ߘߊߙߑߛߊ߬ߟߊߡ ߕߐ߲ߓߟߏߡߊ ߟߎ߬ ߣߐ߬ ߊ߬ߟߎ߬ ߕߍ߯ ߞߍ߫ ߟߊ߫ ߏߛߊߡ ߤߊߡߑߖ߭ߊ߬ ߟߋ߬ ߘߐ߫߸ ߊ߬ߟߋ ߡߍ߲ ߞߊ߲߬ߕߐ߮ ߦߋ߫ ߡߊߥߏߔߋߣߊ߫ ߘߌ߫߸ ߓߍ߯ ߞߵߊ߬ ߟߐ߲߫ ߕߐ߮ ߏ߬ ߟߋ ߡߊ߬، ߛߌߞߊ߫ ߞߍߣߍ߲߫ ߞߏ߫ ߊ߬ߟߎ ߣߐ߬ ߊ߬ ߛߐ߬ߘߐ߲߬ ߝߊ ߟߋ߬ ߝߊ߰ ߟߊ߫߸ ߞߊ߬ ߓߊ߲߫ ߞߵߊ߬ ߝߊ߭ߘߐ߰ߣߍ߲߬ ߝߣߊ߫ ߝߊ߰ ߡߎ߬ߙߎ ߟߊ߫.
ߕߐ߲ߓߟߏߡߊ ߟߎ߫ ߞߊ߬ ߟߊ߬ߛߋ߬ߟߌ ߟߋ߬ ߞߍ߫ ߞߍ߲ߘߍߟߏ߲ ߂߀߂߆ ߞߊ߬ߙߌ߬ߝߐ ߕߟߋ߬ ߁߈߸ ߞߏ߫ ߕߍ߮ ߞߍ߫ ߘߊ߫ ߞߊ߲ߡߋߙߋ߲ ߘߐ߫ ߛߌ߬ߣߌ߲߬ߟߏ߲ ߠߋ߬߸ ߞߊ߬ߙߌ߬ߝߐ ߕߟߋ߬ ߁߇߸ ߁߅ߕߎߡߊ ߝߊ߲߭ ߝߍ߬߸ ߡߊߞߏ߲ߜ߭ߏ߫ ߞߌ߲߬ߘߊ ߟߊ߫، ߊ߬ ߦߋߣߍ߲߫ ߠߋ߬߸ ߡߎ߬ߙߎ߫ ߖߋ߬ߟߌ߬ߡߊ ߦߴߊ߬ ߓߟߏ߫߸ ߘߙߎ߬ߞߌ ߡߍ߲ ߦߴߊ߬ ߞߊ߲ߠߊ߫߸ ߏ߬ ߛߎߡߊߣߍ߲߫ ߖߋ߬ߟߌ ߟߊ߫، ߒ߬ߓߊ߬߸ ߛߌߞߊ߫ ߞߍߢߊ ߟߋ߬ ߞߍߣߴߊ߬ ߡߊ߬ ߡߐ߱ ߟߎ߬ ߓߟߏ߫ ߏ߬ ߘߌ߫߸ ߊ߬ߟߎ߫ ߞߵߊ߬ ߞߏߝߐ߫ ߕߐ߲ߓߟߏߡߊ ߟߎ߬ ߦߋ߫߸ ߏ߬ ߟߎ߬ ߝߣߊ߫ ߞߵߊ߬ ߡߌ߬ߣߊ߫ ߞߊ߬ ߥߴߊ߬ ߘߌ߫ ߕߐ߲ߕߌ߯ߟߊ߫߸ ߞߵߊ߬ ߘߊߘߐߢߌ߬ߣߌ߲߬ߞߊ߬.
