ߖߌ߯ߓߊ߫ ߥߊ߲߬ߞߙߊ ߛߌ߬ߛߋ ߝߙߊ߬ߓߊ߬ߘߐ߬ߞߊ ߟߊ߫ ߛߓߍߟߌ߫ ߞߍߣߍ߲ ߘߏ߫ ߝߍߛߑߓߎߞ ߞߊ߲߬߸ ߣߌ߲߬ ߕߍ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߟߊ߫ ߞߎߡߊ߫ ߘߌ߫߸ ߊ߬ ߡߙߌߦߊ߫ ߘߏ߲߬ ߝߣߊ߫ ߕߍ߫، ߒߞߏ ߛߍ߬ߘߏ߲߬ߠߊ ߘߏ߫ ߟߋ߬ ߣߐ߬ ߊ߬ ߡߙߌߦߊ ߘߌ߫ ߟߊ߫ ߝߍߛߑߓߎߞ ߞߊ߲߬߸ ߒߞߏߞߏ ߞߊߡߊ߲ ߞߣߐ߫، ߊ߬ ߝߟߍ߫ :
ߒ ߧߋ߫ ߛߐ߰ ߟߊ߫ ߡߍ߲ ߝߟߐ߫ ߢߌߣߌ߲ ߡߊ߬ ߒߞߏߡߐ߮ ߟߎ߫ ߝߍ߬
ߊ߲ ߧߋ߫ ߘߍ߬ ߞߊ߬ ߡߊ߲߬ߘߋ߲߫ ߛߌ߲߬ߓߏ߲ ߞߎߟߎ߲ߖߋ߫ ߊ߬ ߟߊ߫ ߓߊ߯ߙߊ ߟߊ߫ ߡߍ߲ ߢߐ߲߰ ߕߎ߲߬ ߡߊ߫ ߞߍ߫ ߡߐ߰ ߓߟߏ߫ ߝߟߐ߫ ߞߊ߬ߦߌ߯ ߒߞߏ ߛߌ߲ߘߌ߫ ߘߊ߫ ߸ ߞߏ߫ ߕߍ߫ ߞߍ߫ ߟߴߊ߬ ߕߎ߬ߡߊ ߞߐ߫ ߞߘߐ ߟߋ߬ ߞߏ߫ ߞߏ߫ ߕߍ߫ ߞߍ߫ ߟߴߊ߬ ߖߍ߬ߘߍ߫ ߡߊ߬ ߦߋ߲߬ ߕߋ߲߬ ߜߊ߲ߛߊ߲߫ ߹ ߞߍߓߊ߯ ߕߊ߬ߡߌ߲߬ߣߍ߲ ߠߎ߬ ߣߴߊ߬ ߓߌ߲߬ߕߊ߭ ߟߎ߫ ߟߋ߬ ߘߎߢߊ߫ ߘߝߐ߬ ߟߊߞߊ߬ߟߌ߬ߕߊ ߓߍ߯ ߟߊ߫.
ߡߊ߰ߙߌ ߦߴߊ߲ ߞߍ߫ ߢߌ߬ߡߊ߬ ߞߍ߬ߟߊ߫ ߟߋ߬ ߘߌ߫ ߓߊߏ߬ ߘߐ߬ߝߐ ߕߍ߫ ߞߌ߬ߣߌ߲߬ߞߌ߬ߣߌ߲߬ ߠߊ߫ ߡߐ߰ ߛߌ߫ ߡߊ߫ 🙏🏿
߁߭ ߺ ߝߘߊ߬ߝߌ߲߬ߠߊ߫ ߣߊ߲߬ߞߌ߲߬ ߓߟߋߓߟߋ߫ ߝߌ߬ߟߊ ߢߊ ߓߐ߫ ߘߊ߫ ߟߋ߬ ߜߍ߫ ߞߋߟߋ߲߫ ߘߐ߫ ߓߊ߬ ߡߊ߲߬ߖߎ߫ ߣߌ߫ ߛߟߏ߬ߡߣߊ߬ ߞߊ߲ߕߍ߫ ߞߊ߬ߣߌ߲߬ ؟
