ߞߊ߬ ߓߍ߲߬ ߛߊ߬ߞߐ߬ߘߎ߯ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߊߛߌ߱ ߡߊ߬߸ ߣߴߊ߬ ߦߋ߫ ߦߊߦߊ߫ ߞߐ߲ߘߍ߫ ߘߌ߫߸ ߘߎ߰ߘߋ߲ ߠߎ߬ ߣߐ߬ ߊ߬ߟߎ߬ ߤߊߞߟߌߣߊ߲ ߘߌ߫ ߊ߬ߟߋ ߟߋ߬ ߟߊߛߌ߱ ߞߐߝߍ߬߸ ߞߐ߬ߟߏ߲ ߂߀߂߆ ߞߊ߬ߙߌ߬ߝߐ ߕߟߋ߬ ߁߉، ߊ߲ ߞߊ߬ ߛߋ߲߬ߠߊ߬ߓߐ߬ߟߌ ߞߍ߫ ߞߊ߬ ߛߋ߫ ߞߎ߲ߖߊ߲߫߸ ߞߊ߬ ߘߎ߰ߘߋ߲ ߠߎ߬ ߡߙߌߦߊ ߟߐ߲߫ ߊ߬ߟߎ߫ ߟߊ߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߛߌ߰ߣߍ߲ ߞߐ ߘߐ߫ ߊ߬ ߟߊ߫ ߥߊ߬ߣߍ߲ ߘߐ߫߸ ߘߎ߰ߘߋ߲ ߠߎ߬ ߘߊߘߐ߫ ߢߌ߬ߣߌ߲߬ߞߊ ߞߐ ߘߐ߫ ߊ߲ ߓߟߏ߫߸ ߊ߲ ߞߊ߬ ߤߊߞߟߌߣߊ߲ ߛߌߦߊߡߊ߲߫ ߠߋ߬ ߦߴߊ߬ ߞߏ ߘߐ߫߸ ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߊ߬ߟߎ߬ ߛߍߥߊߣߍ߲߫ ߞߊ߬ߝߏ߬ߙߋ߲߬ߕߌ߮ ߛߌ߱ ߘߐ߫߸ ߞߊ߬ ߓߍ߲߬ ߊ߬ ߟߊ߫ ߓߊ߯ߙߊ߫ ߛߊߣߌ߲ ߠߎ߫ ߡߊ߬߸ ߖߎ߬ߡߍ߫ ߛߊ߬ߞߐ߫ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߞߍ߫ ߘߊ߫ ߝߘߏ߬ߓߊ߬ ߞߊ߬ߝߏ߬ߙߋ߲ ߠߋ߬ ߘߌ߫<<ߊ߲ ߠߊ߫ ߞߊ߬ߝߏ߬ߙߋ߲߬ߕߌ߮ ߣߌ߲߬ ߦߋ߫ ߝߘߏ߬ߓߊ߬ ߞߊ߬ߝߏ߬ߙߋ߲ ߠߋ߬ ߘߌ߫߸ ߏ߬ ߟߋ߬ ߞߵߊ߬ ߟߊ߫ ߞߏ ߘߌߦߊ߫ ߒߠߋ ߦߋ߫߸ ߊ߬ ߤߊ߲ߞߟߌ ߛߌ߰ߣߍ߲߫.
