ߛߌ߬ߣߌ߲߬ߟߏ߲߸ ߖߋ߬ߟߌ߬ߓߊ߬ߟߊ߫ ߞߎߓߋߘߊ߸ ߊߓߎߖߊ߫ ߞߕߌߘߊ ߞߊ߬ ߡߐ߰ ߃߀߀ ߟߋ߬ ߖߊ߲߬ߞߌ߲߫߸ ߛߌߞߊ߫ ߞߍߣߍ߲߫ ߡߍ߲ ߠߎ߬ ߡߊ߬ ߓߊ߰ߓߊ߰ߟߌ߬ ߞߏ ߘߐ߫، ߏ߬ ߞߍ߫ ߘߊ߫ ߞߕߌ߫ ߥߙߍ ߟߋ߬ ߘߐ߫߸ ߡߍ߲ ߞߎ߲߬ߕߊ߮ ߥߊ߫ ߘߊ߫ ߤߊ߲߯ ߕߟߋ߬ ߣߊ߯ߣߌ߲߫ ߖߊ߬ߕߋ߬.

ߊ߬ߟߋ߬ ߖߡߊ߬ ߞߕߌ ߘߊߡߌ߬ߣߊ߬ ߘߊ߫ ߞߐ߬ߟߏ߲ ߠߋ߬߸ ߛߌߞߊߒߡߊߓߊ߯ߕߐ ߛߌߦߊߡߊ߲߫ ߠߋ߬ ߞߵߊ߬ߟߎ߫ ߟߐ߬ ߊ߬ߟߎ߫ ߛߐ߲߭ ߠߊ߫߸ ߣߌ߫ ߞߎߡߊ߫ ߛߌߦߊߡߊ߲߫ ߕߍ߫، ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߞߕߌ ߟߞߊߟߌߦߊ߫.

ߛߌߦߊߡߊ߲߫ ߦߴߊ߬ߟߎ߬ ߘߐ߫߸ ߏ߬ ߟߎ߬ ߟߊ߫ ߥߛߎ ߥߊߣߍ߲߫ ߠߋ߬ ߝߏ߯ ߛߊ߲߭ ߂߀ ߖߊ߬ߕߋ߬، ߊ߬ߟߎ߫ ߘߏ߲߬ ߞߕߌ߫ ߘߊ߫ ߞߕߌߕߍ߯ߟߊ߫ ߟߊߘߍ߬ߣߍ߲߫ ߡߐ߰ ߁߀ ߖߊ߬ߕߋ߫ ߟߋ߬ ߓߟߏ߫.

ߖߋ߬ߟߌ߬ߓߊ߬ߟߊ߫ ߝߘߏ߬ߓߊ߬ ߞߕߌߞߊ߲ߘߊ ߞߵߊ߬ ߦߌ߬ߘߊ߬ ߞߏ߫: <<ߢߊ ߡߊߖߌ߰ ߘߊ߫ ߞߏߢߊ߫ ߅߀߈ ߠߋ߬ ߝߍ߬ ߞߕߌ ߣߌ߲߬ ߘߐ߫، ߅߀߈ ߏ߬ ߟߎ߬ ߘߐ߫߸ ߊ߲ ߛߋ߫ ߘߊ߫ ߃߈߆ ߟߋ߬ ߦߋ߫ ߟߴߊ߬ߟߎ߬ ߕߍߡߊ߬߸ ߡߍ߲ ߘߌ߫ ߡߐ߰ ߖߊ߲߬ߞߌ߬ ߞߎ߲߫ ߓߐ߫.>> ߞߕߌߞߊ߲ߘߊ ߞߵߏ߬ ߟߋ ߝߐ߫ ߝߐ߰ߓߍ߬ߦߊ߬ߟߊ ߟߎ߬ ߢߊߞߘߐ߫، ߊ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫: <<ߊ߲ ߛߋ߫ ߘߊ߫ ߞߕߌ ߕߍ߰ ߟߴߊ߬ߟߎ߬ ߕߍ߫߸ ߞߊ߬ ߝߋ߲߫ ߟߴߊ߬ߟߎ߫ ߞߎ߲߬߸ ߊ߬ߟߎ߬ ߣߌ߫ ߡߍ߲ ߦߊ߫ ߞߊ߲߫، ߏ߬ ߘߐ߫߸ ߞߎߡߊ߫ ߜߘߍ߫ ߕߴߏ߬ ߟߋ ߞߐ߫.>> ߊ߬ ߞߵߏ߬ ߝߐ߫ ߝߐ߰ߓߍ߬ߦߊ߬ߟߊ ߟߎ߬ ߢߊߞߘߐ߫ ߛߌ߬ߣߌ߲߬ߟߏ߲ ߠߋ߬ ߡߊ߬ ߞߕߌߕߍ߮ ߞߐ ߘߐ߫.

