ߛߌߟߊ߫ ߞߊ߲߫ ߓߌߟߊߒߘߐߖߎ߮ ߟߋ߬ ߞߍߣߍ߲߫߸ ߡߍ߲ ߣߐ߬ ߖߌ߬ߣߍ߬ߞߊ߫ ߟߊ߬ߓߏ߬ߙߟߌ߬ߟߊ ߘߏ߫ ߓߣߐ߬ ߟߴߊ߬ ߣߌ ߘߐ߫ ߞߎߣߎ߲ߟߏ߲ ߛߎ ߂߀߂߆ ߘߓߊ߬ߕߊ ߕߋ߬ߟߋ߫ ߂߀߸ ߞߵߊ߬ ߘߎ߰ߛߊ ߜߍ߫ ߓߌߟߏ߲ ߠߊ߫߸ ߘߓߊ߬ߕߊ ߕߋ߬ߟߋ߫ ߂߁، ߏ߬ ߞߍ߫ ߘߊ߫ ߛߌߟߊ߫ ߞߋ߬ߡߎ߲߬ߓߏ߬ߦߊ߬ߣߍ߲ ߠߋ߬ ߞߊ߲߬߸ ߡߍ߲ ߦߋ߫ ߝߊߘߎ߯ ߣߌ߫ ߘߎߓߦߊ߫ ߓߌ߬ߟߊ߬ ߟߊ߫ ߢߐ߲߮ ߡߊ߬߸ ߞߌ߲߬ߕߌ߬ߢߊ߲߫ ߡߙߊ߬ߘߊ߬ߙߋ߲ ߘߐ߫߸ ߛߌ߯ߙߌ߲߫ ߡߙߊ߬ߘߊ߬ߓߊ ߘߐ߫، ߊ߲ ߠߊ߫ ߟߌ߬ߤߟߊ߬ ߟߊߘߍ߬ߣߍ߲ ߠߎ߬ ߘߐ߫ ߘߌ߲߬ߞߌߙߊ ߘߐ߫ ߦߋ߲߬߸ ߊ߲ ߞߵߊ߬ ߦߋ߫ ߞߏ߫ ߛߌߟߊ ߕߐ߲ߓߟߏߡߊ ߟߎ߬ ߟߊ߫ ߜߋ߬ߟߎ߲߬ߠߌ߲ ߛߋ߲߬ ߦߋ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߘߐ߫.

ߊ߲ ߠߊ߫ ߞߐߦߌߘߊߓߊ߮ ߡߍ߲ ߦߋ߫ ߘߌ߲߬ߞߌߙߊ ߏ߬ ߘߐ߫ ߦߋ߲߬߸ ߏ߬ ߞߊ߬ ߟߊ߬ߟߏ߬ߞߋ߫ ߞߟߎ߬ߦߋ߬ߡߊ߬ ߡߊߢߌ߬ߣߌ߲߬ߞߊ߬߸ ߊ߬ߟߋ ߡߍ߲ ߦߋ߫ ߓߙߎߞߌߣߞߊ߫ ߘߌ߫߸  ߊ߬ ߣߴߊ߬ ߦߋ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߛߌߓߊ߮ ߘߏ߫ ߟߋ߬ ߝߣߊ߫ ߘߌ߫߸ ߊ߬ߟߋ߫ ߞߊ߬ ߣߌ߲߬ ߞߏ ߕߊ߬ߡߌ߲߬ ߢߊ ߢߊߝߐ߫، ߊ߬ ߟߊ߫ ߝߐߟߌ߫ ߘߐ߫߸ ߡߐ߰ ߁߁ ߠߋ߬ ߕߍ߬ߘߍ߫ ߞߐ߲߬ߛߏ ߣߌ߲߬ ߞߣߐ߫߸ ߊ߬ ߕߊ߯ߕߐ߫ ߕߘߍ߬ ߓߙߎߞߌߣߊ߫ ߝߊ߬ߛߏ߫ ߟߋ߬.

