ߞߵߊ߬ ߓߍ߲߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߡߊ߬ ߝߍߗߛߑߓߎߞ ߛߌߟߊ ߝߍ߬ ߸ߊߓߑߘߎߟߊߦߌ߫ ߛߋ߬ߙߌߝ، ߘߋ߲ߡߌߛߍ߲ ߞߏ߫ ߟߊߞߙߐߛߌߟߊ ߘߏ߫ ߸ ߏ߬ ߓߘߊ߫ ߞߎߡߊ߫ ߘߋ߲ ߠߎ߬ ߟߊ߫ ߖߏ߯ߘߏ߲ ߣߌ߫ ߟߊ߬ߞߟߏ߬ߞߟߏ߬ߟߌ ߞߍߢߊ ߞߊ߲߬ ߞߊ߬ߙߊ߲߬ߕߊ ߣߌ߫ ߟߎ߫ ߞߣߐߟߊ ߟߎ߬ ߘߐ߫.

ߞߎߡߊ ߣߌ߲߬ ߝߐߓߊ߮ ߞߊ߲߫ ߞߏ߫ ߊ߬ ߦߋ߫ ߥߢߊߞߌߦߊ ߞߐ߲߫ ߠߊ߫߸ߓߊ߬ߙߌ߬ ߜߏ߲߬ߛߊ߲ ߠߊߓߊ߯ߙߊ ߕߍߣߊ߬ ߞߍ߫ ߟߊ߫ ߘߊߞߎ߲ ߘߏ߫ ߟߎ߫ ߘߐ߫ ߦߏ߫ ߞߘߊ߬ߜߟߍ߬ߦߊ ߡߍ߲ ߠߊߕߐ߲ߣߍ߲߫:

<< ߒߠߋ ߦߋ߫ ߞߘߊ߬ߜߟߍ߬ߦߊ ߞߐ߲߫ ߠߴߊ߬ ߢߊ߫ ߖߍ߬ߘߍߖߍ߬ߘߍ ߡߊ߬ ߞߏߛߓߍ߫ ߸ߒ߬ߞߊ߬، ߒ ߡߊ߫ ߛߐ߲߬ ߞߏ ߟߊߕߐ߲߫ ߞߍߢߊ ߘߏ߫ ߟߎ߫ ߓߛߌ߬ߞߌ ߟߋ߬ ߡߊ߬ ߞߘߊ߬ߜߟߍ߬ߦߊ ߘߌ߫. >>

ߊ߬ ߞߊ߬ ߘߊ߲߬ߝߘߊ߬ߓߐ߫ ߘߏ߲߬ ߞߘߊ߬ߜߟߍ߬ߦߊ ߞߍߢߊ ߘߏ߫ ߟߎ߫  ߣߌ߫ ߖߏ߯ߘߏ߲ ߕߍ߫ ߦߏ߫ :ߞߘߊ߬ߜߟߍ߬ߦߊ߬ ߖߎ߮ ߸ߓߟߏߞߘߎ ߣߌ߫ ߞߎ߲߬ ߖߐ߲ߖߐ߲ ߕߍ߫ ߸ߞߊ߬ ߡߙߊ߬ߡߊ߬ߝߋ߲߬ ߖߎ߮ ߘߏ߫ ߟߊߓߊ߯ߙߊ߫߸ ߞߘߊ߬ߜߟߍ߬ߦߊ ߞߍߢߊ߫ ߖߎ߮ ߝߌ߬ߟߊ߬ߓߊ ߣߌ߫ ߢߐ߲߯ ߕߍ߫ ߸ߜߌߛߌ߲ ߠߎ߬ ߟߊ߫ ߞߍ߬ߟߍ ߸ ߏ߬ ߡߍ߲ ߦߋ߫ ߖߌ߰ ߟߊ߫ ߘߋ߲ ߠߎ߬ ߟߊ߫ ߖߏ߯ߘߏ߲ ߞߍߞߌߦߊ ߘߏ߫ ߘߐ߫ ߞߊ߬ߣߌ߲߬. 

