ߡߊ߬ߟߌ ߞߏߕߌ߯ ߝߟߐ ߣߴߊ߬ ߞߎ߲߬ߠߊ߬ߛߌ߰ ߞߎ߲߬ߕߌ߰ ߞߘߐ ߡߎߛߊ߫ ߡߊ߰߰ߙߊ ߓߘߊ߫ ߖߊ߲ߞߌ߲߫ ߞߕߌߘߊ ߓߟߏ߫ ߞߊ߬ ߛߊ߲߭ ߝߌ߬ߟߊ߬ ߥߛߎ߫ ߟߴߊ߬ ߞߎ߲߬߸ ߊ߬ ߘߏ߲߭ ߘߐ߫ ߖߡߊ߬ߣߊ ߕߊ߬ߣߊ ߘߐ߫ ߊ߬ ߣߴߊ߬ ߞߐߘߏ߲߭ ߖߡߊ߬ߣߊ ߛߊ߬ߙߌ߬ߦߊ߬ ߞߏߟߊߕߍ߮ ߟߎ߬ ߟߊ߫، ߞߕߌ ߕߍ߰ ߘߊ߫ ߓߌ߬ ߞߐ߬ߓߊ߬ߟߏ߲ ߢߌ߲߬ ߠߋ߬ ߡߊ߬ ߓߡߊ߬ߞߐ߬ ߞߣߐ߫߸ ߊ߬ ߞߍ ߞߐ ߘߐ߫ ߞߊ߬ ߡߊ߬ߞߕߌ߬ߟߌ߬ ߛߌߟߊ ߘߏ߫ ߟߎ߫ ߕߊ߬ ߘߍ߬ߞߙߏߝߏ ߟߎ߫ ߞߊ߲߬.
ߓߡߊ߬ߞߐ߬ ߣߊ߯ߣߌ߲ߣߊ߲ ߞߊ߬ߝߏ߬ߙߋ߲ ߞߕߌ߫ ߟߊߝߟߐߘߓߊ ߞߵߊ߬ ߟߊ߫ ߞߕߌ߫ ߕߍ߯ ߞߊ߲ ߝߐ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߇ ߡߊ߬߸ ߞߊ߬ ߞߏߕߌ߯ ߝߟߐ߫ ߞߘߐ߫ ߡߎߛߊ߫ ߡߊ߰ߙߊ ߖߊ߲߬ߞߌ߲߫ ߛߊ߲߭ ߝߌ߬ߟߊ߬ ߥߛߎ ߟߊ߫߸ ߊ߬ ߘߌ߫ ߛߊ߲߬ ߞߋߟߋ߲߫ ߞߍ߫ ߥߛߎ߫ ߘߊߕߎ߲߯ߣߍ߲ ߞߘߐ߫߸ ߊ߬ ߕߐ߬ ߛߊ߲߬ ߞߋߟߋ߲ ߘߌ߫ ߘߐ߲ߘߐ߫ ߊ߬ ߡߊ߬.
ߓߌ߬ߟߊ߬ ߞߍߣߴߊ߬ߟߋ߬ ߞߐ߫ ߞߵߏ߬ ߞߎ߲߭ ߞߍ߫ ߊ߬ ߘߏ߲߭ ߠߋ߬ ߘߌ߫ ߖߡߊ߬ߣߊ ߕߊ߬ߣߊ ߘߐ߫ ߊ߬ ߣߴߊ߬ ߞߐߘߏ߲߭ ߖߡߊ߬ߣߊ ߛߊ߬ߙߌ߬ߦߊ߬ ߞߏߟߊߕߍ߮ ߟߎ߬ ߟߊ߫، ߖߊ߲߬ߞߌ߬ߟߌ ߖߊ߬ߡߊߙߌ ߢߌ߲߬ ߠߋ߬ ߣߐ߬ ߘߊ߲߭ߛߌ߰ ߟߴߊ߬ ߟߊ߫ ߣߐ߬ߝߍ߬ߜߍ߲߬ߠߌ߲ ߞߏߢߊ ߓߍ߯ ߟߊ߫ ߛߍߣߍ߲߬߸ ߞߵߊ߬ ߕߏ߫ ߥߛߎߟߊߘߏ߲ ߡߊ߬.