ߊ߬ߟߋ ߟߊ߫ ߝߐߟߌ߫ ߘߐ߫: <<ߊ߲ ߓߐ߫ ߘߊ߫ ߞߐ߭ߝߌ߬ߟߊ߬ߣߍ߲߫ ߠߋ߬߸ ߞߵߊ߲ ߞߎ߲߬ߟߊ߫ ߞߎ߬ߙߋߡߊ߬ߟߋ߲߫ ߞߊ߲߬، ߊ߲ ߕߊ߬ߡߌ߲߬ ߘߊ߫ ߜߋ߬ߟߎ߲߬ߠߌ߲߬ߘߊ߬ ߝߟߐ ߟߊ߫߸ ߟߊ߬ߓߏ߬ߙߟߌ߬ߟߊ ߞߵߏ߬ ߟߎ߬ ߟߊ߫ ߛߙߊߕߌ ߓߍ߯ ߘߝߊ߫߸ ߊ߲ ߞߊ߬ ߛߌߟߊ ߘߊߓߊ߲߫، ߊ߲ ߥߊ ߢߍߝߍ߬߸ ߡߐ߰ ߝߌ߬ߟߊ߫ ߣߊ߬ ߘߊ߫ ߔߏߔߏ ߞߊ߲߬߸ ߕߐ߲ߓߟߏߡߊ ߟߎ߬ ߟߊ߫ ߕߏ߲ߕߊߟߊ߲ ߦߋ߫ ߞߋߟߋ߲ ߞߊ߲ߠߊ߫߸ ߞߵߊ߬ ߟߊߢߌߣߌ߲߫ ߊ߲ ߝߍ߬ ߞߏ߫ ߊ߲ ߧߴߊ߲ ߟߐ߬، ߟߊ߬ߓߏ߬ߙߟߌ߬ߟߊ ߞߵߊ߬ ߓߊ߲߬߸ ߓߊߏ߬ ߊ߬ ߕߘߍ߬ ߊ߬ ߢߣߊ߫ ߞߏ߫ ߊ߬ ߓߘߊ߫ ߓߊ߲߫ ߞߍߕߊ ߓߍ߯ ߞߍ߫ ߟߊ߫.>> ߊ߬ ߞߵߏ߬ ߢߊߝߐ߫.

ߛߙߋ ߢߌ߲߬ ߠߊ߫ ߝߐߟߌ߫ ߘߐ߫߸ ߔߏߔߏߕߌ߮ ߢߌ߲߬ ߠߎ߫ ߞߊ߬ ߜߍ߲ߠߌ߲ ߘߊߡߌ߬ߣߊ߬߸ ߛߌߟߊ ߘߏ߲߬ ߡߊ߫ ߢߌ߲߬، <<ߊ߬ߟߎ߫ ߞߵߊ߲ ߣߐ߬ߝߍ߬ߜߍ߲߫، ߞߋߟߋ߲ ߖߍ߬ߘߍ ߞߵߊ߲ ߡߊߓߊ߰ߓߊ߰ ߞߏ߫ ߣߌ߫ ߟߊ߬ߓߏ߬ߙߟߌ߬ߟߊ ߡߴߊ߬ ߟߐ߬ ߊ߬ ߘߌ߫ ߡߊ߬ߙߌ߬ߝߊ ߕߋ߬، ߞߊ߬ ߕߏ߫ ߓߏ߬ߙߌ ߟߊ߫ ߢߊ ߏ߬ ߡߊ߬߸ ߘߎ߰ߞߎߟߎ߲ ߞߊ߬ ߘߋ߲߬ߞߊ߬ ߛߌߦߊߡߊ߲߫ ߜߊ߬ߛߌ߬߸ ߡߍ߲ ߠߊߓߊ߲߫ ߘߊ߫ ߟߊ߬ߓߏ߬ߙߟߌ߬ߟߊ ߓߟߏߓߊ߬ߟߌ ߡߊ߬ ߝߏ߫ ߘߎ߰ߞߎߟߎ߲ ߞߊ߬ ߛߌߟߊ ߓߌ߬ߟߊ߫ ߞߊ߬ ߥߴߊ߬ ߛߌ߰ ߦߙߌ ߘߏ߫ ߞߎ߲߬.>> ߊ߬ ߞߵߏ߬ ߝߙߊ߬ ߞߎߡߊ ߞߊ߲߬.

