ߞߐ߬ߟߏ߲ ߣߌ߲߬ ߡߊ߬߸ ߂߀߂߆ ߓߌ߲ߠߊߥߎߟߋ߲ ߕߟߋ߬ ߆߸ ߞߎ߲߬ߠߊ߬ߛߌ߰ ߛߌ߲ߝߏ߲ ߠߎ߬ ߕߊ߯ ߘߊ߫ ߟߋ߬ ߛߊ߲߬ ߞߎ߬ߘߊ߬ ߝߏߟߌ ߟߊ߫ ߞߊ߲ߓߍ߲ ߞߊ߲ߕߌ߮ ߕߍ߰ߟߊ ߘߐ߫ ߞߎߓߋ߫ ߡߏ߬ߤߊ߬ߡߍ߬ߘ ߅߲ ߞߣߐ߫߸ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ߣߌ߲߬، ߏ߬ ߞߍ߫ ߘߊ߫ ߖߊ߲߬ߖߏ߲߫ ߕߣߐ߬ߡߊ߬ߓߊ߫ ߟߋ߬ ߘߌ߫ ߓߌ߬߸ ߖߡߊ߬ߣߊ ߡߙߊ߬ߓߊ߮ ߟߎ߬ ߟߊ߫ ߢߐ߲߯ ߠߊߘߍ ߦߙߐ߫ ߞߋߟߋ߲߫.

A large group of people is posing for a photo in a building with a welcoming interior. They are all dressed in white, with some wearing traditional attire. The background features the colors of the national flag, and there are decorative elements in the environment.

ߖߌ߬ߣߍ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߟߋ߬ ߕߊ߯ ߘߊ߫ ߝߏ߬ߟߌ ߟߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߝߍ߬ ߞߎߓߋ߫ ߡߏ߬ߤߊ߬ߡߍ߬ߘ ߅߲ ߞߣߐ߫ ߓߌ߬ ߞߐ߬ߟߏ߲ ߣߌ߲߬ ߡߊ߬߸ ߞߊ߬ ߥߴߊ߬ ߝߏ߬ ߛߊ߲߬ ߞߎߘߊ ߝߏ߬ߟߌ ߟߊ߫߸ ߞߵߊ߬ ߛߊ߲߬ߓߍߛߊ߲߬ߓߍ߫، ߒ߬ߓߊ߬߸ ߕߊ߯ߡߊ߫ ߛߘߍ ߣߌ߲߬ ߘߐ߫߸ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߢߍߡߌ߬ߣߊ߬ߣߍ߲߫ ߕߘߍ߬ ߞߏߕߌ߯ ߝߟߐ ߟߋ߬ ߓߟߏ߫߸ ߊߡߊߘߎ߫ ߎ߯ߙߌ߬ ߓߊ߸ ߊ߬ ߣߌ߫ ߞߊ߲ߕߌ߯ߘߊ ߞߎߓߋߘߐ ߛߌ߲߬ߝߏ߲ ߠߎ߬߸ ߞߏߕߌ߯ ߝߘߏ߬ߓߊ߬ ߞߟߊ߬ߕߌ߮ ߡߍ߲ ߦߋ߫ ߞߊ߲ߕߌ߯ߘߊ ߟߊ߫߸ ߞߟߍ߬ߕߌ߰ ߊߡߙߊ߫ ߞߡߊ߬ߙߊ߬߸ ߊ߬ ߣߌ߫ ߞߊ߲ߕߌ߯ߘߊ ߞߎߓߋߘߐ ߗߋߕߌ߮߸ ߛߟߊߕߌ߯ ߖߌ߯ߓߊ߫ ߖߊ߬ߞߌ߬ߕߋ߫، ߣߌ߲߬ ߞߍ߫ ߘߊ߫ ߖߊ߲߬ߖߏ߲߬ߓߊ߫ ߟߋ߬ ߘߌ߫ ߓߌ߬߸ ߡߍ߲ ߖߌ߲ߘߊ߲ ߥߙߊ߬ ߘߊ߫ ߞߏߛߓߍ߫.

