ߞߋߣߌߦߊ߫: ߛߎ߲ߞߎߘߎ߲߫ ߛߊ߲߬ ߁߈ ߘߏ߫ ߟߋ߬ ߕߎߣߎ߲ߣߍ߲߫߸ ߊ߬ ߛߎ߭ ߟߋ߬ ߥߊߣߍ߲߫ ߦߋ߫ ߟߊ߫ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ߫ ߦߌߟߊ ߘߏ߫ ߢߍ߲߮ ߞߣߐ߫

ߛߎ߭ ߘߏ߫ ߟߋ߬ ߦߋߣߍ߲߫ ߌߛߌߦߟߏ߫ ߛߏ ߞߣߐ߫ ߞߋߣߌߦߊ߫ ߖߡߊ߬ߣߊ ߞߊ߲߬߸ ߕߐ߲ߓߟߏߡߊ ߟߎ߬ ߓߐ߫ ߘߊ߫ ߡߍ߲ ߞߏ ߢߊߢߌߣߌ߲߫ ߞߊ߲ߡߊ߬.

ߓߌߟߏ߲ ߥߎ߬ߙߊ ߟߋ߬ ߟߊ߫߸ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ߫ ߦߙߐ ߡߍ߲ ߦߋ߫ ߡߍߙߑߕߌ߫߸ ߏ߬ ߓߊ߯ߙߊߘߋ߲ ߘߏ߫ ߕߊ߯ ߘߊ߫ ߢߍ߲߮ ߠߊ߫، ߊ߬ ߣߎ߲ ߘߏ߲߬ ߘߊ߫ ߛߎߡߊ ߘߏ߫ ߘߐ߫ ߞߊ߬ߓߌ߬ߣߍ߬ ߜߘߍ߫ ߞߣߐ߫߸ ߡߍ߲ ߖߎ߯ߡߊ߲߫ ߕߘߍ߬ ߞߏߛߓߍ߫، ߊ߬ ߞߍߢߊ ߟߵߏ߬ ߘߌ߫ ߞߊ߬ ߘߊ ߏ߬ ߞߘߊߡߊ߫ ߟߞߊ߫߸ ߞߊ߬ ߥߴߊ߬ ߢߊ ߟߊߕߊ߬ ߛߎ߭ ߘߏ߫ ߖߋ߬ߣߌ߲߬ߣߍ߲ ߟߊߣߍ߲ ߠߊ߫ ߦߋ߲߬߸ ߡߍ߲ ߕߴߛߋ߫ ߡߊߟߐ߲߫ ߠߴߊ߬ ߖߋ߬ߣߌ߲߬ ߞߏ߬ߖߎ߰ߦߊ ߖߍ߬ߘߍ ߞߏߛߐ߲߬.

ߕߐ߲ߓߟߏߡߊ ߟߎ߬ ߞߟߌ߫ ߢߊ ߟߋ߬ ߞߍߣߴߏ߬ ߘߌ߫߸ ߞߊ߬ ߥߊ߫ ߦߋ߲߬߸ ߞߊ߬ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫ ߌߞߘߐ߫.

ߒ߬ߓߊ߬߸ ߞߏߘߐߛߏ߯ߙߋ ߡߍ߲ ߠߎ߬ ߦߴߌߘߐ߫߸ ߏ߬ ߞߍ߫ ߘߊ߫ ߕߙߎ߬ ߘߌ߫߸ ߊ߬ ߟߐ߲߫ ߘߊ߫ ߡߐ߰ ߞߋߟߋ߲ ߡߍ߲ ߛߎ߭ ߦߋ߫߸ ߊ߬ ߕߐ߯ ߟߋ߬ ߞߏ߫ ߣߊߛߌߓߏ ߕߊߘߌߛ߭ߊ ߊߓߑߘߌ߫߸ ߊ߬ ߛߊ߲߬ ߁߈ ߠߋ߬ ߕߍ߬ߘߍ߫ ߣߌ߲߬، ߊ߬ ߝߊ߬ ߕߎ߲߬ ߓߘߴߊ߬ ߕߎߣߎ߲߫ ߞߏ ߟߊߛߋ߫ ߕߐ߲ߓߟߏߡߊ ߟߎ߫ ߡߊ߬ ߞߘߐ߬ߡߊ߲߬߸ ߞߵߊ߬ ߦߌ߬ߘߊ߬ ߞߏ߫ ߊ߬ ߓߐ߫ ߘߊ߫ ߟߎ ߡߊ߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߂ ߟߋ߬ ߡߊ߬߸ ߁߉ ߕߎߡߊ߸ ߞߵߊ߬ ߕߊ߬ ߏ߬ ߡߊ߬ ߤߊ߲߯ ߕߋ߲߬߸ ߊ߬ ߕߎ߲߬ ߡߊ߫ ߟߊߞߏߟߐ߲߫ ߡߎߣߎ߲߬.

