ߖߌ߬ߣߍ߫ ߣߊ߲߬ߕߌ߮ ߟߎ߬ ߓߘߴߊ߬ ߟߊߛߋ߫ ߞߏ߫ ߛߙߊ߬ߟߏ߲߫ ߣߊ߲߬ߕߌ߮ ߘߏ߫ ߟߎ߫ ߟߋ߬ ߣߐ߬ ߓߐߕߏ߲ ߞߐߛߊ߬ߥߏ߬ ߟߊ߫߸ ߞߊ߬ ߣߵߊ߬ߟߎ߬ ߡߊߞߍ߫ ߜߊ߮ ߘߏ߫ ߞߘߐ߫ ߖߌ߬ߣߍ߫ ߘߎ߰ߞߟߏ ߞߊ߲߬، ߒ߬ߓߊ߬߸ ߕߍ߮ ߞߍ߫ ߘߊ߫ ߣߊ߲߬ߕߌ߰ ߁߆ ߘߐ߫ ߊ߬ߟߎ߬ ߘߐ߫߸ ߞߵߏ߬ ߟߎ߬ ߟߊߕߊ߬ߡߌ߲߫ ߞߕߌ ߕߐ߲ߓߟߏߡߊ ߟߎ߫ ߡߊ߬ ߘߐ߬ߛߏ߰ߙߋ߬ߟߌ߬ ߞߊ߲ߡߊ߬.
ߟߊ߬ߛߋ߬ߟߌ ߝ.߀߀߁/߂߀߂߆ ߡߍ߲ ߝߘߊߣߍ߲߫ ߖߌ߬ߣߍ߫ ߣߊ߲߬ߕߌ߰ ߘߊ߯ߘߐ ߟߊ߫߸ ߣߴߊ߬ ߟߊߖߍ߲ߛߍ߲߫ ߘߊ߫ ߂߀߂߆ ߞߏ߲ߞߏߜߍ ߕߋ߬ߟߋ߫ ߂߄ ߣߌ߲߬ ߡߊ߬ ߞߐߣߊߞߙߌ߫߸ ߊ߬ ߦߌ߬ߘߊ߬ߣߍ߲߫ ߏ߬ ߞߣߐ߫ ߞߏ߫ ߛߙߊ߬ߟߏ߲߫ ߣߊ߲߬ߕߌ߰ ߁߆ ߢߐ߲߰ ߠߋ߬ ߘߏ߲߬ ߘߊ߫ ߖߌ߬ߣߍ߫ ߘߎ߰ߞߟߏ ߞߊ߲߬ ߞߊ߯ߙߌߟߏ߲ ߂߀߂߆ ߞߏ߲ߞߏߜߍ ߕߋ߬ߟߋ߫ ߂߂ ߡߊ߬߸ ߞߵߊ߬ ߛߐ߬ߘߐ߲߬ ߘߏ߬ߠߌ߲ ߖߡߊ߬ߙߌ߬ ߛߌ߫ ߡߊ߫ ߘߴߊ߬ߟߎ߫ ߡߊ߬، ߏ߬ ߞߏߢߊ ߟߊߞߙߐ߬ߛߌ߬ ߘߊ߫ ߞߎߘߦߊ߫ ߘߎ߰ߣߍ߲ ߠߋ߬ ߞߣߐ߫ ߛߊ߲߬ߘߋ߬ߣߌ߬ߦߊ߫ ߡߙߊ߬ߘߊ߬ߙߋ߲ ߘߐ߫߸ ߝߙߊߣߊ߫ ߡߙߊ߬ߓߊ߰ߘߊ ߞߣߐ߫߸ ߞߎߘߍ߫ ߞߋߟߋ߲߫ ߣߌ߫ ߜߟߊ߬ߜߟߊ߫ ߗߡߍ߬ ߣߊ߯ߣߌ߲߫ ߠߋ߬ ߦߋ߲߬ ߣߌ߫ ߓߐߕߏ߲ ߕߍ߫.
