ߞߍ߬ߟߍ ߟߋ߬ ߥߟߌ߬ߣߍ߲߫ ߡߊߞߌ ߘߏ߫ ߞߣߐ߫ ߖߟߊߥߛߊ߫߸ ߢߊ߰ߛߏ߬ߟߊ߫ ߡߙߊ߬ߘߊ߬ߙߋ߲ ߘߐ߫߸ ߡߍ߲ ߞߐߝߟߌ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߞߊ߲ߡߋߙߋ߲߫ ߛߊ߲߭ ߂߅ ߘߏ߫ ߓߐ߬ߣߐ߫ ߊ߬ ߣߌ ߘߐ߫، ߊ߬ ߛߐ߰ ߘߊ߫ ߛߌ߬ߘߌ ߟߋ߬ ߡߊ߬ ߡߎߣߎ߲߬߸ ߞߣߊ߬ߕߏ߫ ߜߊ߬ߛߌ߬ ߟߊ߫ ߞߵߊ߬ ߡߊߘߌߡߌ߲߫ ߞߏߖߎ߯ߦߊ ߞߍ߫ ߊ߬ ߕߌ߲ ߠߊ߫߸ ߝߏ߫ ߞߵߊ߬ ߓߐ߬ߣߐ߫ ߊ߬ ߣߌ ߘߐ߫.

ߡߐ߰ ߝߊ߰ ߞߏ ߟߋ߬ ߞߍߣߍ߲߫ ߖߟߊߥߛߊ߫ ߛߏ ߞߣߐ߫ ߞߍ߲ߘߍߟߏ߲ ߂߀߂߆ ߞߏ߲ߞߏߘߓߌ ߕߟߋ߬ ߁߁߸ ߊ߬ߟߋ ߦߋ߫ ߘߎ߰ߣߍ߲ ߘߏ߫ ߟߋ߬ ߘߌ߫ ߢߊ߰ߛߏ߬ߟߊ߫ ߡߙߊ߬ߘߊ߬ߙߋ߲ ߘߐ߫߸ ߞߎߘߍ߫ ߁߅߀ ߟߵߊ߬߬ ߣߌ߫ ߛߌ߯ߙߌ߲߫ ߛߏߞߣߐߟߊ ߕߍ߫.

ߊ߲ ߠߊ߫ ߟߌ߬ߤߟߊ߬ ߟߊߘߍ߬ߣߍ߲ ߠߎ߬ ߘߐ߫߸ ߞߊ߲ߡߋߙߋ߲ ߡߍ߲ ߝߊ߰ߣߍ߲߫ ߕߋ߲߬߸ ߊ߬ ߕߐ߯ ߟߋ߬ ߞߏ߫ ߟߊ߬ߦߌ߬ߓߊ ߕߙߊߥߟߋ߫߸ ߊ߬ ߛߌ߬ߞߛߊߓߌ ߦߋ߫ ߛߊ߲߭ ߂߅ ߖߊ߬ߕߋ߬ ߘߐ߫، ߊ߬ ߞߍߣߍ߲߫ ߦߏ߫ ߊ߬ ߜߊ߬ߛߌ߬ ߞߏ߬ߖߎ߰ߦߊ ߟߋ߬ ߞߍߣߍ߲߫ ߝߊߕߎߓߏ߲ ߘߏ߫ ߟߊ߫߸ ߝߏ߫ ߞߵߊ߬ ߓߐ߬ߣߐ߫ ߊ߬ ߣߌ ߘߐ߫، ߊ߬ ߛߘߌ߬ ߘߊ߫ ߡߐ߱ ߘߏ߫ ߟߎ߫ ߟߋ߬ ߓߟߏ߫߸ ߞߊ߬ ߝߋ߲ ߘߏ߫ ߕߊ߬߸ ߊ߲ ߕߴߛߋ߫ ߡߍ߲ ߛߎ߯ ߞߋߟߋ߲߫ ߠߊߕߍ߰ ߟߊ߫߸ ߞߵߊ߬ ߥߊߟߏ߲߫ ߊ߬ ߞߎ߲߭ ߘߐ߫ ߝߋ߲ ߏ߬ ߟߊ߫߸ ߞߵߊ߬ ߞߊ߬ߢߴߊ߬ ߖߘߍ߬ ߞߘߐ߫.

