ߓߌߟߏ߲߸ ߎߜ߭ߊ߲ߘߊ߫ ߞߕߌߘߊ ߣߐ߬ ߝߊ߰ߟߌ ߓߌ߲߬ߓߊߥߏ ߟߊ߫ ߟߊ߫ ߞߙߌߛߑߕߏߝߍߙ ߏߞߋߟߏ ߏߣߌߦߎߡ ߠߋ߬ ߞߎ߲߬߸ ߘߋ߲ߣߍ߲߫ ߡߐ߰ ߣߊ߯ߣߌ߲߫ ߝߊ߱ ߞߏߛߐ߲߬ ߞߎߓߋߘߊ ߘߋ߲ߘߐߡߌߣߊߛߏ ߘߏ߫ ߟߊ߫߸ ߞߊ߲ߔߟߊ߫، ߝߊ߰ߓߊ߰ߕߐ ߟߎ߬ ߦߋ߫ ߞߊߙߏ߫ ߁߅ ߣߌ߫ ߛߊ߲߭ ߝߌ߬ߟߊ߬ ߣߌ߫ ߕߟߊ߫ ߟߋ߬ ߕߍ߫߸ ߊ߬ ߞߵߏ߬ ߟߎ߫ ߟߋ߬ ߝߊ߰ ߡߎ߬ߙߎ ߟߊ߫ ߞߏ߲ߞߏߘߓߌ ߕߋ߬ߟߋ߫ ߂ ߕߊ߬ߡߌ߲߬ߣߍ߲ ߡߊ߬.

ߒ߬ߓߊ߬߸ ߡߊ߬ߝߌ߲߬ߓߊ߰ߕߐ ߡߌ߬ߣߊ߬ ߘߊ߫ ߏ߬ ߟߏ߲߫ ߞߋߟߋ߲ ߡߎ߰ߡߍ ߟߋ߬ ߡߊ߬߸ ߞߵߊ߬ ߛߐ߬ߘߐ߲߬ ߊ߬ ߦߴߊ߬ ߓߏ߬ߙߌ߬ ߓߟߏ ߡߊ߬ ߕߌߢߍߟߌ ߞߐ ߏ߬ ߘߐ߫، ߡߊ߬ߝߌ߲߬ߞߊ߲߬ߠߊ ߟߎ߬ ߘߐ߫߸ ߊ߬ ߝߐߣߍ߲߫ ߞߏ߫ ߊ߬ ߣߐ߬ ߘߋ߲ߣߍ߲߫ ߡߐ߰ ߣߊ߯ߣߌ߲ ߏ߬ ߟߎ߫ ߝߊ߰ ߟߊ߫ ߟߋ߬߸ ߓߊߏ߬ ߞߏ߫ ߊ߬ ߡߊ߬ߞߏ ߕߍ߬ߘߍ߫ <<ߡߐ߰ ߛߘߊߞߊ>> ߟߋ߬ ߟߊ߫߸ ߛߴߊ߬ ߘߌ߫ ߞߍ߫ ߓߊ߬ߣߊ ߘߌ߫ ߢߊ ߡߍ߲ ߡߊ߬، ߊ߬ ߟߊ߫ ߞߕߌ߫ ߘߊߞߎ߲ ߘߐ߫߸ ߊ߬ ߡߊ߫ ߛߐ߲߬ ߞߎߡߊ ߏ߬ ߟߊߟߐ߬ ߟߊ߫.

ߞߕߌߘߊ ߡߊ߫ ߛߐ߲߬ ߊ߬ ߓߟߏߞߍߦߙߌ ߝߋ߲߫ ߘߐ߫߸ ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߫ ߞߵߊ߬ߟߎ߬ ߓߊ߲ߓߊ߲߫ ߡߍ߲ ߞߊ߲߬ ߞߊ߬ߣߌ߲߬، ߞߕߌߕߍ߯ߟߊ ߞߵߊ߬ ߦߌ߬ߘߊ߬ ߞߏ߫ ߘߊ߬ߟߎ ߡߍ߲ ߠߎ߬ ߦߋ߫ ߝߐ߫ ߟߊ߫߸ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߜߍ ߘߐ߫ ߥߛߊߞߙߊ߫߸ ߞߏ߫ ߗߍ߭ ߞߊ߬ ߝߊ߰ߟߌ߬ ߞߏ ߣߌ߲߬ ߘߐߓߍ߲߬ ߠߋ߬ ߡߎߣߎ߲߬ ߞߊ߬ ߞߐ߲߰ ߊ߬ ߞߍߟߌ ߢߍ߫، ߏ߬ ߟߋ ߘߐ߫߸ ߞߕߌߕߍ߯ߟߊ ߞߵߊ߬ ߦߌ߬ߘߊ߬ ߞߕߌ߫ ߘߊߞߎ߲ ߘߐ߫߸ ߞߏ߫ <<ߒ ߓߘߊ߫ ߝߊ߰ߟߌ ߓߌ߲߬ߓߊߥߏ ߟߴߊ߬ ߞߎ߲߬>>߸ ߏ߬ ߘߌߦߊ߫ ߘߊ߫ ߖߊ߬ߡߊ ߦߋ߫ ߞߏߛߓߍ߫.

