ߘߍ߬ߞߙߏߝߏ ߟߎ߬: ߞߎ߲߬ߘߐ߬ߕߍ߰ ߞߎߡߊ ߘߏ߫ ߦߋ߫ ߝߌߙߌ߲ߝߌߙߌ߲ ߞߊ߲ ߖ߭ߋߛߌߞߊ߫ ߕߐ߮ ߘߏ߫ ߟߊ߫ « ߛߦߊ߬ » ߞߏ ߘߌ߫

[audio_player id=4172]

ߥߎ߬ߣߎ߲߬ߥߎ߬ߣߎ߲߬ ߞߎߡߊ ߡߍ߲ ߓߘߊ߫ ߘߍ߬ߞߙߏߝߏ ߞߊ߲߬ߠߊ ߟߎ߬ ߟߊߝߏ߬ ߕߋ߲߬߸ ߞߵߊ߬ ߝߐ߫ ߞߏ߫ ߓߊߟߍ߲߫ ߟߐ߲ߠߊ߫ ߥߣߊ ߖ߭ߋߛߌߞߊ߫ ߙߊߘߑߞߟߌߝ ߓߘߊ߫ ߕߏ߫ ߊ߬ ߟߐ߲߫ ߞߏ ߘߐ߫ ߓߊߟߍ߲߫ ߠߊߕߏߟߏ߲߫ ߖߊ߲ߖߏ߲ ߘߏ߫ ߘߐ߫، ߒ ߧߋ߫ ߕߎ߬ߢߊ ߝߐ߫ ߊߟߎ߫ ߦߋ߫߸ ߞߎ߲߬ߘߐ߬ߕߍ߮ ߟߋ߬ ߘߐߙߐ߲߫ ߦߋ߫߸ ߡߍ߲ ߣߌ߫ ߕߎ߬ߢߊ ߡߊ߫ ߛߌ߬ ߓߏ߲߫ ߞߋߟߋ߲߫ ߠߊ߫.

ߡߊ߬ߝߟߍ߬ߟߌ ߓߍ߯ ߞߐߝߍ߬߸ ߊ߬ ߓߘߊ߫ ߦߋ߫ ߞߏ߫ ߖ߭ߋߛߌߞߊ  ߣߌ߲߬ ߖߍ߬ߘߍ ߕߍ߫ ߘߎߢߊ߫ ߣߌ߲߬ ߘߐ߫ ߝߋߎ߫، ߘߊ߬ߟߎ߬ ߛߌ߫ ߕߴߦߋ߲߬ ߜߍ ߘߐ߫߸ ߟߊ߬ߛߋ߬ߟߌ߬ ߝߏߦߌ߬ ߡߊ߫ ߝߘߊ߫ ߛߡߐ߬ߣߐ߬ ߟߊ߫߸ ߖߌ߬ߦߊ߬ߖߟߎ߬ ߖߐ߲ߖߐ߲߫ ߝߏߦߌ߬ ߕߴߦߋ߲߬߸ ߡߍ߲ ߦߋ߫ ߞߏߢߊ ߣߌ߲߬ ߕߎ߬ߢߊ߬ߦߊ ߦߌ߬ߘߊ߬ ߟߊ߫، ߖߌ߬ߦߊ߬ߖߟߎ ߡߍ߲ ߦߋߣߍ߲߫߸ ߞߎ߲߬ߕߐ߮ ߡߍ߲ ߦߴߊ߬ ߟߊ߫߸ ߏ߬ ߦߋ߫ ߞߎ߲߬ߕߐ߰ ߡߊߦߋߙߋ߲ߣߍ߲ ߠߋ߬ ߘߌ߫، ߖߌ߬ߦߊ ߡߍ߲ ߠߎ߬ ߦߴߊ߬ ߘߐ߫ ߛߊ߫߸ ߏ߬ ߟߎ߬ ߘߐߞߎߘߎ߲ߞߎߘߎ߲߫ ߢߊ ߟߋ߬ ߣߐ߬ ߊ߬ ߦߌ߬ߘߊ߬ ߟߊ߫ ߝߣߊ߫ ߞߏ߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߠߊ߫ ߓߊ߯ߙߊߣߐ ߟߋ߬.

