ߖߌ߬ߣߍ߫ ߕߏ߬ߟߊ߲߬ߕߊ߲߬ ߞߙߎߝߊ (ߝߋߖߌߝߎߕ) ߓߘߴߊ߬ ߦߌ߬ߘߊ߬ ߞߏ߫ ߞߎߡߊ߫ ߟߊߛߌ߮ ߘߏ߫ ߞߍ߫ ߘߊ߫ ߝߊ߬ߘߌ߬ߡߊ߬ߞߟߏ ߕߍߟߐߦߊ ߞߕߌߘߊ ߟߊ߫ ߓߌ߬ ߣߍߣߍߓߊ ߕߟߋ߬ ߁߇ ߣߌ߲߬ ߡߊ߬، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߎߡߊ߫ ߟߊߓߊ߲ ߡߊߞߐ߬ߣߐ߲ ߦߴߌߘߐ߫ ߤߊߟߌ߬ߛߊ߫߸ ߛߊ߫ ߖߌ߬ߣߍ߬ ߣߌ߫ ߕߊ߲ߖ߭ߊߣߌ߫ ߘߌ߫ ߝߘߊ߫ ߢߐ߲߮ ߠߊ߫ ߡߎ߬ߕߎ߲߬.

ߓߍ߯ ߟߊߘߍ߬ߣߍ߲ ߛߌ߰ߣߍ߲߫ ߕߍ߬ߘߍ߫ ߞߊ߬ ߓߌ߬ ߟߋ߬ ߡߊߞߐ߬ߣߐ߲߬߸ ߞߏ߫ ߞߕߌ ߘߌ߫ ߕߍ߰ ߖߌ߬ߣߍ߬ ߣߌ߫ ߕߊ߲ߖ߭ߊߣߌ߫ ߕߍ߫ ߓߌ߬، ߒ߬ߓߊ߬߸ ߖߌ߬ߣߍ߫ ߕߏ߬ߟߊ߲߬ߕߊ߲߬ ߞߙߎߝߊ ߞߵߊ߬ ߟߊߛߋ߫ ߟߋ߬߸ ߞߏ߫ ߞߎߡߊ߫ ߟߊߛߌ߮ ߘߊߡߌ߬ߣߊ߬ ߘߴߊ߬ߟߎ߬ ߣߌ߫ ߕߊ߲ߖ߭ߊߣߌ߫ ߕߍ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߅ ߣߍߣߍߓߊ ߟߋ߬ ߁߇߸ ߝߊ߬ߘߌ߬ߡߊ߬ߞߟߏ ߕߍߟߐߦߊ ߞߕߌߘߊ ߟߊ߫ ߟߏߖ߭ߊߣ.

ߞߙߎߝߊ ߟߊ߫ ߟߊ߬ߛߋ߬ߟߌ ߞߵߊ߬ ߦߌ߬ߘߊ߬ ߞߏ߫: <<ߥߐ߬ߦߐ ߡߍ߲ ߦߋ߫ ߖߌ߬ߣߍ߬ ߣߌ߫ ߕߊ߲ߖ߭ߊߣߌ߫ ߕߍ߫߸ ߏ߬ ߞߎߡߊ߫ ߟߊߛߌ߮ ߞߍ߫ ߘߊ߫ ߝߊ߬ߘߌ߬ߡߊ߬ߞߟߏ ߕߍߟߐߦߊ ߞߕߌߘߊ ߝߊ߲ߓߊ ߟߊ߫ ߟߏߖ߭ߊߣ ߞߣߐ߫ ߓߌ߬ ߂߀߂߅ ߣߍߣߍߓߊ ߕߟߋ߬ ߁߇ ߡߊ߬ (ߛߑߥߌߛ ߖߡߊ߬ߣߊ ߞߊ߲߬).>>

