ߣߊ߲߬ߕߌ߰ ߣߊ߯ߣߊ߮ ߘߏ߫ ߟߋ߬ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߘߓߊ߬ߓߌߟߊ ߕߟߋ߬ ߆ ߡߊ߬߸ ߞߊ߬ ߡߐ߰ ߛߋߦߌ߲߫ ߓߐ߬ߣߐ߫ ߊ߬ ߣߌ ߘߐ߫߸ ߊ߬ߟߎ߫ ߞߵߏ߬ ߟߎ߬ ߓߊߘߍ ߞߍ߫ ߞߍ߲ߘߍߟߏ߲ ߡߊ߬߸ ߖߡߊ߬ߣߊ ߡߐ߰ߘߐ߬ߜߍ ߟߎ߬ ߓߊߘߍ ߞߍ߫ ߢߊ ߡߊ߬، ߊ߬ߟߎ߬ ߓߘߊ߫ ߓߊ߲߫ ߞߵߊ߬ ߞߏ ߢߊߢߌߣߌ߲ ߘߏ߲߬ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߓߟߏ߫߸ ߛߊ߫ ߞߵߊ߬ ߢߊߘߐߜߍ ߟߐ߲߫.

ߣߊ߲߬ߕߌ߰ ߣߊ߯ߣߊ߮ ߡߍ߲ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߊߘߊ߲ߛߌ߫ ߘߊߝߍ߬߸ ߊ߬ߛߊ߲߬ߕߌ ߟߎ߬ ߟߊ߫ ߕߌ߲߬ߞߎߘߎ߲ ߘߐ߫ ߞߊ߬ ߡߐ߰ ߛߋߦߌ߲߫ ߕߏ߫ ߊ߬ ߘߐ߫߸ ߜߊ߯ߣߊ߬ ߞߵߏ߬ ߟߎ߬ ߓߊߘߍ ߞߍ߫ ߞߍ߲ߘߍߟߏ߲ ߘߓߊ߬ߓߌߟߊ ߕߟߋ߬ ߁߆ ߡߊ߬، ߊ߬ߟߎ߫ ߞߊ߬ ߓߊߘߍ߫ ߓߟߋߓߟߋ߫ ߛߌ߰ ߛߋ߲߬ߠߊ߫ ߊߞߙߊ߫߸ ߖߡߊ߬ߣߊ ߡߐ߰ߘߐ߬ߜߍ߬ ߛߌߦߊߡߊ߲߫ ߕߘߍ߬ ߡߍ߲ ߞߣߍ ߞߊ߲߬߸ ߊ߬ ߣߌ߫ ߛߊ߬ߓߊ߰ߕߐ ߟߎ߬ ߓߘߊ߫ ߡߐ߮ ߟߎ߬ ߣߌ߫ ߣߊ߲߬ߕߌ߮ ߟߎ߬ ߣߌ߫ ߣߊ߲߬ߒ߬ߕߊ߲߬ ߗߋߘߋ߲ ߛߌߦߊߡߊ߲߫.

