ߟߊ߬ߛߋ߬ߟߌ߬ ߞߟߊߒߞߋ߫ ߟߋ߬ ߞߟߊ߬ߣߐ߬ߦߊ߬ ߘߊ߫ ߓߙߎߞߌߣߊ߫ ߝߊ߬ߛߏ߫ ߞߎ߲߬ߠߊ߬ߛߌ߮ ߟߊ߫ ߓߋߟߋ߲ߕߌ߮ ߓߟߏ߫߸ ߔߍ߲ߖ߭ߑߘߎߥߋ߲ߘߋ ߖ߭ߌߟߑߓߍߙ ߥߋߘߙߊߥߜ߭ߏ߫߸ ߞߵߊ߬ ߦߌ߬ߘߊ߬ ߞߏ߫ ߓߙߎߞߌߣߊ߫ ߝߊ߬ߛߏ߬ ߦߴߊ߬ ߟߊߛߋ߫ ߟߊ߫ ߘߎߢߊ߫ ߓߍ߯ ߟߊߘߍ߬ߣߍ߲ ߡߊ߬߸ ߞߏ߫ ߞߵߊ߬ ߘߊߡߌ߬ߣߊ߫ ߓߌ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߆ ߣߌ߲߬ ߡߊ߬߸ ߓߙߎߞߌߣߊ߫ ߖߡߊ߬ߣߊ ߣߌ߫ ߝߊ߬ߙߊ߲߬ߛߌ߫ ߖߡߊ߬ߣߊ ߟߊ߫ ߕߍߓߊ߯ߦߊ ߖߎ߬ߟߎ ߓߘߊ߫ ߕߍ߰߸ ߊ߬ߟߎ߬ ߓߊ߯ ߞߍ߫ ߞߊ߬ߣߌ߲ ߣߌ߫ ߝߘߎ ߡߍ߲ ߡߊ߬߸ ߏ߬ ߓߘߊ߫ ߛߊ߬ ߝߋߎ߫.

ߓߙߎߞߌߣߊ߫ ߞߎ߲߬ߠߊ߬ߛߌ߮ ߞߊ߲߫ ߞߏ߫ ߊ߬ߟߎ߬ ߡߊ߫ ߡߙߌߦߊ ߣߌ߲߬ ߕߊ߬ ߦߋ߲߬ ߕߋ߲߬ ߜߊ߲ߛߊ߲߫ ߘߋ߬߸ ߞߏ߫ ߊ߬ ߘߐߡߙߌߣߴߊ߬ߟߎ߬ ߓߟߏ߫ ߟߋ߬ ߡߎߣߎ߲߬ ߝߋߝߋ߫، ߞߊ߬ߕߎ߲߯߸ ߞߏ߫ ߝߊ߬ߙߊ߲߬ߛߌ߫ ߣߐ߬ ߞߏ߫ ߟߋ߬ ߞߍ߫ ߟߊ߫߸ ߡߍ߲ ߕߴߛߋ߫ ߘߐߓߍ߲߬ ߠߊ߫ ߡߎ߰ߡߍ߫، ߝߊ߬ߙߊ߲߬ߛߌ߫ ߣߐ߬ ߞߏ߫ ߟߋ߬ ߞߍ߫ ߟߴߊ߬ߟߎ߬ ߟߊ߫ ߕߍߓߊ߯ߦߊ ߞߣߐߡߊ߬߸ ߡߍ߲ ߕߴߛߋ߫ ߓߍ߲߬ ߠߊ߫ ߡߎ߬ߕߎ߲߬، ߊ߬ ߝߐߣߍ߲߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߞߏ߫ : <<ߘߍ߭ ߓߍ߯ ߟߊߘߍ߬ߣߍ߲߫ ߛߌ߰ߣߍ߲߬ ߡߍ߲ ߡߊ߬߸ ߣߌ߫ ߘߍ߭ ߕߴߛߋ߫ ߢߊ߬ ߟߴߊ߬ ߞߐ߫ ߝߋߎ߫߸ ߏ߬ ߟߋ ߟߊߒߠߦߊ߫ ߝߊ߲߬ߝߌ߬ߟߊ߬ߡߊ ߘߌ߫߸ ߛߙߊߕߌ߫ ߞߊ߲߫ ߡߊߓߏ߲ߧߊ߸ ߞߏߟߊ߲ߘߌߦߊ ߞߍߓߊߟߌߦߊ߸ ߞߏ ߡߍ߲ ߡߊ߫ ߛߙߊ߬ ߌ ߟߊ߫ ߞߵߌ ߘߊ߫ ߓߐ߫ ߏ߬ ߘߐ߫߸ ߡߍ߲ ߕߴߌ ߓߘߊ߫ ߞߏ߫ ߘߌ߫߸ ߞߵߏ߬ ߦߋ߫ ߞߵߊ߬ ߕߏ߫ ߦߋ߲߬، ߒ߬ߓߊ߬߸ ߝߊ߬ߙߊ߲߬ߛߌ߫ ߣߐ߬ ߏ߬ ߟߋ ߓߍ߯ ߕߌߢߍ߫ ߟߊ߫߸ ߏ߬ ߞߏߛߐ߲߬߸ ߊ߲ ߕߴߛߋ߫ ߘߍ߬ ߟߊ߫ ߢߊ ߺ ߊ ߺ ߢߊ߫ ߡߊ߬.>>