ߛߟߊߕߌ߯ ߡߊ߰ߙߊ ߞߍ߫ ߘߊ߫ ߞߏߕߌ߯ ߝߟߐ ߘߌ߫ ߞߊ߲ߕߌ߯ ߌߓߙߊߤߌߡ ߓߎߓߞߊߙ ߞߋߕߊ߬ ߕߋ߬ߟߋ ߟߋ߬ ߘߐ߫ ߂߀߁߄ ߠߊ߫߸ ߞߵߊ߬ ߛߌ߰ ߂߀߁߅ ߟߊ߫، ߊ߬ ߟߊߘߏ߲߬ ߘߊ߫ ߥߛߎ ߟߊ߫ ߂߀߂߅ ߘߓߊ߬ߓߌߟߊ ߕߟߋ߬ ߁߭ ߟߋ߬ ߡߊ߬߸ ߊ߬ ߡߊߝߌ߲߭ ߞߐ ߘߐ߫ ߓߟߐߟߐ߫ ߕߋ߯ߙߋߦߊ ߞߍ߬ߟߍ ߞߕߌߘߊ߫ ߝߊ߬ߛߏ߬ߟߊ߬ߞߊ ߓߟߏ߫، ߞߕߌ ߣߌ߲߬ ߘߊߡߌ߬ߣߊ߬ ߘߊ߫ ߡߎ߲߬ ߡߊ߬߸ ߡߎߛߊ߫ ߡߊ߰ߙߊ ߞߊ߬ ߡߙߌߦߊ߫ ߦߌߘߊ ߘߏ߫ ߟߋ߬ ߞߍ߫ ߜߍ ߘߐ߫ ߥߛߊߞߙߊ߫߸ ߡߍ߲ ߝߐ߫ ߘߴߊ߬ ߓߟߏ߫ ߘߍ߬ߞߙߏߝߏ߫ ߌߞߛ ߞߊ߲߬ (ߊ߬ ߕߘߍ߬ ߝߐ߫ ߟߊ߫ ߡߍ߲ ߡߊ߬ ߞߏ߫ ߕߑߥߌߕߍߙ)، ߊ߬ ߟߊ߫ ߡߙߌߦߊ߫ ߦߌߘߊ ߏ߬ ߕߊ߬ߣߍ߲ ߞߵߊ߬ ߟߊ߫ ߓߐߒߡߊߟߌ ߞߊ߲߬ ߥߛߎߟߊߘߋ߲ ߘߏ߫ ߟߎ߫ ߡߊ߬߸ ߊ߬ ߟߊ߫ ߝߐߟߌ߫ ߘߐ߫ ߡߍ߲ ߠߎ߬ ߡߌ߬ߣߊ߬ߣߍ߲߫ ߓߘߍ߬ߓߘߍ߬ߟߌ߬ ߞߏ ߘߐ߫߸ ߊ߬ ߣߌ߫ ߣߊ߲߬ߒ߬ߕߊ߲߬ ߘߍ ߛߌ߲߬ߝ߲ ߘߏ߫ ߟߎ߫.
ߊ߬߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߞߵߊ߬ߟߎ߬ ߛߋߞߏ ߞߍ߫߸ ߦߏ߫ ߞߊ߬ߙߊ߲߬ߡߐ߰ ߡߎߕߊ߲ߜ߭ߊ߫ ߕߊߟ߸ ߛߴߊ߬ ߘߌ߫ ߓߌ߬ߟߊ߬ ߢߊ ߡߍ߲ ߥߊ߯ߕߌߣߍ߲߫ ߞߘߐ߫߸ ߓߊ߬ߙߌ߬ ߞߕߌߘߊ ߞߵߊ߬ ߓߊ߬ ߏ߬ ߡߊ߬ ߟߋ߬ ߝߊߦߌ߲߫، ߞߕߌߓߋߟߋ߲ ߞߊ߬ ߛߊ߲߭ ߝߌ߬ߟߊ߫ ߟߋ߬ ߟߴߊ߬ ߞߎ߲߬ ߒߕߟߋߡߊ߬߸ ߊ߬ ߘߌ߫ ߞߋߟߋ߲߫ ߞߍ߫ ߊ߬ ߞߣߐ߫߸ ߊ߬ ߕߐ߬ ߞߋߟߋ߲ ߘߐ߲ߘߕߐ߫ ߊ߬ ߡߊ߬ ߟߋ߬، ߞߕߌ ߣߌ߲߬ ߕߍ߱ ߞߐ ߣߌ߲߬ ߘߐ߫߸ ߥߊ߯ߕߌ߫ ߦߋ߫ ߡߎߛߊ߫ ߡߊ߰ߙߊ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߓߟߏ߫ ߡߎߣߎ߲߬ ߞߵߊ߬ߟߎ߬ ߞߊ߲ߠߊߓߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߡߊ߫ ߓߍ߲߬ ߞߕߌ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.