ߞߕߌߕߍ߯ߟߊ ߣߌ߲߬ ߕߍ߬ߘߍ߫ ߓߐ߬ߟߐ߲߬ߞߊ ߘߏ߫ ߟߋ߬ ߘߌ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߗߍ߭ ߣߐ߬ ߓߊ߯ߙߊ߫ ߖߎ߯ߓߊ߫ ߟߋ߬ ߞߍ߫ ߟߊ߫ ߣߌ߲߬، ߓߊߏ߬߸ ߊ߬ ߣߐ߬ ߡߐ߰ ߟߎ߫ ߟߋ߬ ߝߊ߰ ߟߊ߫߸ ߡߍ߲ ߠߎ߬ ߕߍ߫ ߛߴߊ߬ߟߎ߫ ߖߘߍ߬ ߡߞߊߘߊ߲߫ ߠߊ߫، ߝߣߊ߫߸ ߞߌ߬ߣߌ߲߬ߞߌ߬ߣߌ߲߬ ߛߌ߫ ߡߊ߫ ߦߋ߫ ߗߍ߭ ߢߊߘߎ߮ ߣߴߊ߬ ߞߎߡߊ߫ ߢߊ ߛߌ߫ ߘߐ߫، ߞߊ߬ߕߎ߲߯߸ ߞߕߌߕߍ߯ߟߊ߫ ߡߛߏ ߣߌ߲߬ ߞߊ߲߫߸ ߞߏ߫ ߤߊߟߵߊ߬ ߡߊ߫ ߦߊ߬ߝߊ ߕߙߊ߫ ߝߊ߰ߓߊ߰ߕߐ ߟߎ߬ ߞߐߙߍ ߝߍ߬ ߜߊ߲ߛߊ߲߫.

ߘߐ߬ߛߏ߰ߙߋ߬ߟߌ ߞߵߊ߬ ߦߌ߬ߘߊ߬ ߞߏ߫ ߞߙߌߛߑߕߏߝߍߙ ߏߞߋߟߏ ߏߣߌߦߎߡ ߞߊ߬ ߕߌߙߌ߲ߠߌ߲ ߘߏ߫ ߟߎ߫ ߟߋ߬ ߞߍ߫ ߓߟߐߟߐ ߞߊ߲߬߸ ߞߊ߬ ߓߍ߲߬ ߡߐ߱ ߝߊ߬ߘߌ߬ ߛߓߏ ߕߍ߰ ߢߊ ߡߵߊ߬ ߟߊ߫߸ ߜߘߋߜߘߋߦߟߊ ߟߎ߬ ߦߋ߫ ߡߍ߲ ߛߎ߮ ߞߍ߫ ߟߊ߫ ߛߐ߲߬، ߊ߬ ߣߴߊ߬ ߞߊ߬ ߢߊߢߌߣߌ߲ߠߌ߲ ߞߍ߫ ߓߟߐߟߐ ߞߊ߲߬ ߝߣߊ߫ߟ ߞߵߊ߬ ߟߐ߲߫ ߘߋ߲ߣߍ߲߫ ߛߌߦߊߡߊ߲ ߦߋ߫ ߦߙߐ ߡߍ߲ ߠߎ߬ ߘߐ߫߸ ߏ߬ ߟߎ߬ ߞߊ߫ ߞߊ߲߫ ߞߊ߬ ߡߊߛߐ߬ߘߐ߲߬ ߢߊ ߡߍ߲ ߡߊ߬، ߊ߬ ߞߏ߬ߣߌ߲ ߡߊ߫ ߟߐ߲߫ ߛߊ߫߸ ߊ߬ ߞߊ߬ ߝߊ߰ߟߌ ߣߌ߲߬ ߞߍ߫ ߞߎ߲߬ ߞߋߟߋ߲߫ ߔߋ ߡߍ߲ ߠߊ߫߸ ߣߌ߫ ߘߌ߯ߣߊ߫ ߞߏ ߟߋ߬ ߥߟߊ߫ ߓߘߍ߬ߓߘߍ߬ߟߌ߬ ߞߏ߫߸ ߏ߬ ߡߊ߫ ߟߐ߲߫، ߓߊߏ߬߸ ߊ߬ ߡߊ߫ ߛߐ߲߬ ߊ߬ ߟߊߟߐ߬ ߟߊ߫ ߞߕߌ߫ ߘߊߞߎ߲ ߘߐ߫ ߝߋߎ߫.