ߓߙߎߞߌߣߊ߫ ߞߊ߲߫ ߌߞߐ߫߸ ߞߏ߫ <<ߝߊ߬ߙߊ߲߬ߛߌ߬ ߓߘߊ߫ ߓߙߎߞߌߣߊ߫ ߢߊߞߘߐߣߐ߯ ߢߊ ߓߍ߯ ߘߏ߫ ߡߊ߬.>> ߞߊ߬ ߓߊ߲߫߸ <<ߞߵߊ߬ ߞߍ߫ ߕߌߢߍߟߌ߫ ߞߙߏߝߏ ߟߎ߬ ߣߌ߫ ߓߊ߰ߓߊ߰ߟߌ߬ ߞߙߎ ߟߎ߬ ߞߐߡߊߓߌ߲ߓߌ߲ ߘߌ߫߸ ߏ߬ ߟߎ߬ ߡߍ߲ ߠߎ߬ ߦߋ߫ ߞߌ߬ߢߍ߬ߞߏ߲ߞߏ߫ ߞߊ߲߬ ߞߵߊ߬ ߓߌ߬ߟߊ߫ ߛߎ߬ߣߎ߲ ߣߌ߫ ߞߣߐ߬ߘߐ߬ߝߟߌ ߘߐ߫.>> ߓߙߎߞߌߣߊ߫ ߞߎ߲߬ߠߊ߬ߛߌ߮ ߞߊ߲߫ ߌߞߐ߫ ߞߏ߫ ߝߊ߬ߙߊ߲߬ߛߌ߬ ߦߋ߫ ߞߎߡߊ ߛߎ߯ ߺ ߎ ߺ ߛߎ߯ ߞߍ߫ ߟߊ߫ ߓߙߎߞߌߣߊ߫ ߞߊ߲߬߸ ߊ߬ ߓߍ߯ ߦߋ߫ <<ߖߊ߲߬ߝߊ߬ ߞߎߡߊ ߣߌ߫ ߕߋߟߋ߲ߓߊߟߌߦߊ߫ ߞߎߡߊ.>> ߟߎ߫ ߟߋ߬ ߘߌ߫߸ ߞߊ߬ ߣߊ߲߬ߞߙߊ߬ߓߦߊ߬ ߞߊ߲ ߏ߬ ߟߎ߬ ߞߍ߫ ߞߊ߬ ߓߙߎߞߌߣߊ߫ ߖߡߊ߬ߣߊ <<ߡߊ߲߬ߜߏ߬ߦߊ߫ ߞߵߊ߬ ߡߊ߲߬ߞߕߎ ߕߌߢߍ߫ ߘߎߢߊ߫ ߢߊߞߘߐ߫.>>

ߓߙߎߞߌߣߊ߫ ߞߎ߲߬ߠߊ߬ߛߌ߮ ߞߵߊ߬ ߦߌ߬ߘߊ߬߸ ߞߏ߫ ߝߊ߬ߙߊ߲߬ߛߌ߬ ߣߌ߫ ߓߙߎߞߌߣߊ߫ ߟߊ߫ ߘߍ߭ ߝߘߊ߫ ߢߊ ߡߍ߲ ߦߋ߫ ߣߌ߲߬߸ ߘߊ߲߭ ߘߏ߫ ߟߎ߫ ߦߴߊ߬ ߝߘߊߟߌ ߟߊ߫ ߘߋ߬، <<ߘߐ߬ߝߐ ߡߍ߲ ߦߋ߫ ߓߙߎߞߌߣߊ߫ ߣߌ߫ ߝߊ߬ߙߊ߲߬ߛߌ߬ ߕߍ߫߸ ߡߐ߰ߦߊ ߡߍ߲ ߦߴߊ߬ߟߎ߬ ߕߍ߫߸ ߟߐ߲ߠߌ߲ߦߊ ߣߌ߫ ߊߘߡߊߦߊ ߡߍ߲ ߦߴߊ߬ߟߎ߬ ߕߍ߫߸ ߡߍ߲ ߦߋ߫ ߝߊ߬ߙߊ߲߬ߛߌ߬ߞߊ ߟߎ߬ ߣߌ߫ ߓߙߎߞߌߣߞߊ ߟߎ߬ ߕߍ߫.>> ߏ߬ ߡߊ߫ ߛߊ߬ ߘߋ߬߸ ߏ߬ ߡߊ߫ ߕߌߢߍ߫ ߘߋ߬، ߞߏ߬ߣߌ߲߬߸ ߡߊ߬ߙߊ ߣߌ߫ ߛߌ߲߬ߝߏ߲߬ߧߊ߬ߟߌ ߓߊ߯ߙߊߢߐ߲߯ߦߊ ߣߴߊ߬ ߕߍߓߊ߯ߦߊ ߡߍ߲ ߦߴߊ߬ߟߎ߫ ߖߡߊ߬ߣߊ߫ ߝߌ߬ߟߊ ߕߍ߫ ߓߘߍ߬ߓߘߍ߬ߟߌ߬ ߞߎ߲ߘߊ߫߸ ߏ߬ ߟߋ ߞߊ߬ߣߌ߲ ߛߊ߬ߣߍ߲߬.

