ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߘߊ߫ ߞߐߣߊߞߙߌ߫ ߞߕߌ߫ ߡߛߊߦߌ߲ߘߊ ߝߘߏ߬ߓߊ߬ ߞߕߌߓߋߟߋ߲ ߓߟߏ߫ ߂߀߂߅ ߞߏߟߌ߲ߞߏߟߌ߲ ߕߟߋ߬ ߄ ߡߊ߬߸ ߞߵߊ߬ ߓߍ߲߬ ߡߐ߰ ߟߎ߫ ߖߋ߬ߓߌ ߡߊ߬߸ ߡߍ߲ ߠߎ߬ ߦߋ߫ ߞߎߡߊ߫ ߟߊ߫ ߡߐ߰ ߟߊ߬ߕߎ߬ߣߎ߲߬ ߞߏ ߘߏ߫ ߟߎ߫ ߞߊ߲߬ ߛߐ߲߬߸ ߞߵߊ߬ ߕߐ߮ ߟߊ߫ ߞߎ߲߬ߠߊ߬ߛߌ߮ ߞߎ߲߬ ߘߍ߬ߞߙߏߝߏ ߟߎ߫ ߞߊ߲߬، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߓߌ߲߬ߓߊߥߏ ߦߴߊ߬ ߞߏ ߘߊ ߝߍ߬ ߕߐ߯ߕߌߢߍߟߌ ߞߊߡߊ߲ ߞߣߐ߫.

ߝߘߏ߬ߓߊ߬ ߞߕߌߓߋߟߋ߲ ߣߐ߬ ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߞߎߡߊ ߡߍ߲ ߠߎ߬ ߦߋ߫ ߝߌߙߌ߲ߝߌߙߌ߲ ߞߊ߲߬ ߘߍ߬ߞߙߏߝߏ ߟߎ߫ ߞߊ߲߬߸ ߞߊ߬ ߕߏ߫ ߡߐ߰ ߟߊ߬ߕߎ߬ߣߎ߲߬ ߞߏ ߟߎ߬ ߕߐ߮ ߟߊ߫ ߟߊ߫ ߞߎ߲߬ߠߊ߬ߛߌ߮ ߟߊ߫ ߛߐ߲߬، ߊ߬ߟߎ߫ ߞߵߊ߬ ߦߌ߬ߘߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫ ߞߏ߫ ߞߎߡߊ ߏ߬ ߟߎ߬ ߦߋ߫ <<ߝߐ߫ ߟߊ߫ ߞߊ߬ߟߏ߲߬ߕߍ߮ ߟߋ߬ ߡߊ߬ ߦߋ߲߬ ߕߋ߲߬ ߝߎ߯ߝߊߕߌ߫߸ ߘߊ߬ߟߎ߬ ߖߐ߲ߖߐ߲߫ ߛߌ߫ ߕߴߊ߬ ߟߊ߫>> ߊ߬ ߖߍ߬ߘߍ߸ ߊ߬ߟߎ ߦߴߊ߬ ߖߊ߬ߕߋ߬ ߟߊ߫<<ߖߊ߬ߡߊ ߟߊ߫ ߖߛߎ߬ߛߎߡߊ ߘߐߓߎ߬ߘߎ߲ ߠߋ߬ ߘߌ߫߸ ߊ߬ ߣߌ߫ ߥߎߦߊ߫ ߞߎ߲ߠߊߝߏߣߌ߲߫ ߡߊߛߌߟߊ߲ߣߍ߲ ߠߛߊߙߌ>>.