ߣߌ߲߬ ߞߍ߫ ߘߊ߫ ߖߡߊ߬ߣߊ ߡߊ߬ߙߊ ߛߌ߲߬ߝߏ߲߬ߘߊ ߟߎ߬ ߟߊߘߍ߬ ߟߏ߲ ߘߏ߫ ߟߋ߬ ߘߌ߫ ߦߙߐ߫ ߞߋߟߋ߲߫ ߘߐ߫߸ ߊ߬ߟߎ߫ ߞߵߊ߬ߟߎ߬ ߟߊ߫ ߖߘߍ߬ߘߌ ߟߊߞߎߘߦߊ߫ ߦߙߐ ߡߍ߲ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߛߌ߮ ߓߌߣߍ߲߫߸ ߊ߬ ߣߴߊ߬ߟߎ߬ ߦߋ߫ ߓߊ߯ߙߊ߫ ߟߊ߫ ߖߡߊ߬ߣߊ ߟߊ߫ ߕߐ߬ߣߐ ߡߞߊߘߊ߲ ߠߋ߬ ߞߏߛߐ߲߬، ߞߊ߬ߝߏ߬ ߞߎ߲ߕߌ߮ ߓߊ߬߸ ߊ߬ ߣߌ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߕߐ߬ߡߊ ߟߎ߬߸ ߝߊ߰ߣߌ߲߬ ߜߍ ߟߋ߬ ߕߍ߬ߘߍ߫ ߊ߬ߟߎ߬ ߞߊ߲ߠߊ߫߸ ߓߊ߬ߛߊ߲߬ߜߍ ߞߊ߫ ߛߌߦߊ߫ ߕߍ߬ߘߍ߫ ߊ߬ ߘߐ߫ ߞߏߛߓߍ߫، ߏ߬ ߡߍ߲ ߞߍ߫ ߘߴߊ߬ߟߎ߬ ߓߟߏ߫ ߖߐ ߣߌ߫ ߖߛߎ߬ߛߎߡߊ ߕߐ߰ߡߊ߬ߛߙߋ ߘߌ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊߘߍ߬ߣߍ߲߫ ߖߡߊ߬ߣߊ ߟߊ߫ ߞߏ ߤߊߡߌ߲ ߠߋ߬ ߘߌ߫ ߥߊ߬ߣߌ߲߬ߞߋ߬ ߜߍߣߍ߲ ߞߊ߲߬.

Group of individuals in white attire seated in an elegant indoor setting, with some wearing traditional headwear and the national emblem in the background.