ߊߓߑߘߎߟߊߦߌ߫ ߛߋ߬ߙߌߝ ߢߣߊ߫߸ ߜߏ߲߬ߛߊ߲ ߠߊߓߊ߯ߙߊ ߟߎ ߡߊ߬ ߥߟߊ߫ ߞߊ߬ߙߊ߲߬ߕߊ ߟߎ߬ ߟߊ߫ ߸ ߏ߬ ߟߎ߬ ߕߍ߫ ߞߘߊ߬ߜߟߍ߬ߦߊ߬ ߘߌ߫ ߡߎ߰ߡߍ߫. 

<< ߞߊ߬ ߜߏ߲߬ߛߊ߲ ߠߊߓߊ߯ߙߊ ߟߎ߫ ߞߣߐߟߊ ߟߎ߬ ߘߐ߫ ߞߊ߬ ߘߋ߲ ߖߏ߯ߘߏ߲߬ ߥߟߊ߫ ߞߊ߬ߙߊ߲߬ߓߏ߲ ߞߣߐߟߊ ߘߐ߫ ߛߊ߫ ߞߊ߬ ߡߊ߬ߝߊ ߟߐ߬ߞߎ߫ ߊ߬ ߣߌ߫ ߖߏ߯ߘߏ߲ ߸ ߒߠߋ ߦߋ߫ ߞߎ߲߬ߠߊ߬ߛߌ߮ ߥߟߋ߫ ߟߴߏ߬ ߡߊ߬ ߝߛߊߦߌ߫ >>. 

ߞߏ߫ ߟߊߞߙߐߛߌߟߊ ߣߌ߲߬ ߠߊ߫ ߞߎߡߊ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߟߊ߫ ߛߋ߲߬ߠߊ߬ߓߐ߬ߟߌ ߘߎߢߊ߫ ߘߌ߲߬ߞߌ߬ߙߊ߬ ߜߘߍ߫ ߟߎ߬ ߘߐ߫ ߸ ߏ߬ ߡߴߊ߬ߟߋ ߟߌ߬ߤߟߊ ߡߊߝߊ߬ߟߋ߲߬ ߝߋߎ߫. 

ߊ߬ ߟߊ߫ ߟߊ߬ߞߙߐ߬ߛߌ߬ߟߌ ߦߴߊ߬ ߦߌ߬ߘߊ߬ ߟߊ߫ ߞߏ߫߸ ߓߍ߯ ߣߴߊ߬ ߟߊ߫ ߟߊ߬ߞߟߏ߬ߞߟߏ߬ߟߌ ߞߍߢߊ ߟߋ߬ ߞߵߊ߬ ߓߍ߲߬ ߊ߬ ߛߌ߰ ߘߌ߲ߞߌߙߊ ߞߍߢߊ ߟߎ߬ ߡߊ߬ ߸ ߏ߬ ߘߐ߫ ߞߍߞߌߦߊ ߞߋߟߋ߲߫ ߕߴߛߋ߫ ߞߊ߬ ߟߊߓߊ߯ߙߊ߫ ߦߙߐ ߓߍ߯ ߟߊߘߍ߬ߣߍ߲ ߘߐ߫. 

<< ߡߌ߬ߙߌ߲߬ߘߌ߫ ߡߌ߬ߙߌ߲߬ߘߌ߬،ߓߍ߯ ߣߴߊ߬ ߟߊ߫ ߟߊ߬ߞߟߏ߬ߞߟߏ߬ߟߌ ߞߍߢߊ ߟߋ߬ >>. 

ߟߐ߲ߠߌ߲ߦߊ ߓߍ߯ ߣߴߊ߬ ߟߊ߫ ߞߍߞߌߦߊ ߟߋ߬ ߸ ߣߊ߬ߝߊ ߟߋ߬ ߊ߬ ߣߌ߫ ߘߊ߲߲߭ ߞߵߊ߬ ߓߍ߲߬ ߊ߬ߟߎ߬ ߟߊ߫ ߞߏ ߟߎ߬ ߡߊ߬. 

