ߖߌ߬ߣߍ߫ ߞߎ߲߬ߠߊ߬ߛߌ߮ ߦߴߊ߬ ߝߍ߬ ߞߊ߬ ߞߢߊߓߊߟߌߦߊ ߞߍ߬ߟߍ߫ ߖߡߊ߬ߣߊ ߞߊ߬ߙߊ߲߬ߕߊ ߟߎ߬ ߟߊ߫ ߢߎߡߍߙߋ߲ߦߊߟߌ ߛߌߟߊ ߝߍ߬، ߣߌ߲߬ ߞߏ ߢߍߛߌ߲ߣߍ߲߫ ߘߋ߲ߣߍ߲߫ ߞߋ߲߬ߥߟߎ߬ ߞߋߟߋ߲߫ ߢߐ߲߰ ߠߋ߬ ߡߊ߬.

߂߀߂߅ ߣߍߣߍߓߊ ߕߟߋ߬ ߅ ߡߊ߬ ߞߐߣߊߞߙߌ߫ ߞߣߐ߫߸ ߖߌ߬ߣߍ߬ ߞߏߕߌ߯ ߝߟߐ ߞߊ߬ ߝߘߏ߬ߓߊ߬ ߞߊ߬ߙߊ߲߬ߕߊ߬ ߂ ߂߀߀ ߓߟߐߟߐߞߏ ߖߊ߬ߕߋ߬ߘߐ߬ߛߌ߮ ߛߌ߰ ߛߋ߲߬ߠߊ߫߸ ߖߊ߲߬ߖߏ߲߬ ߘߊߞߎ߲ ߘߏ߫ ߘߐ߫ ߡߌ߬ߙߌ߲߬ߘߌ߬ ߞߎߓߋ ߟߊ߫. ߣߌ߲߬ ߦߋ߫ ߞߊ߲ߕߌ߯ߘߊ ߟߊ߫ ߖߊ߬ߕߋ߬ߘߐ߬ߛߌ߮ ߘߏ߫ ߟߋ߬ ߘߌ߫߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ ߖ߭ߌߜ߭ߊ (JIGA)߸ ߏ߬ ߦߋ߫ ߛߌߡߊ߲ߘߎ߯ ߂߀߄߀ ߢߍߥߟߊ ߘߏ߫ ߟߋ߬ ߘߌ߫߸ ߡߍ߲ ߟߐ߬ߣߍ߲߫ ߟߊ߬ߞߟߏ߬ߞߟߏ߬ߟߌ ߘߊߞߎ߲ ߡߊ߬߸ ߣߴߊ߬ ߘߌ߫ ߝߐ߫ ߊ߬ ߡߊ߬ ߞߏ߫ ߛߌߡߊ߲ߘߎ߯ ߊߞߊߘߋߡߌ.

Un orateur en costume gris devant un pupitre avec des microphones et un panneau portant le texte 'Connecter les écoles, transformons l'éducation'.
ߖߌ߬ߣߍ߬ ߖߊ߯ߓߘߊ߫ ߘߎ߯ߟߊ ߟߞߊ߬ߙߊ߲߬ߠߌ߲ ߞߏߕߌ߮ | ߗ߭ߊ߲߭ ߔߏߟ ߛߋߘߌ߫

