ߊ߲ߕߊ߫ ߖߐߔ ߛߥߊ߬ߣߍ߫ ߣߐ߬ ߗߋߛߓߍ߫ ߘߟߊߞߊ߬ߣߍ߲߫ ߠߋ߬ ߞߍ߫ ߟߊ߫ ߓߏ߲߬ߧߊ ߣߌ߫ ߡߊ߬ߞߕߌ߬ߟߌ ߞߣߐ߫، ߛߥߊ߬ߣߍ߬ ߗߍ ߞߵߊ߬ ߞߊ߲ߠߊߘߌ߫ ߕߎ߲ߞߊߙߋ߲ߞߋ ߟߎ߬ ߟߊ߫ ߞߏߢߊ ߞߏߕߌ߮ ߡߊ߬߸ ߞߏ߫ ߊ߬ ߦߴߊ߬ ߢߊ ߡߊߖߌ߰ ߖߌ߬ߣߍ߬ߞߊ߫ ߞߐߞߊ߲߫ ߛߌ߯ߓߊ߮ ߟߎ߬ ߟߊ߫ ߞߏ ߞߘߐ߫، ߞߊ߬ߕߎ߲߯߸ ߜߟߍ߬ߦߊ߬ߓߊ߫ ߟߋ߬ ߦߴߊ߬ߟߎ߫ ߞߊ߲߬ ߕߍߓߊ߯ߦߘߊ ߟߎ߬ ߟߊ߫ ߦߋ߲߬߸ ߡߍ߲ ߓߘߊ߫ ߞߍ߫ ߛߍ߱ ߘߌ߫ ߞߏߛߓߍ߫.

ߊ߬ ߛߐ߰ ߘߊ߫ ߞߏߕߌ߮ ߝߏ߭ ߟߋ߬ ߡߊ߬ ߡߎߣߎ߲߬߸ ߞߊ߲ߕߌ߮ ߞߍ ߘߐ߫ ߞߵߊ߬ ߡߐ߬ߟߐ߲ ߞߘߐߕߊ߬ ߖߡߊ߬ߣߊ ߓߊ߯ߙߊ ߘߐ߫، ߘߋ߲ߡߌߛߍ߲߫ ߥߊߟߌߝߊ ߞߵߊ߬ ߢߌߣߌ߲߫ ߞߏߕߌ߮ ߝߍ߬߸ ߞߏ߫ ߕߎ߬ߡߊ ߡߍ߲ ߠߊ߫߸ ߡߐ߬ߟߐ߲߬ ߞߘߐ߬ߕߊ ߏ߬ ߛߍߥߊ ߦߴߌߘߐ߫߸ ߊ߬ ߦߋ߫ ߞߏߕߌ߮ ߖߊ߲߭ߓߌ߬ߟߊ߬ ߟߊ߫ ߞߏ߫ ߊ߬ ߝߊ߬ߛߏ߬ߘߋ߲߬ߢߐ߲߮ ߠߎ߬ ߦߋ߫ <<ߜߟߍ߬ߦߊ߬ߓߊ߫ ߘߐ߫ ߕߎ߲ߞߊ߲ ߠߊ߫>>

ߊ߬ ߟߊ߫ ߗߋߛߓߍ ߣߌ߲߬ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ߞߊ ߡߍ߲ ߠߎ߬ ߦߋ߫ ߝߊ߬ߙߊ߲߬ߛߌ߬߸ ߡߍ߲ ߠߎ߬ ߦߋ߫ ߊߛߌߔߊ߲߫߸ ߛߓߍ߫ ߛߐߘߐ߲ ߦߴߏ߬ ߟߎ߬ ߓߟߏ߫ ߓߊ߲߬ߓߊ߬ ߓߏ߬ ߟߊ߬ߦߟߍ ߟߋ߬ ߘߌ߫ ߟߊ߬ߛߌ߰ߘߊ ߟߎ߬ ߣߌ߫ ߟߏ߲ߟߊ߲ߞߎ߲ߕߌ߯ߘߊ ߟߎ߬ ߟߊ߫، <<ߖߌ߬ߣߍ߬ ߕߊ߯ߡߊߘߋ߲ ߠߎ߬ (...) ߦߋ߫ ߛߍ߰ ߟߊ߫ ߟߋ߬ ߘߊ߫ ߞߐ߲ߞߐ߲ ߘߐ߫ ߛߐ߲߬߸ ߕߟߏ ߜߋߘߋ߲ߣߴߊ߬ߟߎ߬ ߦߋ߫߸ ߞߊ߬ ߢߊ ߟߊߛߌ߬ ߊ߬ߟߎ߬ ߦߋ߫.>> ߟߊ߬ߛߌ߰ߘߊ ߣߌ߫ ߟߏ߲ߟߊ߲ߞߎ߲ߕߌ߯ߘߊ ߟߎ߬ ߦߋ߫ ߗߋߢߘߊ߫ ߟߎ߫ ߟߋ߬ ߘߌ߸ ߡߍ߲ ߠߎ߬ ߕߍ߫ ߖߌ߬ߣߍ߬ ߕߎ߲ߞߊߙߊ߲ߞߋ ߟߎ߫ ߛߊ߬ߥߏ߬ ߘߐ߫ ߝߊߦߌߘߊ߫.

