ߊߟߎ߫ ߦߴߊ߬ ߟߐ߲߫߸ ߊ߲ ߠߊ߫ ߟߌ߬ߤߟߊ߫ ߕߊ߬ߡߌ߲߬ߣߍ߲ ߠߎ߬ ߞߎߡߊ߫ ߘߊ߫ ߖߊ߲߬ߖߏ߲ ߘߏ߫ ߞߊ߲߬߸ ߡߍ߲ ߞߍ߫ ߘߊ߫ ߞߙߏ߬ߡߊ߬ߘߎ߯ ߂߀߂߆ ߞߏ߲ߞߏߜߍ ߕߟߋ߬ ߇ ߡߊ߬߸ ߞߐ߬ߖߊߙߊ߲߫ ߡߙߊ߬ߘߊ߬ߙߋ߲ ߞߣߐ߫߸ ߡߊ߲߬ߖߊ߲߬ߠߊ߫ ߡߙߊ߬ߓߊ߰ߘߊ ߘߐ߫߸ ߞߎߘߍ߫ ߈߀ ߢߐ߲߰ ߠߊ߫.

ߡߊ߬ߡߊ߬ߘߌ߫ ߞߙߎ߬ߡߊ߬ ߦߋ߫ ߘߊ߬ߡߊ߲߬ߛߋ߲߬ߠߊ ߟߋ߬ ߘߌ߫߸ ߡߍ߲ ߦߋ߫ ߖߌ߰ߕߍ߮ ߘߐ߫ ߞߏߛߓߍ߫، ߓߊߏ߬߸ ߊ߬ ߕߎ߲߬ ߓߘߊ߫ ߓߐ߫ ߥߊߘߌ߫ ߢߌߣߌ߲߫ ߞߊ߲ߡߊ߬ ߛߋ߲߬ߢߊ߫ ߛߊ߬ߓߊ߫ ߢߐ߲߰߸ ߏ߬ ߛߌ߫ ߡߊ߫ ߓߍ߲߬ ߊ߬ ߓߟߏ߫، ߢߣߊߡߦߊ ߜߟߍ߬ߦߊ ߏ߬ ߟߋ ߞߏߛߐ߲߬߸ ߊ߲ ߠߊ߫ ߟߌ߬ߤߟߊ߫ ߞߎ߲߬ߝߟߐ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߞߵߊ߬ ߖߍ߬ߘߍ߫ ߗߍ߬ߦߊ ߕߍ߰ ߊ߬ ߟߊ߫ ߞߡߋߛߎ ߟߊ߫߸ ߞߵߊ߬ ߛߐ߬ߘߐ߲߬ ߊ߬ ߦߴߊ߬ ߛߌ߬ߓߏ߲ ߞߣߐ߫.

ߊ߬ ߕߊ߬ ߢߊ ߟߋ߬ ߞߍ߫ ߘߴߏ߬ ߘߌ߫ ߞߵߊ߬ ߟߊߣߊ߬ ߞߊ߲ߞߊ߲߫ ߕߌ߲߬ߞߎߘߎ߲ ߘߊ߲ߘߊߛߏߓߊ ߟߊ߫߸ ߊ߬ ߘߏ߲߬ ߘߊ߫ ߛߎ߯ߣߊߝߏߟߏ߲ߟߐ߲ߘߊ ߓߊ߯ߙߊߞߍߟߊ ߟߎ߫ ߟߋ߬ ߓߟߏ߫߸ ߏ߬ ߟߎ߬ ߛߋ߫ ߘߴߊ߬ ߡߊߝߌ߬ߛߦߊ߬ ߝߛߊߦߌ߫، ߊ߬ ߣߌ ߓߘߊ߫ ߟߊߞߛߌ߫ ߕߋ߲߬߸ ߒ߬ߞߊ߬ ߘߊ߲ߘߊߟߌߟߊ ߟߎ߬ ߦߋ߫ ߞߎߛߎ߲ ߘߐ߫ ߡߎߣߎ߲߬߸ ߞߵߊ߬ ߓߍ߲߬ ߊ߬ ߟߊ߫ ߗߍ߬ߦߊ ߛߐ߲߬ ߞߏ ߡߊ߬ ߓߊ߯ߙߊ߫ ߟߊ߫ ߥߊ߯ߕߌ߫ ߣߊ߬ߕߐ ߟߎ߬ ߘߐ߫ ߡߎ߬ߕߎ߲߬ ߦߏ߫ ߊ߬ ߞߊ߫ ߞߊ߲߫ ߞߊ߬ ߓߊ߯ߙߊ߫ ߢߊ ߡߍ߲ ߡߊ߬.