ߊ߬ ߟߊ߫ ߞߕߌ ߝߍ߬߸ ߛߙߋ߫ ߛߌߦߊߡߊ߲߫ ߛߐ߬ߘߐ߲߬ ߘߊ߫߸ ߡߍ߲ ߠߎ߬ ߞߊ߬ ߞߏ ߕߊ߬ߡߌ߲߬ ߢߊ ߢߊߝߐ߫، ߘߋ߲ߘߐߡߌߣߊߛߏ ߓߊ߯ߙߊߘߋ߲ ߘߏ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ߫ ߓߊ߬ߟߌ߬ ߘߊ߫ ߣߌ߲߬ ߞߏ ߘߐ߫ ߞߏߛߓߍ߫، ߓߊߏ߬߸ ߊ߬ߟߋ߫ ߕߎ߲߬ ߕߴߊ߬ ߖߌ߰ ߟߊ߫ ߞߏߖߎ߯ ߘߌ߫߸ ߝߏ߫ ߊ߬ ߣߐ߬ ߘߋ߲ߣߍ߲ ߘߏ߫ ߡߊߘߌߡߌ߲ߣߍ߲ ߦߋ߫ ߟߊ، <<ߒ ߞߵߊ߬ ߣߌ߫ ߡߎ߬ߙߎ ߟߋ߬ ߦߋ߫، ߊ߬ ߞߊߟߌߡߊ߲߫ ߕߋ߲߬ ߔߙߊߕߊߔߙߊߕߊ߫߸ ߞߊ߬ ߕߊ߬ߡߌ߲߬ ߘߋ߲ߣߍ߲ ߘߏ߫ ߡߊ߬ ߗߊߎ߫.>> ߏ߬ ߞߵߏ߬ ߟߋ ߝߐ߫، ߊ߬ߟߋ ߣߐ߬ ߊ߬ ߝߐ߫ ߟߊ ߏ߬ ߘߐ߫ ߞߵߊ߬ ߘߴߊ߬ ߛߋ߲߭ߓߌ߬ߟߴߊ߬ ߘߐ߫ ߞߊ߬ ߘߋ߲ߣߍ߲ ߘߏ߫ ߓߐ߫ ߗߍ߭ ߓߟߏ߫߸ ߗߍ߭ ߞߊ߬ ߣߍ߰ߛߏ ߟߋ߬ ߟߊߝߌ߬ߟߌ߫ ߊ߬ߟߋ߫ ߛߋ߲߬ߞߘߐ߫߸ ߞߊ߬ ߕߊ߲߫ ߛߊ߲߬ ߝߢߐ ߟߊ߫ ߞߊ߬ ߥߊ߫.

ߘߋ߲ߣߍ߲߫ ߝߊ߰ߓߊ߰ߕߐ߬ ߣߊ߯ߣߌ߲ ߢߌ߲߬ ߠߎ߬ ߝߣߊ߫ ߞߎߡߊ߫ ߘߊ߫߸ ߡߍ߲ ߘߌ߫ ߖߌ ߞߊߘߌ߫ ߡߐ߰ ߢߊ ߟߊ߫، ߞߊ߬ߕߎ߲߯߸ ߞߏ߫ ߛߐ߰ߡߘߊ߬ ߖߏߣߊ ߟߋ߬ ߟߊ߫߸ ߊ߬ߟߎ ߟߊߟߐ߲ߠߌ߲߫ ߘߊ߫ ߡߙߊ߬ߒ߬ߡߊ߬ߟߌ߬ ߞߏߏ ߟߊ߫߸ ߊ߬ ߣߌ߫ ߞߵߊ߬ ߝߐ߫ ߊ߬ߟߎ߬ ߦߋ߫ ߞߏ߫ ߛߎ߭ ߟߎ߬ ߓߘߊ߫ ߛߋ߫ ߘߊ߲ߘߊߛߏ ߟߊ߫.