ߊ߬ ߞߵߊ߬ ߦߌ߬ߘߊ߬ ߞߏ߫ ߌ ߘߌ߫ ߞߟߌߟߌ ߞߍ߫ ߦߋ߲߬߸ ߌ ߕߍ߫ ߟߊߡߌ߬ߣߊ߬߸ ߌ ߘߌ߫ ߕߊ߯ߡߊ ߘߊߡߌ߬ߣߊ߬߸ ߌ ߕߍ߫ ߘߊ߲ߞߎ߲߫ ߠߊ߫߸ ߏ߬ ߘߐ߫ <<ߛߓߍߘߊ ߟߎ߬ ߟߊ߫ ߡߊ߬ߞߎ߲>> ߦߋ߫ ߞߏߖߎ߯ ߟߋ߬ ߘߌ߫߸ <<ߊ߬ ߥߊߘߌ߫ ߞߏ ߟߎ߬ ߝߣߊ߫ ߟߊߜߍߣߍ߲߫ ߕߍ߫>> ߞߵߊ߬ ߦߌ߬ߘߊ߬ ߞߏ߫ ߓߎ߬ߘߎ߲߬ ߛߌߦߊߡߊ߲߫ ߠߋ߬ ߊ߬ ߥߊߘߌ߫ ߞߏ ߟߎ߬ ߟߊߕߊ߯ߡߊ߫ ߢߊ ߘߐ߫߸ ߡߍ߲ ߛߊߣߌ߲ߡߊ߲߫ ߕߍ߫.

ߊ߬ ߟߊ߫ ߝߐߟߌ߫ ߘߐ߫߸ ߜߟߍ߬ߦߊ ߏ߬ ߟߎ߬ ߓߘߊ߫ ߞߍ߫ ߕߙߎ߬ ߘߌ߫ ߓߌ߬߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߡߊߕߊ߯ ߖߡߊ߬ߣߊ ߞߎ߲߬ߠߊ߬ߛߌ߮ ߟߎ߬ ߟߊ߫، ߞߵߊ߬ ߛߐ߬ߘߐ߲߬߸ ߊ߬ߟߎ߬ ߣߌ߫ ߡߊ߬ߘߏ߲ ߠߋ߬ ߦߊ߫ ߞߊ߲߫ ߖߡߊ߬ߣߊ ߓߊ߯ߙߊ߫ ߦߙߐ ߟߎ߬ ߘߐ߫، <<ߞߎ߲߬ߠߊ߬ߛߌ߮ ߞߊ߫ ߞߊ߲߫ ߞߊ߬ ߟߊ߬ߕߊ߲߬ߞߊ߬ߟߌ ߞߍ߫ ߦߙߐ ߡߍ߲ ߘߐ߫߸ ߢߡߊߞߏߖߎ߯ߦߊ ߟߋ߬ ߟߐ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߡߊ߬ ߦߋ߲߬.>> ߊ߲ߕߊ߫ ߖߐߔ ߟߋ߬ ߞߊ߲߫ ߣߌ߲߬ ߓߍ߯ ߘߌ߫ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߫ ߟߊ߬ߛߌ߰ߘߊ ߓߊ߯ߙߊ߫ ߞߍߟߊ ߘߏ߫ ߟߎ߫ ߖߍ߬ߘߍ ߡߴߊ߬ߟߎ߬ ߟߊ߫ ߞߍߕߊ߫ ߟߐ߲߫߸ ߊ߬ߟߎ߬ ߡߴߊ߬ ߟߐ߲߫ ߊ߬ߟߎ߬ ߣߌ߫ ߡߍ߲ ߞߊ߫ ߞߊ߲߫ ߞߵߊ߬ ߞߍ߫ ߖߡߊ߬ߣߊ߬ߘߋ߲ ߠߎ߬ ߦߋ߫.

