ߞߎߣߊ߬ߛߌߣߌ߲߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߉ ߡߊ߬ ߸ ߗߍ߬ ߛߊ߲߬ ߂߀ ߣߌ߫ ߞߐ ߘߏ߫ ߟߋ߬ ߟߊ߫ ߞߏ ߥߎ߬ߣߎ߲߬ߥߎ߬ߣߎ߲߬ ߞߊ߲ ߓߘߊ߫ ߟߐ߯ߞߎ߲߫ ߘߊ߲ߘߐ߫ ߓߐ߫ ߙߊ߲ߘߎߟߍߣ ߞߌ߲߬ߘߊ ߞߣߐ߫ ،ߞߊ߬ߡߊߛߐ߬ߘߐ߲߬߸ߊ߬ ߕߊ߯ ߘߴߊ߬ ߖߋ߬ߕߌ߰ߡߛߏ߬ ߞߘߐ ߘߏ߫ ߟߋ߬ ߓߘߊ ߦߋ߫ ߞߊ߲ߡߊ߬ ߸ߞߊ߬ ߛߌ߰ߓߊ߮ ߟߎ߬ ߡߊߢߌ߬ߣߌ߲߬ߞߵߊ߬ ߖߋ߬ߕߌ߰ߡߛߏ߫ ߟߊ߫ ߦߙߐ ߡߊ߬ ߸ߏ߬ ߟߎ߬ ߝߣߊ߫ ߞߊ߬ ߦߙߐ ߦߌ߬ߘߴߊ߬ ߟߊ߫ ߞߊ߬ߛߐ߬ߘߐ߲߬ ߊ߬ߟߎ߬ ߡߴߊ߬ ߟߐ߲߫ ߡߙߌߦߊ ߡߍ߲ ߦߴߊ߬ ߟߊ߫ ߞߵߊ߬ ߟߐ߬ ߡߏ߬ߛߏ ߡߊ߬. ߕߏ߫ ߞߍߣߍ߲߫ ߏ߬ ߟߋ ߘߐ߫ ߸ߘߋ߲ߡߛߏ ߣߌ߫ ߖߋ߬ߟߌ ߓߐ߫ ߘߊ߫ ߓߏ߲ ߞߣߐ߫ ߊ߬ ߦߋ߫ ߛߐ߲ߞߐ߫ ߟߊ߫ ߸ߖߊ߬ߡߊ ߟߊߘߍ߬ ߢߊ ߟߋ߬ ߞߍ߫ ߘߴߏ߬ ߘߴߊ߬ ߡߊ߬ ߞߵߊ߬ ߟߊߕߊ߯ ߕߌߍߛ ߕߌ߲߬ߞߎߘߎ߲ ߘߊ߲ߘߊߛߏ ߟߊ߫. 

ߗߍ߭ ߡߍ߲ ߞߊ߬ ߓߊ߯ߙߊ߫ ߖߎ߮ ߣߌ߲߬ ߛߌ߰ ߛߋ߲߬ߠߊ߫ ߸ ߊ߬ ߓߊ߲߫ ߞߐ ߊ߬ ߖߋ߬ߕߌ߰ߡߛߏ߫ ߡߊߘߐ߲߬ ߠߊ߫ ߸ߊ߬ ߕߎ߲߬ ߦߴߊ߬ ߝߍ߬ ߞߵߊ߬ ߓߏ߬ߙߌ߫ ߟߋ߬ ،ߓߊ߬ߙߌ߬ ߸ ߊ߬ ߖߐ߫ ߘߊ߫ ߓߏ߲ ߞߣߐ߫ ߦߋ߲߬ ߞߵߊ߬ ߘߐߕߏ߰ߝߏ߬ߕߊ߯ߝߊ߫ ߖߊ߬ߡߊ  ߓߟߏ߫ ߞߊߕߌ߫ ߸ߏ߬ ߞߐ߫ ߞߵߊ߬ ߟߊߕߊ߬ߡߌ߲߫ ߝߊ߰ߡߊ ߟߎ߬ ߕߊ߫ ߓߟߏߟߊ߫ ߛߍߣߍ߲߬ ߸ߕߐ߲ߓߟߏߡߊ ߟߎ߬ ߝߣߊ߫ ߞߊ߬  ߗߍ߬ߓߊ߬ߡߌߘߊ ߓߌ߬ߟߴߊ߬ ߓߟߏ ߟߊ߫ ߞߵߊ߬ ߞߕߌ߫ ߞߵߊ߬ ߖߊ߲߬ߞߌ߲߫ ߞߊߙߏ߫ ߄ ߥߛߎ߫ ߘߊߕߎ߲߯ߣߍ߲ ߠߊ߫. 

ߘߞߊ߬ߙߊ߬ߞߑߕߎ߳ ߟߊ߫ ߝߐߟߌ߫ ߘߐ߫ ߸ ߞߏ߫ ߘߋ߲ߡߛߏ ߜߊ߬ߛߌ߬ ߞߏ߬ߖߎ߰ߦߊ ߣߌ߲߬ ߞߎ߲߭ ߞߍߣߍ߲߫ ߊ߬ ߝߐ ߟߋ߬ ߘߴߊ߬ ߓߟߏ߫ ߞߏ߫ ߊ߬ ߣߌ߫ ߞߊ߲ߡߋߙߋ߲ ߦߋ߫ ߘߊ߲߭ߛߌ߰ ߊ߬ߟߎ߬ ߕߍߡߊ߫ ߞߊߣߎ߲ ߠߊ߫.