ߛߌ߯ߙߌ߲߫ ߛߏߞߣߐߟߊ ߟߊߡߊ߰ ߘߊ߫ ߟߋ߬ ߞߎߣߎ߲߬ ߞߐ߬ߟߏ߲ ߡߊ߬߸ ߂߀߂߆ ߞߏ߲ߞߏߜߍ ߕߟߋ߬ ߁߇، ߔߊߞߌߛߦߊ߫ ߟߋ߬ ߞߍ߫ ߘߊ߫ ߦߋ߲߬߸ ߡߍ߲ ߡߊ߲߬ߞߊ߲ ߥߙߊ߬ ߘߊ߫ ߞߏߛߓߍ߫، ߞߊ߬ߕߎ߲߯߸ ߛߏ ߝߊ߲߬ ߛߌߦߊߡߊ߲߫ ߓߍ߫߸ ߘߋ߲ߡߌߛߍ߲ ߠߎ߬ ߞߵߊ߬ߟߎ߫ ߕߋ߬ ߛߌߟߊ ߞߊ߲߬ ߡߍ߲ ߠߎ߬ ߘߐ߫߸ ߞߊ߬ ߛߏߞߣߐߟߊ ߘߐߛߎߡߊ߫ ߦߙߐ ߟߎ߬ ߕߎ߲߯ߠߌ߲ ߘߐ߫߸ ߞߊ߬ ߜߊ߲ߜߘߊ߫ ߟߊߝߟߌ ߟߎ߬ ߞߍ߫߸ ߞߊ߬ ߞߐ߲߬ߡߘߊ߬ ߖߋߣߌ߲ ߠߎ߬ ߞߍ߫߸ ߞߊ߬ ߛߌߟߊ ߘߏ߫ ߟߎ߫ ߕߍ߰߸ ߝߏ߫ ߊ߬ߟߎ߬ ߣߌ߫ ߕߐ߲ߓߟߏߡߊ ߟߎ߬ ߞߵߊ߬ߟߎ߬ ߢߊ ߥߛߎ߫ ߢߐ߲߮ ߢߊ ߘߐ߫ ߦߙߐ߫ ߛߌߦߊߡߊ߲߫ ߘߐ߫߸ ߏ߬ ߟߎ߬ ߦߋ߫ ߢߊߖߌߓߐߥߊߦߌ߲ ߠߎ߬ ߝߌ߬ߟߌ ߞߊ߲߬ ߊ߬ߟߎ߬ ߕߎ߫ ߘߐ߫߸ ߊ߬ߟߎ߬ ߘߐߖߍ߲ߛߍ߲߫ ߞߊ߲ߡߊ߬.

ߓߐߟߌ ߣߌ߲߬ ߞߎ߲߭ ߘߐ߫: ߞߏ߫ ߞߊ߬ ߛߌ߯ߙߌ߲߫ ߠߊߥߙߎߞߌ ߘߋ߲ߡߌߛߍ߲ ߠߎ߬ ߟߊ߫ ߘߍ߭ ߓߋߟߋ߲ߕߌ߮ ߡߊ߬ߡߊ߬ߘߌ߫ ߛߌ߬ߟߊ߫ ߓߌ߬ߟߊ߬߸ ߏ߬ ߡߍ߲ ߡߌ߬ߣߊ߬ ߛߊ߲ ߦߋ߫ ߕߋ߲߬، ߊ߬ ߣߌ߫ ߝߣߊ߫߸ ߊ߬ߟߎ߫ ߞߊ߬ ߟߊ߬ߛߋ߬ߟߌ ߟߋ߬ ߞߍ߫ ߞߊ߯ߙߌ߫ ߕߊ߬ߡߌ߲߬ߣߍ߲߸ ߞߏ߫ ߞߊ߬ ߘߊ߬ߡߊ߲ ߓߊ߯ߙߊ߫ ߢߊ߫ ߖߎ߮ ߣߌ߲߬ ߓߟߏߞߊ߬ ߛߌ߯ߙߌ߲߫ ߞߣߐ߫߸ ߣߴߏ߬ ߦߋ߫ ߔߏߞߑߟߍ߲߫ ߓߊ߯ߙߊ ߘߌ߫، ߓߊߏ߬߸ ߞߏ߫ ߔߏߞߑߟߍ߲ ߏ߬ ߟߎ߬ ߓߘߊ߫ ߣߵߊ߬ߟߎ߬ ߘߎ߰ߞߟߏ ߘߐߕߌߢߍ߫߸ ߞߊ߬ ߛߌ߯ߙߌ߲߫ ߠߊ߫ ߛߌߣߌ߲߫ ߣߊ߬ߕߐ ߓߌ߬ߟߊ߬ ߥߏߦߌߞߏ߲߬ߓߊ ߘߐ߫߸ ߞߵߏ߬ ߞߎ߲߭ ߞߍ߫ ߟߊ߬ߡߌߣߌ߲ ߘߐߖߊߛߌ ߘߌ߫߸ ߞߊ߬ ߛߣߍ߬ ߘߎ߮ ߟߎ߬ ߟߊ߫ ߞߏ ߓߊ߲߫ ߔߋߎ߫.