ߊ߬ߥߐ߫ ߁߉߆߀ ߝߊ߲߭ ߝߍ߬ ߞߵߊ߬ߟߎ߫ ߛߌ߰ ߜߍ ߊ߬ ߣߌ߫ ߜߍ ߝߏ߫ ߞߊ߬ ߘߡߊߝߊ߬ߟߋ߲߬ ߒߞߏ߫ ߛߓߍߟߌ ߟߊߥߙߎߞߌ ߣߴߊ߬ ߟߊ߬ߞߎ߲߬ߠߌ߬ߛߌ߰ߦߊ߬ߟߌ ߞߍߢߊ ߟߎ߫ ߞߊ߲߬ ߡߊ߲߬ߖߎ߫ ߣߌ߫ ߞߊ߲ߕߍ߫ ߓߟߏ߫ ߞߊ߬ߣߌ߲߬ ߸ ߢߐ߲߯ߦߋ ߏ߬ ߘߏ߲߬ ߡߊ߫ ߝߐ߫ ߖߌ߬ߣߍ߫ ߡߊ߬ߞߟߐ߬ ߛߊ߲ߘߐ ߘߏ߫ ߟߎ߫ ߞߐ߫ ߓߊ߬ߙߌ߬ ߞߊ߬ߙߊ߲߬ߕߊ߬ ߞߎ߬ߘߊ߬ ߟߊ߬ߘߏ߲ ߣߌ߫ ߞߛߌ߬ߞߛߊ߬ߕߐ߬ߦߊ ߞߊ߬ ߡߊ߬ߞߟߐ߬ ߤߏߞߌ ߏ߬ ߟߎ߫ ߟߐ߬ ߡߊ߲߬ߖߎ߫ ߟߊߓߊ߲߬ ߞߊ߲ ߞߍ߫ ߟߊ߫ ߟߋ߬ ߞߏ߫ ߣߌ߫ ߡߊ߲߬ߖߎ߫ ߞߊ߬ ߒߞߏ ߕߊ߬ ߞߵߊ߬ ߞߍ߫ ߞߊ߬ߝߏ ߝߘߏ߬ߓߊ߬ ߛߓߍߟߌ ߘߌ߫ ߞߏ߫ ߛߌߦߊ ߕߐ߭ ߟߎ߬ ߘߌ߫ ߡߎߙߎ߲ߕߌ߫ ߥߟߊ߫ ߞߏ߫ ߊ߬ ߘߌ߫ ߝߐ߫ ߞߏ߫ ߡߊ߲߬ߖߎ߫ ߣߐ߬ ߖߡߊ߬ߣߊ ߟߊ߫ ߘߍ߲ߒߖߘߍߟߦߊ ߕߊ߬ ߟߴߊ߬ ߛߌߦߊ ߟߋ߬ ߟߊߝߛߊ߬ ߞߊ߲ߡߊ߬ ߸ ߡߊ߲߬ߖߎ߫ ߝߣߊ߫ ߞߵߊ߬ ߦߋ߫ ߡߍ߲ ߞߍ߫ ߛߓߍߟߌ߫ ߞߎߘߊ ߏ߬ ߞߊ߬ߙߊ߲߬ߘߋ߲߬ ߞߎ߬ߘߊ߬ߦߊ ߟߐ߯ ߕߍ߫ ߖߌ߬ߣߍ߫ ߡߊ߬ߞߟߐ߬ ߛߊ߲ߘߐ ߟߎ߬ ߟߊ߫ ߸ ߝߊ߬ߙߊ߲߬ߛߌ߫ ߘߏ߲߬ ߕߎ߲߬ ߓߘߊ߫ ߖߌ߬ߣߍ߫ ߡߊ߬ߞߟߐ߫ ߞߊ߬ߙߊ߲߬ߣߍ߲ ߛߌߦߊߡߊ߲߫ ߠߊߓߏ߬ߙߌ߬ ، ߏ߬ ߝߣߊ߫ ߛߌߟߊ߲߫ ߘߴߊ߬ ߣߌ߫ ߡߊ߬ߞߟߐ߫ ߕߐ߬ߣߍ߲߬ ߕߏߣߍ߲ ߏ߬ ߟߎ߬ ߟߊ߫ ߝߏߢߐ߯ߒߞߐ ߢߍ߫ ߞߵߊ߬ ߞߊ߲ߠߊߓߐ߫ ߛߟߏ߬ߡߣߊ߬ ߞߊ߲ߕߍ߫ ߡߊ߬ ߞߊ߬ ߛߍߝߊ߫ ߥߊ߯ ߦߙߌߞߊ߫ ߘߏ߫ ߘߴߊ߬ ߡߊ߬ ߞߵߏ߬ ߞߍ߫ ߊ߬ ߟߊߓߌ߬ߟߊ߬ߣߍ߲ ߘߌ߫ ߦߟߌߡߊ߲ߘߌߦߊ ߓߍ߯ ߞߐߝߍ߬ ߞߏ߫ ߞߊ߲ߕߍ߫ ߦߋ߫ ߥߴߊ߬ ߟߊ߫ ߓߊ߯ߙߊ ߡߊ߬ ߞߏ߫ ߒߞߏ ߘߌߣߵߊ߬ ߖߍ߬ߘߍ߫ ߕߊ߬ ߟߏ߲ ߘߏ߫ ߏ߬ ߓߍ߯ ߝߣߊ߫ ߞߐ߫ ߊ߬ ߞߊ߬ ߒߞߏ߫ ߞߝߊ ߘߏ߫ ߜߌ߬ߙߌ߲߬ߘߌ߬ ߛߟߏ߬ߡߣߊ߬ ߢߍ߫ ߜߌ߬ߙߌ߲߬ߘߌ߬ߘߊ ߔߊ߬ߕߙߌߛ ߟߎߡߎ߲ߓߊ߫ ߟߊ߫ ، ߡߊ߲߬ߖߎ߫ ߤߊ߲ߞߟߌ ߞߊ߬ ߟߏ߲ ߡߍ߲ ߦߋ߫ ߏ߬ ߟߏ߲ ߠߋ߬ ߣߊ߭ ߞߊ߲߬ ߕߋ߲߬ ߘߏߣߍ߲ߘߏߣߍ߲߫ ،
߂߲ ߺ ߡߊ߲߬ߛߊ߬ߦߊ ߞߍߕߊߓߊ߮ ߟߎ߬ ߣߌ߫ ߟߐ߲ߞߏߕߌ߮ ߞߍߕߊߓߊ߮ ߟߎ߫ ߞߊ߬ ߢߐ߲߯ ߦߋ߫ ߓߊ߬ ؟
ߤߊ߯ߟߌ߫ ߹ ߡߊ߲߬ߖߎ߫ ߣߌ߫ ߛߟߏ߬ߡߣߊ߫ ߟߎ߫ ߕߊ߬ߡߌ߲ ߞߐ߫ ߸ ߒߞߏ߫ ߘߍߞߙߎ߫ ߝߟߐ ߒ.ߢ.ߦ.ߘ ߛߌ߲߬ߝߏ߲ ߠߎ߬ ߝߣߊ߫ ߣߌ߫ ߞߊ߲ߕߌ߮ ߞߐ߲ߕߍ߬ ߞߊ߬ ߢߐ߲߮ ߦߋ߫ ߜߍ ߊ߬ ߣߌ߫ ߜߍ ߒߞߏ߫ ߞߎߙߣߊߞߏ ߖߊ߲߬ߖߏ߲߬ ߝߟߐ ߝߍ߬ ߂߀߀߁ ߠߊ߫ ߸ ߏ߬ ߟߎ߬ ߝߣߊ߫ ߣߌ߫ ߞߐ߲ߕߍ߬ ߞߊ߬ ߘߡߊߝߊ߬ߟߋ߲߬ ߒߞߏߞߏ ߦߙߐ߫ ߛߌߦߊߡߊ߲߫ ߞߊ߲߬ ߓߊ߬ߙߌ߬ ߡߐ߰ߓߊ߬ ߞߋߟߋ߲ ߏ߬ ߝߣߊ߫ ߞߵߊ߬ ߞߊ߲ߕߏ߫ ߝߏߘߋ߫ ߛߟߏ߬ߡߣߊ߬ ߞߍߕߊߓߊ߮ ߟߎ߫ ߡߊ߬ ߞߏ߫ ߊ߬ߟߎ߬ ߦߋ߫ ߥߊ߫ ߓߊ߯ߙߊ ߡߊ߬ ߞߏ߫ ߒߞߏ ߘߌߣߵߊ߬ ߖߍ߬ߘߍ߫ ߕߊ߬ ߟߏ߲ ߘߏ߫ ، ߒߞߏ߫ ߞߊߙߊ߲ ߣߌ߫ ߒߞߏ ߞߟߋߞߟߋ ߟߎ߬ ߣߴߊ߬ ߛߘߊߟߊߟߌ ߟߎ߬ ߣߴߊ߬ ߝߐ߰ߓߍ ߟߎ߫ ߞߊ߬ ߝߊ߲߬ߞߊ߫ ߛߐ߬ߘߐ߲ ߘߊߡߌ߬ߣߵ ߊ߬ߟߋ ߟߋ ߕߋ߬ߟߋ.
