ߖߡߊ߬ߣߊ ߞߎ߲߬ߠߊ߬ߛߌ߮ ߟߊ߫ ߟߊ߬ߛߋ߬ߟߌ ߘߐ߫߸ ߡߍ߲ ߞߊ߬ߙߊ߲߬ ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߞߏ߫ ߊ߬ߟߎ߬ ߥߊ߫ ߘߴߊ߬ߟߎ߬ ߞߍ߫ ߖߋ߬ߟߌ߬ߓߊ߬ߘߎ߯ ߛߊ߲ߡߊߘߊ߲ ߞߊ߲߬ ߛߐ߰ߡߊ߬ߟߊ ߆ ߕߎߡߊ ߟߋ߬ ߟߊ߫، ߞߍߒߞߊ߲ߓߊ߮ ߟߎ߫ ߣߊ߬ ߘߊ߫ ߥߊߟߌߥߊߟߌ߫ ߝߌ߬ߟߊ߫ ߟߋ߬ ߞߣߐ߫߸ ߊ߬ ߣߌ߫ ߘߎ߰ߞߎ߬ߟߎ߲߬ ߞߋߟߋ߲߫ ߜߘߍ߫߸ ߝߙߊߓߊ߲߫ ߝߏߘߏ߲ߕߊ ߦߴߊ߬ߟߎ߫ ߡߊ߬، ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߦߙߍߞߍߟߌ ߡߍ߲ ߦߋ߫߸ ߊ߬ ߘߊߘߐߓߍ߲߬ߣߴߊ߬ߟߎ߬ ߓߟߏ߫ ߟߋ߬ ߝߋߝߋ߫.

ߢߊߡߍ߫ ߞߎ߲߬ߠߊ߬ߛߌ߮ ߟߊ߫ ߖߊ߬ߕߋ߫ ߞߎ߲߬ߝߟߐ ߟߎ߬ ߘߐ߫߸ ߖߋ߬ߟߌ߬ߓߊ߬ߘߎ߯ ߟߊ߫ ߡߐ߰ ߁߃ ߟߋ߬ ߝߊ߰ ߘߊ߫߸ ߟߊ߬ߞߊ߲߬ߘߊ߬ߟߌ ߣߌ߫ ߡߊ߬ߞߊ߲߬ߞߊ߲߬ߠߌ߲߬ ߝߊ߲ߞߊ ߡߐ߰ ߁߁ ߦߴߊ߬ ߘߐ߫߸ ߊ߬ ߣߌ߫ ߣߊ߲߬ߒ߬ߕߊ߲߫ ߂߸ ߞߊ߬ ߡߐ߰ ߄ ߖߐߞߌ߫ ߕߎ߲߯، ߞߍ߲ߒߞߊ߲ߓߊ߮ ߟߎ߬ ߟߊ߫ ߞߎ߲߬ߠߊ߫߸ ߓߊ߰ߓߊ߰ߟߌ߬ߟߊ߫ ߡߐ߰ ߂߂ ߟߋ߬ ߝߊ߰ ߘߊ߫ ߞߍ߬ߟߍ ߞߎ߲߬ߕߊ߮ ߞߣߐ߫߸ ߕߍ߮ ߞߍ߫ ߘߊ߫ ߛߌߞߊߒߡߊߓߊ߯ߕߐ߫ ߡߐ߰ ߡߎ߬ߥߊ߲߬ ߣߌ߫ ߞߐ߫ ߝߣߊ߫ ߘߐ߫.

ߟߊ߬ߞߊ߲߬ߘߊ߬ߟߌ ߝߊ߲߬ߞߊ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߞߊ߬ ߞߟߍ߬ߡߎ߬ߙߊ߲߬ ߛߌߦߊߡߊ߲߫ ߠߋ߬ ߡߌ߬ߣߊ߬߸ ߡߊ߬ߙߌ߬ߝߊ߫ ߊ.ߞ-߄߇߸ ߓߎ߰ߓߎ߰ߡߊ߬ߟߊ߫ ߍߙ.ߔߋ.ߖ߭ߋ߫-߇߸ ߞߌ߬ߛߍ߬ߝߙߎ߬ߟߊ߲߫ ߍߡ߈߀߸ ߞߵߏ߬ ߟߊ߫ ߞߌ߬ߛߍ߬ߜߘߊ ߟߎ߬ ߣߌ߫ ߞߌ߬ߛߍ ߟߎ߬ ߣߌ߫ ߘߎ߰ߞߎ߬ߟߎ߲߬ ߛߌߦߊߡߊ߲߫ ߞߊ߲߬߸ ߡߍ߲ ߝߌ߬ߟߊ ߦߋ߫ ߥߊߟߌߥߊߟߌ ߘߌ߫߸ ߊ߬ ߣߌ߫ ߞߊ߲ߓߋ߲ߟߋ߲߫ ߞߋߟߋ߲߫، ߓߍߘߍ߲ߛߍߟߌ߫ ߦߙߍߞߍߟߌ ߛߌ߰ ߘߊ߫ ߛߋ߲߬ߠߴߊ߬ߟߎ߬ ߞߊ߲ߡߊ߬ ߣߊ߲߬ߕߌ߮ ߟߎ߬ ߓߟߏ߫߸ ߝߏ߫ ߛߌߦߊߡߊ߲߫ ߝߊ߰ ߘߴߊ߬ߟߎ߬ ߘߐ߫.