ߊ߬ ߘߏ߲߬ ߘߌ߫ ߛߋ߫ ߞߊ߬ ߛߊ߬ߞߐ߬ߘߎ߰ ߟߊߛߓߊ߬ߕߌ߫߸ ߊ߬ ߟߊ߫ ߛߊ߲߬ ߝߌ߬ߟߊ ߟߐ߬ߒ߬ߞߋ߬ߟߊ ߞߣߐ߫߸ ߊ߬ ߞߊ߬ ߓߊ߯ߙߊ ߡߍ߲ ߞߍ߫߸ ߛߊ߬ߞߐ߬ߘߎ߯ ߞߊ߬ ߏ߬ ߦߋ߫߸ ߡߊ߲߬ߖߊ߲߬ߠߊ߫ ߓߍ߯ ߞߊ߬ ߏ߬ ߦߋ߫߸ ߝߊߦߌߘߊ߫ ߜߍߞߊ߲߫ ߖߡߊߣߊ ߓߍ߯ ߞߊ߬ ߏ߬ ߦߋ߫߸ ߓߊߏ߬߸ ߊ߬ ߞߵߊ߬ ߡߊ߰ ߟߋ߬ ߛߏ߫ ߡߌߛߍ߲ ߛߌߦߊߡߊ߲߫ ߠߊ߫߸ ߊ߬ ߞߊ߬ ߞߊ߬ߙߊ߲߬ߕߊ߬ ߛߊ߲ߘߐ ߘߌ߫ ߟߏߦߌߟߊ߬ ߡߊ߬߸ ߞߊ߬ ߘߋ߲ߡߌߛߍ߲߫ ߓߏ߲ߓߊ ߘߌ߫ ߞߎ߲ߖߊ߲߫ ߡߊ߬߸ ߊ߬ ߓߊ߲߫ ߘߊ߫ ߞߊ߬ ߞߏߡߌߣ ߙߋߣߎ߳ߝ߭ߋ߫، ߊ߬ ߣߌ߫ ߛߌߦߊߡߊ߲߫ ߜߘߍ߫ ߟߎ߫.>> ߊ߬ߟߋ ߞߵߊ߬ ߦߌ߬ߘߊ߬ ߞߏ߫ ߞߊ߬ߝߏ߬ߙߋ߲߬ߕߌ߮ ߣߌ߲߬ ߞߐߡߊߓߌ߲ߓߌ߲ߕߊ ߟߋ߬ ߊ߬ ߢߊ߫ ߖߍ߬ߘߍߖߍ߬ߘߍ߫ ߡߊ߬߸ ߊ߬ߟߎ߬ ߟߊ߫ ߤߊߞߟߌߣߊ߲ ߦߋ߫ ߡߍ߲ ߘߌ߫߸ ߦߊ߬ߣߌ߫ ߞߊ߬ߝߏ߬ߙߋ߲߬ߕߌ߮ ߦߋ߫ ߓߊ߯ߙߊ߫ ߛߌ߫ ߞߍ߫߸ ߊ߬ ߟߊ߫ ߓߊ߯ߙߊ߫ ߝߟߐߝߟߐ ߦߋ߫ ߞߍ߫ ߊ߬ߟߎ߬ ߟߊ߫ ߘߊ߲ߘߊߛߏ߫ ߞߏ ߢߊߢߌߣߌ߲ ߘߌ߫߸ ߞߊ߬ߕߎ߲߯߸ ߘߊ߲ߘߊߛߏ ߘߏ߫ ߟߋ߬ ߟߐ߬ ߘߊߡߌ߬ߣߊ߬ ߘߊ߫ ߦߋ߲߬ ߞߊ߬ߦߌ߯ ߂߀߁߇ ߟߊ߫߸ ߤߊ߲߯ ߕߋ߲߬ ߏ߬ ߓߊ߲ߣߍ߲߫ ߕߍ߫ ߝߟߐ߫، ߊ߬ ߣߴߊ߬ ߞߊ߬ ߓߊ߯ߙߊ ߡߍ߲ ߞߍ߫ ߊ߬ ߟߊ߫ ߛߊ߲߬ ߝߌ߬ߟߊ ߟߐ߬ߒ߬ߞߋ߬ߟߊ ߞߣߐ߫߸ ߣߴߊ߬ ߛߋ߫ ߘߊ߫ ߏ߬ ߢߐ߲߰ ߞߍ߫ ߟߊ߫ ߛߊ߲߬ ߟߏ߯ߟߎ߫ ߣߊ߬ߕߐ ߣߌ߲߬ ߞߣߐ߫߸ ߛߌߞߊ߫ ߕߴߊ߬ ߘߐ߫ ߦߟߍ߬ߡߊ߲ ߘߌ߫ ߛߊ߬ߞߐ߬ߘߎ߯ ߛߌ߰ߝߊߘߌ ߘߐ߫.
