ߞߎߣߎ߲߬ ߛߌ߬ߣߌ߲߬ߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߄ ߡߊ߬߸ ߞߏ߫ ߟߋ߫߬ ߞߍ߫ ߘߊ߫ ߕߊ߲ߖ߭ߊߣߌ߫ ߞߣߐ߫߸ ߡߍ߲ ߢߐ߲߰ ߦߋ߫ ߡߊ߲߫ ߘߌ߫، ߞߊ߬ߕߎ߲߯߸ ߡߊ߲߬ߞߊ߲ ߠߋ߬ ߥߟߌ߬ߣߍ߲߫ ߕߌ߲߬ߞߎߘߎ߲ ߘߊ߲ߘߊߛߏ ߛߋߞߎ߫ ߕߎ߬ߙߋ߬ ߟߊ߫߸ ߦߋ߲߬ ߦߋ߫ ߡߎߥߊ߲ߖ߭ߊ߫ ߘߊ߲ߘߊߛߏߓߊ ߟߋ߬ ߘߌ߫، ߒ߬ߓߊ߬߸ ߗߍ߭ ߡߏ߬ߛߏ߫ ߝߌ߬ߟߊ ߟߋ߬ ߓߌ߬ߟߊ߬ߣߍ߲߬ ߢߐ߲߮ ߠߊ߫ ߦߋ߲߬߸ ߞߊ߬ ߓߍ߲߬ ߛߎ߭ ߕߏ߫ ߞߏ ߡߊ߬ ߢߐ߲߮ ߓߟߏ߫.
ߗߍ߭ ߡߍ߲ ߛߊ߬ߣߍ߲߫ ߣߌ߲߬߸ ߊ߬ ߕߐ߯ ߟߋ߬ ߞߏ߫ ߥߊ߲ߓߙߊ ߡߎ߲ߓߌߌߦߊ߫߸ ߊ߬ ߛߌ߬ߞߛߊߓߌ ߦߋ߫ ߛߊ߲߬ ߅߄ ߖߊ߬ߕߋ߬ ߘߐ߫߸ ߊ߬ ߛߊ߬ ߘߊ߫ ߞߊ߬ ߘߋ߲߫ ߥߐߙߐ߲ߝߌ߬ߟߊ߫ ߟߋ߬ ߕߏ߫߸ ߡߊ߬ߡߊ߬ߙߋ߲߬ ߆ ߢߐ߲߰ ߝߣߊ߫ ߕߏ߫ ߘߴߊ߬ ߞߐ߫، ߊ߬ ߞߊ߬ ߞߊߙߏ߫ ߥߐ߯ߙߐ߫ ߟߋ߬ ߞߍ߫ ߖߊ߲߬ߞߊߙߏ ߘߐ߫، ߒ߬ߓߊ߬߸ ߊ߬ ߟߊ߫ ߛߊ߬ߦߊ ߞߐ ߟߋ߬ ߞߍߣߍ߲߫ ߡߊ߲߬ߞߊ߲ ߘߌ߫ ߊ߬ ߟߊ߫ ߡߐ߱ ߟߎ߫ ߜߊ߲߰ߛߊ߲ ߣߌ߫ ߢߐ߲߯ ߕߍ߫ ߣߌ߲߬ ߛߍߣߍ߲߬߸ ߞߊ߬ ߓߍ߲߬ ߊ߬ ߛߎ߬ߞߏ߬ߦߊ ߞߍߓߊ߯ ߞߏ ߡߊ߬߸ ߊ߬ ߣߴߊ߬ ߛߎ߬ߘߏ߲߬ ߦߙߐ߬ ߞߏ ߡߊ߬.
ߊ߬ ߡߛߏ߬ ߝߟߐ ߟߋ߬ ߦߋ߫ ߋߟߌߖ߭ߊߓߍߕ ߢߞߊߥߏ߫ ߘߌ߫߸ ߏ߬ ߞߊ߲߫ ߞߏ߫ ߊ߬ߟߋ ߣߌ߫ ߗߍ߭ ߣߌ߲߬ ߞߊ߬ ߛߊ߲߬ ߃߂ ߟߋ߬ ߞߍ߫ ߢߐ߲߯ ߝߍ߬، ߒ߬ߓߊ߬߸ ߡߛߏ߬ ߝߟߐ ߟߋ߬ ߣߐ߬ ߊ߬ ߡߍ߲߫ ߠߊ߫ ߏ߬ ߘߐ߫߸ ߞߏ߫ ߗߍ߭ ߟߊ߫ ߡߐ߱ ߟߎ߬ ߦߴߊ߬ ߝߍ߬ ߞߊ߬ ߥߊ߫ ߗߍ߭ ߛߎ߭ߘߏ߲߬ ߊ߬ ߡߛߏ߬ ߝߌߟߊߣߊ߲ ߓߘߊ ߟߋ߬، ߏ߬ ߟߋ ߡߊ߫ ߘߌߦߴߊ߬ߟߋ ߦߋ߫ ߢߊ߫ ߛߌ߫ ߡߊ߬.
