ߓߎ߬ߙߋ߬ ߓߎߞߊߙߌߦߊ߫ ߡߍ߲ ߦߋ߫ ߞߌ߲߬ߕߌ߬ߢߊ߲߫ ߡߙߊ߬ߘߊ߬ߙߋ߲ ߘߐ߫߸ ߛߌ߯ߙߌ߲߫ ߡߙߊ߬ߘߊ߬ߓߊ ߘߐ߫߸ ߡߊ߬ߛߎ߬ߓߊ߬ߞߏ߫ ߟߋ߬ ߕߍ߰ߣߍ߲߫ ߦߋ߲߬ ߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߀، ߘߋ߲ߣߍ߲߫ ߛߊ߲߬ ߇ ߘߏ߫ ߟߋ߬ ߛߎ߭ ߦߋߣߍ߲߫ ߞߐ߲߬ߛߏ߬ ߞߏߙߏ߲ ߘߏ߫ ߞߣߐ߫߸ ߊ߬ ߕߐ߯ ߞߏ߫ ߡߏߙߌ߬ ߘߎ߲ߓߎߦߊ߫߸ ߊ߬ ߛߌ߬ߞߛߊߓߌ ߦߋ߫ ߛߊ߲߬ ߇ ߘߐ߫߸ ߊ߬ ߦߋ߫ ߞߊ߬ߙߊ߲߬ ߠߊ߫ ߞߊ߬ߙߊ߲߬ߕߊ ߦߌߟߡߊ߫ ߛߓߊߣߊ߲ ߠߊ߫߸ ߗߊߡ ߞߊ߬ߙߊ߲߬ߕߊ ߟߊ߫.

ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫ ߞߊ߬ ߝߘߊ߫ ߞߐߙߍ ߟߊ߫߸ ߘߋ߲ߣߍ߲ ߕߎߣߎ߲߫ ߘߊ߫ ߕߋ߬ߟߋ ߟߋ߬ ߘߐ߫߸ ߊ߬ߟߎ߬ ߟߊ߫ ߞߐߝߟߌ ߟߊߓߐ ߘߎ߰ߛߊ߬ߜߍ ߡߊ߬، ߞߐߝߟߌ ߏ߬ ߡߍ߲ ߘߐ߫߸ ߊ߬ ߡߊ߫ ߛߎߘߊ߲߫ ߞߊ߬ ߥߊ߫ ߦߌߟߡߊ ߛߊ߲ߘߐߕߊ ߟߊ߫.

ߏ߬ ߘߎ߰ߛߊ߬ߜߍ ߟߋ߬ ߡߊ߬ ߛߊ߫߸ ߊ߬ ߛߎ߭ ߦߋ߫ ߘߊ߫ ߞߐ߲߬ߛߏ߬ ߟߊߓߌ߬ߟߊ߬ߣߍ߲ ߘߏ߫ ߞߣߐ߫ ߛߏ߫ ߕߍߡߊ߬، ߞߌ߲߬ߘߊ߬ ߞߣߐ߬ ߘߋ߲ߣߍ߲ ߠߎ߬ ߟߋ߬ ߞߵߊ߬ ߛߎ߭ ߦߋ߫، ߊ߬ ߟߐ߲߫ ߘߊ߫ ߛߎߡߊ ߘߏ߫ ߟߋ߬ ߡߊ߬ ߞߐ߲߬ߛߏ ߟߊߡߌߣߌ߲ ߘߐ߫߸ ߛߏ߫ ߞߣߐ߫ ߡߐ߮ ߟߎ߬ ߟߊߟߐ߲ߠߌ߲߫ ߢߊ ߟߋ߬ ߞߍߣߴߏ߬ ߘߌ߫.