ߞߏߕߌ߯ ߝߟߐ ߞߎߡߊ߫ ߘߊ߫ ߖߡߊ߬ߣߊ ߞߏߕߌ߮ ߕߐ߭ ߟߎ߬ ߕߐ߯ ߘߐ߫߸ ߞߵߊ߬ߟߎ߬ ߟߊ߫ ߛߊ߲߬ ߞߎ߬ߘߊ߬ ߝߏߟߌ ߟߊߛߋ߫ ߞߊ߲ߓߍ߲ ߞߊ߲ߕߌ߮ ߡߊ߬߸ ߘߎ߬ߥߊ߬ߥߎ߬ ߓߘߍ ߘߌ߫߸ ߞߍ߲ߘߍߦߊ ߟߊ߫߸ ߤߙߊ ߟߊ߫߸ ߊ߬ ߣߌ߫ ߛߎߘߊ߲ ߠߊ߫، ߞߏߕߌ߮ ߟߎ߬ ߞߵߏ߬ ߓߍ߲߬ߛߋ߲߬ߡߊ ߕߣߐ߬ߓߐ߬߸ ߞߵߊ߬ߟߎ߬ ߟߊ߫ ߞߎߟߎ߲ߖߋߟߌ ߟߊߛߋ߫ ߞߊ߲ߓߍ߲ ߞߊ߲ߕߌ߯ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߊ߬߸ ߊ߬ ߟߊ߫ ߛߎߘߊ߲ ߞߏߛߐ߲߬ ߂߀߂߅ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߘߐ߫߸ ߞߊ߬ ߞߍ߫ ߖߡߊ߬ߣߊ ߡߙߊ߬ߓߊ߰ ߛߊ߲ߘߐߕߊ ߘߌ߫، ߊ߬ߟߋ߬ ߓߍ߲߬ߒ߬ߛߋ߲߬ߡߊ߬ ߞߋߟߋ߲ ߠߋ߬ ߞߏߛߐ߲߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߌߣߍ߲߫߸ ߞߊ߬ ߓߊ߯ߙߊ߫ ߖߌ߬ߣߍ߫ ߖߡߊ߬ߣߊ ߦߋ߫ ߝߊ߬ߛߏ߬ ߞߊߣߌ߲ ߓߊ߯ߙߊ ߟߊ߫߸ ߖߋ߬ߓߌ߬ߦߊ߬ߟߌ ߟߊ߫߸ ߞߣߐߜߍߦߊ ߓߊ߯ߙߊ ߟߊ߫߸ ߊ߬ ߣߌ߫ ߖߡߊ߬ߣߊ ߛߊ߬ߙߌ߬ߦߊ ߟߎ߬ ߡߊߓߏ߲߬ߧߊ ߞߊ߲߬߸ ߝߘߊ߬ߝߌ߲߬ߧߊ ߞߊ߬ߣߌ߲ ߣߌ߫ ߝߊ߬ߛߏ߬ ߞߊߣߌ߲ ߥߍ߬ߣߍ ߘߌ߫߸ ߏ߬ ߡߍ߲ ߦߋ߫ ߞߊ߲ߕߌ߮ ߡߙߌߦߊ ߘߌ߫ ߞߊ߬ߣߌ߲߬.

ߏ߬ ߖߋ߬ߓߌ ߘߐ߫߸ ߞߊ߲ߕߌ߯ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ߟߎ߫ ߝߏ߬ ߊ߬ߟߎ߬ ߟߊ߫ ߓߊ߯ߙߊ ߟߊ߫߸ ߞߵߊ߬ߟߎ߫ ߝߏ߬ ߊ߬ߟߎ߬ ߟߊ߫ ߞߍߢߐ߲߯ߝߍ ߟߊ߫߸ ߞߵߊ߬ߟߎ߫ ߝߏ߬ ߊ߬ߟߎ߬ ߟߊ߫ ߞߍߞߋߟߋ߲ߘߌ ߟߊ߫ ߞߎ߲߬ߠߊ߬ߛߌ߮ ߟߊ߫ ߞߏ߫ ߟߊߕߊ߯ߡߊ߫ ߢߊ ߟߎ߬ ߘߐ߫، ߊ߬ߟߎ߬ ߟߊ߫ ߕߟߏߡߊߟߐ߫ ߞߏߢߌߡߊ ߞߏߛߐ߲߬ ߖߡߊ߬ߣߊ߬ߘߋ߲ ߠߎ߬ ߟߊ߫߸ ߊ߬ ߣߴߊ߬ߟߎ߫ ߟߐ߭ ߞߏߛߐ߲߬ ߊ߬ߟߎ߫ ߛߋ߲߭ ߞߎ߲߬ߘߐ߫ ߖߡߊ߬ߣߊ ߟߊ߫ ߥߙߎߞߌ ߢߊߢߌߣߌ߲ ߘߐ߫߸ ߞߊ߬ ߛߋ߫ ߖߌ߬ߣߍ߬ߞߊ ߟߎ߫ ߡߊ߬ߞߏߢߊ߬ ߟߊ߫߸ ߞߵߊ߬ߟߎ߬ ߤߊߡߌ߲ ߦߙߊ߬.

A group of men dressed in white traditional attire walking together, with green foliage in the background.