ߖߋ߬ߟߌ߬ߓߊ߬ߟߊ߫ ߦߋ߫ ߟߊ߬ߞߊ߲߬ߘߊ߬ߟߌ ߜߟߍ߬ߦߊ߬ߓߊ߫ ߟߋ߬ ߕߍߡߊ߬ ߕߋ߲߬߸ ߊ߬ ߕߌ߯ߕߌ߯ ߊ߬ߟߎ߬ ߟߊ߫ ߖߡߊ߬ߣߊ ߞߐ߰ߘߎ߰ ߟߊ߬ ߝߊ߲ ߝߍ߬߸ ߦߋ߲߬ ߛߊ߲߬ ߕߊ߲߫ ߣߌ߫ ߞߐ ߟߋ߬ ߥߊ߬ߥߎߟߋ ߕߍߡߊ߬ ߕߋ߲߬߸ ߡߙߊ߬ߒ߬ߡߊ߬ߝߋ߲߬ߕߌ߰ ߛߌߦߊߡߊ߲߫ ߦߋ߫ ߝߊ߲߬ߞߣߐ ߏ߬ ߘߐ߫ ߦߋ߲߬߸ ߡߍ߲ ߦߋ߫ ߕߏ߫ ߟߊ߫ ߡߐ߱ ߟߎ߬ ߟߊߕߎߣߎ߲߫ ߠߊ߫ ߛߐ߲߬، ߊ߬ߟߎ߬ ߓߊ߯ ߡߍ߲ ߠߊߕߎߣߎ߲߫߸ ߞߵߏ߬ ߟߎ߬ ߟߊ߫ ߡߐ߱ ߟߎ߬ ߞߟߌ߫ ߞߏ߫ ߝߏ߫ ߞߊ߬ ߞߎ߲߬ߞߘߐ߬ߛߌ߮ ߘߏ߫ ߛߙߊ߬، ߡߙߎߕߟߌ ߓߌ߬ߟߊ ߞߐ߰ߘߎ߰ ߝߊ߲ ߣߌ߲߬ ߝߍ߬߸ ߊ߬ ߘߌ߫ ߛߊ߲߬ ߕߊ߲߫ ߓߐ߫ ߝߋߝߋ߫.

