ߞߊ߯ߙߌ ߣߌ߲߬ ߡߊ߬ ߂߀߂߆ ߞߏ߲ߞߏߜߍ ߕߋ߬ߟߋ߫ ߂߸ ߓߌ߬ߟߊ߬ߒ߬ߘߐ߬ߖߎ߮ ߟߋ߬ ߞߍ߫ ߘߊ߫ ߞߊ߲ߞߊ߲߫ ߣߌ߫ ߛߌ߯ߙߌ߲߫ ߕߍ ߘߐ߫߸ ߞߊ߬ ߞߏ߫ ߟߊߛߋ߫ ߡߐ߰ ߟߏ߯ߟߎ߫ ߡߊ߬߸ ߡߐ߰ ߂ ߓߣߐ߬ ߘߴߊ߬ ߣߌ ߘߐ߫ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߦߙߐ ߘߐ߫ ߦߋ߲߬ ߌߞߘߐ߫، ߡߊ߬ߛߎ߬ߓߊ߬ ߞߏ ߣߌ߲߬ ߞߍ߫ ߘߊ߫ ߞߙߊ߬ߞߘߐ߫ ߣߌ߫ ߞߣߐ߬ߡߊ߬ߞߎߘߊ߫ ߕߍߟߊ ߟߋ߬ ߘߐ߫ ߂߁ߙߋ߲ ߣߌ߫ ߂߂ߙߋ߲ ߕߍ߫.
ߊ߲ ߠߊ߫ ߞߎ߲߬ߠߊ߬ߝߏߣߌ߲߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߞߊ߲ߓߋ߲ ߘߏ߫ ߟߋ߬ ߕߌߢߍߣߍ߲ ߟߐ߬ߣߍ߲߫ ߕߘߍ߬ ߛߌߟߊ߫ ߞߍߙߍ߲ߞߍߙߍ߲ ߝߍ߬߸ ߘߎ߰ߞߎ߬ߟߎ߲߬ ߜߘߍ߫ ߣߊ߬ ߘߴߊ߬ ߛߌ߰ ߊ߬ߟߋ߫ ߞߎ߲߬ ߞߵߊ߬ ߛߐ߬ߘߐ߲߬ ߡߐ߰ ߥߐߙߐ߲ߝߌ߬ߟߊ߬ ߦߴߏ߬ ߞߣߐ߫، ߜߎߟߌ ߏ߬ ߟߋ ߞߍ߫ ߘߊ߫ ߕߙߎ߬ ߘߌ߫ ߡߎ߬ߕߎ߲߬ ߛߊ߫ ߞߊ߬ ߡߐ߰ ߝߌ߬ߟߊ߫ ߓߐ߬ߣߐ߫ ߊ߬ ߣߌ ߘߐ߫ ߞߐ߲߬ߛߏ ߏ߬ ߞߣߐ߫ ߡߐ߮ ߟߎ߬ ߘߐ߫߸ ߞߊ߬ ߡߐ߰ ߛߓߊ߬ ߖߐߞߌ߫.
ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߢߌ߬ߣߌ߲߬ߞߊ߬ߣߍ߲߸ ߊ߬ߟߋ ߡߍ߲ ߦߋ߫ ߦߋ߫ ߘߊ߯ߕߌ߯ ߘߊ߲߲ߘߊߟߌߟߊ߫ ߘߌ߫߸ ߞߊ߬ ߝߘߊ߫ ߝߊ߬ߛߏ ߞߟߍ߬ߡߐ߰ߘߊ ߡߊ߬ߡߙߊ߬ߟߌ߬ߘߊ߬ ߛߊ߲ߘߐ ߟߊ߫߸ ߊ߬ ߣߌ߫ ߣߊ߲߬ߕߌ߰ ߞߕߌߘߊ ߗߋߕߌ߯ߘߊ߸ ߞߵߊ߬ ߟߴߊ߬ ߞߊ߲߬߸ ߊ߬ ߦߋ߫ ߘߊ߲ߘߊߟߌߟߊ߫ ߡߊ߬ߘߍ߬ߡߍ߲߬ߠߌ߲߬ߠߊ ߟߋ߬ ߘߌ߫ ߞߏ߫ ߘߐߜߊ߬ߣߍ߲ ߠߎ߬ ߘߐ߫ ߛߌ߯ߙߌ߲߫ ߘߊ߲ߘߊߛߏߓߊ ߘߊ߲ߘߊߟߌ ߘߐ߬ߓߛߏ߬ߟߌ ߓߏ߲ߘߊ ߟߊ߫، ߊ߬ ߞߊ߬ ߣߌ߲߬ ߞߏ ߢߊߝߐ߫ ߊ߬ ߕߊ߬ߡߌ߲߬ ߢߊ ߡߊ߬:
<<ߞߏߕߐ߫ ߟߏ߯ߟߎ ߡߍ߲ ߦߋ߫ ߣߌ߲߬ ߞߏ ߘߐ߫߸ ߏ߬ ߟߎ߫ ߟߋ߬ ߕߋ߲߬: ߝߟߐߡߊ ߕߐ߯ ߟߋ߬ ߞߏ߫ ߓߐ߬ߟߐ߲߬ߞߊ߬ ߛߊ߯ߦߏ߲߫ ߕߙߊߥߟߋ߫߸ ߏ߬ ߛߊ߲߬ ߈߀ ߠߋ߬ ߕߋ߲߬߸ ߡߍ߲ ߡߊߖߌ߰ߣߍ߲߫ ߞߐ߬ߘߊ ߺ ߟߊ߫، ߊ߬ ߝߌߟߊߣߊ߲ ߕߐ߯ ߟߋ߬
ߞߏ߫ ߦߊߦߊ߬ ߕߎ߬ߙߋ߸ ߏ߬ ߛߊ߲߬ ߄߆ ߟߋ߬ ߕߋ߲߬߸ ߊ߬ ߓߊ߯ߙߘߊ ߦߋ߫ ߓߐ߰ߟߐ ߟߋ߬ ߘߌ߫߸ ߣߴߊ߬ ߡߊߖߌ߰ߣߍ߲߬ ߞߊ߲ߞߊ߲߫.
ߊ߬ ߛߓߊߣߊ߲ ߦߋ߫ ߘߋ߲ߡߛߏߣߍ߲ ߘߏ߫ ߟߋ߬ ߘߌ߫߸ ߏ߬ ߟߌ߬ߤߟߊ߬ ߡߊ߫ ߛߐ߬ߘߐ߲߬߸ ߞߵߏ߬ ߞߎ߲߭ ߞߍ߫ ߞߏ߫ ߡߴߊ߬ߟߋ ߛߐ߬ߘߐ߲߬.
ߡߍ߲ ߠߎ߬ ߓߣߐ߬ ߘߴߊ߬ߟߎ߬ ߣߌ ߘߐ߫߸ ߏ߬ ߝߟߐߡߊ ߟߋ߬ ߦߊ߬ߞߎߓߊ߬ ߖߊ߬ߞߌ߬ߕߋ߬ ߘߌ߫߸ ߛߊ߲߬ ߄߀ ߢߐ߲߰߸ ߏ߬ ߣߌ߫ ߓߌ߲ߕߎ߬ ߞߡߊ߬ߙߊ߫ ߛߊ߲߬ ߃߅߸ ߏ߬ ߟߎ߫ ߟߋ߬ ߓߣߐ߬ ߘߴߊ߬ߟߎ߬ ߣߌ ߘߐ߫ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߦߙߐ ߘߐ߫، ߓߌ߲ߕߎ߬ ߞߡߊ߬ߙߊ߫ ߏ߬ ߓߊ߯ߙߘߊ ߦߋ߫ ߞߙߊߟߌ ߟߋ߬ ߘߌ߫ ߓߎ߬ߙߋ߫ ߞߐ߭ߝߌ߬ߟߊ߬ߣߍ߲߬.>> ߘߊ߲ߘߊߟߌߟߊ ߞߵߏ߬ ߟߋ ߛߐ߬ߘߐ߲߬ ߞߵߊ߬ ߝߐ߫ ߣߌ߲߬ ߞߏ ߞߊ߲߬.
ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.
Aucun commentaire pour le moment.