ߊ߬ ߞߘߐ߬ߞߍ߬ ߟߊߟߐ߲ߠߌ߲ ߡߍ߲ ߞߍ߫ ߘߊ߫ ߏ߬ ߞߏߢߊ ߟߊ߫߸ ߊ߬ ߥߟߌ߬ ߢߊ ߟߋ߬ ߞߍ߫ ߘߴߏ߬ ߘߌ߫ ߞߊ߬ ߥߴߊ߬ ߛߐ߬ߘߐ߲߬ ߊ߬ ߘߐ߯ߞߍ߫ ߛߘߌ߬ߣߍ߲߫ ߖߎ߬ߟߎ ߟߊ߫߸ ߊ߬ ߡߊߘߌߡߌ߲ߣߍ߲ߓߊ ߝߣߊ߫ ߦߋ߫، ߊ߬ ߞߍߢߊ ߟߵߏ߬ ߘߌ߫ ߞߵߊ߬ ߘߐ߯ߞߍ߫ ߝߎߟߋ߲߫߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ ߞߊ߬߬ ߜߟߍ߬ߦߊ ߘߏ߫ ߟߎ߫ ߛߐ߬ߘߐ߲߬ ߊ߬ ߝߎߟߋ߲߫ ߕߎߡߊ ߟߊ߫߸ ߓߊߏ߬ ߡߐ߰ ߛߐ߬ߘߐ߲߬ ߘߊ߫ ߡߍ߲ ߞߵߊ߬ ߝߐ߫ ߊ߬ ߡߊ߬ ߞߏ߫ ߊ߬ ߕߍ߫ ߝߎߟߋ߲߫ ߠߊ߫، ߞߏ߬ߣߵߊ߬ ߛߋ߫ ߘߴߊ߬ ߝߎߟߋ߲߫ ߠߊ߫ ߞߊ߬ ߥߴߊ߬ ߘߌ߫ ߘߊ߲ߘߊߛߏ ߟߊ߫.

ߊ߬ ߦߋ߫ ߛߋ߫ ߟߊ߫ ߛߌ߰ߙߌ߲߫ ߘߊ߲ߘߊߛߏߓߊ ߟߊ߫ ߕߎ߬ߡߊ ߡߍ߲ ߠߊ߫߸ ߏ߬ ߞߵߊ߬ ߛߐ߬ߘߐ߲߬ ߊ߬ ߕߍ߫ ߝߊ߬ߘߌ߬ ߢߌߡߊ߫ ߘߐ߫ ߡߎ߬ߕߎ߲߬، ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߊߓߋ߬ߛߋ߸ ߣߴߊ߬ ߦߋ߫ ߞߟߍ߬ߡߐ߰ ߘߊ߲ߘߊߟߌߟߊ߫ ߘߌ߫߸ ߏ߬ ߞߵߊ߬ ߝߐ߫ ߛߦߊ߬ ߞߏ ߣߌ߲߬ ߘߐ߫ ߟߋ߬ <<ߛߌߞߊߒߡߊ߫>> ߛߦߊ ߟߋ߬߸ ߊ߬ ߣߌ߫ <<ߞߘߊߡߊ߫>> ߛߦߊ، ߞߊ߬ߕߎ߲߯߸ ߞߏ߫ ߞߊ߲ߡߋߙߋ߲ ߖߐߞߌߣߍ߲߫ ߕߍ߬ߘߍ߫ ߊ߬ ߞߎ߲߭ ߠߊ߫ ߞߏߖߎ߯ߦߊ߫߸ ߝߏ߫ ߞߵߊ߬ ߞߎ߲߬ߛߍ߲ߓߍ ߓߐ߫ ߞߣߍߡߊ߬.

ߘߊ߲ߘߊߟߌߟߊ ߞߊ߲߫ ߞߏ߫ <<ߊ߬ ߥߊ߬ߟߏ߲߬ ߞߏ߬ߖߎ߰ߦߊ ߟߋ߬ ߞߍߣߍ߲߫ ߝߋ߲ ߘߊ߫ ߝߋߎ߫، ߞߵߊ߬ ߡߊߘߌߡߌ߲߫ ߞߏߖߎ߯ߦߊ ߞߍ߫ ߊ߬ ߞߎ߲߭ ߘߐ߫.>>

ߟߊ߬ߦߌ߬ߓߊ ߕߙߊߥߟߋ߫ ߡߍ߲ ߝߊ߰ߣߍ߲߫ ߣߌ߲߬߸ ߊ߬ ߕߎ߲߬ ߓߘߊ߫ ߓߐ߫ ߡߛߏ߬ ߞߐ߫߸ ߞߏ߬ߣߵߊ߬ ߡߊ߫ ߘߏ߲߬ ߡߎߣߎ߲߬߸ ߘߋ߲߫ ߕߎ߲߬ ߕߴߊ߬ ߓߟߏ߫ ߝߣߊ߫.

ߝߊ߰ߡߊ ߟߎ߬ ߓߘߊ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫، ߊ߬ ߖߍ߬ߘߍ ߓߘߊ߫ ߦߌ߬ߘߊ߬ ߞߏ߫ ߢߊߢߌߣߌ߲ߠߌ߲ ߓߙߌ߬ߝߐߝߐ ߓߘߊ߫ ߡߐ߱ ߘߏ߫ ߟߎ߫ ߡߊߟߐ߲߫߸ ߛߌߞߊ߫ ߞߍߣߍ߲߫ ߡߍ߲ ߠߎ߬ ߡߵߊ߬ ߞߏ ߘߐ߫، ߊ߬ߟߎ߫ ߞߏ߬ߣߌ߲ ߦߴߊ߬ ߞߏ ߞߊ߲߬ ߞߵߊ߬ ߛߍ߲߬ߛߍ߲߫ ߊ߬ ߢߌ߬ߡߊ ߟߊ߫߸ ߛߴߊ߬ ߕߊ߬ߡߌ߲߬ ߢߊ߬ ߖߐ߲ߖߐ߲ ߘߌ߫ ߟߐ߲߫.