Vue d'une route avec de la fumée noire s'échappant à l'arrière-plan, des barricades sur la route et quelques personnes marchant à proximité.

ߔߊߞߌߛߦߊߟߊ ߢߌ߲߬ ߠߎ߬ ߟߊ߫ ߝߐߟߌ߫ ߘߐ߫߸ ߕߙߏ߬ߞߏ ߢߌ߲߬ ߠߎ߬ ߕߍ߫ ߛߣߍ߬ߘߎ߰ ߕߏ߫߸ ߊ߬ߟߎ߬ ߓߘߊ߫ ߛߏ߰ߟߊ ߟߊߛߋ߫ ߛߌ߯ߙߌ߲߫ ߥߊߘߌ߫ ߢߌߣߌ߲߫ ߘߊߞߎ߲ ߛߌߦߊߡߊ߲߫ ߡߊ߬ ߛߍ߬ߣߍ ߡߊ߬ߘߎ߮ ߘߐ߫߸ ߊ߬ ߣߌ߫ ߖߎ߬ߟߦߊ߬ ߡߌߛߍ߲ ߛߌߦߊߡߊ߲߫.

ߊ߲ ߞߊ߬ ߘߎ߰ߘߋ߲ ߘߏ߫ ߘߊߘߐߢߌ߬ߣߌ߲߬ߞߊ߬ ߋߣߍߙߑߖ߭ߌ߫ ߞߌ߲߬ߘߊ ߟߊ߫߸ ߛߟߊߕߌ߯ ߞߡߊ߬ߙߊ ߞߵߊ߬ ߟߊ߫ ߡߐߣߍ ߦߌ߬ߘߊ߫ ߞߵߊ߬ ߓߍ߲߬ ߓߋߟߋ߲ߕߌ߮ ߡߌ߬ߣߊ ߡߊ߬:

<<ߡߊ߬ߡߊ߬ߘߌ߫ ߛߌ߬ߟߊ߫ ߡߌ߬ߣߊ ߦߋ߫ ߛߌ߯ߙߌ߲߫ ߘߋ߲ߡߌߛߍ߲ ߠߎ߬ ߘߊߞߘߐߓߐ ߟߋ߬ ߘߌ߫، ߛߐ߰ ߞߍߣߍ߲߫ ߡߎߛߊ߫ ߖߊߥߙߊ߫ ߟߋ߬ ߡߊ߬ ߡߎߣߎ߲߬߸ ߡߊ߬ߡߊ߬ߘߌ߫ ߛߌ߬ߟߊ߬ ߝߣߊ߫ ߓߘߊ߫ ߡߌ߬ߣߊ߫ ߓߌ߬߸ ߐ߬ߤߐ߲߫߸ ߘߊߞߎ߲ ߦߋ߫ ߖߐ߲߫ ߠߊ߫ ߛߌߣߌ߲߫؟ ߡߍ߲ ߠߎ߬ ߦߋ߫ ߡߌ߬ߣߊ߬ߟߌ߬ ߞߏ ߣߌ߲߬ ߞߐߝߍ߬߸ ߏ߬ ߟߎ߬ ߕߍ߫ ߛߌ߯ߙߌ߲߫ ߝߍ߬، ߊ߲ ߠߊ߫ ߘߎ߰ߞߟߏ ߘߐߕߌߢߍ ߔߏߞߑߟߍ߲ ߠߊ߫߸ ߏ߬ ߕߍ߫ ߓߍ߲߬ ߊ߲ ߡߊ߬ ߢߊ ߺ ߊ ߺ ߢߊ߫ ߡߊ߬߸ ߊ߲ ߧߋ߫ ߘߋ߲ߡߌߛߍ߲ ߠߎ߬ ߞߐߝߍ߬ ߣߌ߲߬ ߞߏ ߘߐ߫ ߟߋ߬ ߜߡߊ߫.>>

ߘߏ߫ ߝߣߊ߫ ߞߎߡߊ߫ ߘߊ߫ ߒ߬ ߧߋ߫ ߜߎ߬ߕߙߎ ߞߣߐ߫߸ ߊ߬ߟߋ ߦߋ߫ ߘߎ߰ߘߋ߲ ߘߏ߫ ߟߋ߬ ߘߌ߫߸ ߊ߬ ߞߊ߬ ߝߊ߰ߡߊ ߟߎ߬ ߟߊ߫ ߘߏߞߍߓߊߟߌߦߊ ߟߊߞߊ߬ߟߌ߬:

<<ߊ߬ ߡߊߛߌߟߊ߲ߣߍ߲߫ ߘߋ߬߸ ߞߏ߫ ߕߙߏ߬ߞߏ ߟߎ߬ ߦߋ߫ ߕߏ߫ ߊ߲ ߠߊ߫ ߟߊ߬ߡߌߣߌ߲ ߠߎ߬ ߘߐߖߊߛߌ߫ ߟߊ߫ ߕߋ߲߬߸ ߞߵߊ߬ ߛߐ߬ߘߐ߲߬ ߝߊ߰ߡߊ ߓߍ߯ ߢߊ ߓߍ߲߬ߣߴߏ߬ ߡߊ߬ ߕߊߦߌߓߊ߲߫، ߕߐ߬ߣߐ߫ ߢߌ߬ߡߊ߲߬ ߦߋ߫ ߛߊ߬ߙߌ߬ߦߊ ߟߊ߫߸ ߣߴߊ߬ ߡߊ߫ ߡߊߓߏ߲߬ߧߊ߬؟ ߘߋ߲ߡߌߛߍ߲ ߡߍ߲ ߠߎ߬ ߦߋ߫ ߓߐ߫ ߟߊ߫ ߟߊ߬ߡߌߣߌ߲ ߘߐߖߊߛߌ ߞߟߍ߬ ߞߊ߲ߡߊ߬߸ ߏ߬ ߟߎ߬ ߡߊ߫ ߛߋ߫ ߡߞߊߘߊ߲߫ ߠߊ߫ ߞߵߊ߬ߟߎ߬ ߞߐߡߊߓߌ߲ߓߌ߲߫߸ ߝߏ߫ ߞߵߏ߬ ߟߎ߫ ߡߌ߬ߣߊ߬.>>

Vue nocturne d'une rue avec des maisons éclairées, une flamme au centre et des véhicules passant dans la fumée.

ߥߎ߬ߙߊ ߛߋ߫ ߘߊ߫ ߟߋ߬ ߞߐ߲߬ߡߘߊ߬ ߖߋߣߌ߲ ߦߴߌߘߐ߫ ߝߊ߲߬ ߛߌߦߊߡߊ߲߫ ߘߐ߫߸ ߡߍ߲ ߞߵߊ߬ ߦߌ߬ߘߊ߬ ߞߏ߫ ߘߋ߲ߡߌߛߍ߲ ߠߎ߬ ߓߌߣߍ߲߫ ߠߋ߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬.

ߞߵߊߟߎ߫ ߦߟߌߓߌ߬ߟߊ߬߸ ߡߙߊ߬ߓߊ߮ ߞߊ߬ ߡߙߊ߬ߓߊ߰ߘߎ߯ߟߊ ߟߎ߬ ߞߟߌ߫ ߟߋ߬ ߥߊ߯ߕߌ߫ ߘߐ߫߸ ߊ߬ ߣߌ߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߞߊ߲ߕߌ߮ ߟߎ߬߸ ߞߵߊ߬ ߝߐ߫ ߊ߬ߟߎ߬ ߦߋ߫ ߞߏ߫ ߓߐ߬ߝߍ ߞߏߕߌ߮ ߣߌ߫ ߘߊ߬ߡߊ߲ ߞߏߕߌ߮ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮ ߟߎ߬ ߞߊ߬ ߛߓߍ ߡߍ߲ ߠߊߓߐ߫߸ ߞߏ߫ ߓߍ߯ ߦߋ߫ ߛߓߍ ߏ߬ ߞߣߐ߫ ߞߎߡߊ ߡߊߓߏ߲߬ߧߊ߬، ߊ߬ ߘߏ߲߬ ߝߐߣߍ߲߫ ߠߋ߬ ߛߓߍ ߏ߬ ߞߣߐ߫߸ ߞߏ߫ ߘߊ߬ߡߊ߲ ߓߊ߯ߙߊ ߕߙߏ߬ߞߏ ߟߊ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߡߍ߲ ߠߎ߬ ߕߍ߫ ߛߊ߬ߙߌ߬ߦߊ߬ ߞߣߐ߫ ߏ߬ ߘߌ߫ ߖߐ߫߸ ߞߏ߫ ߞߵߏ߬ ߟߊߕߐ߲߫ ߛߌ߯ߙߌ߲߫ ߝߊ߲߭ ߓߍ߯ ߘߐ߫، ߓߊ߬ߙߌ߬߸ ߔߊߞߌߛߦߊߟߊ ߟߎ߬ ߞߊ߲߫ ߞߏ߫ ߞߎߡߊ ߏ߬ ߞߍߣߍ߲߫ ߞߎߡߊ߫ ߜߊ߲ߛߊ߲ ߠߋ߬ ߘߌ߫߸ ߡߍ߲ ߕߣߐ߬ ߡߊ߫ ߦߋ߫.

ߌߓߙߊߤߌߡߊ߬ ߞߊߡߊ߲߫ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.