ߘߐ߬ߛߙߋ ߣߌ߲߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߟߊ߬ߕߎ߬ߣߎ߲߬ ߝߏߦߌ߬ ߞߍߣߍ߲߫߸ ߊ߬ ߓߍ߯ ߦߋ߫ ߛߊ߬ߙߌ߬ߦߊ߬ ߓߟߏ߫߸ ߊ߬ ߘߏ߲߬ ߞߏ ߟߎ߬ ߦߋ߫ ߟߊߕߊ߯ߡߊ߫ ߟߊ߫ ߝߣߊ߫ ߦߏ߫ ߊ߬ ߝߐߣߍ߲߫ ߛߊ߬ߙߌ߬ߦߊ߬ ߓߟߏ߫ ߢߊ ߡߍ߲ ߡߊ߬، <<ߞߏ߫ ߛߌ߫ ߞߍ߫ ߘߊ߫ ߖߊ߬ߛߏ߲߬ߠߌ߲߬ ߞߏ ߘߌ߫߸ ߥߟߊ߫ ߟߊ߬ߕߎ߬ߣߎ߲߬ߠߌ߲߬ ߘߌߦߊߜߏߦߡߊ߸ ߣߴߊ߬ ߓߘߊ߫ ߓߊ߲߫ ߛߋ߫ ߟߊ߫ ߛߊ߬ߙߌ߬ߦߊ߬ ߓߟߏߞߘߐ߫߸ ߢߊ ߦߴߏ߬ ߓߍ߯ ߝߍ߬ ߟߋ߬>>߸ ߞߕߌߓߋߟߋ߲ ߠߋ߬ ߞߊ߲߫ ߕߋ߲߬، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ <<ߢߌ߬ߣߊ߬ ߡߊ߫ ߞߍ߫ ߘߐ߬ߛߙߋ߬ ߛߌ߫ ߞߐ߫߸ ߊ߬߬ ߝߋ߲߫ ߘߏ߲߬ ߝߣߊ߫ ߡߊ߫ ߛߋ߲߬ߓߐ߫ ߢߊߢߌߣߌ߲ߠߌ߲ ߘߐ߫>>.

ߞߕߌߓߋߟߋ߲ ߞߊ߲߫ ߞߏ߫ ߛߊ߬ߙߌ߬ߦߊ߬ ߛߓߍ߫ ߟߋ߬ ߦߋ߲߬߸ ߓߊ߯ߙߊ ߦߋ߫ ߞߍ߫ ߟߊ߫ ߡߍ߲ ߡߊ߬، ߊ߬ ߘߏ߲߬߸ ߂߀߂߅ ߕߎߟߊߝߌ߲ ߕߋ߬ߟߋ߫ ߂߆ ߛߌ߰ߞߊ߲ ߓߊ߬߸ ߊ߬ ߣߌ߫ ߂߀߁߅ ߥߊ߬ߛߌ߬ߥߙߊ ߕߟߋ߬ ߄  ߛߊ߬ߙߌ߬ߦߊ ߓߊ߬߸ ߏ߬ ߟߎ߬ ߓߍ߯ ߦߋ߫ ߞߎ߲߬ߠߊ߬ߛߌ߮ ߟߊ߫ ߛߌ߲߬ߝߏ߲߬ߘߊ ߟߎ߬ ߡߊߛߊ߲߬ߛߊ߲߬ ߠߊ߫ ߟߋ߬. ߛߊ߬ߙߌ߬ߦߊ ߏ߬ ߟߎ߬ ߓߍ߯ ߘߏ߲߬ ߦߋ߫ <<ߕߐ߯ߕߌߢߍߟߌ߫ ߞߏ ߟߎ߬ ߟߊߕߐ߲߫ ߠߊ߫ ߟߋ߬߸ ߊ߬ ߣߌ߫ ߞߊ߬ߙߏ߲߬ߕߍ߮ ߣߌ߫ ߜߍߘߐ߫ ߖߓߍߟߌ ߣߌ߫ ߘߐ߯ߦߡߊ ߣߌ߫ ߥߎߦߊ߫ ߞߎ߲߬ߠߊߝߏߣߌ߲ ߠߎ߬ ߟߊߖߍ߲ߛߍ߲ ߓߍ߯ ߟߊߕߐ߲߫ ߠߊ߫ ߟߋ߬ ߘߍ߬ߞߙߏߝߏ ߟߎ߫ ߞߊ߲߬.>>