ߛߊ߬ߓߊ߰ߕߐ ߟߎ߬ ߟߊ߫ ߡߐ߱ ߟߎ߬ ߟߊ߫ ߓߌ߬ߟߊ߬ߢߐ߲߰ߡߊ ߞߏߛߐ߲߬߸ ߊ߬ߟߎ߬ ߓߍ߯ ߛߎ߭ ߛߋ߫ ߘߊ߫ ߡߊߟߐ߲߫ ߠߊ߫߸ ߞߊ߬ ߓߊ߲߫ ߞߵߊ߬ߟߎ߬ ߓߍ߯ ߦߌ߬ߘߊ߫ ߞߵߊ߬ߟߎ߬ ߕߏ߫ ߛߎ߬ߞߌߙߊ ߞߣߐ߫߸ ߞߊ߬ ߞߐ߲߰ ߊ߬ߟߎ߫ ߓߌ߬ߙߌ ߢߍ߫، ߛߊ߬ߓߊ߰ߕߐ ߟߎ߬ ߘߐ߫߸ ߖߡߊ߬ߣߊ ߞߏߟߊߕߍ߯ ߛߊ߲ߘߐ߫ ߛߌߦߊߡߊ߲߫ ߦߴߊ߬ ߘߐ߫: ߡߊ߬ߞߊ߲߬ߞߊ߲߬ߠߌ߲ ߞߏߕߌ߮߸ ߞߏ߲߬ߓߏ߫ ߋߘߑߥߊߙ ߏߡߊߣ ߓߏߥߡߊ߫، ߓߐ߰ߝߍ ߞߏߕߌ߮ ߞߏ߲߬ߓߏ߫ ߌߓߙߊߤߌߡ ߡߎߙߑߕߟߊ ߡߎ߬ߤߊ߲ߡߊߘ، ߊ߬ ߣߌ߫ ߝߊ߬ߛߏ ߟߊ߬ߞߊ߲߬ߘߊ߬ߟߌ ߘߏ߲߬ߖߟߎ߬ߡߊ߬ߟߌ߬ߟߊ߬ ߛߙߍߞߍ߸ߊ߬ߟߊߖߌ߬ ߡߎ߬ߣߌߙߎ߬ ߡߏ߬ߤߊ߲ߡߍߘ، ߝߊ߬ߛߏ ߓߍ߯ߦߊ ߞߎ߲߬ߜߙߊ ߞߊ߲ߕߌ߯ ߛߙߍߞߍ ߦߴߊ߬ ߘߐ߫߸ ߞߏ߲߬ߓߏ߫ ߛߊߡߌߦߍߟ ߛߊߙߔ ߘߐ߲ߞߐߙ߸ ߊ߬ ߣߌ߫ ߞߎߡߊߞߍߓߏ߲ ߡߊ߬ߡߌ߬ߘߊ߬ߟߌ߬ߟߊ߬ ߞߘߐ ߛߊߡߌߦߍߟ ߊߓߏߥߊߖ߭ߌߦߋ߫߸ ߏ߬ ߟߎ߬ ߓߍ߯ ߕߏ߫ ߘߴߊ߬ ߘߐ߫ ߟߋ߬، ߛߊ߲ߡߊ߫ ߣߊ߲ߕߌ߯ ߛߓߊ߬ ߝߣߊ߫ ߦߋ߫ ߝߊ߬ߓߊ߰ߕߐ ߢߌ߲߬ ߠߎ߬ ߘߐ߫: ߓߊߝߎߙ ߊߣߟߊ߫߸ ߡߊߙߑߕߍ߲ ߊ߲ߔߋߘߎ߫߸ ߊ߬ ߣߌ߫ ߛߏ߬ߝߊ ߍߙߑߣߍߛ ߊߘߏ ߡߊ߲ߛߊ߫، ߝߋ߲ ߺ ߋ ߺ ߝߋ߲߫ ߕߐ߮ ߡߊߘߊ߲߫ ߞߊ߲߫ ߣߌ߲߬߸ ߏ߬ ߟߎ߬ ߓߍ߯ ߕߏ߫ ߘߊ߫ ߟߋ߬ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߘߐ߫.

ߜ߭ߊ߯ߣߊ߬ ߞߊ߲ߕߌ߮ ߖߐߣ ߘߙߊ߬ߡߊߣߌ ߡߤߊ߬ߡߊ߫ ߞߊ߬ ߕߋ߬ߟߋ߫ ߃ ߟߋ߬ ߟߊߕߍ߰ ߞߵߏ߬ ߞߍ߫ ߝߙߌ߬ߦߊ ߘߌ߫ ߖߡߊ߬ߣߊ ߞߣߐ߫ ߓߌ߬ߟߊ߬ߒ߬ߘߐ߬ߖߎ߮ ߘߎ߰ߛߊ߬ߜߍ ߡߊ߬ ߌߞߘߐ߫، ߊ߬ߟߎ߬ ߟߊ߫ ߓߘߊ߫ ߓߊ߲߫ ߞߊ߬ ߞߏߘߐߛߏ߯ߙߋ ߥߛߊ߬ߓߊ߰ߦߊ ߘߏ߫ ߛߌ߰ ߛߋ߲߬ߠߊ߫، ߕߋ߲߭ߕߋ߲߭ ߣߌ߲߬ ߘߐ߫߸ ߛߊ߲ߡߊߞߎߟߎ߲ ߟߊ߬ߞߎ߲߬ߘߎ߬ߟߊ߲ ߓߊ߬߸ ߊ߬ ߣߌ߫ ߞߊ߲ ߡߍ߲ ߠߎ߬ ߕߘߍ߬ ߝߐ߫ ߟߊ߫ ߛߊ߲ߡߊߞߎߟߎ߲ ߞߣߐ߫ ߦߋ߲߬߸ ߏ߬ ߟߎ߬ ߓߍ߯ ߓߘߊ߫ ߛߋ߫ ߡߊߛߐ߬ߘߐ߲߬ ߠߊ߫، ߏ߬ ߟߋ ߘߐ߫߸ ߊ߬ߟߎ߬ ߞߊ߲߫ ߞߏ߫ ߊߡߙߌߞߌ߬ ߦߋ߫ ߛߐ߬ߘߐ߲߫ ߊ߬ߟߎ߫ ߝߍ߬ ߣߌ߲߬ ߞߏ ߢߊߢߌߣߌ߲ ߘߐ߫߸ ߛߊ߲ߡߊߞߎߟߎ߲ ߏ߬ ߡߍ߲ ߠߊߘߊ߲߫ ߘߊ߫ ߛߌ߯ߣߌ߲߬ ߓߟߏ߫߸ ߟߏ߬ ߖ߭ߌ ߣߍ߳ߝ.