ߖߎ߬ߡߍ߫ ߛߊ߬ߞߐ߫ ߟߊ߫ ߞߎߡߊ߫ ߘߐ߫߸ ߣߌ߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߕߟߏ ߘߏ߲߬ ߘߴߊ߬ߟߎ߬ ߤߊߞߟߌߣߊ߲ ߡߍ߲߬ ߠߎ߬ ߘߐ߫߸ ߊ߬ߟߋ ߟߊߣߍ߲߫ ߊ߬ ߟߊ߫߸ ߡߙߌߦߊ ߟߎ߬ ߘߌ߫ ߓߐ߫ ߊ߬ ߛߌߟߊ ߝߍ߬߸ ߞߊ߬ߙߌ߬ߝߊ߫ ߛߊ߬ߞߐ߫ ߞߊ߬ ߦߊߦߊ߫ ߞߐ߲ߘߍ߫ ߟߊ߫ ߓߊ߯ߙߊ߫ ߞߍߣߍ߲ ߠߎ߬ ߕߊ߲߬ߘߏ߫ ߞߏߛߓߍ߫<<ߓߊ߯ߙߟߊ ߟߋ߬ ߝߋߝߋߝߋߝߋ߫߸ ߣߵߌ ߞߊ߬ ߡߐ߱ ߦߋ߫ ߟߊߥߟߌ߬ ߟߊ߫ ߡߊ߲߬ߛߊ߬ߦߊ ߟߊ߫߸ ߏ߬ ߞߐ߫ ߞߵߌ ߟߊߛߊ߬ߦߌ߲߫ ߡߊ߲߬ߛߦߊ߬ ߞߋߟߋ߲߫ ߏ߬ ߟߊ߫߸ ߌ ߟߊ߫ ߢߌ߬ߡߊ ߟߴߏ߬ ߞߍ߫ ߟߊ߫، ߊ߬ ߞߏ߬ߣߌ߲ ߘߌߡߊ߲߫ ߒߠߋ ߦߋ߫ ߊ߲ ߠߊ߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߊ߫ ߓߊ߯ߙߊ߫ ߝߟߐ ߦߋ߫ ߞߍ߫ ߟߐ߯ߝߍ ߟߏߕߌߖ߭ߋ ߟߋ߬ ߘߌ߫߸ ߊ߬ ߣߌ߫ ߊ߲ ߠߊ߫ ߘߎ߲߬ߘߎ߬ߡߊ߬ ߞߊߙߊ߲ߕߊ ߘߏ߫ ߦߋ߫ ߦߊ߲߬߸ ߞߏߞߏ ߟߋ߬ ߞߊߡߊ߲߫ ߞߊ߬ ߘߏ߲߬ ߏ߬ ߝߣߊ߫ ߡߊ߬߸ ߊ߲ ߞߏ߬ߣߌ߲ ߦߴߊ߬ ߕߊ߲߬ߘߏ߬ ߟߊ߫ ߞߏߛߓߍ߫.>> ߖߎ߬ߡߍ߫ ߛߊ߬ߞߐ߫ ߞߊ߬ ߞߊ߬ߝߏ߬ߙߋ߲߬ߕߌ߮ ߟߊ߫ ߓߊ߯ߙߊ߫ ߞߍߣߍ߲ ߘߏ߫ ߟߎ߫ ߢߊߝߐ߫.