ߊ߬ ߝߊ߬ ߊߡߙߊ߫ ߘߎ߲ߓߎߦߊ߫ ߛߎ߬ߣߎ߲߬ߣߍ߲߬ߓߊ ߞߊ߬ ߘߏ߫ ߝߐ߫ ߣߌ߲߬ ߕߊ߬ߡߌ߲߬ ߢߊ ߞߊ߲߬: <<ߘߊߓߐ ߓߊ߲ߣߍ߲߸ ߒ ߞߊ߬ ߒ ߘߋ߲ ߠߎ߬ ߕߏ߫ ߊ߬ߟߎ߬ ߓߏߙߌ߲ߓߊ߬ ߓߘߊ ߟߋ߬߸ ߞߊ߬ ߥߊ߫ ߘߊ߬ߡߊ߲ ߘߐ߫، ߒ ߞߐߛߊ߬ߦߌ߲߸ ߒ ߡߴߊ߬ߟߋ ߦߋ߫، ߊ߲ ߞߵߊ߬ ߢߌߣߌ߲ ߘߊߡߌ߬ߣߊ߬߸ ߤߊ߲߯ ߞߊ߬ ߛߎ ߖߊ߲߬ߝߊ߫߸ ߊ߲ ߞߊ߬ ߞߟߍ߬ߡߐ߰ߘߊ ߟߊߟߐ߲ߠߌ߲߫߸ ߊ߬ ߣߌ߫ ߕߐ߲ߓߟߏߡߟߊ߫߸ ߞߵߏ߬ ߟߊ߫ ߛߏ ߝߊ߰ߡߊ ߟߎ߫ ߞߊ߲߬.>> ߊ߬ ߞߵߏ߬ ߦߌ߬ߘߊ߬.

ߛߏ߫ ߞߣߐ߫ ߡߐ߮ ߟߎ߬ ߣߌ߫ ߛߌ߰ߢߐ߲߮ ߠߎ߬ ߟߊ߫ ߘߍ߬ߡߍ߲ ߞߣߐߡߊ߬߸ ߛߎ ߡߎ߰ߡߍ ߓߊ߲߫ ߘߊ߲߫ ߢߌߣߌ߲ߠߌ߲ ߠߋ߬ ߟߊ߫، <<ߛߎߓߊ߯ ߛߊߟߌ ߓߊ߲ߣߍ߲߸ ߞߵߊ߬ ߛߐ߬ߘߐ߲߬ ߒ ߧߴߊ߬ ߢߌߣߌ߲߫ ߥߊ ߟߊ߫߸ ߘߋ߲ߣߍ߲ ߠߎ߬ ߣߊ߬ ߘߴߊ߬ ߝߐ߫ ߊ߲ ߧߋ߫ ߞߏ߫ ߛߎ߭ ߘߏ߫ ߦߋ߫ ߞߐ߲߬ߛߏ߬ ߞߏߙߏ߲ ߘߏ߫ ߞߣߐ߫، ߊ߲ ߥߊ ߦߋ߲߬߸ ߒ ߞߵߊ߬ ߦߋ߫ ߒ ߘߋ߲ߞߍߣߍ߲ ߠߋ߬ ߝߋߎ߫.>> ߊ߬ ߛߎ߬ߣߎ߲߬ߣߍ߲ ߞߵߏ߬ ߦߌ߬ߘߊ߬.