ߖߌ߬ߣߍ߬ ߗߋߘߋ߲ ߠߎ߬ ߘߐ߫ ߛߌߟߊ߫ ߢߍߟߐ ߕߘߍ߬ ߞߙߎߝߊ ߞߊ߲ߕߌ߮ ߟߋ߬ ߘߌ߫߸ ߛߏ߬ߙߌ߬ ߘߎ߲ߓߎߦߊ߫߸ ߊ߬ ߓߌ߬ߟߊ߬ߛߌ߬ߟߊ߬ ߘߊ߫ ߝߘߏ߬ߓߊ߬ ߞߟߊ߬ߕߌ߮ ߓߟߏ߫ ߌߓߙߊߤߌߡߊ߬ ߓߑߟߊߛߑߞߏ߫ ߓߊߙߌ߫߸ ߊ߬ ߣߌ߫ ߟߊ߬ߝߛߊ߬ߟߌ ߞߎߓߋߘߐ ߋߟߋߝ߭ߍ߲߫ ߣߌ߫ ߟߊߥ߸ ߦߏ߫ ߟߊ߬ߛߋ߬ߟߌ ߖߍ߬ߘߍ ߞߵߊ߬ ߦߌ߬ߘߊ߬ ߢߊ ߡߍ߲ ߡߊ߬ ߕߊ߲߬: <<ߝߋߖߌߝߎߕ ߞߐߦߌ߬ߘߊ߬ ߘߊ߫ ߞߎߡߊ߫ ߟߊߛߌ߮ ߣߌ߲߬ ߘߐ߫ ߊ߬ ߞߊ߲ߕߌ߮ ߟߋ߬ ߓߟߏ߫߸ ߛߟߊߕߌ߯ ߛߏ߬ߙߌ߬ ߘߎ߲ߓߎߦߊ߫߸ ߊ߬ ߣߴߊ߬ ߟߊ߫ ߝߘߏ߬ߓߊ߬ ߞߟߊ߬ߕߌ߮߸ ߛߟߊߕߌ߯ ߌߓߙߊߤߌߡߊ߬ ߓߑߟߊߛߑߞߏ߫ ߓߊߙߌ߫߸ ߊ߬ ߣߌ߫ ߟߊ߬ߝߛߊ߬ߟߌ ߞߎߓߋߘߐ ߋߟߋߝ߭ߍ߲߫ ߣߌ߫ ߟߊߥ.>>

ߊߟߎ߫ ߦߴߊ߬ ߟߐ߲߫߸ ߕߊ߲ߖ߭ߊߣߌߞߊ ߟߎ߬ ߝߣߊ߫ ߟߊ߫ ߞߙߎߝߊ ߕߍ߬ߘߍ߫ ߦߋ߲߬߸ ߊ߬ ߣߌ߫ ߞߊߝ (ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲ ߞߙߎߝߊߢߐ߲߯ߦߊ)، ߞߎߡߊ߫ ߟߊߛߌ߮߮ ߟߊ߬ߥߟߍ߬ߟߌ ߞߍ߫ ߘߊ߫ ߕߎ߬ߡߊ߬ߙߋ߲߬ ߥߐߙߐ߲ߝߌ߬ߟߊ߫ ߟߋ߬ ߞߣߐ߫:

<<ߟߊ߬ߥߟߍ߬ߟߌ ߘߊߡߌ߬ߣߊ߬ ߘߊ߫ ߀߈ߙߋ߲߃߀ ߟߋ߬ ߡߊ߬߸ ߤߊ߲߯ ߁߅ߙߋ߲߃߀>>

ߓߊ߬ߙߌ߬߸ ߒ߬ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߞߕߌ߫ ߝߏߦߌ߬ ߡߊ߫ ߕߍ߰ ߡߎߣߎ߲߬، ߝߋߖߌߝߎߕ ߞߏ߬ߣߌ߲ ߞߊ߲߫ ߞߏ߫ <<ߞߕߌߘߊ ߟߊ߫ ߡߙߌߘߐ ߡߊߞߐ߬ߣߐ߲߬ߣߍ߲߫ ߟߏ߲߫ ߣߊ߬ߕߐ ߟߎ߬ ߘߐ߫.>>