ߣߊ߲߬ߕߌ߰ ߘߊ߯ߘߐ ߞߊ߲߫߸ ߞߏ߫ ߛߙߊ߬ߟߏ߲߫ ߣߊ߲߬ߕߌ߮ ߏ߬ ߟߎ߫ ߘߏ߲߬ ߘߊ߫ ߟߋ߬߸ ߞߊ߬ ߣߊ߬ ߜߊ߯ߣߍ߲ ߘߏ߫ ߘߐߓߍ߲߬߸ ߞߵߊ߬ߟߎ߬ ߟߊ߫ ߖߡߊ߬ߣߊ ߖߏ߲߬ߖߏ߲ ߘߎ߲߫ ߝߛߊߦߌ߫، ߖߌ߬ߣߍ߫ ߣߊ߲߬ߕߌ߰ ߝߊ߲ߞߊ ߝߣߊ߫ ߞߍ ߏ߬ ߞߊ߬ߟߊߡߊ߬߸ ߊ߬ߟߎ߫ ߥߟߌ߬ ߘߊ߫ ߌߞߘߐ߫ ߞߊ߬ ߥߊ߫ ߘߌ߲߬ߞߌߙߊ ߏ߬ ߘߐ߫ ߦߋ߲߬߸ ߞߊ߬ ߞߏ ߟߎ߬ ߥߊ߫ ߢߊ ߟߊߞߙߐ߬ߛߌ߬߸ ߞߊ߬ ߦߋ߲߬ ߓߌ߬ߟߊ߫ ߟߊ߬ߞߊ߲߬ߘߊ߬ߟߌ ߡߎ߬ߙߊ߲ ߞߣߐ߫.
ߦߙߐ ߏ߬ ߘߐ߫ ߦߋ߲߬߸ ߖߌ߬ߣߍ߫ ߣߊ߲߬ߕߌ߰ ߞߙߎ ߡߍ߲ ߠߎ߬ ߕߊ߯ ߘߊ߫߸ ߏ߬ ߟߎ߫ ߞߊ߬ ߛߙߊ߬ߟߏ߲߫ ߣߊ߲߬ߕߌ߰ ߁߆ ߡߌ߬ߣߊ߬߸ ߞߵߊ߬ߟߎ߬ ߓߟߏߝߋ߲ ߠߎ߬ ߣߴߊ߬ߟߎ߬ ߖߐ߯ߙߊ߲ ߘߏ߫ ߟߎ߫ ߝߣߊ߫ ߡߌ߬ߣߊ߬ ߢߊ߫ ߞߋߟߋ߲ ߏ߬ ߡߊ߬، ߡߌ߬ߣߊ߬ߓߊ߰ߕߐ ߏ߬ ߟߎ߫ ߕߊ߬ ߘߊ߫ ߞߵߊ߬ߟߎ߫ ߓߌ߬ߟߊ߬ ߞߕߌ ߕߐ߲ߓߟߏߡߊ ߟߎ߫ ߟߋ߬ ߕߊ߫ ߓߟߏ߫ ߡߊ߬߸ ߛߴߊ߬ ߞߏ ߘߌ߫ ߢߊߢߌߣߌ߲߫ ߢߊ ߡߍ߲ ߡߊ߬߸ ߞߵߊ߬ ߞߌ߬ߛߍ ߟߐ߲߫.
ߘߊ߯ߘߐ ߞߎ߲߬ߕߌ߮ ߞߵߊ߬ ߦߌ߬ߘߊ߬߸ ߞߏ߫ ߊ߬ ߦߋ߫ ߖߌ߬ߣߍ߫ ߣߊ߲߬ߕߌ߮ ߟߎ߫ ߝߏ߬ ߟߊ߫ ߓߐߕߏ߲ ߠߊ߫ ߦߋ߲߬߸ ߊ߬ߟߎ߬ ߟߊ߫ ߞߟߊߓߎ ߟߊ߫، ߊ߬ ߓߊ߲߫ ߘߊ߫ ߞߵߊ߬ ߞߊ߲ߠߊߘߌ߫ ߊ߬ߟߎ߫ ߡߊ߬߸ ߞߏ߫ ߊ߬ߟߎ߬ ߦߴߊ߬ߟߎ߬ ߢߡߊߟߐ߬ ߞߵߊ߬ߟߎ߫ ߖߊ߲߬ߕߏ߬ ߞߏߛߓߍ߫߸ ߞߵߊ߬ߟߎ߬ ߓߌ߫ ߞߘߊߎ߫߸ ߛߊ߫ ߞߊ߬ ߛߋ߫ ߖߡߊ߬ߣߊ ߟߊ߫ ߖߘߍ߬ߛߊ߬ߙߌ߬ߦߊ߬ߕߌ߰ߦߊ ߟߊߕߊ߲߬ߞߊ߬ ߟߊ߫ ߢߊ ߡߍ߲ ߡߊ߬.
ߣߌ߲߬ ߝߘߊ߫ ߘߊ߫ ߖߌ߬ߣߍ߫ ߣߊ߲߬ߕߌ߰ ߘߊ߯ߘߐ ߟߊ߫ ߟߊ߬ߛߋ߬ߟߌ ߝ.߀߀߁/߂߀߂߆ ߟߋ߬ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.