ߖߋ߬ߟߌ߬ߓߊ߬ߘߎ߯ ߞߎ߲߬ߠߊ߬ߛߌ߮ ߞߊ߬ ߟߊ߬ߛߋ߬ߟߌ ߡߍ߲ ߞߍ߫߸ ߏ߬ ߟߎ߫ ߞߊ߬ ߞߎߡߊߘߋ߲ ߘߏ߫ ߟߎ߫ ߟߊߓߊ߯ߙߊ߫߸ ߡߍ߲ ߠߎ߬ ߜߌߟߌ߲ߡߊ߲߫ ߞߏߛߓߍ߫، ߞߊ߬ߕߎ߲߯߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫: <<ߋߡߊߣߎ߳ߍߟ ߡߊߞߐߙߐ߲߫ ߠߊ߫ ߛߙߊ߬ߟߊ߬ߞߟߍ߬ߟߊ ߟߎ߫ ߟߋ߬ ߕߍ߬ߘߍ߫ ߞߊ߬ ߝߘߊ߫ ߝߊ߬ߙߊ߲߬ߛߌ߬ ߟߊ߫.>> ߓߊ߰ߓߊ߰ߟߌ߬ ߞߙߎ ߡߍ߲ ߕߐ߯ ߞߏ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ߬ ߞߐߡߊߓߌ߲ߓߌ߲߫ ߞߙߎ (ߛߛߞߞ)߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ ߟߋ߬ ߣߐ߬، ߞߊ߬ߕߎ߲߯߸ ߓߊ߰ߓߊ߰ߟߌ߬ ߞߙߎ ߡߍ߲ ߊ߬ߟߎ ߘߌ߫߸ ߊߟߑߞߊߦߌߘߊ ߓߏߟߏ߲ߝߘߊ ߘߏ߫ ߟߋ߬ ߦߴߊ߬ߟߎ߬ ߘߌ߫ ߞߌ߬ߢߍ߬ߞߏ߲ߞߏ߫ ߞߊ߲߬.

ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߞߟߍ߬ߕߌ߯ ߛߊߟߌߝߎ߬ ߡߏߘߌ߫ ߞߊ߬ ߖߡߊ߬ߣߊ ߣߊ߲߬ߕߌ߮ ߟߎ߫ ߝߏ߬ ߊ߬ߟߎ߬ ߟߊ߫ ߞߎ߬ߛߊ߲߬ߧߊ ߟߊ߫߸ ߞߵߊ߬ ߟߴߊ߬ ߞߊ߲߬ ߞߏ߫ ߊ߬ߟߎ߬ ߓߘߊ߫ ߛߋ߫ ߞߏ ߟߎ߬ ߡߊߣߐ߬ ߟߊ߫ ߡߎ߬ߕߎ߲߬، ߡߏ߲߬ߕߏ߲߬ߕߍ߬ ߛߊ߲ߡߊߘߊ߲߫ ߖߏߙߌ߫ ߤߡߊߣߌ߫ ߓߘߊ߫ ߓߌ߬ߟߊ߬ ߟߊ߬ߞߊ߲߬ߘߊ߬ߟߌ ߞߣߐ߫߸ ߛߊ߲ߡߊߞߎߟߎ߲ ߠߎ߬ ߦߴߊ߬ߟߎ߬ ߟߊ߫ ߖߌ߰ߣߌ߬ߦߟߍ ߓߍ߯ ߞߍ߫ ߟߊ߫.

ߓߋߣߍ߲߫ ߞߎ߲߬ߠߊ߬ߛߌ߮ ߞߊ߬ ߡߙߊ߬ߒ߬ߡߊ߬ߟߌ ߣߌ߲߬ ߘߐߜߏߦߊ߫ ߟߋ߬ ߔߐ߫߸ ߊ߬ ߘߏ߲߬ ߝߊ߲߸ ߊ߬ߟߎ߫ ߞߵߊ߬ ߘߐߜߏߦߊ߫ <<ߘߏ߬ߜߏ߬ߦߊ߬ߟߌ ߞߐߘߊ߲>> ߠߋ߬ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߛߎ ߣߌ߫ ߕߋ߬ߟߋ ߦߋ߫ ߖߋ߬ߟߌ߬ߓߊ߬ߘߎ߯ ߖߡߊ߬ߣߊߘߋ߲ ߠߎ߬ ߞߐߡߊߓߌ߲ߓߌ߲߫ ߠߊ߫߸ ߊ߬ ߣߌ߫ ߞߏ߫ ߊ߬ ߜߊ߬ߣߴߊ߬ߟߎ߬ ߓߍ߯ ߟߋ߬ ߟߊ߫، ߞߊ߬ߕߎ߲߯߸ ߞߏ ߞߊ߬ ߕߊ߯ ߓߊ߰ ߣߊ߬ߒ߬ߕߊ߲ ߠߎ߬ ߡߊ߬ߞߏ߬ߟߊ߬ߓߐ߬ ߦߙߐ ߡߊ߬ ߕߋ߲߬ ߝߎ߯ߝߊߕߌ߫، ߞߕߏߣߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߡߙߌߦߊ ߡߍ߲ ߞߊ߲߬߸ ߏ߬ ߟߋ ߓߊ߰ߓߊ߰ߟߌ ߞߍ߬ߟߍ ߘߌ߫ ߕߟߋ߬ߓߋ߬ ߊߝߙߌߞߌ߬ ߞߣߐ߫.