ߖߎ߬ߟߊ ߘߏ߫ ߟߋ߬ ߞߕߌ߫ ߘߊ߫ ߓߌ߬ ߛߣߍ߬ߜ߭ߊ߬ߟߌ߬ ߞߣߐ߫߸ ߒߓߎߙ ߞߕߌߘߊ ߦߌߟߡߊ߫ ߝߟߐ ߟߊ߫، ߊ߬ߟߋ ߦߋ߫ ߖߎ߬ߟߊ ߟߋ߬ ߘߌ߫ ߒߓߎߙ ߟߐ߯ߝߍߓߊ ߘߐ߫، ߊ߬ ߞߊ߬ ߡߎ߲߬ ߞߍ߫߸ ߊ߬ߟߋ߫ ߣߐ߬ ߊ߬ ߖߋ߬ߕߌ߰ߡߛߏ߬ ߞߘߐ ߖߋ߬ߕߌ߰ߗߍ߬ ߞߎߘߊ ߟߋ߬ ߡߊߘߌߡߌ߲߫ ߞߏߖߎ߯ߦߊ ߞߍ߫ ߟߊ߫߸ ߏ߬ ߟߋ ߣߐ߬ ߊ߬ ߟߊߛߋ߫ ߟߊ߫ ߛߊ߬ߙߌ߬ߦߊ߬ ߟߊ߫، ߊ߬ ߞߵߏ߬ ߓߏ߲߫ ߕߏ߬ߝߊ߬ߘߋ߲ ߠߋ߬ ߟߊ߫߸ ߞߵߏ߬ ߓߟߏ ߞߊߘߌ߫߸ ߞߵߏ߬ ߟߊߞߊ߬ߢߴߊ߬ ߟߊ߫ ߓߊ߯ߙߊ ߟߊ߫ ߕߟߋ߬ ߃߀ ߖߊ߬ߕߋ߬ ߞߘߐ߫.
ߢߌ߲߬ ߞߏ ߞߍ߫ ߘߊ߫ ߞߊ߬ߦߌ߯ ߥߊ߬ߛߌ߬ߥߙߊ߫ ߕߊ߬ߡߌ߲߬ߣߍ߲ ߠߋ߬ ߟߊ߫߸ߟߏ߲ ߘߏ߫ ߛߎ ߝߍ߬ ߕߋ߲߬߸ ߂߂ ߕߎߡߊ ߟߊ߫ ߒߓߎ߯ߙ ߛߏ ߞߣߐ߫، ߏ߬ ߟߏ߲ ߛߎ ߘߐ߫߸ ߖߐߔ ߟߋ߬ ߞߵߊ߬ ߖߋ߬ߕߌ߰ߡߛߏ߬ ߞߘߐ ߘߏ߫ ߣߌ߫ ߞߊ߲ߡߋߙߋ߲ ߘߏ߫ ߦߋ߫ ߏ߬ ߕߐ߮ ߡߊߛߎ߬ߕߙߊ߬ߣߍ߲ ߦߋ߫ ߊ.ߞ ߘߌ߫.
ߏ߬ ߟߎ ߦߋߟߌ ߟߋ߬ ߡߊ߫ ߘߌߦߴߊ߬ ߦߋ߫ ߖߐ߫، ߏ߬ ߟߋ ߞߏߛߐ߲߬߸ ߡߐߣߍ ߡߊ߬ ߏ߬ ߘߐ߫߸ ߊ߬ ߞߵߊ߬ ߕߋߟߋ߲߫ ߏ߬ ߟߎ߫ ߟߊ߫ ߝߊ߲ߞߊߢߊ߲߫ ߞߊ߬ ߕߊ߯ ߊ߬ ߞߍ߫ ߞߊ߲ߡߋߙߋ߲ ߞߊ߲߬، ߞߕߌߘߊ ߦߌߟߡߊ߫ ߝߟߐ ߣߐ߬ ߞߊ߲ ߡߍ߲ ߠߎ߬ ߝߐ߫ ߟߊ߫߸ ߞߏ߫ ߖߐߔ ߥߊ ߞߊ߬ ߥߴߊ߬ ߞߍ߫ ߞߊ߲ߡߋߙߋ߲ ߞߊ߲߬ ߢߊ ߏ߬ ߡߊ߬߸ ߊ߬ ߞߊ߬ ߕߏ߬ߝߊ߬ߘߋ߲ ߠߋ߬ ߞߍ߫ ߞߵߊ߬ ߝߏߘߏ߲߫ ߊ߬ ߞߊ߲ ߞߊ߲߬߸ ߞߊ߬ ߓߊ߲߫ ߝߣߊ߫ ߞߵߊ߬ ߞߏ߬ߙߏ߲߬ߞߏߙߏ߲߫ ߊ߬ ߞߐ߫ ߘߎ߱ ߡߊ߬ ߜߟߊ߬ߜߟߊ߬ ߦߙߌߞߊ߫ ߟߊ߫.