߃߲ ߺ ߡߎ߲߬ߘߐ߫ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߣߌ߫ ߒߞߏߡߐ߮ ߟߎ߬ ߡߊ߫ ߢߐ߲߮ ߦߋ߫ ؟
ߞߏߛߓߍ߫ ߡߍ߲ ߞߊ߬ ߓߍ߲߬ߛߋ߬ߒߡߊ ߛߐ߬ߘߐ߲߫ ߖߌ߬ߣߍ߬ ߞߊ߲ߕߌ߮ ߓߍ߯ ߘߌ߫ ߒߞߏߞߏ ߘߐ߫ ߞߊ߬ ߓߊ߲߫ ߞߊ߬ ߞߌߙߏ߲߫ ߒߞߏߞߏ ߘߐ߬ߝߐ ߘߐ߫ ߓߍ߯ ߘߌ߫ ߏ߬ ߟߋ ߊߟߌߝߊ߫ ߞߐ߲ߘߍ߫ ߘߌ߫ ߡߍ߲ ߣߌ߫ ߒߞߏߡߐ߮ ߟߎ߫ ߕߍ߲߬ ߦߋ߫ ߢߐ߲߮ ߓߟߏ߫ ߞߊ߬ ߞߐ߲߰ ߊ߬ ߟߊ߫ ߞߊ߲ߕߌ߯ߦߊ ߢߍ߫ ߞߏ߬ߣߌ߲߬ ߤߊ߲߯ ߞߵߊ߬ ߥߟߌ߫ ߞߊ߲ߕߌ߯ߦߊ ߟߊ߫ ߒߞߏߡߐ߮ ߟߎ߬ ߡߊ߫ ߓߍ߲߬ߛߋ߬ߒߡߊ߫ ߛߐ߬ߘߐ߲߬ ߞߵߊߟߌߝߊ߫ ߦߋ߫ ߡߎ߲߬ ߞߏߛߐ߲߬ ؟ ߘߎ߲ߓߎ ߞߊ߲ߕߌ߮ ߘߏ߲߬ ߓߎ ߕߘߍ߬ ߦߴߊ߬ ߝߊ߬ߘߌ߬ ߞߣߐ߬ߜߍ߲߬ߘߋ߲߬ ߜߐߞߎ ߟߋ߬ ߘߌ߫ ߤߊߟߌ ߣߌ߫ ߘߍ߬ߞߙߎ߬ ߜߘߍ߫ ߕߎ߲߬ ߡߴߊ߬ ߦߋ߫ ߓߊ߬ߙߌ߬ ߘߎ߲ߓߎ ߛߌ߲߬ߝߏ߲ ߠߎ߫ ߕߎ߲߬ ߘߌ߫ ߛߴߊ߬ ߦߋ߫ ߟߊ߫ ߒߞߏߡߐ߮ ߓߍ߯ ߕߐ߯ߘߐ߫ ߸ ߓߊ߬ߙߌ߬ ߏ߬ ߘߐ߬ߝߐ ߓߘߊ߫ ߘߊ߲߬ ߞߍ߫ ߞߊ߬ ߓߊ߲߫ ، ߊ߬ ߞߏ߬ߣߌ߲ ߝߣߊ߫ ߕߍ߲߬ ߦߋ߫ ߒߞߏ ߛߘߊߟߊߞߏ߫ ߞߋ߬ߟߋ߲߬ߞߋߟߋ߲ ߠߎ߬ ߞߍ߫ ߟߴߊ߬ ߟߊ߫ ߞߟߊ߫ ߞߣߐ߫ ߞߎߡߊ ߟߎ߬ ߘߐ߫ ߛߐ߲߬ ߡߍ߲ ߜߟߍ߬ߦߊ߬ ߘߴߏ߬ ߓߍ߯ ߘߌ߫ ߊߟߌߝߊ߫ ߞߐ߲ߘߍ߫ ߡߊ߫ ߛߋ߫ ߒߞߏ ߟߊߘߏ߲߬ߞߏ ߞߐߡߊߓߌ߲ߓߌ߲߫ ߠߊ߫ ߝߊ߬ߛߏ߬ ߜߙߊ ߟߊ߫ ߂߀߁߈ / ߁߉ ߕߍߟߊ ߘߐ߫ ߝߛߍߞߘߎ߫ ߹ ߣߴߏ߬ ߕߍ߫ ߊ߬ ߝߣߊ߫ ߕߐ߮ ߕߎ߲߬ ߘߌ߫ ߓߏ߲߬ߧߊ߬ ߒߞߏ ߟߊ߫ ߘߐ߬ߝߐ ߞߣߐ߫ ߕߘߍ߬ ߓߍ߯ ߘߌ߫ ߞߏ߬ߣߌ߲߬ ߥߊߦߌߞߊ߫ ߹
߄߲ ߺ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߌ߫ ߒߞߏߡߐ߮ ߟߎ߬ ߘߌ߫ ߛߋ߫ ߢߐ߲߮ ߦߋ߫ ߟߊ߫ ߓߊ߬ ؟
ߞߏߛߓߍ߫ ߡߊ߲߬ߘߋ߲߫ ߛߊ߲߬ߘߊ ߞߊ߲߫ ߠߋ߬ ߞߏ߫ ߘߓߌ߬ߓߏ߲ ߣߴߊ߬ ߡߏ߬ߛߏ ߕߍ߫ ߛߌ߰ ߟߊ߫ ߦߙߌ߫ ߞߋߟߋ߲߫ ߠߊ߫ ߓߊ߬ߙߌ߬ ߞߏ߫ ߊ߬ߟߎ߬ ߦߟߌ ߟߎ߬ ߦߋ߫ ߢߐ߲߮ ߞߐ߫ ߗߐ߫ ߹ ߤߊߟߌ ߣߴߊ߬ ߡߊ߫ ߞߍ߫ ߝߟߐ߫ ߓߊ߬ߙߌ߬ ߣߴߊ߬ ߣߊ߬ ߘߊ߫ ߞߍ߫ ߟߏ߲ ߡߍ߲ ߏ߬ ߕߍ߫ ߓߊ߬ߙߊ߫ ߡߐ߰ ߘߐ߫ ، ( ߏ߬ ߘߐ߫ ߒߠߋ ߖߌ߯ߓߊ߫ ߥߊ߲߬ߞߙߊ ߛߌ߬ߛߋ ߝߙߊ߬ߓߊ߬ߘߐ߬ߞߊ ߦߋ߫ ߒ ߓߟߏ ߕߏ߫ ߟߊ߫ ߞߊ߬ߟߊ ߞߊ߲߬ ߦߊ߲߬ ߞߊ߬ ߒ ߞߊ߲ߠߊߓߐ߫ ߖߌ߬ߣߍ߬ ߞߊ߲ߞߏ ߛߍ߬ߘߏ߲߬ߠߊ ߟߎ߫ ߡߊ߬ ߦߊ߲߬ ߒߞߏ ߣߴߊߘߑߟߊߡ ߣߌ߫ ߘߴߏ߬ ߟߎ߬ ߸ ߊ߲ ߧߋ߫ ߘߍ߬ ߞߊ߬ ߟߊ߬ߕߍ߰ߦߊ ߣߌ߲߬ ߞߍ߫ ߓߍ߲߬ߛߋ߬ߒߡߊ ߘߌ߫ ߞߊ߬ ߞߊ߲ߕߌ߮ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋߞߏ ߟߊߢߌߣߌ߲߫ ߕߎ߬ߡߊ߬ ߛߌߦߊߡߊ߲ ߘߐ߫ ߘߊ ߘߌ߫ ߟߊߞߵߊ߲ ߧߋ߫ ߸ ߣߴߏ߬ ߘߏ߲߬ ߡߊ߫ ߛߋ߫ ߓߍ߲߬ ߠߊ߫ ߝߣߊ߫ ߸ ߣߌ߫ ߢߐ߲߯ߦߋ ߟߊ߬ߢߌߣߌ߲ ߠߎ߬ ߓߍ߯ ߛߋ߫ ߘߊ߫ ߓߐ߫ ߟߊ߫ ߢߊ߫ ߟߊ߫ ߏ߬ ߝߣߊ߫ ߘߌ߫ ߥߛߊ߬ ߞߍ߫)