ߛߋ߬ߙߌߝ ߦߋ߫ ߟߊߢߐ߯ߡߊ ߞߍ߫ ߟߊ߫ ߋߗߏߔߌߞߊ ߟߎ߬ ߣߌ߫ ߝߘߊ߬ߝߌ߲ ߠߎ߬  ߕߍ߫ ߞߏߢߊ ߘߏ߫ ߟߎ߫ ߘߐ߫ ߊ߬ ߟߊ߫ ߞߎߡߊ ߘߐ߫. 

ߓߊߏ߬߸ ߞߏ߫ ߋߙߐߔߎߞߊ ߟߎ߬ ߝߍ߬ ߦߋ߲߬ ߘߋ߲ ߘߌ߫ ߛߋ߫ ߞߵߊ߬ ߡߊߞߊ߬ߛߌ߬ ߕߐ߲ߓߟߏߡߟߊ߫ ߊ߬ ߛߐ߬ߘߐ߲߬ߓߊ߮ ߟߎ߬ ߞߊ߲ߡߊ߬ ߊ߬ ߜߊ߬ߛߌ ߞߐߝߍ߬߸ ߒ߬ߞߊ߬،ߏ߬ ߛߌ߬ߣߊ ߟߋ߬ ߦߋ߫ ߝߘߊ߬ߝߌ߲߬ߠߊ߫ ߦߊ߲߬ ߸ ߊ߬ߟߋ ߕߊ߫ ߖߊ߬ߕߋ߬ ߘߐ߫ ߜߏ߲߬ߛߊ߲ ߦߋ߫ ߛߌߟߊ߫ ߛߎߘߊ߲߫ ߘߏ߫ ߟߋ߬ ߘߌ߫ ߞߊ߬ ߘߋ߲ ߛߊߞߍ߫ ߣߴߊ߬ ߦߋ߫ ߛߌߟߊ߫ ߞߏߙߏ߲ ߘߏ߫ ߞߊ߲߬. 

ߊߓߑߘߎߟߊߦߌ߫ ߛߋ߬ߙߌߝ ߦߋ߫ ߛߊ߬ߙߌ߬ߦߊ߬ ߞߎߘߊ ߢߌ߲߬ ߠߎ߬ ߡߊߞߕߌ߫ ߟߊ߫ ߞߏߛߓߍ߫ ߊ߬ ߣߌ߫ ߞߏ ߟߎ߬ ߦߋ߫ ߝߊ߬ߘߌ߬ ߞߎߘߊ ߡߍ߲ ߘߐ߫ ߘߍ߭ ߟߎ߬ ߞߣߐ߫ ߕߋ߲߬. 

ߊ߬ߟߋ ߢߣߊ߫ ߘߋ߲ߓߊߕߌ߮ ߣߌ߫ ߟߞߊ߬ߙߊ߲߬ߠߌ߲߬ߠߊ ߟߎ߬ ߦߋ߫ ߝߊ߬ߘߌ ߟߋ߬ ߘߐ߫ ߕߋ߲߬ ߊ߬ߟߎ߫ ߝߊ߲߬ߞߊ ߓߘߊ߫ ߘߐ߯ߦߊ߫ ߞߍߢߊ ߡߍ߲ ߘߐ߫ ߞߏߛߓߍ߫ :

<< ߟߎ߫ ߞߣߐߟߊ ߣߌ߫ ߞߊ߬ߙߊ߲߬ߕߊ ߟߎ߬ ߟߊ߫ ߕߋ߲߬߸ ߘߋ߲ ߠߎ߬ ߦߋ߫ ߝߊ߲߬ߞߊ߬ ߝߊߘߌ ߖߍ߬ߘߍߖߍ߬ߘߍ ߟߋ߬ ߘߐ߫ ߕߋ߲߬ ߸ ߊ߬ ߖߍ߬ߘߍ ߓߘߊ߫ ߞߍ߫ ߛߌߣߍ߲߬ ߛߐ߬ߘߐ߲߬ߓߊ߮ ߟߎ߬ ߣߌ߫ ߟߞߊ߬ߙߊ߲߬ߠߌ߲߬ߠߊ ߓߘߊ߫ ߛߌߟߊ߲߫ ߓߌ߲߬ߓߊߏ ߓߋ߬ ߟߊ߫ ߘߋ߲ ߠߎ߬ ߞߊ߲߬ >>