ߞߏߕߐ ߡߊߘߌߡߌ߲߫ ߘߊ ߟߋ߬ ߓߊߞߍ߬ ߸ ߊ߬ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߒߓߎ߯ߙ ߘߊ߲ߘߊߛߏ߫ ߗߍߙߑߣߐ߫ ߡߎߤߊ߲ߡߊߘߎߟ ߡߊ߲ߛߎߙ ߟߴߊ߬ ߘߊ߲ߘߊ߫ ߞߊ߲ߡߊ߬ ߸ ߏ߬ ߟߎ߬ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߞߊ߲ߡߋߙߋ߲ ߓߟߏߡߊߙߊ߲ ߞߊߘߌߣߍ߲߫ ߠߋ߬، ߞߊ߬ ߕߟߋ߬ ߃߀ ߘߴߊ߬ ߡߊ߬ ߞߏ߫ ߊ߬ ߞߊߣߊ߬ ߓߊ߯ߙߊ߫ ߞߍ߫ ߞߎ߲߬ߕߊ߮ ߞߣߐ߫.
ߊ߬ ߝߐ߫ ߘߊ߫ ߞߏ߫ ߖߐߔ ߟߋ߬ ߦߴߊ߬ ߟߐ߬ ߞߊ߲ߡߋߙߋ߲ ߘߊ߲ߘߊ߫ ߞߏ ߖߐ߰ߣߍ ߟߊ߫، ߏ߬ ߟߋ ߞߐ ߘߐ߫߸ ߊ.ߞ ߝߣߊ߫ ߓߊ߲ ߕߟߋ߬ ߃߀ ߞߍ߫ ߟߊ߫ ߢߊ ߏ߬ ߡߊ߬߸ ߞߵߊ߬ ߓߟߏ ߡߊߣߐ߰ߦߊ߬ ߝߋߎ߫، ߊ߬ ߕߊ߯ ߘߴߊ߬ ߡߊߞߊ߬ߛߌ߫ ߖߐߔ ߞߊ߲߬߸ ߏ߬ ߡߍ߲ ߞߵߊ߬ ߞߍ߫ ߊ߬ ߞߊ߲߬ ߞߵߊ߬ ߡߊߘߌߡߌ߲߫،
ߖߐߔ ߘߏ߲߬ ߝߣߊ߫ ߡߴߊ߬ ߛߐ߬ߛߐ߫ ߜߊ߬ߛߟߌ߬ ߞߏ ߟߊ߫ ߞߕߌ߫ ߘߊߞߎ߲ ߘߐ߫ ߝߋߎ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߞߟߋ߬ߦߊ ߟߋ߬ ߥߙߊ߬ߣߴߊ߬ ߡߊ߬ߟ ߏ߬ ߟߋ ߞߵߊ߬ ߟߐ߬ ߞߏ߫ ߛߎ߮ ߏ߬ ߞߍ߫ ߟߊ߫، ߊ߬ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߒ ߣߐ߬ ߒ ߖߋ߬ߕߌ߰ߡߛߏ߫ ߦߋ߫ ߟߊ ߗߍ߬ ߜߘߍ߫ ߓߟߏ߫߸ ߏ߬ ߟߋ ߡߊ߫ ߟߊ߫ ߒ ߝߊ߬ߘߌ ߡߊ߬ ߢߊ ߛߎ߯ ߺ ߎ ߺ ߛߎ߯ ߡߊ߬.>> ߖߐߔ ߞߵߏ߬ ߟߋ ߝߐ߫ ߞߕߌ߫ ߘߊߞߎ߲ ߘߐ߫߸ ߏ߬ ߡߍ߲ ߞߎߡߊ ߟߊߞߊ߬ߟߌ߬ ߘߊ߫ ߐߓߑߛߍߙߑߝ߭ߊߕߍߙ ߝߐ߰ߓߍ߬ߘߊ ߓߟߏ߫.