 ߛߌ߬ߟߊ߬ߡߊ߫ ߞߟߍ߬ߞߍ߬ߟߊ߬ ߞߙߎ ߡߍ߲ ߠߎ߬ ߦߋ߫ ߦߋ߲߬߸ ߓߞߏ߫ ߤߙߊߡ ߦߴߏ߬ ߘߏ߫ ߟߋ߬ ߘߌ߫߸ ߊ߬ ߣߴߊ߬ ߓߏߟߏ߲ߝߘߊ ߟߎ߬߸ ߡߍ߲ ߠߎ߬ ߓߍ߯ ߣߎ߲ߖߟߎ ߦߋ߫ ߛߌ߬ߟߡߊ߬ ߝߊߕߐ ߟߎ߬ ߓߟߏ߫ (ߋߕߊ߫ ߌߛߑߟߊߡߌߞ)߸ ߣߴߊ߬ߟߎ߬ ߡߊߟߐ߲߫ ߕߐ߮ ߦߋ߫ ߞߏ߫ ߛߌ߬ߟߡߊ߬ ߝߊߕߐ ߟߎ߬ ߟߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߞߊ߬ߝߏ߬ߓߏߟߏ߲، ߞߙߎ߫ ߜߘߍ߫ ߝߣߊ߫ ߦߋ߫ ߦߋ߲߬߸ ߞߏ߫ ߟߊߞߎߙߥߊ߸ ߏ߬ ߝߣߊ߫ ߣߌ߫ ߛߌ߬ߟߡߊ߬ ߞߊߝߏ ߟߎ߬ ߓߟߏ߫ ߦߋ߫ ߢߐ߲߯ ߓߟߏ߫߸ ߊ߬ߟߎ߬ ߦߋ߫ ߡߊ߲߬ߞߊ߲ ߠߊߥߟߌ߬ ߟߊ߫ ߖߡߊ߬ߣߊ ߞߐ߰ߘߎ߯ ߕߟߋ߬ߓߋ ߟߋ߬ ߘߐ߫ ߛߐ߲߬߸ ߖߋ߬ߟߌ߬ߓߊ߬ߟߊ߫ ߣߌ߫ ߖߋ߬ߟߌ߬ߓߊ߬ߘߎ߯ ߓߐߕߏ߲ ߠߊ߫.

ߝߌߟߊ߫ ߓߌߦߊ߲ߜߍ߲ߠߊ ߡߍ߲ ߠߎ߬ ߝߣߊ߫ ߦߴߦߋ߲߬߸ ߏ߬ ߟߎ߬ ߣߌ߫ ߛߣߍ߬ߞߍ߬ߟߊ ߟߎ߬ ߝߣߊ߫ ߦߋ߫ ߝߘߌ߫ ߟߊ߫ ߢߐ߲߮ ߘߐ߫ ߕߎ߬ߡߊ߬ ߛߌߦߊߡߊ߲߫ ߓߌߦߊ߲ ߠߎ߬ ߟߊ߫ ߛߎ߬ߡߊ߲߬ ߕߌߢߍ ߞߏߛߐ߲߬، ߏ߬ ߞߍ߬ߟߍ ߏ߬ ߟߎ߬ ߦߋ߫ ߞߍ߫ ߟߊ߫ ߕߙߎ߬ ߘߌ߫ ߞߊ߬ ߡߐ߰ ߛߌߦߊߡߊ߲߫ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߖߡߊ߬ߣߊ ߞߐ߰ߘߎ߯ ߕߟߋ߬ߓߋ ߘߐ߫.

ߕߋ߰ߙߋ߬ ߞߙߎ ߞߊ߫ ߛߌߦߊ߫ ߓߊߟߋ߬ ߦߋ߲߬ ߝߣߊ߫߸ ߡߍ߲ ߠߎ߬ ߦߋ߫ ߡߐ߰ ߟߊ߬ߕߎߣߎ߲ ߞߍ߫ ߟߊ߫ ߛߐ߲߬߸ ߞߏ߫ ߝߏ߫ ߞߊ߬ ߥߊߘߌ ߟߋ߬ ߛߊ߬ߙߊ߫ ߏ߬ ߟߎ߫ ߞߎ߲߬ߞߘߐ߬ ߣߴߊ߬ߟߎ߬ ߘߴߊ߬ߟߎ߫ ߓߌ߬ߟߊ߬.

ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߟߊ߫ ߝߐߟߌ߫ ߘߐ߫߸ ߡߙߎߕߟߌ߫ ߞߟߍ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߡߐ߰ ߛߌߦߊߡߊ߲߫ ߝߊ߰߸ ߞߊ߬߬ ߛߌߦߊߡߊ߲߫ ߟߐ߬ ߊ߬ߟߎ߫ ߛߌ߰ ߦߙߐ ߓߌ߬ߟߊ߬ ߟߊ߫.