ߞߎߡߊ ߞߵߊ߲ ߕߍ߬ߘߍ߫ ߦߋ߲߬ ߠߋ߬ ߸ ߏ߬ ߘߐ߫ ߕߎ߬ߢߊ߬ ߜߍ ߦߋ߫ ߡߍ߲ ߘߌ߫ ߸ ߒ߬ ߠߊ߫ ߞߊ߲ߕߌ߯ ߞߘߐ߫ ߕߊ߬ߡߌ߲߬ߣߍ߲ ߠߎ߫ ߕߎ߲߬ ߛߌߟߊ߲ߣߍ߲߫ ߕߐ߯ ߞߏߙߏ߲ ߣߌ߫ ߘߊ߲ߕߌߢߍߟߌ ߣߌ߫ ߝߛߏ߬ߝߛߊ ߡߍ߲ ߢߍ߫ ߒߞߏߞߏ ߘߐ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߵߊ߬ ߥߞߊ߬ߟߌ߬ ߟߊ߫ ߏ߬ ߟߋ ߟߊ߫ ، ߡߊ߲߬ߘߋ߲߫ ߖߋ߬ߟߌ߬ ߗߍ߬ ߘߏ߲ߘߏ߲ ߘߏ߫ ߞߊ߲߫ ߏ߬ ߟߋ ߘߐ߫ ߞߏ߫ ߊ߬ ߓߊ߯ ߡߍ߲߫ ߝߐ߫ ߟߊ߫ ߘߎߢߊ߫ ߞߣߐ߫ : ߞߏ߫ ߣߌ߲߬ ߢߐ߲߰ ߡߊ߫ ߘߊ߬ߙߌ߬ ߞߍ߫ ߟߊ߫ ߸ ߞߏ߫ ߊ߬ ߢߐ߲߰ ߞߍ߫ ߘߋ߲ ߠߋ߬ ߕߎ߲߬ ߡߊ߫ ߛߐ߬ߘߐ߲߬ ߝߟߐ߫ ، ( ߡߊ߰ߙߌ ߦߋ߫ ߕߌ߬ߢߍ ߛߎߡߊ߫ ߡߏߙߌ߫ ߖߋ߬ߟߌ߬ ߞߎߦߊߕߍ߫ ߛߟߐߡߌ߲ ߞߘߐ߫ ߘߌ߲߬ߞߌߙߊ ߏ߬ ߘߐ߫) ߞߍߓߊ߮ ߟߋ߬ ߘߎߢߊ߫ ߘߝߐ߬ߓߊ ߓߍ߯ ߟߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߐ߬ ߓߍ߲߬ߛߋ߬ߒߡߊ ߡߍ߲ ߛߐ߬ߘߐ߲߬ ߠߊ߫ ߖߡߊ߬ߣߊ ߣߌ߲߬ ߛߌߣߌ߲ߢߍߛߌ߮ ߘߐ߫ ߒ ߡߊ߫ ߟߴߊ߬ ߟߊ߫ ߣߴߊ߬ ߘߌ߫ ߛߐ߲߬ ߏ߬ ߦߋ߫ ߥߊ߫ ߞߵߊ߬ ߕߏ߫.