ߓߙߎߞߌߣߊ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߝߊ߬ߙߊ߲߬ߛߌ߬ߞߊ ߡߍ߲ ߠߎ߬ ߦߋ߫ ߓߙߎߞߌߣߊ߫߸ ߊ߬ߟߎ߬ ߘߴߏ߬ ߟߎ߬ ߟߊߞߊ߲ߘߴߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߢߊ ߓߍ߯ ߘߏ߫ ߡߊ߬، ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߝߣߊ߫ ߡߊ߬߸ ߞߏ߫ ߊ߬ߟߎ߬ ߦߴߊ߬ߟߎ߬ ߘߐߖߊ߬ ߞߊ߬ ߘߊ߲߬ ߞߏ߫ ߟߊ߫߸ ߞߵߊ߬ߟߎ߫ ߖߘߍ߬ߘߐߡߌ߬ߣߊ߬߸ ߞߊ߬ ߘߎ߰ߘߋ߲߬ ߓߘߍ߬ߦߊ ߞߍ߫ ߞߵߊ߬ ߟߐ߬ ߝߊ߬ߙߊ߲߬ߛߌ߬ߞߊ ߟߎ߫ ߡߊ߬ ߓߙߎߞߌߣߊ߫ ߝߊ߬ߛߏ߬ ߞߣߐ߫.

ߓߙߎߞߌߣߊ߫ ߘߏ߲߬ ߡߊ߫ ߣߡߌߛߊ߫ ߣߌ߲߬ ߞߍ ߘߐ߫ ߘߋ߬߸ ߊ߬ ߡߴߊ߬ ߞߍ߫ ߊ߬ ߖߍ߬ߘߍ߫ ߢߌ߬ߣߊߡߊ߬ ߝߣߊ߫، ߊ߬ߟߎ߬ ߞߊ߲߫ ߞߏ߫ ߓߙߎߞߌߣߊ߫ ߦߴߊ߬ ߝߍ߬ ߟߋ߬߸ ߊ߬ ߣߌ߫ ߖߡߊ߬ߣߊ߬ ߜߘߍ߫ ߟߎ߫ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߊ߬ߟߎ߬ ߣߌ߫ ߡߍ߲ ߠߎ߬ ߓߊ߯ ߞߍ߫ ߓߊ߯ߙߊ߫ ߟߊ߫߸ ߊ߬ ߦߋ߫ ߓߏ߲߬ߧߊ ߟߋ߬ ߞߣߐ߫߸ ߢߐ߲߮ ߠߊ߫ ߕߣߐ߬ ߡߊ߬ߞߊߘߊ߲ ߠߋ߬ ߞߣߐ߫.

ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߞߏ߬ߣߌ߲߸ ߊ߬ߟߎ߬ ߟߊ߫ ߘߊ ߟߊߞߊ߬ߣߍ߲߫ <<ߘߎߢߊ߫ ߦߋ߫߸ ߞߊ߬ ߓߍ߲߬ ߘߊߘߐߖߊߥߏ ߡߊ߬.>> ߘߊߘߐߖߊߥߏ ߡߍ߲ ߝߣߊ߫ ߘߌ߫ ߞߍ߫ ߓߏ߲߬ߧߊ ߞߣߐ߫߸ ߊ߬ ߣߌ߫ ߓߍ߯ ߟߊ߫ ߖߘߍ߬ߕߌ߰ߦߊ ߡߊߛߊ߲߬ߛߊ߲ ߞߣߐ߫.