ߗߍ߭ ߞߘߐ߬ߞߍ߫ ߞߊ߬ ߞߎߡߊ ߕߊ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ ߘߐ߯ߞߍ߫ ߞߵߊ߬ ߝߐ߫ ߊ߬ ߦߋ߫ ߟߋ߬ ߞߵߊ߬ ߡߊߕߍ߰ ߝߋߎ߫߸ ߦߊ߬ߣߴߊ߬ ߦߋ߫ ߛߊ߬߸ ߞߏ߫ ߞߵߊ߬ ߛߎ߭ߘߏ߲߬ ߊ߬ ߡߛߏ߬ ߝߌߟߊߣߊ߲ ߠߋ߬ ߓߘߊ، ߒ߬ߓߊ߬߸ ߞߵߊ߬ ߟߊߥߟߌ߬ ߞߏ ߘߐߛߎߡߊ ߣߌ߫ ߡߊ߲߬ߞߊ߲ ߡߊߕߊ߲߬ߞߊ ߡߊ߬߸ ߞߐߙߍ ߓߍ߲߬ ߘߊ߫ ߞߍߢߊ߫ ߜߘߍ߫ ߡߊ߬߸ ߏ߬ ߦߋ߫ ߡߎ߲߬ ߘߌ߫߸ ߞߏ߫ ߞߊ߬ ߗߍ߭ ߛߎ߭ ߕߏ߫ ߊ߬ ߟߊ߫ ߡߐ߱ ߟߎ߫ ߖߍ߬ߘߍ ߓߟߏ߫ ߛߍߣߍ߲߬߸ ߞߵߊ߬ ߡߏ߬ߛߏ ߟߎ߫ ߛߋ߲߬ߓߐ߫ ߊ߬ ߦߙߐ߫ ߞߏ ߘߐ߫.
ߞߏ߬ߣߌ߲߬߸ ߞߏ ߓߍ߯ ߞߍ߫ ߘߊ߫ ߛߊ߫ ߣߌ߲߬ ߞߏ ߘߌ߫ ߛߎߡߊ߫߸ ߊ߬ ߡߊ߫ ߓߍ߲߬، ߡߐ߰ ߄߀ ߣߌ߫ ߞߐ߫ ߞߍ߫ ߘߊ߫ ߞߊ߬ ߘߊ߲ߘߊߛߏ ߘߊߞߘߐߟߊ ߟߝߊ߫߸ ߡߊ߲߬ߞߊ߲ ߓߐ߫ ߘߴߊ߬ ߘߐ߫߸ ߞߊ߬ ߖߊߡߊ߲ߖߊߡߊ߲ ߠߎ߬ ߓߐ߫ ߊ߬ ߘߐ߫߸ ߝߏ߫ ߞߊ߬ ߓߟߏߞߘߎ ߓߐ߫ ߊ߬ ߘߐ߫ ߏ߬ ߞߐߝߍ߬.
ߕߐ߲ߓߟߏߡߊ ߟߎ߫ ߕߊ߬ߣߍ߲ ߞߵߊ߬ ߟߊ߫ ߊߘߡߊߦߊ ߡߞߊߘߊ߲ߓߊ߮ ߟߎ߫ ߞߊ߲߬߸ ߏ߬ ߟߎ߫ ߣߊ߬ ߘߴߊ߬ߟߎ߫ ߛߋ߲߭ߓߌ߬ߟߴߊ߬ ߘߐ߫߸ ߛߴߊ߬ ߞߏ ߘߌ߫ ߛߎߡߊ߫ ߢߊ ߡߍ߲ ߡߊ߬.
ߖߎߡߊ߫ ߛߊߟߌ ߓߊ߲߫ ߘߊ߫ ߟߋ߬߸ ߞߊ߬ ߟߊ߲߰ߛߙߊ ߕߊ߬ߡߌ߲߬߸ ߓߐߘߊ߫ ߞߋߟߋ߲߫ ߡߊ߫ ߛߐ߬ߘߐ߲߫ ߊ߬ ߟߊ߫߸ ߓߍ߲߬ ߡߊ߫ ߛߋ߫ ߞߍ߫ ߟߊ߫ ߞߋߟߋ߲߫ ߘߐ߫ ߝߊ߲߭ ߛߊ߬ߓߊ ߣߌ߲߬ ߛߌ߫ ߓߟߏ߫.
ߛߊ߬ߙߌ߬ߦߊ߫ ߞߵߊ߬ ߛߋ߲߭ߓߌ߬ߟߴߊ߬ ߞߏ ߘߐ߫ ߏ߬ ߟߋ ߘߐ߫߸ ߞߏ߫ ߞߊ߬ ߛߎ߭ ߕߏ߫ ߘߊ߲ߘߊߛߏ ߛߎ߬ߓߏ߲ ߠߊ߫ ߦߋ߲߬، ߣߌ߫ ߛߓߍߟߌ߫ ߡߊ߫ ߦߋ߫ ߗߍ߭ ߞߐ߫߸ ߊ߬ߟߎ߬ ߓߍߣߊ߬ ߛߋ߫ ߖߊ߬ߡߊߙߌ߫ ߕߊ߬ ߟߊ߫߸ ߖߐ߲߰ߛߴߊ߬ ߛߎ߭ ߘߌ߫ ߘߏ߲߬ ߝߘߏ߬ߓߊ߬ ߛߊߙߌߟߏ ߘߐ߫߸ ߞߊ߬ ߡߊ߲߬ߞߊ߲ ߡߊߕߊ߲߬ߞߊ߫ ߊ߬ ߞߏ ߘߐ߫.
Aucun commentaire pour le moment.