ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߟߋ߬ ߁߸ ߝߘߊ߬ߝߌ߲߬ߟߊ߲߬ߘߌ ߣߌ߫ ߞߙߎߝߊߟߊ߲ߘߌ ߘߏ߫ ߓߘߊ߫ ߞߎߡߊ߫ ߝߊ߬ߛߏ߬ߞߊ߲߬ ߞߏ ߞߊ߲߬ ߸ߞߵߊ߬ ߦߌ߬ߘߊ߬ ߞߏ߫ ߣߌ߫ ߛߏ߬ߛߏ߬ ߞߊ߲ ߛߎߥߊ߲ߘߌ߫ ߟߊ߫ ߖߌ߬ߣߍ߬ ߞߣߐ߫ ߞߵߊ߬ ߞߍ߫ ߞߎ߲߬ߠߊ߬ߛߌ߰ ߞߊ߲ ߘߌ߫߸ߏ߬ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߖߌ߬ߣߍ߬ ߞߊ߲ߓߍ߲ ߟߢߊߙߊ߲߫ ߞߏ߫ ߛߘߍߡߊ߲߫ ߘߐ߫.

ߡߌ߬ߤ߭ߌ߲ߘߋ߬ ߘߊ߯ߟߌߘߋ߬ ߞߊ߲߫ ߞߏ߫ :

<< ߣߴߊ߬ ߡߊ߫ ߢߊ߬ ߒߠߋ ߦߋ߫ ߝߘߊ߬ߝߌ߲߬ߟߊ߲߬ߘߌ ߣߌ߫ ߞߙߎߝߊߟߊ߲ߘߌ ߟߋ߬ ߘߌ߫߸ ߏ߬ ߘߐ߫ ߡߍ߲ ߥߊߕߐ߫ ߓߍ߲߬ ߠߊ߫ ߖߌ߬ߣߍ߬ ߞߊ߲ߓߍ߲ ߞߎ߲߬ߠߊ߬ߛߌ߰ ߞߊ߲߬ ߞߏ ߡߊ߬ ߸ߏ߬ ߕߍ߫ ߞߏ߫ ߘߌ߫ ߡߍ߲ ߟߐ߬ߣߍ߲߫ ߖߌ߬ߣߍ߫ ߓߌ߬ߟߊ߬ߡߊ ߘߐߙߐ߲߫ ߡߊ߬ ߘߋ߬ ߸ߒ߬ߞߵߊ߬ ߞߏ ߟߐ߬ߟߍ߲߫ ߊ߲ ߠߊ߫ ߡߌ߬ߙߌ߲߬ߘߌ ߟߊ߫ ߛߌߣߌ߲߫ ߣߊ߬ߕߐ ߟߋ߬ ߡߊ߬ ߝߘߊ߬ߝߌ߲߬ߠߊ߬ ߞߎߝߊ߫ ߖߡߊߣߊ߫ ߣߊ߬ߕߐ ߘߐ߫ . 

ߣߴߊ߲ ߞߊ߫ ߞߊ߲߫ ߞߊ߬ ߞߊ߲߫ ߞߋߟߋ߲߫ ߛߎߥߊ߲ߘߌ߫ ߞߵߊ߬ ߞߍ߫ ߖߌ߬ߣߍ߬ ߞߊ߲ߓߍ߲ ߞߎ߲߬ߠߊ߬ߛߌ߰ ߞߊ߲ ߘߌ߫߸ߒߠߋ ߕߴߊ߬ ߝߍ߬ ߝߋߎ߫ ߊ߬ ߦߋ߫ ߞߍ߫ ߛߏ߬ߛߏ߬ ߞߊ߲ ߘߌ߫. 

ߞߵߊ߬ ߕߘߍ߬ ߖߐ߫ ߒߠߋ ߖߍ߬ߘߍ ߛߌߡߌ߲ߞߊ߲ ߦߋ߫ ߛߏ߬ߛߏ߬ ߞߊ߲ ߠߋ߬ ߘߌ߫ ߝߛߊߦߌ߫. 