ߦߏ߫ ߟߏߦߌߟߊ߬ ߞߊ߬ߙߊ߲߬ߕߊ߬ ߛߊ߲ߘߐ ߓߊ߯ߙߊ߸ ߊ߬ ߣߌ߫ ߓߊ߯ߙߊ߫ ߛߌߦߊߡߊ߲߫ ߜߘߍ߫ ߟߎ߫߸ ߊ߬ ߞߊ߫ ߞߊ߲߫ ߞߊ߬ ߓߊ߯ߙߊ ߡߍ߲ ߠߎ߬ ߞߍ߫߸ ߊ߬ ߞߊ߬ ߘߏ߫ ߝߐ߫ ߏ߬ ߟߎ߬ ߝߣߊ߫ ߞߊ߲߬<< ߊ߬ ߘߌߡߊ߲߫ ߊ߲ ߧߋ߫ ߞߊ߬ ߘߎ߲߬ߘߎ߬ߡߊ߬ ߞߊߙߊ߲ߕߊ ߘߏ߫ ߟߎ߫ ߦߋ߫ ߟߐ߬ ߖߌ߰ߣߍ߲-ߞߣߐ߫߸ ߛߊ߲ߕߋ ߟߊ߫، ߖߐ߲߰ߛߊ߫ ߏ߬ ߘߌ߫ ߘߋ߲ߣߍ߲ ߠߎ߬ ߡߊߘߍ߬ߡߍ߲߬ ߕߊ߯ߡߊ ߘߐ߫߸ ߞߊ߬ ߓߐ߫ ߥߎߟߊ ߟߊ߫߸ ߞߊ߬ ߥߊ߫ ߝߊ߲߬ ߜߘߍ߫ ߝߍ߬ ߞߊ߬ߙߊ߲߬ ߞߊ߲ߡߊ߬.>> ߊ߬ߟߌ߬ߡߊ߫ ߞߐ߲ߘߍ߫ ߞߵߊ߬ ߛߍߥߊߣߊ߲ߞߊ߲߫ ߦߌ߬ߘߊ߬ ߞߊ߬ ߓߍ߲߬ ߞߊ߬ߝߏ߬ߙߋ߲߬ߕߌ߮ ߦߊߦߊ߫ ߞߐ߲ߘߍ߫ ߟߊߛߌ߱ ߡߊ߬߸ ߓߊ߬ߙߌ߫߸ ߊ߬ ߦߋ߫ ߘߍ߬ߡߍ߲ ߘߏ߫ ߟߋ߬ ߢߌߣߌ߲߫ ߠߊ߫ ߞߊ߬ߝߏ߬ߙߋ߲߬ߕߌ߮ ߝߍ߬<<ߒߠߋ ߞߏ߬ߣߌ߲ ߦߴߊ߬ ߝߍ߬ ߟߋ߬ ߊ߬ ߦߋ߫ ߘߍ߬ߡߍ߲߬ ߞߍ߫ ߊ߲ ߞߊ߲߬߸ ߞߵߊ߲ ߠߊ߫ ߛߏ ߛߊߣߌ߲ߧߊ߫߸ ߊ߬ ߣߌ߫ ߞߵߊ߲ ߡߊߘߍ߬ߡߍ߲߫ ߖߍ߯ ߝߙߋ ߣߌ߲߬ ߘߐ߫߸ ߓߊߏ߬߸ ߊ߲ ߓߘߊ߫ ߕߙߐ߫، ߊ߲ ߕߘߍ߬ ߦߋ߫ ߞߐ߬ߕߎ߬ߡߊ߬ߣߌ߲߫ ߛߊ߲߬ ߠߊ߫ ߃߀߀ ߀߀߀.
