ߕߊ ߥߟߌ߬ߣߍ߲߫ ߕߦߏߕߊ߫ ߞߐ߲ߛߏ ߘߏ߫ ߟߋ߬ ߟߊ߫ ߛߌ߯ߙߌ߲߫ ߛߏ ߞߣߐ߫ ߓߌ߬ ߓߌߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߟߋ߬ ߇߸ ߋߣߍߙߑߖ߭ߌ߫ ߞߌ߲߬ߘߊ ߟߊ߫߸ ߛߊ߲ߝߍߙߍ߲߫ ߡߌߛߙߌ ߞߢߊߡߊ ߘߐ߫ ߌߞߘߐ߫߸ ߞߵߊ߬ ߛߐ߬ߘߐ߲߬ ߡߐ߱ ߟߎ߬ ߦߋ߫ ߝߌ߬ߕߙߌ߬ ߛߊߟߌߌ ߟߊ߫ ߡߌ߬ߛߙߌ ߞߣߐ߫ ߦߋ߲߬߸ ߁߈ߕߎߡߊ߅߀ ߝߊ߲߭ ߝߍ߬، ߏ߬ ߟߊߞߙߐ߬ߛߌ߬ ߘߊ߫ ߛߌߟߊߓߐߛߐ߯ߣߊ߫ ߞߐߦߌߘߊ ߓߟߏ߫ ߦߋ߲߬.

ߟߌ߬ߤߟߊ߫ ߞߎ߲߬ߝߟߐ ߡߍ߲ ߠߎ߬ ߛߋ߫ ߘߊ߫ ߟߊߘߍ߬ ߟߊ߫ ߒ߬ ߓߟߏ߫ ߦߙߐ ߏ߬ ߘߐ߫ ߦߋ߲߬߸ ߡߐ߰ ߡߊ߫ ߓߐ߬ߣߐ߫ ߊ߬ ߣߌ ߘߐ߫ ߛߊ߫߸ ߒ߬ߞߊ߬ ߞߐ߲߬ߛߏ ߖߍ߬ߘߍ ߘߐߕߌߢߍ߫ ߘߊ߫ ߟߋ߬ ߝߋߝߋ߫߸ ߞߵߊ߬ ߖߋ߬ߣߌ߲߬ ߕߊ ߓߟߏ߫ ߞߎߙߍ߫.

ߛߌߟߊߓߐߛߐ߯ߣߊ߫ ߞߊ߬ ߞߐ߲߬ߛߏ߬ ߕߌ߮ ߣߌ߲߬ ߡߊߢߌ߬ߣߌ߲߬ߞߊ߫߸ ߊ߬ߟߋ ߡߍ߲ ߕߐ߯ ߞߏ߫ ߊ߬ߓߊ߯ߛߌ߬ ߝߏߝߣߊ߫߸ ߊ߬ ߞߊ߬ ߣߌ߲߬ ߞߏ ߕߊ߬ߡߌ߲߬ ߢߊ ߢߊߝߐ߫.

<<ߊ߲ ߕߘߍ߬ ߒ ߘߍ߬ߢߐ߲߰ߞߍ߬ ߟߊ߫ ߞߢߐߡߊߟߐ ߕߐ߲߬ߕߐ߲ ߠߋ߬ ߘߐ߫، ߊ߲ ߓߐ ߞߐ ߘߐ߫ ߓߊ߬ߣߊ߲߬ߣߌ߲ߞߙߐ߫߸ ߞߊ߬ ߣߊ߬ ߋߣߍߙߑߖ߭ߌ߫ ߞߌ߲߬ߘߊ ߟߊ߫߸ ߊ߲ ߞߊ߬ ߥߊߟߌߥߊߟߌ߫ ߓߏߙߌߟߊ ߘߏ߫ ߟߎ߫ ߦߴߊ߲ ߞߐߜߍ߲ ߠߊ߫ ߞߊ߬ ߞߎߟߋ߫߸ ߞߏ߫ ߕߊ ߓߘߊ߫ ߥߌ߬ߟߌ߫ ߞߐ߲߬ߛߏ ߟߊ߫، ߒ ߞߍߢߊ ߟߵߏ߬ ߘߌ߫ ߞߊ߬ ߞߐ߲߬ߛߏ ߟߊߟߐ߬߸ ߊ߲ ߓߍ߯ ߖߌ߰ ߘߊ߫.>> ߊ߬ ߞߵߏ߬ ߦߌ߬ߘߊ߬.

ߊ߬ߟߋ ߟߊ߫ ߝߐߟߌ߫ ߘߐ߫߸ ߕߊ ߟߊߛߊ߬ ߞߏ ߢߊߢߌߣߌ߲߫ ߘߊ߫ ߢߊ ߓߍ߯ ߘߏ߫ ߡߊ߬߸ ߞߌ߬ߢߍ ߟߊ߫߸ ߖߌ ߟߊ߫߸ ߊ߬ ߡߊ߫ ߓߍ߲߬ ߢߊ߫ ߛߌ߫ ߡߊ߬، <<ߝߏ߫ ߕߊߟߛߊߟߊ ߟߎ߫ ߣߊ߭ ߡߍ߲ ߞߍ߫ ߘߊ߫߸ ߕߊ ߛߋ߫ ߘߊ߫ ߡߊߣߐ߬ ߟߊ߫.>> ߛߟߊߕߌ߯ ߝߏߝߣߊ߫ ߞߵߏ߬ ߝߙߊ߬ ߞߎߡߊ ߞߊ߲߬.

ߓߌ߬ߟߊ߬ߒ߬ߘߐ߬ ߛߎ߮ ߣߌ߲߬ ߢߐ߲߰ ߞߍ߫ ߘߊ߫ ߟߋ߬ ߞߎߣߎߟߏ߲߫ ߕߊ߬ߡߌ߲߬ߣߍ߲߸ ߂߀߂߆ ߘߓߊ߬ߕߊ ߕߟߋ߬ ߆، ߏ߬ ߞߍ߫ ߘߊ߫ ߞߐ߬ߟߋ߲߬ߘߊ ߟߋ߬ ߟߊ߫߸ ߓߎ߬ߙߋ߬ ߛߌߟߊߞߎ߲ ߠߊ߫، ߕߊ ߥߟߌ߬ ߘߊ߫ ߞߕߊ߬ߞߕߊ߬ߣߍ߲ ߠߋ߬ ߝߣߊ߫ ߟߊ߫ ߦߋ߲߬߸ ߞߵߊ߬ ߕߏ߫ ߓߏ߬ߙߌ ߟߊ߫.