ߣߌ߲߬ ߞߍߣߍ߲߫ ߓߋߣߍ߲߫ ߠߋ߬߸ ߊ߬ߟߎ߬ ߟߊ߫ ߘߎ߱ ߡߍ߲ ߕߐ߯ ߞߏ߫ ߜߏߖ߭ߎߡߑߣߍ߫߸ ߊߝ߭ߊߙߊ߲ߞߎ߫ ߞߊ߬ߝߏ߬ߙߋ߲ ߞߣߐ߫߸ ߎߥߡߋ߫ ߕߌ߲߬ߞߎߘߎ߲ ߘߐ߫، ߗߍ߬ ߛߊ߲߬ߓߌ߬ߛߓߊ߬ߟߊ߬ߞߊ ߘߏ߫ ߟߋ߬ ߛߊ߲߬ߞߊ ߟߊߕߋ߬ߣߴߊ߬ ߟߊ߫ ߡߐ߱ ߟߎ߬ ߓߟߏ߫߸ ߊ߬ߟߎ߫ ߞߵߊ߬ ߞߊߓߙߎ ߛߋ߲߬߸ ߞߵߊ߬ ߖߏ߲߫ ߞߊ߬ ߓߍ߲߬ ߛߎ߬ߘߏ߲߬ ߕߎߡߊ ߡߊ߬.

ߗߍ߭ ߟߊ߫ ߡߐ߱ ߟߎ߬ ߟߊ߫ ߝߐߟߌ߫ ߘߐ߫߸ ߖߎߡߊߟߏ߲ ߛߎ ߟߋ߬ ߘߐ߫߸ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߃߸ ߂߂ߕߎߡߊ߃߀ ߝߊ߲߭ ߝߍ߬߸ ߗߍ߭ ߟߊ߫ ߛߦߊ߬ ߞߏ ߝߐ߫ ߘߊ߫، ߌߞߏߡߌ߲߬ ߛߌ߬ߟߊ߬ߡߊ ߟߎ߫ ߟߋ߬߸ ߊ߬ߟߎ߫ ߓߍ߲߬ ߘߴߊ߬ ߡߊ߬ ߞߏ߫ ߞߊ߬ ߛߎ߭ ߘߏ߲߬ ߛߐ߰ߡߊ߬ߘߊ ߟߊ߫، ߓߊ߬ߙߌ߬߸ ߞߊ߬ ߞߐ߲߰ ߏ߬ ߢߍ߫߸ ߞߏ߫ ߞߵߊ߬ ߓߐ߫ ߊ߬ ߖߌߖߎ߯ ߘߐ߫ ߡߎߣߎ߲߬߸ ߊ߬ߟߎ߫ ߞߵߏ߬ ߞߍ߫ ߞߵߊ߬ ߖߏ߲߫ ߞߵߊ߬ ߓߌ߬ߟߊ߬ ߞߊߛߊ߲ߞߋ߫ ߜߍ ߘߐ߫߸ ߞߊ߬ ߛߐ߰ߡߊ߬ߟߊ ߡߊߞߐ߬ߣߐ߲߬ ߛߊ߫.

ߒ߬ߓߊ߬߸ ߞߣߍ ߓߐߣߍ߲߫ ߏ߬ ߟߋ ߘߐ߫߸ ߞߊ߬ ߡߐ߱ ߟߎ߬ ߕߏ߫ ߓߟߏߘߐߓߍ߲ ߠߊ߫ ߞߊ߬ ߓߍ߲߬ ߛߎ߬ߘߏ߲߬ ߞߏ ߡߊ߬߸ ߗߍ߭ ߓߌ߬ߟߊ߬ ߘߴߊ߬ ߦߟߌ߫ ߘߐ߫، ߡߐ߱ ߡߍ߲ ߠߎ߬ ߣߊ߬ߣߍ߲߫ ߛߊ߲߬ߞߊ߬ ߝߏߟߌ ߟߊ߫߸ ߏ߬ ߟߎ߫ ߛߌ߰ߣߍ߲ ߠߋ߬ ߕߏߣߍ߲߫ ߕߋ߲߬߸ ߊ߬ߟߎ߫ ߞߵߊ߬ ߦߋ߫߸ ߗߍ߭ ߓߘߊ߫ ߞߊߛߊ߲ߞߋ ߝߎߟߋ߲߫ ߊ߬ ߖߍ߬ߘߍ߫ ߡߊ߬߸ ߞߊ߬ ߓߐ߫ ߓߏ߲ ߞߣߐ߫، ߤߊ߸ ߏ߬ ߡߊ߫ ߘߌߦߊ߫ ߘߋ߬، ߓߍ߯ ߓߊߟߌ߬ ߘߊ߫ ߗߏ߫߸ ߘߏ߫ ߟߎ߫ ߞߵߊ߬ ߦߋ߫ ߊߟߊ߫ ߟߊ߫ ߞߓߊߞߏ ߣߴߊ߬ ߟߊ߫ ߞߘߐߓߐߟߌ ߘߌ߫߸ ߘߏ߫ ߟߎ߫ ߞߵߊ߬ ߦߋ߫ ߛߌߟߊ߲ ߣߌ߫ ߖߐ߬ߘߐ ߟߋ߬ ߘߌ߫ ߞߵߊ߬ߟߎ߫ ߓߏ߬ߙߌ߬.