ߓߊ߬ߙߌ߫߸ ߏ߬ ߦߋ߫ ߛߊ߲߬ ߠߊ߫ ߕߋ߲߬ ߄߀߀ ߀߀߀، ߘߏ߫ ߓߘߊ߫ ߟߊ߫ ߛߌ߬ߛߍ ߝߣߊ߫ ߞߊ߲߬߸ ߝߏߦߌ߬ ߕߍ߫ ߛߐ߬ߘߐ߲߬ ߠߊ߫߸ ߊ߲ ߘߏ߲߬ ߦߋ߫ ߘߋ߲߫ ߠߊߓߐߒߘߐ ߟߋ߬ ߟߊ߫߸ ߡߊ߲߬ߝߋ߲߬ ߛߐ߲ߞߐ ߕߍ߫ ߛߐ߬ߘߐ߲߬ ߠߊ߫߸ ߡߍ߲ ߓߊ߯ ߛߐ߬ߘߐ߲߬ ߖߍ߯ ߘߐ߫߸ ߏ߬ ߟߋ߬ ߦߋ߫ ߘߏ߲߬ ߠߊ߫ ߡߊ߲߬ߝߋ߲ ߘߐ߫߸ ߞߏ߬ߣߌ߲߫ ߣߌ߫ ߖߍ߯ ߛߐ߲߬ߞߐ ߜߟߍ߬ߦߊ߫ ߘߊ߫߸ ߊ߬ ߞߍߕߐ߫ ߘߌ߬؟>> ߡߊ߲߬ߕߙߐ ߡߍ߲ ߦߴߊ߬ߟߎ߫ ߞߊ߲߬ ߟߐ߯ߝߍ ߞߣߐ߫ ߕߋ߲߬߸ ߏ߬ ߟߋ߬ ߦߴߏ߬ ߘߌ߫߸ ߊ߬ߟߌ߬ߡߊ߫ ߟߊ߫ ߞߎߡߊ߫ ߘߐ߫ ߊ߲ ߧߋ߫߸ ߊ߬ ߛߍߥߊߣߍ߲߫ ߠߋ߬ ߞߊ߬ߝߏ߬ߙߋ߲߬ߕߌ߮ ߟߊߛߌ߱ ߘߐ߫ ߞߏߛߓߍ߫߸ ߝߏ߫ ߊ߬ ߞߊ߬ ߘߌ߬ߙߌ߲߬ߞߌ ߓߐ߫ ߊ߬ ߞߊ߲ߠߊ߫ ߞߵߊ߬ ߞߘߎߞߘߎ߫ ߘߎ߱ ߡߊ߬߸ ߤߊߞߍߕߏ߫ ߊ߬ߟߋ ߛߍߥߊ߫ ߘߊ߫߸ ߊ߬ ߞߊ߬ߛߌ߬ ߘߊ߫ ߟߋ߬߸ ߊ߬ ߝߣߊ߫ ߟߊ߫ ߞߎߡߊ߫ ߘߐ߫߸ ߣߌ߫ ߊ߬ߟߎ߬ ߟߊ߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߕߟߏ ߘߏ߲߬ ߘߴߊ߬ߟߎ߬ ߟߊ߫ ߡߞߊ߬ߛߌ߬ߟߌߞߊ߲߬ߠߊ ߢߌ߲߬ ߠߎ߬ ߘߐ߫߸ ߛߌߞߊ߫ ߕߴߊ߬ ߘߐ߫߸ ߊ߬ ߘߴߊ߬ߟߎ߬ ߓߐ߫ ߊ߬ ߛߌߟߊ ߝߍ߬، ߛߊ߯ߦߏ߲߫ ߛߊ߬ߞߐ߬ ߓߊ߲ ߞߐ ߊ߬ ߟߊ߫ ߛߍߥߊ ߦߌ߬ߘߊ߬ ߟߊ߫.