ߊ߬ߟߋ ߡߍ߲ ߟߊߟߊ߫ ߛߊ߲ ߦߋ߫ ߕߋ߲߬߸ ߘߊ߲ߘߊߟߌߟߊ ߟߎ߬ ߟߊ߫ ߘߐ߬ߖߊ ߛߊߓߎ߫ ߟߊ߫߸ ߊ߬ ߦߋ߫ ߛߋ߫ ߟߴߊ߬ ߓߐ߫ ߟߴߊ߬ ߣߐ߭ ߘߐ߫ ߕߋ߲߬߸ ߞߵߊ߬ ߡߊߕߊ߯ߡߊ߫ ߘߊ߲ߘߊߟߌ߫ ߓߏ߲ߘߊ ߏ߬ ߘߊߞߘߐߟߊ ߟߎ߬ ߘߐ߫߸ ߘߐ߬ߓߛߏ߬ߟߌ߬ ߖߐ߲ߖߐ߲ ߠߎ߬ ߞߍߣߍ߲ ߞߐߝߍ߬ ߊ߬ ߟߊ߫، ߞߏ߲߬ߓߏ߫ ߊ߲߬ߛߎ߬ߡߊߣ ߛߘߌ߬ߓߋ߬ ߡߍ߲ ߦߋ߫ ߛߎ߯ߣߊߝߏߟߏ߲ߟߐ߲ ߗߋߢߘߊ ߗߋߞߎ߲ ߘߌ߫߸ ߏ߬ ߞߊ߬ ߢߊߝߐߟߌ߫ ߞߍ߫ ߊ߬ ߞߏߢߊ ߞߊ߲߬:

<<߂߀߂߆ ߞߏ߲ߞߏߜߍ ߕߟߋ߬ ߇ ߟߋ߬ ߡߊ߬߸ ߊ߲ ߠߊߟߐ߲ߠߌ߲߫ ߘߊ߫ ߞߏ߫ ߟߞߊߟߌߡߊ߲ ߠߎ߬ ߗߋߢߘߊ ߓߟߏ߫ ߞߏ߫ ߖߊ߲߬ߞߊ߬ߙߏ߬ߕߐ ߘߏ߫ ߓߘߴߊ߬ߟߎ߫ ߝߍ߬ ߦߋ߲߬߸ ߡߍ߲ ߣߐ߬ ߊ߬ ߖߍ߬ߘߍ߫ ߗߍ߬ߦߊ ߕߍ߰ ߟߴߊ߬ ߟߊ߫، ߊ߬ ߞߎ߲߬ߞߎߘߎ߲ ߠߊߡߙߊ߬ߣߍ߲߫ ߊ߬ ߟߊ߫ ߡߐ߱ ߟߎ߬ ߓߟߏ߫، ߊ߬ ߟߊߟߊ ߌߞߘߐ߫߸ ߊ߲ ߞߊ߬ ߞߎ߲߬ߞߎߘߎ߲ ߏ߬ ߕߊ߬ ߞߵߊ߬ ߓߌ߬ߟߊ߬ ߖߋ߬ߟߌ߬ߛߎ߲߫ ߞߐ߰ߡߊ ߘߐ߫߸ ߞߣߊ߬ߕߏ߫ ߊ߬ߟߋ߫ ߖߍ߬ߘߍ ߟߊߘߏ߲߬ ߠߊ߫ߘߐ߬ߓߛߏ߬ߟߌ߬ ߓߏ߲ ߞߣߐ߫، ߓߊߏ߬߸ ߖߋ߬ߟߌ ߖߍ߬ߘߍߖߍ߬ߘߍ ߟߋ߬ ߕߘߍ߬ ߓߐ߫ ߟߴߊ߬ ߡߊ߬߸ ߡߍ߲ ߞߵߊ߬ߟߋ߫ ߖߍ߬ߘߍ ߟߊ߫ ߞߏ ߓߌ߬ߟߊ߫ ߖߐ߬ߘߐ ߘߐ߫، ߊ߲ ߞߊ߬ ߡߊ߬ߝߟߍ߬ߟߌ ߟߎ߬ ߣߌ߫ ߘߐ߰ߘߏ߲߬ߠߌ߲ ߠߎ߬ ߞߍ߫߸ ߞߵߊ߲ ߞߊߘߊ߲߫߸ ߥߟߊߞߏ߫ ߊ߬ ߘߌ߫ ߛߋ߫ ߓߊ߯ߙߊ ߘߏ߫ ߟߎ߫ ߞߍ߫ ߟߴߊ߬ ߟߊ߫ ߢߊ ߡߍ߲ ߡߊ߬، ߓߌ߬ ߕߋ߲߬߸ ߊ߬ ߣߌ ߓߘߊ߫ ߟߊߞߛߌ߫.>>

