ߞߎߣߎ߲ߟߏ߲ ߂߀߂߆ ߞߏ߲ߞߏߘߓߌ ߕߟߋ߬ ߀߈߸ ߞߊ߲ߡߋߙߋ߲߫ ߝߌ߬ߟߊ߫ ߟߋ߬ ߓߣߐ߬ ߘߴߊ߬ߟߎ߬ ߣߌ ߘߐ߫ ߞߐ߬ߟߐ߲ ߘߏ߫ ߞߣߐ߫ ߛߡߊ߬ߣߌ߬، ߏ߬ ߦߋ߫ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߙߋ߲ ߣߐ߬ߘߎ߮ ߘߏ߫ ߟߋ߬ ߘߌ߫߸ ߞߎߘߍ߫ ߃߀ ߦߋ߫ ߡߍ߲ ߣߌ߫ ߛߌ߯ߙߌ߲߫ ߛߏߞߣߐߟߊ ߕߍ߫، ߞߊ߲ߡߋߙߋ߲߫ ߝߌ߬ߟߊ ߢߌ߲߬ ߠߎ߫ ߕߘߍ߬ ߓߊ߯ߙߊ߫ ߟߊ߫ ߘߋ߲ߓߦߊ ߟߊ߫ ߓߊ߯ߙߊ߫ ߦߙߐ ߘߏ߫ ߟߋ߬ ߘߐ߫.

ߛߙߋ ߟߎ߬ ߟߊ߫ ߟߊ߬ߛߙߋ߬ߦߊ߬ߟߌ߬ ߞߊ߲ ߡߍ߲ ߛߐ߬ߘߐ߲߬ ߘߴߊ߲ ߓߟߏ߫ ߜߍ ߘߐ߫ ߦߋ߲߬߸ ߊ߬ ߦߌ߬ߘߊ߬ߣߴߊ߲ ߠߊ߫ ߞߏ߫ ߡߊ߬ߛߎ߬ߓߊ߬ ߞߏ ߣߌ߲߬ ߞߍ߫ ߘߊ߫ ߞߵߊ߬ ߛߐ߬ߘߐ߲߬ ߛߊ߬ߓߊ߰ߕߐ߫ ߝߌ߬ߟߊ ߢߌ߲߬ ߠߎ߬ ߦߋ߫ ߓߏ߲߫ ߟߐ ߘߏ߫ ߟߋ߬ ߞߊ߲߬ ߊ߬ߟߎ߬ ߣߊ߫ ߟߊ߫ ߣߊߞߐ ߘߐ߫، ߘߐ߯ߡߊߡߐ߮ ߛߊ߫߸ ߊ߬ߟߋ ߡߍ߲ ߕߐ߯ ߞߏ߫ ߘߎ߬ߓߊ߫ ߞߡߊ߬ߙߊ߬߸ ߏ߬ ߟߋ ߓߋ߬ ߘߊ߫ ߞߐ߬ߟߐ߲ ߞߣߐ߫ ߞߵߊ߬ ߛߐ߬ߘߐ߲߬ ߊ߬ ߦߋ߫ ߖߌߕߊ߫ ߞߏ ߘߐ߫، ߊ߬ ߞߘߐ߬ߞߍ߫ ߟߊ߲߱ߛߌ߬ߣߍ߫ ߞߡߊ߬ߙߊ߬ ߞߍߢߊ ߟߵߏ߬ ߘߌ߫ ߞߏ߫ ߊ߬ ߦߴߊ߬ ߘߐ߯ߞߍ߫ ߟߊߦߟߍ߬ ߟߊ߫ ߞߐ߬ߟߐ߲ ߞߣߐ߫߸ ߞߊ߬ ߖߌ߰ ߊ߬ ߞߐ߫ ߏ߬ ߢߊ ߡߊ߬ ߌߞߘߐ߫߸ ߞߵߊ߬ ߛߐ߬ߘߐ߲߬ ߊ߬ ߡߊ߫ ߞߐ߬ߟߐ߲ ߞߣߐߞߏ ߟߐ߲߫.

ߛߡߊ߬ߣߌ߫ ߘߎ߰ߘߋ߲ ߘߏ߫ ߓߍ߫߸ ߞߏ߫ ߞߛߌߡߊ߲߰ ߓߙߋߕߋ߫߸ ߏ߬ ߞߊ߬ ߡߊ߬ߛߎ߬ߓߊ߬ߞߏ ߣߌ߲߬ ߞߍߢߊ ߢߊߝߐ߫: <<ߊ߬ߟߎ߫ ߕߘߍ߬ ߓߏ߲߫ ߟߐ ߟߋ߬ ߟߴߊ߬ߟߎ߬ ߣߊ߫ ߟߊ߫ ߣߊߞߐ ߘߐ߫، ߘߐ߯ߞߍ ߕߏ߫ ߘߊ߫ ߖߌ߫ ߟߊߦߟߍ ߟߋ߬ ߟߊ߫߸ ߏ߬ ߓߋ߬ ߘߊ߫ ߞߐ߬ߟߐ߲ ߞߣߐ߫، ߊ߬ ߞߘߐ߬ߗߍ߬ ߝߣߊ߫ ߖߌ߰ ߘߴߊ߬ ߞߐ߫ ߡߎ߬ߕߎ߲߬߸ ߞߏ߫ ߊ߬ ߦߴߊ߬ ߘߐ߯ߞߍ߫ ߡߞߊߘߊ߲߫ ߠߊ߫߸ ߞߵߊ߬ ߛߐ߬ߘߐ߲߬ ߊ߬ ߡߴߊ߬ ߟߐ߲߫ ߡߍ߲ ߦߋ߫ ߞߐ߬ߟߐ߲ ߞߣߐ߫، ߖߊ߰ ߛߌ߰ߛߊ߮ ߦߋ߫ ߞߐ߬ߟߐ߲ ߞߣߐ߫߸ ߝߢߐ ߕߍ߰ ߢߊ ߟߋ߬ ߞߍߣߴߊ߬ߟߎ߫ ߡߊ߬ ߦߋ߲߬ ߏ߬ ߘߌ߫߸ ߊ߬ߟߎ߫ ߝߌ߬ߟߊ ߛߌ߫ ߡߊ߫ ߛߋ߫ ߦߟߍ߬ ߟߊ߫߸ ߞߵߊ߬ߟߎ߬ ߓߍ߯ ߕߏ߫ ߊ߬ ߘߐ߫.>>