ߞߊ߬ߝߏ߬ ߞߎ߲ߕߌ߮ ߞߊ߬ ߛߊ߲߬ ߞߎ߬ߘߊ߬ ߝߏߟߌ ߟߊߛߴߊ߬ߟߎ߬ ߝߣߊ߫ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߂߀߂߆ ߟߋ߬ ߞߍߕߐ߫ ߛߊ߲߬ ߥߐߙߐ߲ߝߌ߬ߟߊ߫ ߟߐ߬ߒ߬ߞߋ߬ߟߊ ߘߊߡߌߣߊ ߘߌ߫߸ ߏ߬ ߡߍ߲ ߞߍߕߐ߫ ߓߊ߯ߙߊ ߕߎ߬ߡߊ ߘߌ߫߸ ߞߎ߬ߛߊ߲߬ߧߊ ߟߊ߫߸ ߊ߬ ߣߌ߫ ߞߍߞߋߟߋ߲ߘߌ ߣߌ߫ ߖߌ߰ߡߊ߬ߝߊ ߟߊ߫߸ ߞߊ߬ ߞߏ߫ ߞߍ߫ ߖߌ߬ߣߍ߬ ߞߣߐ߫߸ ߡߍ߲ ߢߐ߲߰ ߡߊ߫ ߘߋ߬ߙߌ߬ ߞߍ߫ ߟߊ߫߸ ߞߊ߬ ߘߐ߬ߝߐ ߟߊߘߊ߲߫߸ ߞߵߊ߬ ߓߍ߲߬ ߖߡߊ߬ߣߊ߬ߘߋ߲ ߠߎ߬ ߡߊ߬ߞߏߢߊ߭ ߡߊ߬.

ߖߊ߲߬ߖߏ߲ ߣߌ߲߬ ߘߐ߫߸ ߞߊ߲ߕߌ߮ ߣߌ߫ ߞߎ߲߬ߠߊ߬ߛߌ߰ ߛߌ߲ߝߏ߲ ߠߎ߬ ߞߊ߬ ߛߌ߲ߞߐ߲ߡߌߘߊ߫ ߖߌߦߊߓߍ ߟߎ߬ ߕߊ߬߸ ߞߊ߬ ߓߊ߲߫ ߞߵߊ߬ߟߎ߫ ߓߌ߬ߟߊ߬ߛߌ߬ߟߊ߫ ߞߎߓߋ ߞߣߐ߫߸ ߞߊ߬ ߕߊ߬ߡߌ߲߬ ߊ߬ߟߎ߫ ߓߊ߬ߘߏ߬ ߟߊ߫، ߤߊ߫߸ ߣߌ߲߬ ߞߍ߫ ߘߊ߫ ߞߏߓߊ߫ ߘߌ߫ ߓߌ߬߸ ߡߍ߲ ߞߵߊ߬ ߦߌ߬ߘߊ߬ ߞߏ߫ ߞߊ߲ߕߌ߮ ߟߊ߫ ߞߏ ߣߐ߰ߡߊ߲߬߸ ߊ߬ ߖߊ߲߬ ߦߴߊ߬ ߓߊ߯ߙߊߢߐ߲߮ ߠߎ߬ ߞߐ߫߸ ߊ߬ ߘߏ߲߬ ߦߴߊ߬ ߛߋߞߏ ߞߍ߫ ߟߊ߫ ߤߊ߲ߞߟߌ ߟߎ߬ ߟߊߞߎߣߎ߲ ߘߐ߫߸ ߊ߬ ߣߌ߫ ߢߐ߲߯ߘߍߡߍ߲ ߓߊ߲ߓߊ߲ ߘߐ߫ ߖߡߊ߬ߣߊ ߟߊߥߙߎߞߌ ߞߊ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.

A formal gathering in an elegantly decorated room, with participants dressed in white traditional attire, seated on either side of a red carpet. In the background, two flags and a gold-framed emblem can be seen.