ߞߊ߬ ߖߊ߲߬ߞߊ߬ߙߏ߬ߕߐ ߣߌ߲߬ ߟߊߟߊߣߍ߲ ߕߏ߫ ߘߊ߲ߘߊߛߏ ߟߊ߫߸ ߣߡߌߛߊ ߦߋ߫ ߦߋ߫ ߟߴߊ߬ ߢߊ ߘߐ߫، ߡߊ߬ߡߊ߬ߘߌ߫ ߞߙߎ߬ߡߊ߫ ߞߵߊ߬ ߦߌ߬ߘߊ߬ ߞߏ߫: <<ߒߠߋ ߞߋߟߋ߲߫ ߠߋ߬ ߒ ߣߊ߫ ߓߟߏ߫، ߒ ߓߐߣߍ߲߫ ߛߙߊ߬ߟߏ߲߫ ߠߋ߬ ߞߊ߬ ߣߊ߬، ߒ ߧߋ߫ ߒ ߞߘߐ߬ߞߍ߫ ߟߋ߬ ߓߟߏ߫ ߞߐ߬ߖߊߙߊ߲߫، ߒߠߋ ߖߍ߬ߘߍ ߡߴߊ߬ ߟߐ߲߫ ߣߌ߫ ߒ ߞߊ߬ ߒ ߡߊߛߐ߬ߘߐ߲߬ ߢߊ߫ ߞߋߟߋ߲ ߡߍ߲ ߡߊ߬، ߝߏ߫ ߒ ߣߐ߬ ߡߐ߱ ߟߎ߬ ߦߋ ߡߍ߲ ߞߍ߫ ߟߊ߫߸ ߒ ߞߵߊ߬ ߟߐ߲߫ ߏ߬ ߟߋ ߘߐ߫ ߞߏ߫ ߒ ߓߘߊ߫ ߞߏߖߎ߮ ߞߍ߫ ߒ ߖߘߍ߬ ߟߊ߫، ߞߊ߬ ߞߐ߲߰ ߣߌ߲߬ ߞߍ߫ ߟߏ߲ ߢߍ߫߸ ߒ ߕߎ߲߬ ߓߘߴߊ߬ ߝߐ߫ ߒ ߞߘߐ߬ߞߍ߬ ߦߋ߫ ߒ ߞߏ߫ ߒ ߧߴߊ߬ ߝߍ߬ ߞߊ߬ ߒ ߞߐߛߊ߬ߦߌ߲߬ ߛߏ߫، ߛߐ߱ߡߊ߬߸ ߒ ߘߍ߬ߢߐ߲߮ ߠߎ߬ ߣߊ߬ ߘߊ߫ ߞߏ߫ ߊ߲ ߧߋ߫ ߥߊ߫ ߛߌߟߘߊ ߟߊ߫߸ ߒ ߞߵߊ߬ ߝߐ߫ ߒ ߞߏ߫ ߕߍ߫ ߥߊ߫ ߟߊ߫߸ ߓߊߏ߬ ߒ ߖߎ߬ߛߎ ߕߎ߲߬ ߡߊ߲߫ ߘߌ߫ ߒ ߠߊ߫،  ߒ ߥߟߌ ߢߊ ߡߍ߲ ߡߊ߬߸ ߒ ߞߊ߬ ߡߎ߬ߙߎ ߕߊ߬߸ ߞߵߊ߬ ߕߍ߰، ߘߊ߲ߘߊߟߌߟߊ ߟߎ߬ ߓߘߴߊ߬ߟߎ߬ ߕߊ ߞߍ߫߸ ߞߏ߬ ߣߵߊ߬ߟߎ߬ ߞߊ߲߫ ߞߏ߫ ߊ߬ ߕߍ߫ ߓߍ߲߬ ߏ߬ ߞߐ߫߸ ߞߏ߫ ߊ߬ ߕߴߛߋ߫ ߓߊ߯ߙߊ߫ ߟߊ߫ ߏ߬ ߞߐ߫.>>

Un homme portant une blouse blanche et des lunettes, parlant avec un micro dans un couloir d'hôpital, avec des numéros de lit visibles au mur.