ߒ߬ߓߊ߬߸ ߊ߬ ߟߊ߫ ߡߐ߱ ߟߎ߫ ߞߵߊ߬ ߦߌ߬ߘߊ߬ ߛߙߋߦߊ ߓߍ߯ ߘߐ߫߸ ߞߏ߫ ߊ߬ߟߎ߬ ߘߋ߲ߡߛߏ߫ ߟߋ߬ ߝߛߊߦߌ߫. ߊ߬ ߥߊ߫ ߘߊ߫ ߘߊ߲ߘߊߛߏ ߟߊ߫ ߝߣߊ߫߸ ߏ߬ ߟߎ߫ ߞߵߊ߬ ߛߊ߬ ߢߊ ߢߊߢߌߣߌ߲߫߸ ߞߣߊ߬ߕߏ߫ ߛߎ߭ ߘߌ߫ ߟߴߊ߬ ߟߊ߫ ߡߐ߱ ߟߎ߫ ߡߊ߬، ߏ߬ ߟߎ߫ ߞߵߊ߬ ߛߎ߬ߞߏ߬ߦߊ ߞߍ߫ ߦߏ߫ ߛߌ߬ߟߊ߬ߡߊ ߟߎ߬ ߟߊ߫ ߓߊߘߍ ߦߋ߫ ߞߍ߫ ߟߊ߫ ߢߊ ߡߍ߲ ߡߊ߬.

ߕߐ߲ߓߟߏߡߊ ߟߎ߫ ߞߵߊ߬ ߟߊߛߋ߫ ߞߏ߫ ߊ߬ߟߎ߬ ߓߘߴߊ߬ߟߎ߬ ߕߍ߯ ߞߍ߫ ߛߌߞߊߒߡߊߓߊ߯ߕߐ ߘߏ߫ ߘߐ߫ ߊ߬ߟߋ߬ ߞߏߢߊ ߣߌ߲߬ ߘߐ߫، ߊ߬ ߞߏ߬ߣߌ߲ ߡߊ߫ ߝߐ߫ ߡߐ߱ ߟߎ߬ ߦߋ߫ ߜߍ ߘߐ߫ ߕߐ߲ߓߟߏߡߊ ߟߎ߬ ߓߟߏ߫߸ ߊ߬ ߝߊ߲߭ ߡߍ߲ ߦߋ߫ ߘߋ߲ߡߛߏ ߘߌ߫߸ ߊ߬ ߣߌ߫ ߡߎ߲߬ ߞߋߟߋ߲߫ ߕߍ߬ߘߍ߫ ߊ߬ߟߎ߬ ߕߍ߫߸ ߏ߬ ߡߊ߫ ߢߊߝߐ߫ ߡߎߣߎ߲߬. ߏ߬ ߟߋ ߞߏߛߐ߲߬߸ ߊ߬ ߡߊ߫ ߟߐ߲߫ ߝߟߐ߫߸ ߘߋ߲ߡߛߏ ߝߊ߰ߣߍ߲߫ ߞߎ߲߬ ߞߋߟߋ߲ ߡߍ߲ ߠߊ߫߸ ߝߏ߫ ߞߊ߬ ߕߊ ߛߎ߫ ߊ߬ ߟߊ߫.

ߏ߬ ߟߋ ߘߐ߫߸ ߘߐ߬ߛߏ߰ߙߋ߬ߟߌ߬ߟߊ ߟߎ߬ ߦߴߊ߬ ߞߊ߲߬ ߞߵߊ߬ ߢߊߢߌߣߌ߲߫ ߝߣߊ߫߸ ߘߋ߲ߡߛߏ ߛߎ߭ ߞߊ߬ ߓߊ߯ߙߊ߫ ߦߙߐ ߏ߬ ߟߊߛߐ߬ߘߐ߲߫ ߘߌ߬؟ ߊ߬ ߛߊ߬ߣߍ߲߫ ߘߌ߬؟ ߊ߬ ߣߌ߫ ߞߵߊ߬ ߟߐ߲߫ ߝߣߊ߫ ߣߌ߫ ߡߐ߰ ߜߘߍ߫ ߛߋ߲߬ ߦߴߊ߬ ߞߏ ߘߐ߫.