ߟߊ߬ߢߌߣߌ߲ ߜߍߣߍ߲߫ ߠߋ߬ ߛߎߋ߫߸ ߞߊ߬ ߖߌ߬ߣߍ߫ ߞߎ߲߬ߠߊ߬ߛߌ߮ ߟߊ߫ ߞߊ߬ߙߊ߲߬ߕߊ ߟߎ߬ ߟߊߞߊ߬ߞߎ߬ߘߊ߬ߦߊ߫߸ ߞߊ߬ߙߊ߲߬ߡߐ߮ ߓߊ߬߸ ߞߊ߬ߙߊ߲߬ߘߋ߲ ߓߊ߬߸ ߓߍ߯ ߦߋ߫ ߛߋ߫ ߟߞߊ߬ߙߊ߲߬ߠߌ߲ ߣߌ߫ ߟߊ߬ߓߌ߬ߟߊ߬ߟߌ ߞߣߐߘߐ ߟߎ߬ ߛߐ߬ߘߐ߲߬ ߠߊ߫߸ ߞߊ߬ ߘߏ߫ ߓߐ߫ ߕߌ߲߬ߞߎߘߎ߲ ߞߢߊߓߊߟߌߦߊ ߟߊ߫ ߟߞߊ߬ߙߊ߲߬ߠߌ߲ ߡߊ߬ߘߎ߮، ߖߊ߯ߓߘߊ߫ ߘߎ߯ߟߊ ߟߞߊ߬ߙߊ߲߬ߠߌ߲ ߞߏߕߌ߮ ߞߵߊ߬ ߦߌ߬ߘߊ߬ ߞߏ߫: <<ߦߊ߬ߣߌ߫ ߂߀߂߅ ߓߊ߲ߕߐ߫߸ ߞߊ߬ߙߊ߲߬ߕߊ߬ ߁ ߀߀߀ ߘߌ߫ ߜߊ߲߬ߞߎ߲߬߸ ߡߍ߲ ߕߐ߬ߣߐ ߓߍߣߊ߬ ߛߋ߫ ߘߋ߲ߣߍ߲߫ ߞߋ߲߬ߥߟߎ߬ ߞߋߟߋ߲߫ ߢߐ߲߰ ߡߊ߬.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߓߍߣߊ߬ ߊ߲ ߓߘߊ߫ ߝߋ߲ ߠߎ߬ ߟߊߘߏ߲߬ ߊ߬ ߢߍߥߟߊ ߘߐ߫߸ ߞߊ߬ ߘߎ߰ߘߋ߲߬ ߓߘߍ߬ߦߊ ߕߐ߬ߣߐ ߢߊߝߐ߫ ߊ߬ ߞߣߐ߫ ߢߎߡߍߙߋߦߊߟߌ ߛߌߟߊ ߝߍ߬.

ߞߏߕߌ߯ ߝߟߐ߸ ߊߡߊߘߎ߫ ߎ߯ߙߌ߬ ߓߊ ߣߐ߬ ߞߎߡߊ ߕߊ߬ ߟߊ߫߸ ߊ߬ߟߋ ߡߍ߲ ߦߋ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߘߌ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߖߊ߬ߕߋ߬ߘߐ߬ߛߌ߮ ߣߌ߲߬ ߛߘߊ߫ ߘߐ߫߸ ߘߎߢߊ߫ ߞߎߘߊ ߟߋ߬ ߘߊ ߓߍߣߊ߬ ߟߊߞߊ߬߸ ߓߍ߲߬ߒ߬ߛߋ߲߬ߡߊ߬ ߛߌߦߊߡߊ߲߫ ߦߋ߫ ߡߍ߲ ߞߣߐ߫߸ ߞߵߏ߬ ߟߊ߫ ߟߐ߲ߠߌ߲ߓߊ ߟߎ߬ ߣߌ߫ ߓߊ߯ߊߘߓߊ ߟߎ߫ ߞߊ߲߬، <<ߝߟߐ߫ ߞߊ߬ߙߊ߲ ߕߐ߬ߣߐ ߕߍߣߊ߬ ߞߍ߫ ߟߊ߫ ߥߊ߯ߕߌ߫ ߣߊ߬ߕߐ: ߓߊߏ߬ ߊ߬ߟߎ߬ ߘߌ߫ ߞߎߣߎ߲߫߸ ߞߊ߬ ߞߐ߯߸ ߞߊ߬ ߦߟߍ߬ߡߊ߲߬.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߓߍ߯ ߕߍ߰ߣߍ߲߫ ߕߍ߬ߘߍ߫ ߞߎ߲߬ߠߊ߬ߛߌ߮ ߟߊ߫ ߞߊ߬ߙߊ߲߬ߕߊ ߡߍ߲ ߘߐ߫߸ ߓߍ߯ ߡߊߕߊ߯ߣߴߊ߬ ߟߊ߫߸ ߡߐ߰ ߕߍ߫ ߛߋ߫ ߟߊ߫ ߦߋ߲߬ ߝߏ߫ ߣߌ߫ ߛߋ߫ ߕߍ߫ ߡߍ߲ ߠߎ߬ ߦߋ߫، ߒ߬ߓߊ߬߸ ߞߏ߫ ߞߎ߲߬ߠߊ߬ߛߌ߮ ߟߊ߫ ߞߊ߬ߙߊ߲߬ߕߊ ߏ߬ ߟߎ߫ ߟߋ߬ ߣߊ߬ߕߐ߬ ߞߍ߫ ߟߊ߫ ߞߊ߲ߧߊߟߌ ߓߊ߬ߙߏ߲߬ߡߊ ߘߌ߫߸ ߞߊ߬ ߤߊ߬ߙߌ߬ߖߍ߮ ߘߌ߫ ߘߋ߲ߣߍ߲ ߓߍ߯ ߟߊߘߍ߬ߣߍ߲ ߡߊ߬ ߖߌ߬ߣߍ߬ ߞߣߐ߫.

