ߟߊ߬ߛߏ ߘߎ߲ߓߎߦߊ߫ ߛߌ߬ߞߛߊߓߌ ߦߋ߫ ߛߊ߲߬ ߃߀ ߖߊ߬ߕߋ߫ ߟߋ߬ ߘߐ߫߸ ߏ߬ ߟߋ ߛߎ߭ ߦߋߣߍ߲߫ ߥߊ߭ ߘߐ߫ ߞߎߣߎ߲ߟߏ߲߸ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߉ ߡߊ߬߸ ߞߙߏ߬ߡߊ߬ߘߎ߯ ߣߌ߫ ߞߏ߬ߡߊ߰ߣߊ߬ ߕߍߟߊ ߘߐ߫߸ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߕߍ߮ ߓߘߊ߫ ߞߍ߫ ߛߌߞߊߒߡߊߓߊ߯ߕߐ ߘߐ߫ ߞߵߊ߬ ߟߊߕߊ߯ ߡߊ߲߬ߖߊ߲߬ߠߊ߬.

ߡߊ߬ߛߎߓߊ ߣߌ߲߬ ߞߍ߫ ߘߊ߫ ߁߆ߕߎߡߊ ߣߌ߫ ߁߇ ߕߎߡߊ ߕߍߟߊ ߟߋ߬ ߘߐ߫، ߛߊ߯ߦߏ߲߫ ߂߲ ߞߙߏ߬ߡߊ߬ ߡߍ߲ ߦߋ߫ ߞߙߏ߬ߡߊ߬ߘߎ߯ ߘߎ߰ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߛߣߍ߬ߞߍ߬ߟߊ ߘߏ߫ ߟߋ߬ ߛߌ߰ߢߐ߲߮ ߠߎ߫ ߣߐ߬ ߡߐ߰ ߝߌ߬ߟߊ߬ ߦߋ߫ ߟߊ߫ ߢߐ߲߯ ߜߍ߲ ߠߊ߫ ߥߊ߭ ߘߐ߫، ߡߍ߲ ߕߘߍ߬ ߢߍߝߍ߬߸ ߏ߬ ߓߋ߬ ߘߊ߫ ߘߎ߱ ߡߊ߬߸ ߜߍ߲ߠߌ߲ߠߊ ߞߊ߬ ߕߊ߲߫ ߛߊ߲߬ ߝߢߐ ߟߊ߫ ߞߊ߬ ߥߊ߫.

ߒ߬ߓߊ߬߸ ߊ߬ ߞߏ ߞߍ߫ ߘߊ߫ ߡߍ߲ ߢߣߊ߫߸ ߏ߬ ߞߵߊ߬ ߡߊߘߏ߲߬ ߦߋ߲߬ ߝߊ߲ ߝߍ߬ ߣߍ߲ߞߍ߫߸ ߊ߬ ߞߊ߬ ߔߏߔߏ ߘߏ߫ ߟߊߣߍ߲ ߦߋ߫߸ ߞߊ߬ ߞߟߌߟߌ ߞߍ߫ ߡߐ߰ ߕߴߊ߬ ߟߊߡߌ߬ߣߊ߬ ߟߊ߫، ߊ߬ ߞߍߢߊ ߟߵߏ߬ ߘߌ߫ ߞߊ߬ ߗߍ߭ ߘߏ߫ ߡߊߘߌߡߌ߲ߣߍ߲ ߟߊߣߍ߲ ߦߋ߫߸ ߞߏ߬ߣߵߊ߬ ߡߊ߫ ߛߎߛߋ߫ ߊ߬ ߡߊߘߏ߲߬ ߠߴߊ߬ ߟߊ߫.

ߞߙߏ߬ߡߊ߬ߘߎ߯ ߘߎ߰ߕߌ߮ ߛߊ߯ߦߏ߲߫ ߂߲ ߞߙߏ߬ߡߊ߫ ߞߊ߬ ߣߌ߲߬ ߞߏ ߕߊ߬ߡߌ߲߬ ߢߊ ߝߐ߫، <<ߞߎߣߎ߲߬ ߁߉ ߕߎߡߊ ߟߋ߬ ߟߊ߫߸ ߊ߲ ߞߊ߬ ߞߟߌߟߌ ߛߐ߬ߘߐ߲߬ ߞߊ߬ ߝߘߊ߫ ߞߎߣߊߘߎ߯ ߞߏ߬ߡߊ߰ߣߊ߫ ߘߎ߰ߕߌ߮ ߟߊ߫، ߞߵߊ߬ ߦߌ߬ߘߴߊ߲ ߠߊ߫ ߞߏ߫ ߘߎ߰ߘߋ߲ ߘߏ߫ ߓߘߊ߫ ߡߐ߰ ߝߌ߬ߟߊ߬ ߦߋ߫ ߢߐ߲߯ ߜߍ߲ ߠߊ߫߸ ߡߍ߲ ߕߘߍ߬ ߢߍߝߍ߬߸ ߏ߬ ߓߘߊ߫ ߓߋ߬.>> ߛߊ߯ߦߏ߲߫ ߝߌߟߊߣߊ߲ ߞߵߏ߬ ߢߊߝߐ߫.

