ߞߊ߯ߙߌ ߡߍ߲ ߕߊ߬ߡߌ߲߬ߣߍ߲߫ ߣߌ߲߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߇߸ ߘߋ߲ߣߍ߲߫ ߡߛߏ߬ߡߊ߲߬ߣߍ߲߫ ߛߊ߲߭ ߂ ߘߏ߫ ߟߋ߬ ߕߎߣߎ߲߫ ߘߊ߫ ߊߡߌߣߊ߫߸ ߏ߬ ߦߋ߫ ߛߌ߯ߙߌߣߌ߲߫ ߡߙߊ߬ߘߊ߬ߙߋ߲ ߠߋ߬ ߘߐ߫، ߏ߬ ߟߋ ߛߎ߭ ߦߋ߫ ߘߊ߫ ߞߐ߬ߓߊ߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߈ ߡߊ߬߸ ߘߊ߬ߡߊ߲߬ ߞߏߙߏ߲ ߘߏ߫ ߞߣߐ߫، ߟߊ߬ߞߙߐ߬ߛߌ߬ߟߌ߫ ߞߎ߲߬ߝߟߐ ߡߍ߲ ߠߎ߬ ߞߍ߫ ߘߊ߫ ߘߊ߲ߘߊߟߌߟߊ ߟߎ߬ ߓߟߏ߫߸ ߣߴߊ߬ ߞߏߢߊ ߟߊߞߊ߬ߟߌ߬ ߘߊ߫ ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߓߟߏ߫߸ ߊ߬ ߦߌ߬ߘߊ߬ ߘߊ߫ ߏ߬ ߘߐ߫ ߞߏ߫ ߘߊߣߐ߫ ߣߌ߫ ߓߟߏߣߐ߫ ߛߌ߫ ߡߊ߫ ߦߋ߫ ߘߋ߲ߣߍ߲ ߝߊ߬ߘߌ ߡߊ߬߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߛߋ߫ ߞߍ߫ ߘߴߊ߬ ߡߊ߬ ߟߋ߬.

ߛߙߎߓߊ߲ߣߍ߲ ߣߌ߲߬ ߕߐ߯ ߟߋ߬ ߞߏ߫ ߝߊ߲ߕߊ߬ ߞߏ߬ߕߊ߬ߣߍ߫، ߊ߬ ߛߌ߬ߞߛߊߓߌ ߦߋ߫ ߛߊ߲߭ ߂ ߖߊ߬ߕߋ߬ ߘߐ߫߸ ߊ߬ ߣߴߊ߬ ߟߊ߫ ߡߐ߱ ߟߎ߬ ߦߋ߫ ߊߡߌߣߊ߫ ߟߋ߬߸ ߞߎ߲߬ߘߊ ߃߲، ߊ߬ ߕߎߣߎ߲߫ ߞߏ ߝߐ߫ ߘߊ߫ ߞߟߍ߬ߡߐ߰ߘߊ ߦߋ߫ ߞߊ߯ߙߌߟߏ߲ ߠߋ߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߁߅ߕߎߡߊ ߝߊ߲߭ ߝߍ߬، ߢߊߢߌߣߌ߲ߠߌ߲߫ ߛߌ߰ ߘߊ߫ ߛߋ߲߬ߠߊ߫ ߌߞߘߐ߫߸ ߛߊ߫ ߘߋ߲ߣߍ߲ ߘߌ߫ ߦߋ߫ ߢߊ ߡߍ߲ ߡߊ߬.