ߊ߬ߟߋ ߦߋ߫ ߓߍ߲߭ ߣߌ߫ ߛߓߊ߬ߕߌ߫ ߟߋ߬ ߢߌߣߌ߲߫ ߠߊ߫ ߓߎ߬ߕߎ߲߬߸ ߊ߬ ߣߌ߫ ߞߵߊߟߊ߫ ߕߙߊ߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߴߊ߬ ߣߴߊ߬ ߟߊ߫ ߛߊ߲ߡߊ߫ ߦߟߍ ߟߊ߫߸ ߜߟߍ߬ߦߊ ߡߍ߲ ߦߴߊ߬ߟߎ߫ ߞߊ߲߬߸ ߊ߬ ߞߊ߬ ߘߏ߫ ߝߐ߫ ߏ߬ ߝߣߊ߫ ߞߊ߲߬<<ߞߏ߫ ߛߌߦߊߡߊ߲߫ ߠߋ߬ ߦߋ߲߬ ߊ߬ ߞߊߡߊ߲߫ ߞߊ߬ ߡߍ߲ ߞߍ߫ ߊ߲ ߧߋ߫߸ ߝߟߐߡߊ ߦߋ߫ ߖߌߞߏ ߘߌ߫߸ ߡߏ߬ߛߏ ߟߎ߬ ߟߊ߫ ߖߌߞߏ ߓߘߊ߫ ߜߟߍ߬ߦߊ߫߸ ߝߙߋ߬ ߝߋ߲ ߠߎ߬ ߘߊ ߓߘߊ߫ ߜߟߍ߬ߦߊ߫ ߝߣߊ߫߸ ߣߴߊ߬ ߝߊ߲߬ߞߊ ߘߌ߫ ߛߋ߫ ߏ߬ ߟߊߣߐ߰ߦߊ߫ ߟߴߊ߲ ߧߋ߫߸ ߊ߬ ߘߌߡߴߊ߲ ߧߋ߫ ߊ߬ ߦߴߏ߬ ߟߊߣߐ߰ߦߊ߫، ߊ߲ ߘߊ ߕߴߛߋ߫ ߛߋ߫ ߟߊ߫ ߜߟߍ߬ߦߊ ߡߍ߲߬ ߠߎ߬ ߓߍ߯ ߡߊ߬.>> ߛߊ߯ߦߏ߲߫ ߛߊ߬ߞߐ߫ ߞߵߊ߬ ߦߌ߬ߘߊ߬ ߞߏ߫ ߢߌ߬ߣߊ߲߬ ߓߘߊ߫ ߜߟߍ߬ߦߊ߫ ߊ߬ߟߎ߬ ߓߟߏ߫ ߞߏߛߓߍ߫߸ ߏ߬ ߞߏ߬ߣߌ߲ ߕߍ߫ ߞߊ߬ߝߏ߬ߙߋ߲߬ߕߌ߮ ߣߐ߬ ߘߌ߫ ߘߋ߬߸ ߓߊ߬ߙߌ߫߸ ߊ߬ ߝߊ߲߬ߓߊ ߓߊ߯ ߛߋ߫ ߡߍ߲ ߠߊ߫߸ ߊ߬ ߦߴߏ߬ ߞߍ߫ ߊ߬ ߛߋߞߏ ߓߍ߬ߙߍ ߟߊ߫߸ ߣߌ߫ ߣߐ߰ߦߊ ߘߏ߲߬ ߘߊ߫ ߖߡߊ߬ߣߊ ߞߣߐ߫߸ ߖߡߊ߬ߣߊ ߘߌ߫ ߘߌߦߊ߫߸ ߞߊ߬ߝߏ߬ߙߋ߲߬ߕߌ߮ ߖߍ߬ߘߍ ߝߣߊ߫ ߘߌ߫ ߝߊ߲߬ߞߊ ߛߐ߬ߘߐ߲߬، ߣߌ߲߬ ߦߋ߫ ߞߎ߲ߖߊ߲߫ ߘߎ߰ߘߋ߲ ߠߎ߬ ߟߋ߬ ߡߙߌߦߊ ߘߌ߫߸ ߞߵߊ߬ ߦߌߘߊߞߊ߬ ߛߊ߬ߞߐ߬ߘߎ߯ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߊ߫߸ ߊ߬ ߟߊߛߌ߱ ߞߐ ߘߐ߫.
Aucun commentaire pour le moment.