ߟߏ߬ߓߏ߬ߙߟߌ߬ߟߊ ߞߋߟߋ߲߫ ߔߋ߫ ߟߋ߬ ߕߍ߬ߘߍ߫ ߘߎ߰ߞߎߟߎ߲ ߞߣߐ߫ ߖߌ߬ߣߍ߬ߞߊ߬ ߘߌ߫ ߦߋ߲߬߸ ߊ߬ߟߋ ߛߊ߬ ߘߊ߫ ߦߋ߲߬ ߞߊ߬ ߓߍ߲߬ ߊ߬ ߟߊ߫ ߖߐߞߟߌ ߖߎ߯ߦߊ ߡߊ߬߸ ߘߎ߰ߞߎߟߎ߲ ߞߣߐ߫ ߡߐ߮ ߟߎ߫ ߞߵߊ߬ ߡߞߊߘߊ߲߫ ߢߊ ߓߍ߯ ߡߊ߬߸ ߊ߬ ߡߊ߫ ߓߍ߲߬، ߞߣߐ߫ ߡߐ߮ ߏ߬ ߛߌߦߊߡߊ߲߫ ߖߐߞߌ߫ ߘߊ߫ ߢߊ߫ ߛߌߦߊߡߊ߲߫ ߡߊ߬.

ߓߙߎߞߌߣߊ߫ ߛߊߣߌ߲߫ ߛߋ߲ߠߊ ߡߍ߲ ߠߎ߬ ߦߋ߫ ߛߌ߯ߙߌ߲߫ ߝߊ߲߬ߞߣߐ ߏ߬ ߘߐ߫ ߦߋ߲߬߸ ߊ߬ ߓߘߊ߫ ߦߌ߬ߘߊ߫ ߡߐ߰ ߛߌߦߊߡߊ߲߫ ߓߟߏ߫߸ ߞߏ߫ ߞߏ߫ ߛߎ߮ ߢߌ߲߬ ߠߎ߬ ߓߘߊ߫ ߛߌߦߴߊ߬ߟߎ߫ ߞߊ߲߬ ߓߊߟߋ߬ ߦߋ߲߬، ߞߵߊ߬ߟߎ߬ ߟߊߟߐ߬ ߛߌߟߊ ߟߊ߫ ߛߐ߲߬߸ ߞߊ߬ ߥߊߘߌ ߟߊߢߌߣߌ߲߫ ߊ߬ߟߎ߬ ߟߊ߫߸ ߊ߬ߟߎ߬ ߟߊ߫ ߞߏ߫ ߊ߬ ߓߘߊ߫ ߞߍ߫ <<ߊ߬ߟߎ߬ ߥߊ߫ ߢߊ ߟߋ߬ ߘߌ߫ ߝߛߊߦߌ߫.>>

ߢߊߢߌߣߌ߲ߠߌ߲߫ ߞߏ߬ߣߌ߲߬ ߞߊ߫ ߞߊ߲߫ ߞߊ߬߬ ߛߌ߰ ߛߋ߲߬ߠߊ߫߸ ߞߊ߬ ߣߌ߲߬ ߢߊߘߐߜߍ ߟߐ߲߫߸ ߞߵߊ߬ ߕߊ߬ߡߌ߲߬ ߖߐ߲ߖߐ߲ ߟߐ߲߫ ߞߊ߬ߣߌ߲߬.