ߞߏ߲߬ߓߏ߫ ߛߘߌ߬ߓߋ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߗߍ߬ߦߊ ߟߊߕߎ߲߱ ߞߐ ߣߌ߲߬ ߘߐ߫߸ ߊ߬ ߟߊ߫ ߗߍ߬ߦߊ߬ ߓߊ߯ߙߊ ߞߍ ߡߎ߬ߕߎ߲߬ ߦߏ߫ ߊ߬ ߞߊ߫ ߞߊ߲߫ ߢߊ ߡߍ߲ ߡߊ߬߸ ߏ߬ ߦߋ߫ ߝߌ߬ߟߊ߲ߝߌ߬ߟߊ߲ ߘߐ߫:

<<ߊ߬ ߞߎ߲߬ߞߎߘߎ߲ ߡߊ߫ ߡߊߛߐ߬ߘߐ߲߫ ߊ߬ ߕߎ߬ߡߊ߬ ߖߐ߲ߖߐ߲ ߠߊ߫، ߓߊߏ߬߸ ߊ߰ ߝߐ߫ ߟߴߊ߲ ߓߟߏ߫ ߕߎ߬ߡߊ ߘߏ߫ ߟߋ߬ ߡߊ߬ ߞߏ߫ ߕߎ߬ߡߊ߬ߙߋ߲߬ ߥߐ߯ߙߐ ߞߎ߬ߙߎ߲߬ߘߎ: ߏ߬ ߓߊ߯ ߕߊ߬ߡߌ߲߬ ߢߊ ߡߍ߲ ߡߊ߬߸ ߢߘߎߢߘߎ ߘߌ߫ ߥߙߊ߬߸ ߤߊߟߵߊ߬ ߟߊߕߎ߲߰ ߘߊ߫ ߟߋ߬، ߏ߬ ߘߐ߫߸ ߣߌ߫ ߓߟߏߟߊ߫ ߘߊ߫ ߟߊ߬ߕߎ߲߰ߕߊ ߘߐ߫ ߕߎ߬ߡߊ߬ߙߋ߲߬ ߥߐ߯ߙߐ ߛߋߓߊߟߌ߸ ߊ߬ ߘߏ߲߬ߢߐ߲߰ߘߐ ߟߤߊ߬ߕߍ߬ߦߊ߬ߟߌ ߘߍ߲߬ߞߣߍ߬ߦߊ ߦߋ߫ %߉߀ ߟߋ߬ ߘߐ߫.>>>

ߞߊ߲ߡߋߙߋ߲ ߠߊ߫ ߞߏ ߦߋ߫ ߛߌ߰ߝߊߘߌ ߏ߬ ߟߋ ߘߐ߫ ߕߋ߲߬، ߊ߬ ߦߋ߫ ߞߊ߲ߞߊ߲߫ ߘߊ߲ߘߊߛߏߓߊ ߟߊ߫߸ ߟߊ߬ߞߙߐ߬ߛߌ߬ߟߌ ߟߎ߫ ߞߏ߬ߣߌ߲ ߘߐ߫߸ ߊ߬ߟߎ߫ ߡߊ߬ߞߏ ߘߌ߫ ߞߍ߫ ߥߊ߬ߣߌ߲߬ߞߋ߬ ߢߌ߬ߡߊ߬ ߕߌ߮ ߟߎ߬ ߟߊ߫ ߡߊ߬ߜߍ߲ ߠߊ߫߸ ߞߊ߲ߞߊ߲߫ ߘߊ߲ߘߊߛߏߓߊ ߛߎ߯ߣߊߝߏߟߏ߲ߟߐ߲ ߗߋߢߘߊ ߟߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߣߌ߫ ߛߌߕߊ߲߬ ߞߊ߬ߓߊ ߟߊ߫ ߟߌ߬ߤߟߊ߬ ߢߌߣߌ߲ߣߍ߲ ߠߋ߬.