ߊ߲ߕߊ߫ ߖߐߔ ߛߝ߭ߊ߬ߣߋ߫ ߞߊ߬ ߞߏߕߌ߮ ߞߟߌ߫߸ ߞߏ߫ ߊ߬ ߦߋ߫ ߓߊ߯ߙߊ߫ ߦߙߐ ߏ߬ ߟߎ߬ ߡߊߝߟߍ߫ ߞߵߊ߬ ߞߏ ߟߎ߬ ߥߊ߫ ߢߊ ߘߐߓߍ߲߬،  ߓߊߏ߬߸ ߊ߬ ߝߐ ߡߍ߲ ߞߍߣߍ߲߫ ߞߊ߲ߕߌ߮ ߓߟߏ߫ ߞߏ߫ ߊ߬ ߓߘߊ߫ ߖߡߊ߬ߣߊ ߡߐ߬ߟߐ߲߬ ߛߊ߲ߘߐߕߊ ߘߏ߫ ߘߴߊ߬ ߡߊ߬߸ ߞߵߊ߬ ߓߍ߲߬ ߊ߬ ߟߊ߫ ߓߊ߯ߙߊ߫ ߞߟߊ߬ߥߟߎ߬ ߞߍߣߍ߲ ߡߊ߬ ߖߡߊ߬ߣߊ ߟߊߛߓߊ߬ߕߌ ߘߐ߫߸ ߞߏ߫ ߡߏ߬ߙߌ߬ߛߊ߲߬ߘߊ߬ ߞߎߦߊߕߍ߫ ߞߊ߫ ߞߊ߲߫ ߞߵߊ߬ ߟߐ߲߫ ߞߏ߫ ߊ߬ ߝߐߣߴߊ߬ ߦߋ߫ ߟߋ߬ ߏ߬ ߘߌ߫߸ ߞߏ߫ ߊ߬ ߦߋ߫ <<ߓߊ߯ߙߊ߫ ߦߙߐ ߏ߬ ߟߎ߬ ߘߐߓߍ߲߬ ߞߵߊ߬ ߟߎ߬ ߡߊߡߊ߬ߙߊ߫ ߡߊ߬ߡߙߊ߬ߟߌ߬ ߢߊ ߡߊ߬.>>

ߊ߬ ߟߊ߫ ߗߋߛߓߍ ߣߌ߲߬ ߦߙߐ߫ ߜߘߍ߫ ߝߣߊ߫ ߦߋ߫ ߦߋ߲߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߞߏ ߕߍ߫ ߞߏ߫ ߟߊߛߎߡߦߊߕߊ߫ ߘߌ߫ ߡߎ߬ߕߎ߲߬߸ ߟߏ߲ߟߊ߲ߞߎ߲ߕߌ߯ߘߊ ߟߎ߬ ߓߊ߯ߙߊ߫ ߞߍߢߊ ߞߊ߫ ߞߊ߲߫ ߞߊ߬ ߟߊߢߊ߬، <<ߖߡߊ߬ߣߊ߬ߘߋ߲ ߠߎ߬ ߓߘߊ߫ ߕߙߐ߫ (...)  ߊ߬ߟߎ߫ ߡߊ߬ߞߏ ߢߊ߬ߓߊߟߌߦߊ ߞߏߛߐ߲߬.>> ߊ߬ ߞߵߏ߬ ߛߓߍ߫ ߞߣߊ߬ߕߏ߫ ߊ߬ ߝߐ߫ ߟߊ߫ ߞߏ߫ ߊ߬ߟߎ߬ ߦߴߊ߬ߟߎ߬ ߞߊߘߊ߲߫ ߡߎ߬ߕߎ߲߬߸ <<ߊ߲ ߠߊ߫ ߟߏ߲ߟߊ߲ߞߎ߲ߕߌ߯ߘߊ ߟߎ߬ ߟߊ߫ ߟߊ߬ߛߐ߲ ߣߌ߫ ߞߎ߲߬ߞߍ߲߬ߘߍ߬ߦߊ>> ߦߋ߫ ߢߍ ߛߐ߬ߘߐ߲߬.

ߘߋ߲ߡߌߛߍ߲߫ ߥߊߟߌߝߊ ߟߊ߫ ߦߟߌߓߌߟߊߟߌ ߣߌ߲߬ ߘߐ߫߸ ߊ߬ ߞߵߊ߬ ߢߌߣߌ߲߫ ߞߏߕߌ߮ ߣߴߊ߬ ߟߊ߫ ߡߐ߱ ߟߎ߫ ߝߍ߬߸ ߊ߬ߟߎ߬ ߦߴߊ߬ߟߎ߬ ߢߊ ߟߐ߬ ߖߌ߬ߣߍ߬ߞߊ ߟߎ߬ ߘߐ߫ ߕߎ߲ߞߊ߲ ߠߊ߫߸ ߞߵߊ߬ߟߎ߬ ߟߊ߫ ߞߏ ߕߊ߬ ߛߓߍ߬ ߟߊ߫߸ ߊ߬ߟߎ߬ ߦߴߊ߬ߟߎ߬ ߖߌߖߊ߬߸ ߕߍ߰ߒ߬ߛߏ߬ߦߊ ߞߊߣߊ߬ ߘߏ߲߬ ߖߡߊ߬ߣߊ߬ߘߋ߲ ߠߎ߬ ߣߌ߫ ߖߡߊ߬ߣߊ ߓߊ߯ߙߊ߫ ߦߙߐ ߟߎ߬ ߘߐ߫.