ߛߏ ߞߏߟߊߕߍ߮ ߟߎ߬ ߥߊ߫ ߢߊ ߟߋ߬ ߞߍߣߍ߲߫ ߦߋ߲߬ ߏ߬ ߘߌ߫߸ ߞߵߏ߬ ߟߊ߫ ߘߏ߲߬ߛߏ߬ ߞߎ߲ߕߌ߮ ߞߊ߲߬߸ ߞߊ߬ ߥߊ߫ ߛߋ߫ ߦߙߐ ߏ߬ ߘߐ߫ ߦߋ߲߬.

ߘߎ߰ߕߌ߮ ߞߊ߲߫ ߞߏ߫: <<ߊ߲ ߞߊ߬ ߗߍ߭ ߘߏ߫ ߟߊߣߍ߲ ߦߋ߫ ߘߎ߱ ߡߊ߬߸ ߊ߬ ߡߊߕߍ߰ߣߍ߲߫ ߡߙߎ߬ߓߊ ߟߊ߫߸ ߊ߬ ߞߊ߲߫ ߠߊ߫ ߝߊ߲ ߝߍ߬߸ ߊ߬ ߢߝߍߟߊ ߣߴߊ߬ ߞߐߝߍߟߊ ߓߍ߯ ߡߊߕߍ߰ߣߍ߲߬.>> ߘߎ߰ߕߌ߮ ߟߋ߬ ߞߊ߲߫ ߕߋ߲߬.

ߊ߬ߟߎ߫ ߞߵߊ߬ ߦߋ߫ ߡߎ߬ߕߎ߲߬߸ ߖߐߞߌߓߊ߯ߕߐ ߏ߬ ߦߋ߫ ߟߊ߬ߛߏ ߘߎ߲ߓߎߦߊ߫ ߟߋ߬ ߘߌ߫߸ ߡߍ߲ ߦߋ߫ ߛߌ߱ ߘߐ߫ ߞߙߏ߬ߡߊ߬ߘߎ߯، ߡߏ߬ߛߏ ߦߴߊ߬ ߞߎ߲߬߸ ߘߋ߲߫ ߣߊ߯ߣߌ߲߫ ߦߴߊ߬ ߓߟߏ߫߸ ߊ߬ ߖߍ߬ߘߍ ߕߘߍ߬ ߓߊ߯ߙߊ߫ ߟߊ߫ ߘߊ߬ߡߊ߲߬ ߞߏߟߊߘߍ ߘߏ߫ ߘߐ߫߸ ߊ߬ ߥߊߣߍ߲߫ ߕߘߍ߬ ߓߐ߫ ߞߊ߲ ߠߋ߬ ߡߵߊ߬ ߟߊ߫ ߛߍ߬ߣߍ ߘߐ߫.

ߊ߲ ߠߊ߫ ߟߌ߬ߤߟߊ߫ ߞߎ߲߬ߝߟߐ ߟߎ߬ ߘߐ߫߸ ߡߊ߲߬ߞߊ߲ ߞߍ߫ ߘߊ߫ ߝߊ߰ߓߊ߰ߕߐ ߟߊ߫ ߛߍ߬ߣߍ ߘߏ߲߬ߘߊ ߟߋ߬ ߟߊ߫، ߡߊ߲߬ߞߊ߲ ߠߋ߬ ߥߟߌ߬ߣߴߊ߬ ߣߌ߫ ߣߛߌ߬ߜߍ߲߬ߘߋ߲ ߣߌ߲߬ ߕߍ߫ ߦߋ߲߬߸ ߞߵߏ߬ ߟߊߓߊ߲߫ ߡߊ߬ߛߎߓߊ ߡߊ߬، ߏ߬ ߞߊ߬ ߕߊ߲߫ ߛߊ߲߬ ߝߢߐ ߟߊ߫ ߞߵߊ߬ ߓߏ߬ߙߌ߬.

ߒ߬ߓߊ߬߸ ߣߛߌ߬ߜߍ߲߬ߘߋ߲ ߏ߬ ߕߘߍ߬ ߡߍ߲ ߓߟߏ߫ ߏ߬ ߘߐ߫ ߛߊ߫߸ ߕߍ߮ ߞߍ߫ ߘߴߏ߬ ߘߐ߫ ߞߵߏ߬ ߘߏ߲߬ ߘߏ߲߬ߛߏ ߟߎ߬ ߓߟߏ߫، ߏ߬ ߟߋ ߞߵߊ߬ ߦߌ߬ߘߊ߬ ߞߏ߫ ߣߛߌ߬ߜߍ߲߬ߘߋ߲ ߓߘߴߊ߬ ߓߏ߬ߙߌ߫ ߞߊ߬ ߥߊ߫ ߘߊߙߑߛߊ߬ߟߊߡ߸ ߏ߬ ߦߋ߫ ߓߊߟߊ߲ߘߎ߯ ߓߙߊ߬ߘߊ߬ߙߋ߲ ߠߋ߬ ߘߐ߫.