ߥߎߦߊ߫ ߞߎߡߊ ߢߌ߲߬ ߠߋ߬ ߓߘߊ߫ ߘߎߢߊ߫ ߟߊߝߏ߬ ߕߋ߲߬߸ ߞߵߊ߬ ߞߍ߫ ߓߍ߯ ߢߣߊ߫ ߦߏ߫ ߞߏ߫ ߟߋ߬߸ ߡߍ߲ ߞߍߣߍ߲߫ ߜߍ ߘߐ߫߸ ߞߵߊ߬ ߛߐ߬ߘߐ߲߬߸ ߊ߬ ߡߊ߫ ߞߍ߫ ߡߎ߰ߡߍ߫، ߊ߬ߟߎ߫ ߣߐ߬ ߊ߬ߟߎ߬ ߢߡߊߟߊ߫ ߟߊ߫ ߘߊߥߣ ߓߑߙߊ߲ߗߏ߫ ߟߋ߬ ߡߊ߬߸ ߏ߬ ߡߍ߲ ߛߊ߬ ߘߊ߫ ߖߌߘߐߘߍ߬ߜߍ ߓߟߏ߫ ߂߀߁߀ ߠߊ߫߸ ߊ߬ ߣߌ߫ ߊߟߍߞߑߛߌ ߡߊߙߑߕߌߣߍߖ߭߸ ߏ߬ߝߣߊ߫ ߛߊ߬ ߘߊ߫ ߖߌߘߐߘߍ߬ߜߍ ߟߋ߬ ߓߟߏ߫ ߂߀߀߉ ߟߊ߫، ߒ߬ߓߊ߬߸ ߊ߬ߟߎ߫ ߣߐ߬ ߊ߬ߟߎ߬ ߛߎߡߊ߲߫ ߠߴߏ߬ ߟߎ߬ ߟߊ߫ ߖߌ߬ߦߊ ߟߎ߫ ߟߋ߬ ߘߐ߫߸ ߞߊ߬ ߛߋ߫ ߣߌ߲߬ ߛߎ߮ ߝߣߊ߫ ߡߊߘߓߊ߬ߙߌ߬ ߟߊ߫.

ߡߍ߲ ߠߎ߬ ߦߋ߫ ߣߌ߲߬ ߞߊ߬ߟߊߡߊ߬ ߓߘߍߞߍ߭߸ ߊ߬ ߣߌ߫ ߡߍ߲ ߠߎ߬ ߓߟߏߡߊߞߊ߬ߣߍ߲߫ ߟߌ߬ߤߟߊ߬ ߞߏ ߞߊ߬ߟߊߡߊ߬߸ ߏ߬ ߟߎ߬ ߞߊ߲߫ ߞߏ߫ ߥߎߦߊ߫ ߞߎߡߊ ߛߎ߮ ߣߌ߲߬ ߝߐ ߕߍ߫ ߞߓߊߞߏ߫ ߘߌ߫߸ ߓߊߏ߬ ߊ߬ ߕߌ߰ߟߊ߬ߡߐ߮ ߟߎ߬ ߦߋ߫ ߞߏ߫ ߞߘߐ߫ ߕߊ߬ߡߌ߲߬ߣߍ߲߫ ߕߎ߬ߢߊ߬ߡߊ ߟߎ߬ ߣߌ߫ ߞߎߘߊ ߟߎ߫ ߟߋ߬ ߟߊ߫ ߟߊ߫ ߢߐ߲߮ ߡߊ߬߸ ߞߵߊ߬ߟߎ߬ ߓߟߏߞߍ߫ ߦߙߌ ߞߍ߫ ߏ߬ ߟߎ߬ ߘߌ߫ ߛߊ߫߸ ߝߏ߫ ߓߍ߯ ߘߌ߫ ߟߴߊ߬ ߞߏߢߊ ߟߊ߫.

ߏ߬ ߘߐ߫߸ ߊߟߴߊ߬ ߟߐ߲߫ ߞߏ߫ ߖߋߛߌߞߊ߬ ߟߊ߫ ߟߌ߬ߤߟߊ ߡߍ߲ ߦߴߊߟߎ߫ ߓߟߏߞߘߐ߫ ߝߍߛߑߓߎߞ ߣߌ߫ ߕߌߞߑߕߐߞ ߣߌ߫ ߦߙߐ߫ ߜߘߍ߫ ߟߎ߫ ߞߊ߲߬ ߕߋ߲߬߸ ߊ߬ ߦߋ߫ ߞߎ߲߬ߘߐ߬ߕߍ߮ ߟߋ߬ ߘߌ߫߸ ߡߍ߲ ߕߍ߫ ߞߣߍ߫ ߞߊ߲߫ ߞߏ߫ ߘߌ߫ ߡߎ߰ߡߍ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