ߘߋ߲ߡߛߏ ߝߣߊ߫ ߞߎߡߊ߫ ߘߊ߫ ߞߊ߬ ߕߐ߯ ߓߐ߫ ߊ߬ ߖߘߍ߬ ߟߊ߫، ߊ߬ ߞߊ߲߫ ߞߏ߫ ߊ߬ߟߋ ߣߌ߫ ߊ.ߞ ߘߍ߭ ߡߍ߲ ߞߍ߫ ߘߊ߫ ߞߵߊ߬ߟߎ߬ ߞߍ߫߫ ߢߐ߲߯ ߝߍ߬߸ ߊ߬ ߣߌ߫ ߖߐߔ ߟߊ߫ ߞߊ߬ߣߌ߲ ߛߊ߬ ߘߊ߫ ߟߋ߬ ߘߏߦߌ߲߫، ߏ߬ ߘߐ߫߸ ߞߏ߫ ߝߏߦߌ߬ ߕߎ߲߬ ߕߴߊ߬ߟߎ߬ ߕߍ߫ ߡߎ߬ߕߎ߲߬.
ߞߊ߬ ߞߐ߲߰ ߞߕߌ ߘߊߡߌߣߊ ߢߍ߫߸ ߖߐߔ ߟߊ߫ ߡߐ߱ ߟߎ߬ ߣߌ߫ ߊߞ ߟߊ߫ ߡߐ߱ ߟߎ߫ ߕߎ߲߬ ߓߘߴߊ߬ ߞߏ ߝߐ߫ ߓߊߘߋ߲ߧߊ ߟߊ߫ ߞߵߊ߬ ߓߊ߲߫، ߊߞ ߖߍ߬ߘߍ ߛߐ߲߬ ߘߊ߫ ߞߏ߫ ߊ߬ ߓߘߊ߫ ߦߝߊ߬، ߝߣߊ߫߸ ߞߏ߫ ߊ߬ ߘߴߊ߬ ߝߐ߫ ߛߊ߬ߙߌ߬ߦߊ߬ ߟߊ߫߸ ߞߏ߫ ߢߍ߬ߦߌ߲߬ߘߐ߬ߓߍ߲߬ ߞߊߣߊ߬ ߘߴߊ߬ ߡߊ߬߸ ߓߟߏߢߐ߲߯ߠߛߊߦߌ߲߫ ߞߊߣߊ߬ ߞߍ߫، ߞߏ߫ ߊ߬ߟߋ ߘߴߊ߬ ߓߟߏߓߐ߫ ߞߕߌ ߘߐ߫ ߝߋߎ߫.
ߏ߬ ߞߏ߬ߣߌ߲ ߓߍ߯ ߣߴߊ߬ ߕߊ߫߸ ߞߏߟߊߕߐ߲ ߞߕߌ ߡߊ߫ ߟߊߟߐ߬߸ ߏ߬ ߞߍ߫ ߘߊ߫، ߞߕߌߞߊ߲ߘߊ ߖߍ߬ߘߍ ߞߵߊ߬ ߝߐ߫ ߟߋ߬ ߞߏ߫ ߞߊ߲ߡߋߙߋ߲ ߞߊ߬ ߡߍ߲ ߞߍ߫߸ ߊ߬ ߡߴߊ߬ ߓߍ߲߬، ߊ߬ ߘߏ߲߬ ߣߐ߬ ߘߐ ߏ߬ ߡߊߘߌߡߌ߲߫ ߞߏߖߎ߯ߦߊ ߟߋ߬ ߞߍ߫ ߟߊ߫߸ ߡߍ߲ ߡߊ߫ ߓߍ߲߬ ߝߋߎ߫، ߏ߬ ߘߐ߫߸ ߞߏ߫ ߊ߬ ߘߌߡߊ߲߫ ߊ߬ߟߋ ߦߋ߫߸ ߞߊ߬ ߖߐߔ ߓߌ߬ߟߊ߬ ߞߊߙߏ߫ ߥߐ߯ߙߐ߫ ߥߛߎߖߌ߲߫ ߓߊߟߊ߲ߣߍ߲ ߠߋ߬ ߟߊ߫ ߝߋߝߋ߫.
ߒߓߎ߯ߙ ߞߕߌ ߦߌߟߡߊ߫ ߝߟߐ ߞߊ߫ ߞߊ߲߫ ߞߵߊ߬ߟߎ߬ ߟߊ߫ ߡߙߌߘߐ ߕߊ߬ ߓߌ߬ ߂߀߂߆ ߞߊ߬ߙߌ߬ߝߐ ߕߟߋ߬ ߁߆.
Aucun commentaire pour le moment.