A group of people attending an event, with individuals dressed in formal attire. Some are seated in a conference setting, focused and engaged in the proceedings.

ߣߴߌ ߞߵߊ߬ ߡߊߝߟߍ߫߸ ߞߊ߬ߙߊ߲߬ߕߊ߫ ߅߈߅ ߓߘߊ߫ ߜߊ߲߬ߞߎ߲߫ ߖߡߊ߬ߣߊ ߢߊߝߍ߬، ߊ߬ߟߋ߬ ߖߊ߬ߕߋ߬ߘߐ߬ߛߌ߮ ߓߘߊ߫ ߞߍ߫ ߕߙߎ߬ ߘߌ߫߸ ߞߊ߬ ߓߊ߯ߙߘߊ߫ ߁ ߇߀߀ ߟߊߘߊ߲߫ ߝߊ߲ߞߊߢߊ߲߫ ߣߌ߫ ߝߊ߯ߙߌ߫ ߓߟߏ ߡߊ߬߸ ߡߍ߲ ߕߐ߬ߣߐ ߞߊ߫ ߓߏ߲߬ ߘߋ߲ߡߌߛߍ߲ ߠߎ߬ ߞߊ߲߬ ߢߎߡߍߙߋ߲ߦߊߟߌ ߘߊߞߎ߲ ߘߐ߫ ߥߊ߯ߕߌ߫ ߣߊ߬ߕߐ ߟߎ߬ ߘߐ߫، ߓߊߏ߬߸ ߊ߬ ߘߴߊ߬ߟߎ߫ ߞߊ߬ߙߊ߲߬߸ ߝߏ߫ ߡߊ߬ߞߏ ߘߌ߫ ߓߌ߬ߟߴߊ߬ߟߎ߬ ߟߊ߫ ߓߊ߯ߙߊ߫ ߢߌߣߌ߲߫ ߘߊߞߎ߲ ߠߎ߬ ߘߐ߫ ߊ߬ ߢߊ ߡߊ߬.

ߏ߬ ߘߐ߫߸ ߢߍߥߟߊ ߣߌ߲߬ ߦߋ߫ ߓߏ߲߬ߓߊ߫ ߟߋ߬ ߘߌ߫ ߖߡߊ߬ߣߊ ߟߞߊ߬ߙߊ߲߬ߠߌ߲ ߢߍߥߟߊ ߘߐ߫߸ ߡߍ߲ ߞߍߕߐ߫ ߕߙߎ߬ ߘߌ߫ ߞߊ߬ ߞߊ߲ߧߊߟߌ ߣߌ߫ ߟߐ߲ߠߌ߲ ߠߊߓߎ߯߸ ߞߊ߬ ߛߋߒߞߏߟߊߘߐߦߊ ߝߊ߲߬ߞߊߘߏ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.