 ߡߎ߲߬ ߘߐ߫ ߊ߬ ߡߊ߲߫ ߞߊ߲߫ ߞߊ߬ ߞߍ߫ ߛߏ߬ߛߏ߬ ߞߊ߲ ߘߌ߫ ؟

ߛߏ߬ߛߏ߬ ߞߊ߲ ߦߋ߫ ߞߊ߲߫ ߕߣߐ߬ߡߊ߬ߓߊ ߣߌ߫ ߤߟߊ߬ߟߊ ߟߋ߬ ߘߌ߫߸ߓߊ߬ߙߌ߬ ߥߊߦߌߞߊ߫ ߹ ߊ߬ ߥߊߕߐ߫ ߟߋ߬ ߖߌ߬ߣߍ߬ ߕߏ߫ ߟߴߊ߬ ߞߋߟߋ߲߫ ߠߊ߫ ߞߙߎߝߊ߫ ߖߡߊߣߊ߫ ߘߐ߫߸ ߞߊ߲ ߏ߬ ߡߍ߲ ߦߋ߫ ߝߐ߫ ߟߊ߫ ߖߌ߬ߣߍ߫ ߖߍ߬ߘߍ ߘߐ߫ ߞߊ߬ߣߌ߲߬߸ߣߴߊ߬ ߝߐߓߊ߮ ߕߜߋ߫ ߛߌ߰ߢߐ߲߰ ߖߡߊߣߊ߫ ߕߐ߭ ߟߎ߬ ߘߐ߫ ߸ ߦߏ߫ ߛߋߙߊ߫ ߟߌߦߐ߲߫ ߥߟߊ߫ ߖߌ߬ߣߍ߫ ߓߌ߬ߛߊ߬ߥߏ߬. 

 ߊ߬ߟߋ ߝߐߓߊ߮ ߡߊ߲߫ ߛߌߦߊ߫ ߦߏ߫ ߡߊ߬ߣߌ߲߬ߞߊ߬ߞߊ߲ ߊ߬ ߣߌ߫ ߝߎߟߊߞߊ߲. 

ߏ߬ ߘߐ߫ ߞߊ߬ ߛߏ߬ߛߏ߬ ߞߊ߲ ߘߐߙߐ߲߫ ߛߎߥߊ߲ߘߌ߫ ߞߵߊ߬ ߞߍ߫ ߞߎ߲߬ߠߊ߬ߛߌ߰ ߞߊ߲ ߘߌ߫߸ߏ߬ ߦߋ߫ ߖߌ߬ߣߍ߬ ߟߢߊߙߊ߲߫ ߠߊ߫ ߟߋ߬ ߕߍ߬ߘߍ ߘߐ߫ ߖߡߊ߬ߣߊ ߕߐ߭ ߟߎ߬ ߕߌ߲߬ߞߎߘߎ߲ ߘߐ߫.

 

ߏ߬ ߟߊߒߡߊ߫ ߘߏ߫ ߟߋ߬߸ߣߌ߫ ߛߣߍ߬ߜ߭ߊߟ ߞߊ߬ ߥߟߐߝߐ ߘߐߙߐ߲߫ ߛߎߥߊ߲ߘߌ߫ ߕߋ߲߬ ߸ ߏ߬ ߝߣߊ߫ ߥߊߕߐ߫ ߟߋ߬ ߛߣߍ߬ߜ߭ߊߟ ߝߣߊ߫ ߟߊߞߋ߲߬ߛߎ߬ ߟߊ߫߸ߓߊߏ߬ ߥߟߐߝߐ ߕߍߣߊ߬ ߕߍߓߊ߯ߦߊ ߛߌ߫ ߟߊߘߏ߲߬ ߠߴߊ߬ ߣߌ߫ ߖߡߊ߬ߣߊ ߕߐ߭ ߟߎ߬ ߕߍ߫ ߸ ߦߏ߫ ߡߊ߬ߟߌ ߣߌ߫ ߓߙߎߞߌߣߊ߫ ߥߟߊ߫ ߖߌ߬ߣߍ߬. 

ߡߊ߬ߣߌ߲߬ߞߊ߬ߞߊ߲ ߥߟߊ߫ ߝߎߟߊߞߊ߲ : ߞߊ߲ ߡߍ߲ ߠߎ߬ ߦߋ߫ ߡߐ߱ ߟߎ߬ ߟߊߘߍ߬ ߟߊ߫. 

ߒ߬ߓߊ߬ ߸ߏ߬ ߟߎ߬ ߦߋ߫ ߞߊ߲߫ ߠߎ߫ ߟߋ߬ ߘߌ߫ ߡߍ߲ ߠߎ߬ ߦߋ߫ ߝߐ߫ ߟߊ߫ ߖߡߊ߬ߣߊ߬ ߛߘߍߡߊ߲߫ ߘߐ߫.

ߊ߬ߟߎ ߟߋ߬ ߓߌ߬ߟߊ߬ߢߐ߲߰ߡߊ߬ ߞߊ߲ ߘߌ߫ ߡߌ߬ߙߌ߲߬ߘߌ߬ ߛߘߍߡߊ߲߫ ߠߎ߬ ߣߌ߫ ߢߐ߲߯ ߕߍ߫. 

