ߓߋߣߍ߲߫ ߞߊ߲ߕߌ߯ ߞߎߘߊ ߓߕߐ߫ ߖߋ߬ߟߌ߬ߓߊ߬ߟߊ߫ ߟߋ߬߸ ߞߵߊ߬ ߞߎ߲߬ߛߌ߲߫ ߓߙߎߞߌߝߊ߫ ߝߊ߬ߛߏ߬ ߟߊ߫߸ ߊ߬ ߣߌ߫ ߖߋ߬ߟߌ߬ߓߊ߬ߘߎ߯ ߖߡߊ߬ߣߊ، ߦߟߍ߬ߡߊ߲߬ ߞߎߘߊ߫ ߘߏ߲߬ߕߐ ߟߋ߬ ߓߍߣߍ߲߫ ߣߌ߫ ߓߙߎߞߌߣߊ߫ ߝߊ߬ߛߏ߬ ߣߌ߫ ߖߋ߬ߟߌ߬ߓߊ߬ߘߎ߯ ߟߊ߫ ߓߊ߯ߙߊߢߐ߲߯ߦߊ ߘߐ߫ ߣߌ߲߬، ߞߊ߬ߕߎ߲߯߸ ߞߊ߲ߕߌ߯ ߞߎߘߊ ߙߏߡߎߥߊߟߘ ߥߘߊߢߌ߫ ߓߍߣߊ߬ ߕߊ߯ ߥߊ߱ߘߎ߰ ߣߌ߫ ߢߊߡߍ߫ ߟߎ߫ ߘߐ߫ ߥߊ߬ߛߌ߬ߥߙߊ ߕߋ߬ߟߋ߫ ߂ ߣߌ߲߬ ߡߊ߬، ߊ߬ ߘߏ߲߬ ߘߊ߫ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߊ߲߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߥߊ߬ߛߌ߬ߥߙߊ ߕߟߋ߬ ߁߭߸ ߓߊ߯ߙߊߢߐ߲߯ߦߊ ߣߌ߫ ߕߋߙߌߦߊ ߓߐߒߡߊߟߌ ߟߋ߬ ߦߴߏ߬ ߘߌ߫.

ߊߟߎ߫ ߦߴߊ߬ ߟߐ߲߫߸ ߣߊ߲߬ߕߌ߮ ߟߎ߫ ߣߊ߭ ߡߍ߲ ߞߍ߫ ߘߊ߫ ߞߊ߲ߕߌ߯ߦߊ ߟߊ߫ ߖߡߊ߬ߣߊ߫ ߝߌ߬ߟߊ ߢߌ߲߬ ߠߎ߬ ߞߣߐ߫߸ ߓߋߣߍ߲߫ ߣߌ߫ ߏ߬ ߟߎ߬ ߟߊ߫ ߕߋߙߌߦߊ ߘߊ߱ ߖߍ߲߬ߞߍ߬ ߘߊ߫ ߟߋ߬، ߒ߬ߓߊ߬߸ ߞߊ߲ߕߌ߯ ߞߎߘߊ ߦߴߊ߬ ߝߍ߬ ߞߊ߬ ߣߌ ߘߏ߲߬ ߏ߬ ߟߋ ߘߐ߫ ߣߌ߲߬ ߛߊ߫.

ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߊ߬ߟߎ߬ ߓߍߣߊ߬ ߓߊ߯ߙߊߢߐ߲߯ߦߊ ߛߌ߰ ߛߋ߲߬ߠߊ߫ ߘߊߞߎ߲߫ ߛߌߦߊߡߊ߲߫ ߠߋ߬ ߘߐ߫߸ ߟߊ߬ߞߊ߲߬ߘߊ߬ߟߌ ߡߊ߬ߘߎ߮߸ ߖߋ߬ߟߌ߬ߓߊ߬ߘߎ߯ ߣߌ߫ ߓߋߣߍ߲߫ ߕߍ ߞߓߊߕߟߎ߫ ߡߊߘߏߣߌ߲ ߣߍ߰ߛߌ߬ߟߊ߬ ߞߏ ߓߊ߯ߙߊ ߟߊߥߌ߬ߟߌ߸ ߊ߬ ߣߌ߫ ߖߎ߬ߟߊ߬ߦߊ ߓߊ߯ߙߊߢߐ߲߯ߦߊ ߟߎ߬ ߣߌ߫ ߕߍߓߊ߯ߦߊ ߖߟߎ߬ ߓߊ߲ߓߊ߲ߣߍ߲߸ ߥߘߊߢߌ߫ ߣߌ߫ ߞߟߍ߬ߕߌ߰ ߊߓߘߎߙߊߤߑߡߊߣߌ߲߬ ߗߊ߬ߣߌ߬ ߓߍߣߊ߬ ߞߎߡߊ߫ ߣߌ߲߬ ߓߍ߯ ߟߋ߬ ߞߊ߲߬.

ߣߴߊ߬ ߛߋ߫ ߘߊ߫ ߓߙߎߞߌߣߊ߫ ߝߊ߬ߛߏ߬߸ ߊ߬ ߣߌ߫ ߢߍߡߌߘߊ߫ ߌߓߋ߬ ߓߍߣߊ߬ ߞߎߡߴߊ߬ߟߎ߬ ߟߊ߫ ߖߡߊ߬ߣߊ߫ ߝߌ߬ߟߊ ߕߍߟߊ ߟߋ߬ ߞߊ߲߬.

ߥߘߊߢߌ߫ ߣߊ߬ ߛߊ߲ ߡߍ߲ ߦߋ߫ ߣߌ߲߬߸ ߊ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߋ ߓߟߏ ߘߐߛߌ߰ߣߍ߲߫ ߊ߬ ߛߌ߰ߢߐ߲߮ ߠߎ߬ ߦߋ߫߸ ߊ߬ ߞߵߏ߬ ߡߍ߲ ߞߎߡߊ ߝߐ߫ ߞߊ߬ߦߌ߯ ߊ߬ ߟߊߛߌ߰ ߟߏ߲ ߓߋߣߍ߲߫ ߖߡߊ߬ߣߊ ߞߊ߲ߕߌ߯ߦߊ ߟߊ߫.

ߊߟߎ߫ ߦߴߊ߬ ߟߐ߲߫߸ ߥߘߊߢߌ߫ ߟߊߛߌ߰ ߟߏ߲߸ ߕߟߋ߬ߓߋ߬ ߊߝߙߌߞߌ߬ ߖߡߊ߬ߣߊ߬ ߛߌߦߊߡߊ߲߫ ߠߋ߬ ߕߊ߯ ߘߊ߫ ߦߋ߲߬ ߂߀߂߆ ߘߓߊ߬ߕߊ ߕߋ߬ߟߋ߫ ߂߄ ߡߊ߬، ߓߎߞߌߣߊ߫ ߝߊ߬ߛߏ߬ ߣߌ߫ ߡߊ߬ߟߌ ߡߍ߲ ߦߋ߫ ߞߞߢ ߛߌ߲߬ߝߏ߲߬ ߖߡߊߣߊ ߘߌ߫߸ ߏ߬ ߟߎ߫ ߞߵߊ߬ߟߎ߬ ߟߊ߫ ߞߐߞߊ߲ߞߏ ߟߎ߬ ߞߏߕߌ߮ ߟߋ߬ ߟߊߕߊ߯ ߦߋ߲߬، ߖߋ߬ߟߌ߬ߓߊ߬ߘߎ߯ ߞߵߊ߬ ߟߊ߫ ߞߏߕߌ߯ ߝߟߐ߫ ߊ߬ߟߌ߫ ߟߊ߬ߡߌ߬ߣ ߖߋߦߣ ߠߋ߬ ߟߊߕߊ߯ ߦߋ߲߬.