ߥߊߟߢߌߡߊߟߐ߲ ߝߏ߬ߟߌ߬ ߞߙߍߞߙߍߣߍ߲ ߟߋ߬ ߣߌ߲߬ ߞߵߊ߬ ߢߍߛߌ߲߫ ߛߟߊߕߌ߮ ߡߐ߬ߟߐ߲߬ߡߊ ߡߊ߬ߓߏ߲߬ߧߊ߬ߕߊ ߣߝߊ߬ߖߌ߫ ߛߏ߬ߙߌ߬ ߞߐ߲ߘߍ߫ ߡߊ߬ ߹ ߛߟߊߕߌ߮ ߡߐ߬ߟߐ߲߬ߡߊ ߣߌ߲߬ ߠߋ߬ ߟߊ߫ ߘߙߎ߬ߞߕߐ ߣߴߊ߬ ߟߊ߫ ߕߌߙߌ߲ߠߌ߲ ߞߐߝߟߌ ߦߋ߫ ߟߊ߬ߥߛߊ ߣߌ߲߬ ߛߌߦߊߡߊ߲߫ ߘߌ߫ ߒߞߏߡߐ߮ ߟߎ߬ ߕߐ߯ߘߐ߫ ߸ ߏ߬ ߘߐ߫ ߡߐ߰ ߕߊ߲߬ߘߏ߬ ߟߏ߲ ߓߍ߯ ߞߣߊ߫ ߕߏ߫ ߊ߬ ߛߎ߬ߞߏ߬ߦߊ߬ ߟߏ߲ ߠߊ߫ ، ߛߟߊߕߌ߮ ߞߎߟߎ߲ߖߋ߫ ߛߍ߬ߘߏ߲߬ߠߊ ߡߊ߲߬ߘߋ߲߫ ߦߋ߫ ߞߏߛߓߍ߫ ߘߐ߬ߝߐ ߓߘߊ߫ ߓߊ߲߫ ߊ߬ ߕߐ߮ ߛߓߍ߫ ߟߊ߫ ߛߊߣߌ߲߫ ߖߌ߫ ߞߏ߬ߙߌ߬ߞߏ߬ߙߌ߬ߓߊߟߌ ߟߊ߫ ، ߊ߬ߟߋ ߟߋ ߦߴߊ߬ ߝߐ߫ ߟߊ߫ ߒ߬ ߠߊ߫ ߡߊ߬ߞߟߐ ߟߎ߬ ߦߋ߫ ߛߐ߲߬ ߞߏ߫ ߊߟߎ߫ ߘߌ߫ ߛߋ߫ ߡߍ߲ ߠߊ߫ ߝߊ߬ߛߏ߬ߞߊ߲߬ߞߏ ߘߐ߫ ߊߟߎ߫ ߦߴߏ߬ ߞߍ߫ ߸ ߓߊߏ߬ ߞߏ߫ ߊߟߎ߫ ߣߊ߬ߣߍ߲߫ ߘߏ߫ ߟߋ߬ ߣߐ߭ ߘߐ߫ ߘߏ߫ ߟߋ߬ ߝߣߊ߫ ߣߊ߬ߕߐ߫ ߊߟߎ߫ ߣߐ߭ ߘߐ߫ ، ߌ ߓߊ߯ ߡߍ߲ ߞߍ߫ ߞߵߏ߬ ߟߋ ߓߌ߬ߟߊ߬ ߟߴߌ ߟߊ߫ ߘߐ߬ߝߐ ߘߐ߫ ߣߴߌ ߡߊ߫ ߡߍ߲ ߞߍ߫ ߏ߬ ߕߐ߮ ߕߍ߫ ߟߴߌ ߟߊ߫ ߝߛߍߞߘߎ߫ ߹ ߏ߬ ߦߋ߫ ߕߎ߬ߢߊ߬ ߘߌ߫.
ߒߞߏߡߐ߮ ߟߎ߬ ߊ߲ ߧߋ߫ ߒ߬ ߢߐ߲߮ ߞߐߡߊߓߌ߲ߓߌ߲߫ ߒߞߏ ߟߊߥߙߎߞߌ ߘߐ߫ ߤߊߟߌ ߣߴߊ߲ ߕߍ߫ ߡߙߌߦߊ߫ ߞߋߟߋ߲߫ ߞߊ߲߬ ߓߊ߬ߙߌ߬ ߒ߬ ߓߍ߯ ߟߊ߫ ߝߘߏ߬ߓߊ߬ ߢߍߥߟߊ ߦߋ߫ ߒߞߏ ߟߊߥߙߎߞߌ ߡߍ߲ ߘߌ߫ ߊ߲ ߧߋ߫ ߒ߬ ߢߐ߲߮ ߞߐߡߊߓߌ߲ߓߌ߲߫ ߏ߬ ߘߐ߫ ߝߛߊߦߌ߫ ߹ ߞߊ߬ߕߎ߲߯ ߸ ߢߐ߲߯ ߘߐߝߏ߲߯ߓߌ ߣߌ߫ ߢߐ߲߯ ߠߊ߫ ߢߍߥߟߊ߫ ߘߊ߲ߕߌߢߍ ߦߋ߫ ߒߞߏ ߟߊߥߙߎߞߌ ߣߴߊ߬ ߟߊ߫ ߢߍߕߊ߮ ߟߋ߬ ߟߊߣߐ߯ ߟߊ߫ ، ߊ߲ ߧߋ߫ ߛߍ߲ߓߊ߫ ߡߊߝߟߍ߫ ߞߊ߲ߞߊ߲߫ ߤߊߟߌ ߣߌ߫ ߛߍ߲ߓߊ߫ ߞߵߊ߬ ߟߊ߫ ߘߐ߯ߦߡߊ ߦߴߌ ߟߊ߫ ߖߊ߲߬ߖߏ߲ ߘߐ߫ ߓߊ߬ߙߌ߬ ߣߌ߫ ߒߞߏ ߟߊߥߙߎߞߌ ߣߴߊ߬ ߟߊ߫ ߢߍߕߊ߯ߞߏ ߟߋ߬ ߊ߬ߟߎ߬ ߘߴߊ߬ߟߎ߬ ߢߊ ߡߊߛߌ߬ ߞߵߊ߬ ߘߐߘߌߦߊ߫ ߒߞߏ ߟߊ߫ ߢߍߕߊ߮ ߞߏߛߐ߲߬ ߸ ߏ߬ ߟߋ ߘߏ߲߬ ߦߴߊ߬ ߞߍߢߊ߫ ߢߌߡߊ ߘߌ߫ ߡߍ߲ ߘߌ߫ ߞߊߟߌߦߊ߫ ߒߞߏ ߟߊߛߋ߫ ߟߴߊ߬ ߛߋ߫ ߦߌߟߊ ߖߏߣߊ߫ ،
ߝߏ߫ ߊ߲ ߧߴߊ߬ ߟߐ߲߫ ߠߋ߬ ߞߏ߫ ߒߞߏߟߊ߲ߜߏ ߟߎ߬ ߟߊ߫ ߖߎ߯ߦߊ ߕߍ߫ ߝߏߦߌ ߕߌߢߍ߫ ߟߊ߫ ߒߞߏ ߟߊ߫ ߢߝߍߕߊ߮ ߘߐ߫ ߓߊ߬ߙߌ߬ ߒߞߏ ߛߍ߬ߘߏ߲߬ߠߊ ߟߎ߫ ߖߍ߬ߘߍ ߟߊ߫ ߢߐ߲߯ ߖߎ߯ߦߊ ߟߋ߬ ߒߞߏ ߟߊߣߐ߯ ߟߊ߫ ، ߏ߬ ߟߋ ߘߐ߫ ߒߠߋ ߖߌ߯ߓߊ߫ ߥߊ߲߬ߞߙߊ ߛߌ߬ߛߋ ߦߴߊ߬ ߝߐ߫ ߟߊ߫ ߛߐ߲߬ ߒ ߞߏ߫ ߒߞߏ ߘߌ߫ ߛߎߘߊ߲߫ ߣߌ߫ ߒߞߏߡߐ߮ ߟߎ߬ ߡߊ߫ ߞߌߙߏ߲߫ ߹ ߒߞߏߡߐ߮ ߟߎ߫ ߟߋ߬ ߘߏ߲߬ ߞߊߟߌߡߊ߲߫ ߢߐ߲߮ ߠߊߞߌߙߏ߲߫ ߠߊ߫ ، ߏ߬ ߘߐ߫ ߒ ߠߊ߫ ߝߏ߬ߟߌ ߦߋ߫ ߒߞߏ ߟߊߥߙߎߞߌ ߛߍ߬ߘߏ߲߬ߠߊ ߟߎ߬ ߓߍ߯ ߦߋ߫ ߞߐߘߍ߫ ߒ ߓߘߊ߫ ߞߊ߬ߟߊ ߟߊߟߐ߬ ߦߊ߲߬.
ߞߊ߲ߕߌ߮ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫ ߓߊߟߏ߫
ߒߞߏ ߣߌ߫ ߒߞߏ ߛߍ߬ߘߏ߲߬ߠߊ ߟߎ߬ ߦߋ߫ ߓߊߟߏ߫
ߝߊ߬ߛߏ ߦߋ߫ 💪🏿💪🏿💪🏿
ߊߟߎ߫ ߣߌ߫ ߖߐ߫ ߘߏ߲߯ ߹߹߹
Aucun commentaire pour le moment.