ߛߙߋߦߊ ߘߏ߫ ߞߵߊ߬ ߦߌ߬ߘߊ߬ ߞߏ߫: <<ߓߍ߯ ߕߍ߬ߘߍ߫ ߞߊ߬ߛߌ ߟߋ߬ ߞߊ߲߬߸ ߞߊ߬ ߘߎ߬ߥߊ߬ߥߎ ߞߍ߫ ߊ߬ ߦߋ߫߸ ߊ߬ ߣߌ߫ ߛߎ߬ ߡߊ߬ߛߊߟߌ ߝߣߊ߫ ߓߟߏߘߐߓߍ߲ ߕߎ߲߬ ߦߴߌߘߐ߫، ߒ߬ߓߊ߬߸ ߊ߬ ߣߐ߬ ߊ߬ ߥߌ߬ߟߌ ߡߍ߲ ߞߍ߫ ߟߊ߫߸ ߘߏ߫ ߟߎ߫ ߞߵߊ߬ ߦߋ߫ ߞߓߊߣߊ߲ߞߏ ߘߌ߫߸ ߘߏ߫ ߟߎ߫ ߛߌߟߊ߲߫ ߘߊ߫ ߟߋ߬.>> ߊ߬ ߞߵߏ߬ ߝߐ߫.

ߥߊ߯ߕߌ߫ ߞߎߘߎ߲ߣߍ߲ ߏ߬ ߞߍ߫ ߘߊ߫ ߞߣߐ߬ߘߐ߬ߝߟߌ ߣߌ߫ ߖߌ߲߬ߓߊ߲߬ߖߌ߲ߓߌ߲ ߘߐ߫ ߕߋ߲߬ ߠߋ߬߸ ߞߵߏ߬ ߟߊߓߊ߲߫ ߓߍ߯ ߛߍߥߊ ߡߊ߬ ߡߎ߬ߕߎ߲߬ ߛߊ߫، ߓߊߏ߬ ߛߊ߬ߦߊ ߡߊ߫ ߓߐ߫، ߘߋ߲ߓߦߊ߸ ߛߌ߰ߢߐ߲߮ ߠߎ߬߸ ߡߍ߲ ߠߎ߬ ߕߍ߬ߘߍ߫ ߊ߬ ߖߌ߰ ߟߊ߫ ߞߏ߫ ߊ߬ߟߎ߬ ߟߊ߫ ߡߐ߱ ߓߘߊ߫ ߥߊ߫߸ ߏ߬ ߟߎ߬ ߛߍߥߊ߫ ߘߊ߫߸ ߞߏ߫ ߊ߬ߟߎ߬ ߟߊ߫ ߡߐ߱ ߓߘߊ߫ ߣߊ߬ ߌߞߐ߫، ߊ߬ߟߎ߫ ߞߵߊ߬ߟߎ߫ ߘߐ߱ߘߏ߲߬ ߊ߬ ߟߊ߫ ߏ߬ ߟߋ ߘߐ߫ ߡߎ߬ߕߎ߲߬߸ ߞߵߊ߬ ߟߊ߫ ߓߊߛߌ߫ ߞߏ ߟߎ߬ ߢߊߓߐ ߘߊߡߌ߬ߣߊ߬߸ ߞߵߊ߬ ߟߐ߲߫ ߡߎ߲߬ ߞߵߊ߬ ߞߌ߬ߘߏ߲߫ ߊ߬ ߟߊ߫ ߢߊ ߏ߬ ߡߊ߬ ߤߊ߲߯ ߞߵߊ߬ ߖߊ߬ߕߋ߬ ߓߍ߯ ߓߟߏ߫ ߛߍߣߍ߲߬ ߞߏ߫ ߊ߬ ߛߊ߬ߣߍ߲߫ ߠߋ߬.

ߕߋ߲߭ߕߋ߲߭ ߣߌ߲߬ ߘߐ߫߸ ߊ߬ ߡߊ߫ ߟߐ߲߫ ߡߎߣߎ߲߬߸ ߡߎ߲߬ ߠߊ߫ ߛߊ߲߬ߞߊ ߟߊߕߋ߬ ߘߊ߫߸ ߖߐ߲߫ ߞߵߊ߬ ߛߊ߬ ߞߏ ߟߊߕߍ߰، ߏ߬ ߟߐ߲ߣߍ߲߫ ߕߍ߫ ߡߎߣߎ߲߬، ߘߊ߲ߘߊߟߌߟߊ ߟߎ߫ ߞߏ߬ߣߌ߲ ߦߴߊ߬ߟߎ߬ ߟߊ߫ ߓߊ߯ߙߊ ߞߊ߲߬، ߏ߬ ߟߵߊ߬ ߦߌ߬ߘߊ߬ ߟߊ߫߸ ߞߏ߫ ߘߊ߲ߘߊߟߌߟߊ ߟߎ߬ ߓߊ߯ ߡߐ߱ ߟߊ߫ ߡߐ߱ ߟߊ߫ ߛߦߊ߬ ߞߏ ߟߊߕߍ߰߸ ߏ߬ ߟߋ ߜߍߣߍ߲߫ ߖߘߍ߬ ߢߍ߬ ߛߊ߲߬ߞߊ߬ ߟߊ߬ߕߋ ߘߌ߫߸ ߣߌ߫ ߢߊߢߌߣߌ߲ߠߌ߲߫ ߕߍ߫.