ߟߎ ߞߣߐ߫ ߦߋ߲߬، ߒ ߛߋ ߦߋ߲߬߸ ߒ ߞߵߊ߬ ߛߐ߬ߘߐ߲߬ ߘߏ߫ ߟߎ߫ ߦߴߊ߬ ߡߊߞߎߡߊ ߟߊ߫߸ ߘߏ߫ ߟߎ߫ ߖߍ߬ߘߍ ߕߎ߲߬ ߓߍ߫ ߢߌߣߌ߲߫ ߞߵߊ߬ ߜߊ߬ߛߌ߬، ߒߠߋ ߞߵߊ߬ ߝߐ߫ ߒ ߞߏ߫ ߊ߬ߟߎ߬ ߦߴߊ߬ ߕߏ߫ ߦߋ߲߬.>> ߘߊ߲ߘߊߟߌߟߊ ߟߊ߫ ߞߎߡߊ ߟߵߏ߬ ߓߍ߯ ߘߌ߫.
ߘߊ߲ߘߊߟߌߟߊ ߞߍߢߊ ߟߵߏ߬ ߘߌ߫ ߞߊ߬ ߢߌ߬ߣߌ߲߬ߞߊ߬ߟߌ ߘߏ߫ ߟߎ߫ ߞߍ߫ ߘߋ߲ߡߛߏ ߞߎ߲߬، ߊ߬ ߞߵߊ߬ ߢߌ߬ߣߌ߲߬ߞߊ߬ ߞߏ߫ ߣߴߊ߬ ߘߋ߲ ߠߋ߬ ߘߋ߲ ߣߌ߲߬ ߘߌ߫߸ ߡߍ߲ ߦߋߣߍ߲߫ ߞߊ߬ߓߌߣߍ ߞߣߐ߫، ߘߋ߲ߡߛߏ ߞߵߊ߬ ߦߌ߬ߘߊ߬ ߞߏ߫ ߊ߬ ߘߋ߲ ߠߋ߬ ߝߛߊߦߌ߫، <<ߒ ߞߵߊ߬ ߡߊߢߌ߬ߣߌ߲߬ߞߊ߬ ߝߣߊ߫߸ ߣߴߊ߬ߟߋ ߟߋ߬ ߞߵߊ߬ ߟߊߝߌ߬ߟߌ߫ ߞߊ߬ߓߌߣߍ ߞߣߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߟߋ߬ ߞߵߏ߬ ߞߍ߫ ߝߋߎ߫، ߏ߬ ߞߍ߸ ߒ ߞߵߊ߬ ߕߊ߬ ߞߊ߬ ߥߴߊ߬ ߘߌ߫ ߕߐ߲ߕߌ߮ ߓߘߊ߸ ߊ߬ ߛߌ߬ ߘߊ߫ ߦߋ߲߬ ߠߋ߬ ߛߍߣߍ߲߬ ߤߊ߲߯ ߛߐ߱ߡߊ߬، ߗߋߦߊߟߌ ߣߊ߬ ߘߊ߫ ߏ߬ ߢߊ ߟߋ߬߸ ߞߵߊ߬ ߕߊ߬ ߞߊ߬ ߥߴߊ߬ ߘߌ߫ ߞߙߎ߬ߛߊ߬.>> ߊ߲ ߠߊ߫ ߟߌ߬ߤߟߊ ߓߐߛߎ߲ ߠߋ߬ ߞߊ߬ ߣߌ߲߬ ߦߌ߬ߘߊ߫ ߒ߬ ߠߊ߫.
ߏ߬ ߟߋ ߞߍ߫ ߘߊ߫ ߘߋ߲ߡߛߏ ߣߌ߫ ߘߋ߲ ߟߊ߫ ߢߊ ߘߌ߫ ߢߐ߲߮ ߞߊ߲߬߸ ߞߵߊ߬ߟߎ߬ ߟߊߕߊ߯ ߞߙߎ߬ߛߊ߬߸ ߛߊ߫ ߢߊߢߌߣߌ߲ߠߌ߲ ߕߐ߭ ߘߌ߫ ߞߍ߫ ߦߋ߲߬.