߂߂ߕߎߡߊ ߟߋ߬ ߟߊ߫߸ ߞߵߊ߬ ߛߐ߬ߘߐ߲߬ ߕߐ߲ߓߟߏߡߊ ߟߎ߬ ߦߴߊ߬ ߘߊߘߐߢߌ߬ߣߌ߲߬ߞߊ ߟߊ߫߸ ߊ߬ ߥߊ߫ ߘߊ߫ ߝߐ߫ ߏߦߌߛߑߕߍߙߑߓߊߦߌ߫ ߕߐ߲ߓߟߏߡߊ ߟߎ߬ ߦߋ߫ ߞߏ߫ ߡߐ߰ ߛߓߊ߬ ߓߘߊ߫ ߕߎߎߣߎ߲߫ ߟߎ ߘߏ߫ ߡߊ߬߸ ߛߌ߲ߘߊߣߏ߫ ߞߌ߲߬ߘߊ ߟߊ߫، ߊ߬ ߥߊ߫ ߘߊ߫ ߦߋ߫ ߞߏ߫ ߖߋ߬ߟߌ߫ ߘߍ߬ߜߍ ߝߣߊ߫ ߦߋ߫ ߓߏ߲ ߞߣߐ߫ ߦߋ߲߬.
ߒ߬ߓߊ߬߸ ߞߏߢߊߢߌߣߌ߲ߠߊ ߟߎ߬ ߣߌ߫ ߟߐ߲ߞߏ ߕߐ߲ߓߟߏߡߊ ߟߎ߬ ߥߊߣߍ߲߫ ߏ߬ ߟߋ ߢߊߢߌߣߌ߲߫ ߞߊ߲ߡߊ߬ ߟߎ ߞߣߐ߫ ߦߋ߲߬، ߊ߬ߟߎ߬ ߛߋ ߦߋ߲߬߸ ߊ߬ߟߎ߫ ߞߊ߬ ߘߋ߲߬ߞߊ ߘߏ߫ ߛߋ߲߬ߣߍ߲ ߦߋ߫ ߓߏ߲ ߞߣߐ߫߸ ߊ߬ߟߎ߫ ߞߵߏ߬ ߟߋ ߘߐߥߎ߯ߙߌ߫، ߞߊ߬ ߥߊ߫ ߛߎ߭ ߝߌ߬ߟߊ߬ ߦߋ߫߸ ߞߋߟߋ߲ ߦߋ߫ ߤߊߡߑߖ߭ߊ ߖߎߡߊ ߏߡߊߙߌ߫ ߟߋ߬ ߘߌ߫߸ ߏ߬ ߞߊ߲߬ߕߐ߮ ߦߋ߫ ߡߏߕߌߟߊ߫ ߘߌ߫߸ ߛߊ߲߬ ߄߈ ߖߊ߬ߕߋ߬، ߊ߬ߟߋ ߟߋ߬ ߞߊ߲ߡߋߙߋ߲ ߛߐ߬ߘߐ߲߬ ߝߊ ߘߌ߫، ߛߎ߭ ߝߌߟߊߣߊ߲ ߞߍ߫ ߘߊ߫ ߊ߬ߟߌ ߖߎߡߊ ߏߡߊߙߌ߫ ߟߋ߬ ߘߌ߫߸ ߏ߬ ߛߊ߲߬ ߃߇ ߟߋ߬ ߕߋ߲߬߸ ߞߊ߲ߡߋߙߋ߲ ߝߊ߭ߘߐ߰ߣߍ߲߫ ߠߵߏ߬ ߘߌ߫.
ߡߐ߰ ߝߌ߬ߟߊ ߢߌ߲߬ ߠߎ߫ ߞߏ߬ߣߌ߲ ߝߊ߰ ߞߎ߲߫ ߡߊ߫ ߟߐ߲߫ ߡߎߣߎ߲߬، ߕߐ߲ߓߟߏߡߊ ߟߎ߬ ߦߴߊ߬ ߞߏ ߢߊߢߌߣߌ߲ ߞߊ߲߬߸ ߞߵߊ߬ ߟߐ߲߫ ߞߎ߲߭ ߡߍ߲ ߞߊ߬ ߞߊ߲ߡߋߙߋ߲ ߟߐ߬ ߢߌ߲߬ ߠߊ߫.
Aucun commentaire pour le moment.