<<ߊ߲ ߞߊ߬ ߘߊߙߑߛߊ߬ߟߡ ߘߎ߰ߕߌ߮ ߞߟߌ߫ ߞߊ߬ ߞߏߢߊ ߢߊߝߐ߫ ߊ߬ ߦߋ߫߸ ߏ߬ ߛߋ߫ ߘߴߊ߬ ߕߍ߯ ߞߍ߫ ߟߊ߫ ߛߌߞߊߒߡߊߓߊ߯ߕߐ ߘߐ߫.>> ߛߊ߯ߦߏ߲߫ ߂߲ ߞߙߏ߬ߡߊ߫ ߟߋ߬ ߞߊ߲߫ ߕߋ߲߬.

ߒ߬ߓߊ߬߸ ߣߛߌ߬ߜߍ߲߬ߘߋ߲ ߓߊ߬߸ ߊ߬ ߕߘߍ߬ ߡߍ߲ ߓߟߏ߫ ߓߊ߬߸ ߊ߬ߟߎ߬ ߓߍ߯ ߕߊ߬ ߘߊ߫ ߞߵߊ߬ߟߎ߬ ߟߊߕߊ߯ ߡߊ߲߬ߖߊ߲߬ߠߊ߫ ߛߏ ߞߣߐ߫߸ ߞߵߊ߬ߟߎ߫ ߓߌ߬ߟߊ߫ ߛߊ߬ߙߌ߬ߦߊ߬ ߓߟߏߞߘߐ߫ ߦߋ߲߬.

ߞߟߍ߬ߡߐ߮ ߟߎ߫ ߣߊ߬ ߘߊ߫ ߞߊ߬ ߣߊ߬ ߛߎ߭ ߟߌ߬ߤߟߊ ߡߊߝߟߍ߫، ߓߌ߬ ߓߌߟߏ߲ ߛߍߣߍ߲߬߸ ߝߊ߰ߡߊ ߟߎ߫ ߣߊ߬ ߘߊ߫ ߛߐ߰ߡߊ߬ߘߊ ߟߊ߫߸ ߊ߬ߟߎ߬ ߣߌ߫ ߘߊ߲ߘߊߟߌߟߊ߸ ߞߊ߬ ߛߎ߭ ߟߌ߬ߤߟߊ ߘߐߜߍ߫߸ ߞߣߊ߬ߕߏ߫ ߛߎ߬ߘߏ߲߬ ߞߏ ߖߊ߬ߡߊߙߌ ߘߌ߫ ߟߊ߫.

ߛߙߋߦߊ߫ ߖߐ߲ߖߐ߲߫ ߝߏߦߌ߬ ߞߏ߬ߣߌ߲ ߡߊ߫ ߛߐ߬ߘߐ߲߬߸ ߘߊߘߛߐߛߐߟߌ ߖߊ߲߬ߖߏ߲ ߕߊ߬ߡߌ߲߬ ߘߊ߫ ߡߍ߲ ߢߣߊ߫، ߘߎ߰ߕߌ߮ ߞߵߊ߬ ߟߊߛߙߋߦߊ߫ ߞߏ߫: <<ߕߋ߲߭ߕߋ߲߭ ߣߌ߲߬ ߘߐ߫߸ ߊ߲ ߡߊ߫ ߡߐ߰ ߛߌ߫ ߛߐ߬ߘߐ߲߬ ߞߏ ߞߍ߫ ߘߊ߫ ߡߍ߲ ߢߣߊ߫ ߕߌ߯ߕߌ߯ߦߊ߫ ߓߟߏ ߡߊ߬، ߡߍ߲ ߘߏ߲߬ ߊ߬ߟߎ߬ ߡߊߜߍ߲ ߘߐ߫߸ ߏ߬ ߖߊ߲߰ߡߊ߲߫ ߕߍ߬ߘߍ߫ ߊ߬ߟߎ߬ ߟߊ߫ ߣߍ߲ߞߍ߫.>>

ߏ߬ ߘߐ߫߸ ߢߊߢߌߣߌ߲ߠߌ߲ ߠߋ߬ ߓߍߣߊ߬ ߣߌ߲߬ ߞߏ ߕߐ߭ ߟߊ߫ ߞߣߍ ߞߊ߲߬ ߝߊߦߌߘߊ߫.

ߊߟߎ߫ ߦߴߊ߬ ߟߐ߲߫߸ ߣߛߌ߬ߜߍ߲߬ߠߊ ߟߎ߬ ߣߌ߫ ߛߣߍ߬ߞߍ߬ߟߊ ߟߎ߬ ߟߊ߫ ߡߊ߲߬ߞߊ߲ ߞߊ߫ ߛߌߦߊ߫ ߦߙߐ߫ ߛߌߦߊߡߊ߲߫ ߠߋ߬ ߘߐ߫߸ ߏ߬ ߟߋ ߘߏ߫ ߞߐߝߟߌ ߥߟߏߣߍ߲߫ ߡߊ߲߬ߞߊ߲ ߢߌ߲߬ ߠߊ߫ ߕߋ߲߬.