ߡߊ߬ߙߌ߬ߝߊ߬ ߕߋ ߟߋ߬ ߞߍ߫ ߘߊ߫ ߝߘߊ ߒߜ߭ߎߙߑߡߊ߫ ߘߎ߱ ߞߣߐ߫ ߞߍ߲ߘߍߟߏ߲ ߂߀߂߆ ߞߏ߲ߞߏߘߓߌ ߕߟߋ߬ ߁߁ ߡߊ߬߸ ߦߋ߲߬ ߦߋ߫ ߓߙߎߞߌߣߊ߫ ߝߊ߬ߛߏ߫ ߕߟߋ߬ߓߐ ߟߋ߬ ߘߐ߫، ߞߊ߬ߕߎ߲߯߸ ߣߊ߲߬ߕߌ߮ ߘߏ߫ ߟߋ߬ ߞߊ߬ ߡߊ߬ߙߌ߬ߝߊ ߝߏߘߏ߲߫ ߡߐ߰ ߝߌ߬ߟߊ߫ ߞߊ߲߬ ߦߋ߲߬، ߕߏߟߏ߲߫ ߦߙߐ ߘߏ߫ ߟߋ߬ ߘߎ߱ ߞߣߐ߫߸ ߊ߬ߟߎ߬ ߦߴߊ߬ ߞߟߌ߫ ߟߊ߫ ߞߏ߫ : <<ߏߓߍߙߖ߭ ߊߝ߭ߋߣߌߙ>> ߝߊߕߎߘߊ ߟߋ߬ ߦߴߊ߬ ߘߌ߫، ߒ߬ߓߊ߬߸ ߣߊ߲߬ߕߌ߰ߗߍ ߣߌ߲߬ ߞߵߊ߬ ߟߊ߫ ߡߊ߬ߙߌ߬ߝߊ ߟߊߓߐ߫ ߊ߬ ߞߎ߲߬ ߦߋ߲߬ ߠߋ߬߸ ߞߊ߬ ߓߋߣߍ߲ߞߊ߫ ߘߋ߲ߡߛߏ ߘߏ߫ ߓߏ߲߫߸ ߊ߬ ߣߌ߫ ߛߏ ߏ߬ ߖߍ߬ߘߍ ߞߣߐ߫ ߞߊ߲ߡߋߙߋ߲ ߘߏ߫߸ ߞߵߏ߬ ߟߎ߬ ߟߊ߫ ߞߏ ߟߊߛߴߊ߬߬ ߘߊ߲߭ ߠߊ߫ ߞߟߋ߬ߦߊ ߞߏߛߐ߲߬.

ߓߊߏ߬߸ ߊ߲ ߠߊ߫ ߟߌ߬ߤߟߊ߬ ߟߊߘߍ߬ߣߍ߲߫ ߞߎ߲߬ߝߟߐ ߟߎ߬ ߘߐ߫߸ ߣߊ߲߬ߕߌ߰ߗߍ ߘߏ߲߬ ߘߊ߫ ߡߊߞߌ ߞߣߐ߫ ߟߋ߬߸ ߞߵߊ߬ ߞߎ߲߬ߛߌ߲߫ ߊ߬ ߟߊ߫ ߘߋ߲ߡߛߏ ߣߴߊ߬ ߖߋ߬ߕߌ߰ߗߍ߬ ߜߘߍ ߏ߬ ߟߊ߫ ߌߞߘߐ߫، ߛߙߋߦߊ ߘߏ߫ ߕߘߍ߬ ߞߣߍ ߞߊ߲߬߸ ߏ߬ ߟߊ߫ ߝߟߐߟߌ ߝߟߍ߫: <<ߣߊ߲߬ߕߌ߰ߗߍ ߘߏ߫ ߟߋ߬ ߣߊ߬ ߘߊ߫ ߕߋ߲߬߸ ߊ߬ ߞߍߣߍ߲߫ ߦߏ߫ ߊ߬ ߦߋ߫ ߓߊ߯ߙߊ߫ ߘߎ߱ ߞߣߐ߫ ߟߋ߬، ߞߊ߬ ߣߊ߬ ߘߏ߲߬ ߡߊߞߌ ߞߣߐ߫߸ ߊ߬ ߟߊ߫ ߡߊ߬ߙߌ߬ߝߊ ߦߴߊ߬ ߓߟߏ߫، ߊ߬ ߣߊ߬ ߘߊ߫ ߟߋ߬ ߕߋ߲߬ ߝߢߊߝߢߊ߫ ߞߵߊ߬ ߖߋ߬ߕߌ߰ߡߛߏ߬ ߓߏ߲߫߸ ߏ߬ ߦߋ߫ ߡߌ߲߬ߓߏ߲ ߞߣߐ߫ ߡߐ߮ ߘߏ߫ ߟߋ߬ ߘߌ߫߸ ߊ߬ ߣߌ߫ ߞߊ߲ߡߋߙߋ߲ ߡߍ߲ ߛߌ߰ߣߍ߲߫ ߕߍ߬ߘߍ߫ ߏ߬ ߘߊߝߍ߬߸ ߞߵߏ߬ ߝߣߊ߫ ߓߏ߲߫.>> ߛߙߋߦߊ ߟߋ߬ ߞߊ߲߫ ߕߋ߲߬، ߊ߬ ߞߊ߬ ߞߊ߲ߡߋߙߋ߲ ߡߍ߲ ߓߏ߲߫ ߏ߬ ߘߌ߫߸ ߊ߬ ߦߌ߬ߘߊ߬ߣߍ߲߫ ߞߏ߫ ߊ߬ ߟߊ߫ ߛߎ߲ߞߎ߲ ߏ߬ ߖߋ߬ߕߌ߰ߗߍ߬ ߜߘߍ߫ ߟߵߏ߬ ߘߌ߫، ߊ߬ ߓߊ߲ ߡߐ߰ ߝߌ߬ߟߊ ߏ߬ ߟߎ߬ ߓߏ߲߫ ߠߊ߫߸ ߊ߬ ߞߊ߬ ߡߊ߬ߙߌ߬ߝߊ ߟߐ߬ ߊ߬ ߖߘߍ߬ ߟߊ߫߸ ߞߊ߬ ߛߎ߭ ߘߝߊ߫ ߛߓߊ߬ ߟߊ߫.

ߓߏ߲ߠߌ߲ ߞߐ ߘߐ߫߸ ߝߊ߰ߡߊ ߟߎ߫ ߞߵߊ߬ߟߎ߫ ߞߎ߲߬ߛߌ߫ ߦߋ߲߬ ߠߊ߫߸ ߞߊ߬ ߛߎ߬ ߛߊ߬ߓߊ ߣߌ߲߬ ߓߍ߯ ߕߊ߬ ߞߊ߬ ߥߴߊ߬ߟߎ߬ ߘߌ߫ ߝߊ߬ߘߊ߫ ߛߎ߬ߓߏ߲ ߠߊ߫߸ ߖߐ߲߰ߛߊ߫ ߛߊ߬ߙߌ߬ߦߊ߬ ߘߴߊ߬ ߟߊ߫ ߓߊ߯ߙߊ ߕߐ߭ ߞߍ߫ ߦߋ߲߬߸ ߊ߬ߟߎ߬ ߣߌ߫ ߘߊ߲ߘߊߟߌߟߊ ߟߎ߬ ߟߊ߫ ߘߍ߭ ߞߣߐߡߊ߬، ߊ߬ߟߎ߬ ߓߘߊ߫ ߢߊߢߌߣߌ߲ߠ߫ߌ߲ ߛߌ߰ ߛߋ߲߬ߠߊ߫߸ ߖߐ߲߰ߛߊ߫ ߣߌ߲߬ ߞߏ ߘߌ߫ ߘߐߞߣߍ߫ ߢߊ ߡߍ߲ ߡߊ߬߸ ߞߵߊ߬ ߞߍߢߊ߫ ߖߐ߲ߖߐ߲ ߟߐ߲߫، ߡߍ߲ ߠ߬ߎ ߞߏ߬ߣߌ߲ ߦߴߊ߬ߟߎ߬ ߟߊ߫ ߞߏ ߞߊ߬ߟߊߡߊ߬ ߞߘߐ߬ߡߊ߲߬߸ ߊ߬ ߣߌ߫ ߦߋ߲߬ ߠߊߡߌߣߌ߲ ߡߐ߰ ߜߘߍ ߓߍ߯ ߞߵߊ߬ ߦߌ߬ߘߊ߬ ߞߏ߫ ߞߟߋ߬ߦߊ ߟߋ߬ ߞߍߣߴߊ߬ ߕߎ߬ߙߎ ߘߌ߫.