<<ߊ߬ ߞߏ ߘߊߡߌ߬ߣߊ߬ ߘߊ߫ ߕߎߣߎ߲ߠߌ߲߫ ߞߏ߫ ߞߎߡߊ ߟߋ߬ ߡߊ߬ ߡߎߣߎ߲߬߸ ߏ߬ ߡߍ߲ ߞߎߡߊ ߝߐ߫ ߘߊ߫ ߞߟߍ߬ߡߐ߰ߘߊ ߦߋ߫ ߞߊ߯ߙߌߟߏ߲ ߂߅ߕߎߡߊ ߟߊ߫߸ ߞߏ߫ ߘߋ߲ߣߍ߲߫ ߛߊ߲߭ ߂ ߘߏ߫ ߓߘߊ߫ ߕߎߣߎ߲߫، ߢߊߢߌߣߌ߲ߠߌ߲ ߛߌ߰ ߘߊ߫ ߛߋ߲߬ߠߊ߫ ߏ߬ ߟߋ ߘߐ߫߸ ߞߊ߬ ߓߍ߲߬ ߕߎߣߎ߲ߠߌ߲߫ ߞߏ ߏ߬ ߡߊ߬.>> ߘߊ߲ߘߊߟߌߟߊ ߞߵߏ߬ ߦߌ߬ߘߊ߬.

ߒ߬ߓߊ߬߸ ߛߙߎߓߊ߲ ߛߎ߭ ߟߋ߬ ߦߋ߫ ߘߊ߫ ߞߐ߬ߓߊ߬ߟߏ߲ ߡߊ߬ ߛߍߣߍ߲߬߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߈߸ ߘߊ߬ߡߊ߲߬ ߞߏߙߏ߲ ߘߏ߫ ߞߣߐ߫، ߏ߬ ߞߏ ߞߊ߬ ߟߊ߬ߡߊ߮ ߟߊߘߏ߲߬ ߝߊ߲߭ ߓߍ߯ ߘߐ߫߸ ߞߊ߬ ߓߍ߲߬ ߊ߬ ߞߏ ߞߍߢߊ ߡߊ߬.

<<ߌ ߞߵߊ߬ ߟߐ߲߫߸ ߊ߬ ߓߊ߯ ߝߐ߫ ߢߊ ߏ߬ ߡߊ߬ ߞߏ߫ ߘߋ߲ߣߍ߲߫ ߛߊ߲߭ ߂ ߘߏ߫ ߛߎ߭ ߓߘߊ߫ ߦߋ߫ ߘߊ߬ߡߊ߲߬ ߞߏߙߏ߲ ߞߣߐ߫߸ ߏ߬ ߘߌ߫ ߡߐ߱ ߟߎ߫ ߓߊ߬ߟߌ߫ ߘߋ߬߸ ߕߎ߬ߢߊ߬ ߝߐ߬ ߓߟߏ ߡߊ߬ ߞߊ߬ߣߌ߲߬.>> ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߟߋ߬ ߞߊ߲߫ ߕߋ߲߬.

ߞߊ߬ ߓߍ߲߬ ߛߊ߬ߦߊ ߣߌ߲߬ ߞߍߢߊ ߢߊߢߌߣߌ߲ ߡߊ߬߸ ߛߌ߯ߙߌ߲߫ ߞߕߌߘߊ ߦߌߟߡߊ߫ ߝߟߐ ߞߕߌߞߊ߲ߘߊ߸ ߞߊ߬ߙߊ߲߬ߡߐ߰ ߘߏߡߣߌߞ ߟߎ߬ߥߊ߫ ߞߵߊ߬ ߟߊߢߌߣߌ߲߫ ߞߟߍ߬ߡߐ߰ߘߊ ߝߍ߬߸ ߊ߬ ߣߌ߫ ߘߊ߲ߘߊߟߌߟߊ ߟߎ߬߸ ߞߏ߫ ߊ߬ߟߎ߬ ߦߋ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫߸ ߞߊ߬ ߛߋ߫ ߛߊ߬ߦߊ ߣߌ߲߬ ߞߍߢߊ߫ ߖߐ߲ߖߐ߲ ߓߌ߬ߟߊ߬ ߟߊ߫ ߜߍ ߘߐ߫.