ߞߕߌߓߋߟߋ߲ ߞߊ߲߫ ߞߏ߫ ߡߐ߰ ߛߌ߫ ߞߊ߬ ߞߎ߲߬ߞߏ߬ߕߐ߬ߦߊ߬ ߞߏ ߘߏ߫ ߟߊ߫ ߛߌ߲߬ߝߏ߲߬ߘߊ ߟߊ߫ ߦߋ߲߬ ߕߋ߲߬ ߣߌ߫ ߘߊ߬ߟߎ߬ ߖߐ߲ߖߐ߲߫ ߕߍ߫߸ ߏ߬ ߓߌߣߊ߬ <<ߣߐ߬ߝߍ߬ߜߍ߲߫ ߞߏߟߊߕߐ߲߫ ߓߟߏ ߡߊ߬>> ߕߐ߯ߕߌߢߍߟߌ ߞߏߛߐ߲߬߸ ߊ߬ ߣߌ߫ ߜߍߘߐ߫ ߖߓߍߟߌ߸ ߥߟߊ߫ ߥߎߦߊ߫ ߞߎ߲߬ߠߊߝߏߣߌ߲ ߠߖߊߙߌ ߞߏߛߐ߲߬، ߊ߬ ߘߏ߲߬ ߞߏ ߟߊߕߊ߯ߡߊߕߐ߫ ߞߵߊ߬ ߓߍ߲߬ ߓߌ߲߬ߓߊ߬ߥߏ߬ߟߌ ߛߊ߬ߙߌ߬ߦߊ߬ߛߎ߲ ߠߊ߫ ߝߐߟߌ ߟߋ߬ ߡߊ߬.

ߟߊ߬ߛߋ߬ߟߌ ߣߌ߲߬ ߦߋ߫ ߓߍ߯ ߟߐ߬ ߟߴߊ߬ ߟߊ߫ ߞߍߕߊ߫ ߞߍ߫ ߟߊ߫ <<ߡߙߌߦߊ ߟߎ߬ ߞߊ߲ߠߊߓߌ߬ߟߊ߬ߣߍ߲߫ (…)߸ ߓߊ߬ߙߌ߬ ߏ߬ ߕߴߛߋ߫ ߘߊ߲ߕߌߢߍߟߌ ߤߊߞߍ߫ ߘߌ߫ ߟߊ߫ ߡߐ߰ ߡߊ߬߸ ߞߎߡߊߕߍ߫ ߞߏ߫ ߌ ߦߋ߫ ߘߏ߲߬ ߞߊ߲ߓߍ߲߫ ߡߎ߯ߡߍ ߛߌ߲߬ߝߏ߲߬ߘߊ ߘߏ߫ ߞߊ߬ߛߌ ߘߐ߫ ߦߋ߲߬ ߕߋ߲߬.>> ߞߕߌߓߋߟߋ߲ ߞߊ߲߫ ߞߏ߫ ߊ߬ߟߎ߬ ߕߴߊ߬ ߝߍ߬ ߞߎ߲߬ߠߊ߬ߛߌ߮ ߦߋ߫ ߡߊߣߐ߯ ߞߊ߬ߟߏ߲ ߞߎ߲߬ߠߊ߫ ߦߋ߲߬ ߕߋ߲߬، ߏ߬ ߘߐ߫߸ ߡߐ߰ ߛߌ߫ ߞߵߊ߬ ߢߐ߲߰ ߞߍ߫߸ ߏ߬ ߕߌ߱ ߘߌ߫ ߣߍ߬ߝߍ߬ߜߍ߲߫ ߦߏ߫ ߊ߬ ߞߊ߫ ߞߊ߲߫ ߢߊ ߡߍ߲ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.