ߏ߬ ߞߘߐ ߟߋ߬ ߞߏ߫ ߡߐ߱ ߟߎ߬ ߟߊ߫ ߞߎ߲ߝߊ߲ ߓߘߊ߫ ߕߊ߬ߡߌ߲߫ ߥߙߊ߬ ߟߊ߫ ߟߵߏ߬ ߘߌ߫߸ ߕߡߊ߬ߖߌ ߓߘߊ߫ ߕߊ߬ߡߌ߲߫ ߊ߬ ߛߌ߰ ߦߙߐ ߘߐߓߍ߲߬ ߠߊ߫߸ ߞߐߡߊߓߌ߲ߓߌ߲ߠߌ߲ߠߊ ߟߎ߬ ߣߌ߫ ߖߌ߬ߣߍ߫ ߝߊ߬ߘߌ߬ߡߊ߬ߞߟߏ ߓߊ߯ߙߟߊ ߟߎ߬ ߓߍ߯ ߣߌ߫ ߞߎ߲ߝߊ߲ ߠߋ߬ ߕߋ߲߬.

ߖߌ߬ߣߍ߫ ߕߏ߬ߟߊ߲߬ߕߊ߲߬ ߞߙߎߝߊ ߟߊ߫ ߟߊ߬ߛߋ߬ߟߌ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߝߊ߬ߘߌ߬ߡߊ߬ߞߟߏ ߛߊ߬ߙߌ߬ߦߊ ߟߎ߬ ߞߐ߫ ߓߏ߲߬ߧߊ ߣߌ߫ ߜߟߌߦߊ ߞߣߐߡߊ߬: <<ߖߌ߬ߣߍ߫ ߕߏ߬ߟߊ߲߬ߕߊ߲߬ ߞߙߎߝߊ ߘߴߊ߬ ߦߌ߬ߘߊ߬ ߤߊߟߌ߬ߛߊ߫߸ ߞߏ߫ ߊ߬ߟߎ߬ ߦߋ߫ ߝߊ߬ߘߌ߬ߡߊ߬ߞߟߏ ߛߊ߬ߙߌ߬ߦߊ߬ ߡߊ߬ߓߏ߲ߧߊ ߞߊߡߊ߲ ߠߋ߬ ߞߣߐ߫.>>

ߊ߬ߟߎ߫ ߞߵߊ߬ߟߎ߬ ߟߊ߫ ߟߊ߬ߛߋ߬ߟߌ ߞߎ߲߬ߘߏ߲ ߞߍ߫ ߖߌ߬ߣߍ߬ߞߊ ߟߎ߫ ߝߏ߭ ߟߋ߬ ߘߌ߫ ߊ߬ߟߎ߬ ߞߐߡߊߓߌ߲ߓߌ߲ ߠߊ߫: <<ߝߋߖߌߝߎߕ ߦߋ߫ ߖߌ߬ߣߍ߬ߞߊ ߓߍ߯ ߟߊߘߍ߬ߣߍ߲ ߝߏ߬ ߟߊ߫ ߞߐߘߍ߫߸ ߊ߬ߟߎ߬ ߟߊ߫ ߞߐߡߊߓߌ߲ߓߌ߲ߠߌ߲ ߠߊ߫߸ ߖߊ߬ߡߊ ߘߏ߲߬ ߓߍߣߊ߬ ߟߊߟߐ߲ߠߌ߲߫ ߞߏ ߟߎ߬ ߥߊ߫ ߢߊ ߓߍ߯ ߟߊ߫ ߖߐ߫.>>

ߏ߬ ߞߘߐ ߟߵߏ߬ ߘߌ߫ ߓߊߘߋ߲ ߠߎ߬߸ ߞߎߡߊ ߓߘߊ߫ ߛߋ߫ ߕߊߛ ߕߊ߫ ߓߟߏ߫ ߞߊ߲߬߸ ߏ߬ ߟߋ ߞߊ߫ ߞߊ߲߫ ߞߊ߬ ߞߕߌ ߕߐ߭ ߕߍ߰ ߟߏ߲߫ ߣߊ߬ߕߐ ߟߎ߬ ߘߐ߫ ߛߍߣߍ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.