ߜ߭ߊ߯ߣߊ߬ ߕߍߓߊ߯ߦߊ ߞߎ߲߬ߕߌ߮ ߛߊߡߌߦߍߟ ߏߞߎߘߑߖ߭ߋߕߏ ߊߓߑߟߊߞߑߥߊ߫ ߞߵߊ߬ ߦߌ߬ߘߊ߬ ߞߏ߫ ߞߏ߲߬ߘߏ߬ ߝߌ߲ ߓߍߣߊ߬ ߟߊߕߊ߬ߡߌ߲߬ ߛߌ߯ߣߌ߲߬ ߛߊ߲ߡߊߞߎߟߎ߲߫ ߠߊߘߊ߲ߠߊ ߟߎ߫ ߡߊ߬߸ ߏ߬ ߟߎ߬ ߡߍ߲ ߠߎ߬ ߞߊ߬ ߛߊ߲ߡߊߞߎߟߎ߲ ߢߌ߲߬ ߠߊߘߊ߲߫ ߞߊ߬ߣߌ߲߬، ߏ߬ ߘߏ߲߬ ߦߋ߫ ߛߊ߬ߙߌ߬ߦߊ ߟߋ߬ ߘߌ߫߸ ߡߍ߲ ߣߌ߫ ߞߍߟߌ ߞߊ߫ ߞߊ߲߫ ߞߐߞߊ߲ߞߏ ߟߎ߬ ߞߏߟߊߕߊ߯ߡߊ߫ ߢߊ ߘߐ߫، ߓߊ߬ߙߌ߬߸ ߞߊ߲ߕߌ߮ ߞߏ߬ߣߌ߲ ߖߊ߬ߣߍ߲߬ ߡߍ߲ ߞߊ߲߬߸ ߏ߬ ߟߋ ߞߟߊ߬ߡߊ߬ߓߊ߰ ߟߎ߬ ߢߌߣߌ߲ ߘߌ߫ ߣߌ߲߬ ߞߏ ߢߊߢߌߣߌ߲ ߘߐ߫߸ ߡߍ߲ ߠߎ߬ ߦߋ߫ ߘߍߒߖߘߍߟߊ ߘߌ߫߸ ߖߐ߲߰ߛߊ߫ <<ߛߌߞߊ ߛߎ߮ ߓߍ߯>> ߘߌ߫ ߛߋ߫ ߡߊߕߊ߲߬ߞߊ߬ ߟߊ߫ ߢߊ ߡߍ߲ ߡߊ߬߸ ߊ߬ ߣߌ߫ ߞߏ ߟߎ߬ ߕߎ߬ߢߊ ߞߊߣߊ߬ ߡߊߕߎߣߎ߲߫.

ߖߡߊ߬ߣߊ ߗߋߘߋ߲ ߘߏ߫ ߟߎ߫ ߟߋ߬ ߕߘߍ߬ ߛߊ߲ߡߊߞߎߟߎ߲ ߣߌ߲߬ ߞߣߐ߫߸ ߞߊ߬ ߥߊ߫ ߖߊ߲߬ߖߏ߲ ߘߏ߫ ߘߐ߫ ߏߓߎߥߊߛߌ߫، ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߓߘߊ߫ ߣߊ߬ ߞߣߐ߬ߜߊ ߣߌ߫ ߢߌ߬ߣߌ߲߬ߞߊ߬ߟߌ߬ ߛߌߦߊߡߊ߲ ߘߌ߫ ߖߡߊ߬ߣߊ ߣߊ߲߬ߕߌ߮ ߟߎ߬ ߕߍ߰ߟߊ߫߸ ߏ߬ ߟߎ߬ ߡߍ߲ ߠߎ߬ ߟߊ߫ ߞߏߕߌ߮ ߕߏߣߍ߲߫ ߊ߬ ߘߐ߫ ߞߊ߬ߣߌ߲߬، ߊ߬ ߞߏ ߞߏ߬ߣߌ߲ ߢߊߢߌߣߌ߲ ߓߘߊ߫ ߛߌ߰ ߛߋ߲߬ߠߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.