ߡߊ߬ߣߌ߲߬ߞߊ߬ߞߊ߲ ߦߋ߫ ߖߌ߬ߣߍ߬ ߣߌ߫ ߡߊ߬ߟߌ ߣߌ߫ ߜߋ߲ߞߐ߬ߖߌ߬ߘߊ ߣߌ߫ ߛߣߍ߬ߜ߭ߊߟ ߣߌ߫ ߜ߭ߊ߲ߓߌ߫ ߣߌ߫ ߓߙߎߞߌߣߊ߫  ߟߎ߬ ߟߊߞߊ߬ߝߏ߬  ߟߊ߫ ߞߵߊ߬ߟߎ߫ ߓߌ߬ߟߊ߬ ߢߐ߲߮ ߡߊ߬.

ߝߎߟߊߞߊ߲ ߝߣߊ߫ ߦߋ߫ ߖߌ߬ߣߍ߬ ߣߌ߫ ߛߣߍ߬ߜ߭ߊߟ ߣߌ߫ ߡߊ߬ߟߌ ߣߌ߫ ߡߏߙߌߕߊߣߌ߲߫ ߣߌ߫ ߖߋ߬ߟߌ߬ߓߊ߬ߘߎ߯ ߣߌ߫ ߖߋ߬ߟߌ߬ߓߊ߬ߟߊ߫ ߓߌ߬ߟߊ߬ ߟߊ߫ ߢߐ߲߮ ߡߊ߬ ߤߊߟߌ߬ ߞߊߡߋߙߎ߲ߣ ߖߍ߬ߘߍ ߝߣߊ߫.

ߞߊ߬ ߡߊ߬ߣߌ߲߬ߞߊ߬ߞߊ߲ ߣߌ߫ ߝߎߟߊߞߊ߲ ߠߎ߬ ߛߎߥߊ߲ߘߌ߫߸ߦߏ߫ ߊ߬ ߞߵߊ߬ ߞߍ߫ ߖߌ߬ߣߍ߫ ߞߎ߲߬ߠߊ߬ߛߌ߰ ߞߊ߲ ߘߌ߫ ߸ ߏ߬ ߞߘߐ߫ ߕߍ߫ ߘߋ߬ ߞߏ߫ ߢߌ߬ߣߊ߬ ߞߍߣߍ߲߫ ߠߋ߬ ߞߊ߲ ߕߐ߭ ߟߎ߬ ߞߐ߫. 

ߏ߬ ߞߘߐ ߟߋ߬ ߞߏ߫ ߞߊ߬ ߞߊ߲ ߘߏ߫ ߟߎ߫ ߟߋ߬ ߛߎߥߊ߲ߘߌ߫، ߡߍ߲ ߘߌ߫ ߘߍ߬ߡߍ߲߬ߠߌ߲ ߞߍ߫ ߞߊ߬ ߖߌ߬ߣߍ߬ ߣߌ߫ ߖߡߊ߬ߣߊ ߕߐ߭ ߟߎ߬ ߟߊߘߍ߰. 

.

ߞߊ߲ ߕߐ߬ߣߐ ߞߊ߫ ߓߏ߲߬ ߓߊߟߋ߬ ߞߵߊ߬ ߓߍ߲߬ ߡߐ߱ ߟߎ߬ ߟߊ߫ ߘߍ߭ ߡߊ߬. 

ߝߏ߫ ߞߊ߬ ߞߊ߲ ߠߎ߬ ߟߋ߬ ߛߎߥߊ߲ߘߌ߫ ߡߍ߲ ߠߎ߬ ߘߌ߫ ߓߐߕߏ߲ ߠߎ߬ ߟߊߞߊ߬߸ߓߊ߬ߙߌ߬ ߡߍ߲ ߘߌ߫ ߓߐߕߏ߲ ߠߎ߬ ߘߊ ߕߎ߲߰  ߏ߬ ߟߎ߬ ߞߏ߫ ߕߍ߫. 

ߖߌ߬ߣߍ߬ ߞߋߟߋ߲߫ ߡߊ߲߫ ߞߊ߲߫ ߞߊ߬ ߕߏ߫ ߸ ߊ߬ ߞߊ߫ ߞߊ߲߫ ߠߋ߬ ߞߊ߬ ߛߌߟߊ ߦߌ߬ߘߊ߬. >>

ߡߌ߬ߤ߭ߌ߲ߘߋ߬ ߘߊ߯ߟߌ߲ߘߋ߬ ߟߋ߬ ߞߊ߲߫ ߕߋ߲߬ ߸ ߊ߬ߟߋ ߡߍ߲ ߦߋ߫ ߝߘߊ߬ߝߌ߲߬ߟߊ߲߬ߘߌ ߣߌ߫ ߞߙߎߝߊߟߊ߲ߘߌ ߘߌ߫ ߖߌ߬ߣߍ߬. 

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߟߊ߫ ߘߟߊߡߌߣߊߟߌ ߟߋ߬