ߒ߬ߓߊ߬߸ ߟߊ߬ߞߙߐ߬ߛߌ߬ߟߌ߫ ߞߎ߲߬ߝߟߐ ߡߍ߲ ߠߎ߬ ߞߍ߫ ߘߊ߫ ߘߊ߲ߘߊߟߌߟߊ ߟߎ߬ ߓߟߏ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߡߊ߫ ߕߐ߬ߡߊ߬ߛߙߋ߬ ߝߏߦߌ߬ ߦߋ߫ ߘߋ߲ߣߍ߲ ߝߊ߬ߘߌ ߡߊ߬، ߘߊ߲ߘߊߟߌߟߊ ߞߵߊ߬ ߦߌ߬ߘߊ߬߸ ߞߏ߫ ߘߊ߫ ߕߴߊ߬ ߡߊ߬߸ ߥߊߛߊ߲ߠߌ߲߫ ߣߐ߫ ߡߊ߫ ߦߴߊ߬ ߡߊ߬߸ ߞߊߘߌ߫ ߣߐ߫ ߡߊ߫ ߦߴߊ߬ ߡߊ߬.

ߣߊ߲߬ߕߌ߰ ߘߊ߲ߘߊߟߌߟߊ ߣߌ߲߬ ߞߵߊ߬ ߦߌ߬ߘߊ߬ ߞߏ߫ <<ߊߟߊ߫ ߟߊ߯߸ ߝߋ߲߫ ߛߌ߫ ߡߊ߫ ߛߋ߫ ߘߋ߲ ߣߌ߲߬ ߡߊ߬߸ ߛߊ߬ߣߴߊ߬ ߦߋ߫ ߖߌ߰ ߘߊ߬ߡߊ߲ ߞߣߐ߫، [...] ߣߴߌ ߘߴߊ߬ ߝߐ߫ ߞߊ߬ ߝߐ߫ ߞߏ߫ ߡߐ߱ ߟߎ߬ ߣߐ߬ ߡߥߊ߬ߛߊ߲߬ߠߌ߲߬ ߣߐ ߓߌ߬ߟߊ߬ ߟߴߊ߬ ߡߊ߬ ߣߌ߲߬، ߝߊߦߌߘߊ߫߸ ߡߐ߰ ߘߴߊ߬ ߝߐ߫ ߞߏ߫ ߘߋ߲ߣߍ߲ ߣߌ߲߬ ߕߏߣߍ߲߫ ߕߊ߯ߡߊ ߟߋ߬ ߟߊ߫ ߞߊ߬ ߥߊ߫ ߖߌ߰ ߘߊ߬ߡߊ߲ ߞߣߐ߫، ߘߊ߬ߡߊ߲ ߣߌ߲߬ ߞߏ߬ߣߌ߲ ߡߊߕߊ߯ߣߍ߲߫ ߕߘߍ߬ ߛߏ ߟߊ߫ ߣߍ߲ߞߍ߫.>> ߘߊ߲ߘߊߟߌߟߊ ߞߵߏ߬ ߦߌ߬ߘߊ߬߸ ߞߵߊ߬ ߟߴߊ߬ ߞߊ߲߬ ߞߏ߫ ߘߋ߲ߓߊߕߌ߮ ߟߎ߬ ߟߊ߫ ߖߊ߲߬ߕߏ߬ߒ߬ߘߐ߬ߓߊߟߌߦߊ ߛߋ߲߬ ߦߴߊ߬ ߘߐ߫.

ߊ߬ ߞߵߊ߬ ߦߌ߬ߘߊ߬ ߞߏ߫ ߕߐ߰ߡߊ߬ߛߙߋ߬ ߜߘߍ߫ ߝߏߦߌ߬ ߡߊ߫ ߦߋ߫߸ ߡߍ߲ ߘߌ߫ ߡߐ߰ ߟߊߛߌߞߊ߫ ߞߏ߫ ߜߘߍ߫ ߡߊ߬، ߏ߬ ߘߐ߫ <<ߛߦߊ߬ ߛߎ߲ߞߎ߲ߡߊ ߟߋ߬ ߦߴߊ߬ ߘߌ߫>>