ߊ߲ ߛߋ߫ ߘߊ߫ ߟߌ߬ߤߟߊ ߡߍ߲ ߠߎ߬ ߟߊߛߐ߬ߘߐ߲߬ ߠߊ߫ ߦߙߐ ߏ߬ ߘߐ߫ ߦߋ߲߬߸ ߞߏ߫ ߝߢߐ ߕߍ߫ ߛߐ߬ߘߐ߲߬ ߠߊ߫ ߞߐ߬ߟߐ߲ ߞߣߐ߫߸ ߝߢߐ ߛߐ߬ߘߐ߲߬ߓߊߟߌߦߊ ߏ߬ ߟߋ ߞߍߣߴߊ߬ߟߎ߬ ߟߊ߫ ߛߊ߬ߦߊ ߣߌ߲߬ ߕߎ߬ߙߎ ߘߌ߫ ߡߎ߬ߕߎ߲߬ ߛߊ߫، ߛߎ߭ ߟߎ߬ ߟߊߦߟߍ߬ ߘߊ߫ ߞߵߊ߬ߟߎ߫ ߛߎ߬ߘߏ߲ ߓߊ߯ߙߊ ߡߎ߰ߡߍ ߞߍ߫ ߞߎߣߎ߲߬ ߥߎ߬ߙߊ ߟߋ߬ ߝߍ߬.

ߞߡߊ߬ߙߊ߬ߟߊ߬ߞߊ ߟߎ߬ ߘߋ߲ߞߍ߫ ߝߌ߬ߟߊ ߟߊ߫ ߛߊ߬ߦߊ ߞߍߢߐ߲߯ߝߍ ߡߍ߲ ߦߋ߫ ߣߌ߲߬߸ ߏ߬ ߓߘߴߊ߬ߟߎ߫ ߓߌ߬ߟߊ߫ ߛߎ߬ߣߎ߲ ߘߐ߫، ߊߟߎ߫ ߦߴߊ߬ ߟߐ߲߫߸ ߡߐ߰ ߝߌ߬ߟߊ ߡߍ߲ ߛߊ߬ߣߍ߲߫ ߕߋ߲߬߸ ߊ߬ߟߎ߬ ߦߋ߫ ߛߡߊ߬ߣߌ߲߬ ߛߏߕߌ߮ ߘߋ߲ ߠߎ߬ ߟߋ߬ ߘߌ߫߸ "ߏ߬ ߡߍ߲ ߛߊ߭ ߞߊߙߏ߫ ߥߐ߯ߙߐ߫ ߖߊ߬ߕߋ߬ ߦߋ߫ ߕߋ߲߬،" ߛߊ߬ߦߊ ߓߘߊ߫ ߛߌ߰ ߘߋ߲ߓߦߊ ߣߌ߲߬ ߘߐ߫ ߥߊ߯ߕߌ߫ ߘߊ߲ߘߐ ߣߌ߲߬ ߞߣߐ߫߸ ߞߏ߲ߞߏߜߍ ߡߍ߲ ߕߊ߬ߡߌ߲߬ ߛߊ߲ ߦߋ߫ ߕߋ߲߬߸ ߊ߬ ߘߋ߲ߞߍ߫ ߝߟߐ ߛߊ߬ ߘߊ߫، ߊ߬ߟߎ߫ ߛߐ߬ߘߐ߲߬ ߣߊ ߦߋ߫ ߓߊߟߏ߫ ߘߐ߫، ߡߏ߬ߛߏ ߡߍ߲ ߝߣߊ߫ ߏ߬ ߘߌ߫߸ ߏ߬ ߘߋ߲߫ ߡߐ߰ ߣߊ߯ߣߌ߲߫ ߠߋ߬ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߕߋ߲߬߸ ߗߍ߬ߡߊ߲߫ ߛߓߊ߬ ߣߌ߫ ߡߛߏ߬ߡߊ߲߬ ߞߋߟߋ߲߫، ߊ߬ ߘߋ߲ߡߛߏ߫ ߞߋߟߋ߲߫ ߕߏ߫ ߘߊ߫ ߘߊ߬ߡߊ߲߬ߓߋ ߟߋ߬ ߘߐ߫ ߟߊ߬ߡߌ߬ߣߌ߲߬ ߛߏ ߘߏ߫ ߟߊ߫.