ߘߋ߲ߡߛߏ ߘߊߘߐߢߌ߬ߣߌ߲߬ߞߊ ߡߍ߲ ߞߍ߫ ߘߊ߫߸ ߊ߬ ߦߋ߫ ߘߊ߫ ߞߏ߫ ߊ߬ ߡߊ߫ ߝߘߎ߫ ߡߎߣߎ߲߬߸ ߊ߬ ߞߊ߬ ߢߊߝߐߟߌߣߍ߲߫ ߞߍ߫ ߊ߬ ߟߊ߫ ߞߏ ߞߊ߲߬. <<ߊ߬ ߡߊ߫ ߝߘߎ߫ ߡߎߣߎ߲߬، ߒ ߞߵߊ߬ ߢߌ߬ߣߌ߲߬ߞߊ߬ ߒ ߞߏ߫ ߘߋ߲ ߡߍ߲ ߦߴߊ߬ ߓߟߏ߫ ߣߌ߲߬߸ ߊ߬ ߘߋ߲ ߡߍ߲ ߛߊ߲߭ ߝߌ߬ߟߊ ߦߋ߫ ߕߋ߲߬߸ ߊ߬ ߖߍ߬ߘߍ ߘߋ߲ ߠߵߏ߬ ߘߌ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߘߋ߲ ߠߋ߬، ߒ ߞߏ߫ ߘߋ߲ ߏ߬ ߝߊ߬ ߦߋ߫ ߡߌ߲߫߸ ߊ߬ ߞߊ߲߫ ߞߏ߫ ߘߋ߲ ߏ߬ ߝߊ߬ ߡߊ߫ ߛߐ߲߬ ߊ߬ ߟߐ߬ ߟߴߊ߬ ߟߊ߫، ߒ ߞߵߊ߬ ߡߊߢߌ߬ߣߌ߲߬ߞߊ߬ ߝߣߊ߫߸ ߒ ߞߏ߫ ߡߎ߲߬ ߞߏߛߐ߲߬߸ ߊ߬ ߞߊ߬ ߘߋ߲ ߘߐ ߣߌ߲߬ ߝߣߊ߫ ߓߌ߬ߟߊ߫ ߞߊ߬ߓߌߣߍ ߞߣߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߛߌߟߊ߲߫ ߘߊ߫ ߟߋ߬߸ ߓߊߏ߬ ߊ߬ ߖߍ߬ߘߍ ߡߴߊ߬ ߟߐ߲߫ ߗߍ߬ ߞߋߟߋ߲ ߡߍ߲ ߞߊ߬ ߞߣߐ ߏ߬ ߟߴߊ߬ ߟߊ߫.>> ߊ߲ ߠߊ߫ ߓߐߛߎ߲ ߠߋ߬ ߞߊ߲߫ ߕߋ߲߬.
ߞߎߡߊ߫ ߞߋߟߋ߲ ߡߍ߲ ߛߐ߬ߘߐ߲߬ ߘߴߊ߬ ߟߊ߫ ߘߋ߲ ߢߌ߲߬ ߠߊ߫ ߞߏ ߘߐ߫߸ ߏ߬ ߟߋ߸ ߞߏ߫ ߊ߬ <<ߛߌߟߊ߲߫ ߘߊ߫ ߟߋ߬>>߸ ߓߊߏ߬ ߊ߬ ߡߊ߫ ߘߋ߲ ߣߌ߲߬ ߝߊ߬ ߟߐ߲߫߸ ߊ߬ ߡߴߊ߬ ߟߐ߲߫ ߗߍ߬ ߞߋߟߋ߲ ߡߍ߲ ߞߊ߬ ߞߣߐ ߟߴߊ߬ ߟߊ߫.
ߢߊߢߌߣߌ߲ߠߌ߲߫ ߞߏ߬ߣߌ߲ ߓߘߊ߫ ߛߌ߰ ߛߋ߲߬ߠߊ߫߸ ߞߵߊ߬ ߟߐ߲߫ ߣߌ߲߬ ߞߏ ߕߊ߬ߡߌ߲߬ߣߍ߲߬ ߢߊ ߡߍ߲ ߡߊ߬، ߊ߬ ߖߊ߲߬ߖߏ߲ ߞߏ߬ߣߌ߲ ߞߊ߬ ߞߌ߬ߢߍ߬ߙߐ߬ߞߊ ߟߎ߬ ߢߊߞߘߐߛߋ߫ ߟߋ߬ ߞߏߛߓߍ߫، ߘߋ߲ ߞߏ߬ߣߌ߲ ߦߋ߫ ߓߊߛߌ ߞߘߐ߫߸ ߓߊߟߏ ߟߎ߬ ߦߋ߫ ߘߌ߫ ߟߴߊ߬ ߡߊ߬ ߝߣߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.