 ߘߋ߲ߣߍ߲ ߞߐ߬ߘߐ ߟߎ߬ ߟߊ߫ ߞߎߡߊ߫ ߘߊ߫߸ ߊ߬ ߡߊ߫ ߛߎߘߊ߲߫ ߡߍ߲ߞߍ߭ ߥߟߊ߬ߟߊ߬ߓߐ ߘߐ߫߸ ߏ߬ ߞߵߊ߬ ߕߙߐ߫ ߟߋ߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬، ߝߊ߭ ߞߵߊ߬ ߦߌ߬ߘߊ߫ ߏ߬ ߟߋ ߘߐ߫ ߞߏ߫: <<ߊ߬ ߞߐ߬ߘߐ ߟߎ߫ ߞߵߊ߬ ߝߐ߫ ߟߋ߬ ߞߏ߫ ߊ߬ ߞߵߊ߬ ߝߐ߫ ߟߋ߬ ߞߏ߫ ߊ߬ ߕߍ߫ ߘߏ߲߬ ߠߊ߫ ߟߎ ߡߊ߬߸ ߓߊߏ߬ ߊ߬ ߡߊ߫ ߛߎߘߊ߲߫ ߥߟߊ߬ߟߊ߬ߓߐ ߘߐ߫، ߓߊ߬ߙߌ߬߸ ߘߋ߲ߣߍ߲߫ ߞߎߡߊ ߟߋ߬ ߞߏ߬ߣߌ߲ ߦߴߏ߬ ߘߌ߫.>> ߊ߬ ߝߊ߬ ߟߋ߬ ߞߊ߲߫ ߕߋ߲߬.

ߝߊ߭ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߘߋ߲ߣߍ߲ ߛߓߍ߬ߓߊ ߟߋ߬ ߕߍ߬ߘߍ߫ ߞߊ߬ߙߊ߲ ߡߊ߬، ߞߊ߬ߕߎ߲߯ <<ߞߊ߬ߦߌ߯ ߊ߬ ߘߏ߲߬ ߘߊ߫ ߞߊ߬ߙߊ߲߬ߕߊ ߟߊ߫߸ ߊ߬ ߡߴߊ߬ ߖߊ߲߬ ߝߋߎ߫.>> ߊ߬ ߞߵߏ߬ ߦߌ߬ߘߊ߬.

ߕߋ߲߭ߕߋ߲߭ ߣߌ߲߬ ߘߐ߫߸ ߘߋ߲ߣߍ߲ ߛߊ߬ ߢߊ߬ ߕߌ߯ߕߌ߮ ߡߊ߫ ߟߐ߲߫ ߡߎߣߎ߲߬، ߢߊߢߌߣߌ߲ߠߌ߲߫ ߞߏ߬ߣߌ߲߬ ߞߊ߫ ߞߊ߲߫ ߞߊ߬ ߛߌ߰ ߛߋ߲߬ߠߊ߫߸ ߞߊ߬ ߡߊ߬ߛߎߓߊ ߣߌ߲߬ ߞߎ߲߭ ߟߐ߲߫، ߞߏߢߊ ߣߌ߲߬ ߞߏ߬ߣߌ߲ ߞߊ߬ ߓߎߞߊߙߌߦߞߊ ߟߎ߫ ߓߌ߬ߟߊ߫ ߛߎ߬ߣߎ߲ ߠߋ߬ ߘߐ߫.

ߣߌ ߣߌ߫ ߖߎ߬ߛߎ ߞߏ߬ߣߌ߲ ߓߊ߯ ߓߐ߫ ߣߌ߲߬ ߘߐ߫߸ ߞߊ߬ ߓߍ߲߬ ߞߎߡߊ߫ ߟߊߛߐ߬ߘߐ߲߬ߣߍ߲ ߠߎ߬ ߡߊ߬߸ ߘߋ߲ߣߍ߲ ߠߊ߫ ߛߎߘߊ߲ߠߌ߲߫ ߞߏ ߖߐ߬ߘߐ ߟߋ߬ ߣߐ߬ ߊ߬ ߛߐ߬ߘߐ߲߬ ߠߊ߫، ߏ߬ ߘߴߊ߬ ߦߌ߬ߘߊ߬ ߞߏ߫ ߡߏߦߌߓߊ߮ ߟߎ߬ ߣߌ߫ ߖߊ߲߬ߕߏ߬ߟߌ ߖߍ߬ߘߍߖߍ߬ߘߍ ߟߋ߬ ߦߊ߫ ߞߊ߲߫ ߘߋ߲ߣߍ߲ ߠߎ߬ ߘߐ߫.