ߞߵߊ߬ ߦߌ߬ߘߊ߬ ߞߏ߫ ߣߌ߫ ߜߌߛߌ߲ ߠߎ߬ ߛߋ߲߬ ߓߐ߫ ߘߊ߫ ߘߋ߲ ߠߎ߬ ߖߏ߯ߘߏ߲ ߘߐ߫ ߞߵߊ߬ ߕߘߍ߬ ߞߌߢߍ߫ ߜߘߍ߫ ߡߊ߫ ߦߌ߬ߘߊ߬ ߸ߏ߬ ߦߋ߫ ߕߊ߬ߡߌ߲߬ ߠߊ߫ ߟߞߊ߬ߙߊ߲߬ߠߌ߲߬ߠߊ ߟߎ߬ ߣߌ߫ ߘߋ߲ߓߊߕߌ߮ ߟߎ߫ ߟߋ߬ ߝߊ߲߬ߞߊ ߟߊߕߍ߰ ߟߊ߫ ߞߊ߬ ߝߏ߫ ߊ߬ߟߎ߬ ߟߊ߫ ߛߋߓߊ߯ߦߊ ߟߊ߫߸ ߏ߬ ߘߐ߫ ߊ߬ ߘߌߡߊ߲߫ ߊ߬ߟߋ ߢߍ߫ ߜߏ߲߬ߛߊ߲ ߦߋ߫ ߟߊߓߊ߯ߙߊ߫ ߝߛߊߦߌ߫ ߣߌ߫ ߞߘߊ߬ߜߟߍ߬ߦߊ߬ ߕߍ߫. 

<< ߘߋ߲ ߠߎ߬ ߤߊߞߍ ߡߞߊߘߊ߲߫ ߦߋ߫ ߞߏ߫ ߓߘߍߓߊ ߟߋ߬ ߘߌ߫ ߝߋߎ߫ ߸ߓߊ߬ߙߌ߬ ߝߏ߬ߣߴߊ߲ ߡߊ߫ ߓߐߘߊ߫ ߜߘߍ߫ ߟߋ߬ ߛߐ߬ߘߐ߲߬ ߡߍ߲ ߘߌ߫ ߓߍ߲߬ ߊ߲ ߛߌ߰ߝߊߘߌ߫ ߞߍߢߊ ߟߎ߬ ߡߊ߬ ߸ ߜߏ߲߬ߛߊ߲ ߠߋ߬ ߞߊ߫ ߞߊ߲߫ ߞߊ߬ ߕߏ߫ ߊ߲ ߝߍ߬ ߖߐ߲߰ߛߊ߫ ߞߊ߬ ߘߍ߬ߡߍ߲߬ߠߌ߲ ߞߍ߫ ߟߊ߬ߞߟߏ߬ߞߟߏ߬ߟߌ ߘߐ߫ >>

ߝߊߦߌߘߊ߫ ߞߏߢߊ ߣߌ߲߬ ߓߘߊ߫ ߞߍ߫ ߞߎߡߊ߫ ߛߌߦߊߡߊ߲߫ ߠߋ߬ ߘߌ߫ ߕߋ߲߬ ߊ߬ ߜߋ߲ߜߋ߲߫ ߘߋ߲ ߠߎ߬ ߤߊߞߍ ߡߊ߬ߝߊ߲ ߝߍ߬ ߸ ߖߏ߯ߘߏ߲ ߞߍߢߊ ߞߐߙߍ ߟߎ߬ ߞߣߐ߫ ߊ߬ ߣߌ߫ ߘߍ߭ ߖߍ߬ߘߍ ߞߣߐߟߊ ߟߎ߬ ߘߐ߫.