ߦߋ߲߳ߓߋ߳ߟ ߕߐ߲ߓߟߏߡߟߊ߫ ߓߊ߲߫ ߛߊ߲ ߦߋ߫ ߢߊߢߌߣߌ߲ ߘߏ߫ ߟߋ߬ ߟߊ߫ ߕߋ߲߬߸ ߡߍ߲ ߞߏߢߊ ߓߙߊ߬ߣߍ߲߫ ߡߐ߰ ߛߌߦߊߡߊ߲߫ ߘߐ߫، ߞߊ߬ߕߎ߲߯߸ ߞߐ߬ߓߊ߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߈߸ ߞߏߢߊߢߌߣߌ߲ߠߊ ߟߎ߫ ߞߊ߬ ߟߎߕߌ߮ ߘߏ߫ ߟߋ߬ ߟߊߕߊ߯ ߞߕߌ߫ ߡߊߞߐߣߐ߲߫ ߥߛߎ ߟߊ߫߸ ߡߍ߲ ߡߊߝߌ߲߬ߣߍ߲߫ ߡߛߏ߬ߞߏ߬ߒ߬ߕߋ߬ߦߊ ߘߐ߫ ߊ߬ ߖߍ߬ߘߍ ߛߐ߬ߘߐ߲߬ ߘߋ߲ ߞߊ߲ߡߊ߬߸ ߝߏ߫ ߞߵߊ߬ ߡߊߞߏߟߏ߲߫ ߖߌߦߊߓߍ ߟߎ߬ ߟߊߘߊ߬ߙߏ߫ ߊ߬ ߞߎ߲߬، ߏ߬ ߟߋ ߞߏ ߣߊ߬ߣߍ߲߬ ߟߊ߫ ߟߊ߫ ߕߋ߬ߟߋ ߟߊ߫߸ ߡߍ߲ ߢߋ߰ߓߎ ߥߙߊ߬ ߘߊ߫߸ ߊ߬ ߘߏ߲߬ ߞߊ߬ ߡߐ߰ ߛߌߦߊߡߊ߲߫ ߕߙߐ߫.

ߗߍ߭ ߞߵߊ߬ ߘߋ߲ ߣߌ߲߬ ߛߐ߬ߘߐ߲߬ ߂߀߁߂ ߟߋ߬ ߟߊ߫߸ ߊ߬ ߛߊ߲߬ ߁߄ ߠߋ߬ ߕߋ߲߬، ߊ߬ ߛߐ߬ߘߐ߲ ߣߌ߫ ߛߌߛߍ߲߬ ߕߍ߫߸ ߞߵߊ߬ ߟߊ߫ ߞߏ ߓߍ߯ ߞߍ߫ ߊ߬ ߣߊ߫ ߟߋ߬ ߓߟߏ߫، ߝߏ߫ ߞߐ ߢߌ߲߬ ߠߊ߫߸ ߞߊ߬ ߓߍ߲߬ ߊ߬ ߟߊ߫ ߞߊ߬ߙߊ߲ ߟߌ߬ߤߟߊ ߡߊ߬ ߛߊ߫߸ ߊ߬ ߟߊߦߟߍ߬ߡߊ߲߬ ߘߴߊ߬ ߝߊ߬ ߓߘߊ، ߏ߬ ߟߋ ߞߐ ߣߊ߬ߕߐ߫ ߥߟߏ߫ ߟߊ߫ ߞߎ߲߬ߠߊ߬ߖߌ߰ ߞߏ߬ ߛߎ߮ ߢߌ߲߬ ߠߊ߫ ߕߋ߲߬߸ ߡߍ߲ ߘߌ߫ ߡߐ߰ ߘߓߊ߬ߙߌ߬ ߓߊ߲߫ ߞߏߛߓߍ߫. ߗߍ߭ ߘߋ߲ߡߛߏ߫ ߣߊ߬ߣߍ߲ ߊ߬ ߘߊߝߍ߬ ߦߋ߲߬߸ ߊ߬ ߞߵߊ߬ ߦߌ߬ߘߴߊ߬ ߟߊ߫ ߞߏ߫ ߊ߬ ߞߊ߫ ߞߊ߲߫ ߞߊ߬ ߕߏ߫ ߛߌ߬ ߟߴߊ߬ ߖߍ߬ߘߍ ߛߌ߬ߓߏ߲ ߠߋ߬ ߞߣߐ߫߸ ߊ߬ߟߋ ߣߴߊ߬ ߘߋ߲ߡߛߏ߫ ߓߍ߯ ߦߋ߫ ߕߏ߫ ߛߌ߬ ߟߊ߫ ߓߏ߲߫ ߞߋߟߋ߲߫ ߞߣߐ߫ ߞߊ߬ߣߌ߲߬، ߞߵߊ߬ ߘߊ߬ߟߎ ߞߍ߫ ߏ߬ ߘߐ߫ ߛߊ߫߸ ߞߏ߫ ߊ߬ ߦߴߏ߬ ߟߊ߫ <<ߞߊ߲ߓߊ߲ߧߊ߫ ߞߏ ߟߋ߬ ߢߊߘߐߜߍ ߟߐ߲߫ ߞߏ ߘߐ߫>>، ߊ߬ ߞߵߊ߬ ߘߋ߲ߡߛߏ߫ ߞߘߊߡߊ߫߸ ߞߏ߫ ߊ߬ ߦߴߊ߬ ߖߘߍ߬ ߡߥߊߙߊ߲ߞߊ߫߸ ߊ߬ ߞߵߊ߬ ߕߏߟߏ߲߫ ߏ߬ ߟߊ߫ ߢߊ ߓߍ߯ ߡߊ߬߸ ߞߵߊ߬ ߡߊߞߏߟߏ߲ ߏ߬ ߖߌ߬ߦߊ߬ߖߟߎ߬ߦߊ߫ ߊ߬ ߟߊ߫ ߜߋߟߋ߲ߜߋߟߋ߲ ߠߊ߫ ߝߣߊ߫ ߞߵߊ߬ ߟߴߊ߬ ߞߊ߲߬، ߞߵߊ߬ ߟߊߥߟߌ߬ ߏ߬ ߟߋ ߞߏߢߊ ߢߡߊߘߏ߲߱ ߡߊ߬߸ ߊ߬ ߞߵߊ߬ ߘߋ߲ߡߛߏ߫ ߘߊ߲ߕߌߢߍ߫ ߟߋ߬ ߒߕߟߋߡߊ߬߸ ߞߏ߫ ߘߋ߲߫ ߥߘߊ ߟߵߏ߬ ߘߌ߫߸ ߡߍ߲ ߛߐ߲߭ ߡߊ߫ ߢߌ߲߬ ߡߎ߰ߡߍ߫.

ߝߊ߭ ߣߐ߬ ߞߏ ߡߍ߲ ߞߍ߫ ߟߴߊ߬ ߘߋ߲ ߠߊ߫߸ ߏ߬ ߡߊ߫ ߘߌߦߊ߫ ߘߋ߲ߣߍ߲ ߦߋ߫ ߢߊ߫ ߛߌ߫ ߡߊ߬߸ ߊ߬ ߘߌ߯ ߘߴߊ߬ ߟߊ߫ ߞߏߛߓߍ߫، ߏ߬ ߟߋ ߘߐ߫߸ ߏ߬ ߝߣߊ߫ ߞߵߊ߬ ߓߍߟߍ߲߫ ߘߓߊ߬ߕߊ ߕߟߋ߬ ߃߁ ߡߊ߬߸ ߁߈ߕߎߡߊ ߟߊ߫ ߕߋ߲߬߸ ߞߵߊ߬ ߓߏ߬ߙߌ߫ ߞߊ߬ ߥߴߊ߬ ߣߊ߫ ߘߊߝߍ߬ ߞߍ߳ߙ ߡߊߛߊߙ، ߊ߬ ߞߊ߬ ߣߌ߲߬ ߞߎߡߊ ߟߋ߬ ߝߐ߫ ߜߎ߲߬ߘߎ߬ ߓߟߏ ߡߵߊ߬ ߡߊ߬ߡߊ߬ߛߏ߬ ߦߋ߫ ߛߍߣߍ߲߬߸ ߤߊ߲߯ ߞߵߊ߬ ߞߏ ߓߊ ߘߐߕߋ߬ ߏ߬ ߦߋ߫ ߔߏ߫، ߊ߬ ߜߊ߬ ߘߊ߫ ߏ߬ ߟߊ߫ ߞߊ߬ ߛߴߊ߬ ߘߊ߲߭ ߠߊ߫، ߞߎߡߊ߫ ߛߌߦߊߡߊ߲߫ ߜߘߍ߫ ߡߊ߫ ߓߌ߬ߟߊ߫ ߏ߬ ߘߐ߫ ߡߎ߬ߕߎ߲߬߸ ߘߋ߲ߡߛߏ ߣߊ߫ ߥߊ߫ ߘߴߊ߬ ߡߊߞߊ߬ߛߌ߫ ߗߍ߭ ߞߊ߲߬ ߛߊ߬ߙߌ߬ߦߊ߬ ߟߊ߫߸ ߦߋ߲߳ߓߋ߳ߟ ߕߐ߲ߓߟߏߡߊߛߏ ߟߊ߫، ߞߊ߬ߕߎ߲߯߸ ߗߍ߭ ߣߌ߫ ߘߋ߲ߡߛߏ ߝߘߊߣߍ߲߫ ߠߋ߬߸ ߘߋ߲߫ ߞߋߟߋ߲ ߏ߬ ߟߋ ߦߴߊ߬ߟߎ߬ ߕߍ߫. ߡߞߊ߬ߛߌ߬ߟߌ ߓߊ߲ ߞߍ߫ ߟߊ߫ ߡߏ߬ߛߏ ߓߟߏ߫߸ ߊ߬ߟߎ߫ ߞߊ߬ ߘߋ߲ߣߍ߲ ߕߊ߬ ߞߊ߬ ߥߴߊ߬ ߘߌ߫ ߘߊ߲ߘߊߟߌ߫ ߕߊ߲ߓߊ߲ ߠߊ߫߸ ߊ߬ ߡߊߝߟߍ߫ ߞߊ߲ߡߊ߬߸ ߏ߬ ߞߍ߫ ߘߊ߫ ߞߐ߬ߟߏ߲߫ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߥߊ߬ߛߌ߬ߥߙߊ ߕߋ߬ߟߋ߫ ߂، ߏ߬ ߕߎ߬ߡߊ߬ߣߍ߲߬ ߞߋߟߋ߲ ߠߋ߬ ߝߣߊ߫ ߟߊ߫߸ ߊ߬ߟߎ߫ ߞߊ߬ ߗߍ߭ ߡߌ߬ߣߊ߫ ߞߵߊ߬ ߓߌ߬ߟߊ߬ ߢߟߊߥߛߎ ߟߊ߫.

ߞߏߢߊߢߌߣߌ߲ߠߊ ߟߎ߬ ߢߊߞߘߐ߫ ߦߋ߲߬߸ ߗߍ߭ ߞߵߊ߬ ߝߐ߫ ߞߏ߫ ߊ߬ ߦߴߊ߬ ߛߐ߬ߛߐ߬ ߟߊ߫ ߣߌ߲߬ ߞߏ ߟߊ߫، ߓߊ߬ߙߌ߬߸ ߊ߬ ߟߊ߫ ߜߋߟߋ߲ߜߋߟߋ߲ ߞߣߐߟߊ ߟߋ߬ ߞߵߊ߬ ߟߊ߫ ߕߋ߬ߟߋ ߟߊ߫، ߓߊߏ߬߸ ߕߐ߲ߓߟߏߡߊ ߟߎ߬ ߞߵߏ߬ ߞߣߐߟߊ ߘߐߥߟߏߡߊ߫߸ ߊ߬ߟߎ߬ ߥߊ߫ ߘߴߊ߬ ߛߐ߬ߘߐ߲߬߸ ߏ߬ ߝߊߣߍ߲߫ ߖߌ߬ߦߊ߬ߓߍ߬ ߞߙߌߞߙߊ ߟߎ߬ ߣߌ߫ ߖߌ߬ߦߊ߬ߖߟߎ߬ ߞߙߌߞߙߊ ߟߎ߬ ߟߊ߫߸ ߘߋ߲ߣߍ߲ ߡߊߞߏߟߏ߲߫ ߖߌߦߊ ߞߍߣߍ߲߫ ߞߵߊ߬ ߝߊ߫ ߝߊߦߌߘߊ߫، ߜߍߘߐ ߘߊߟߎ ߏ߬ ߟߎ߬ ߓߍ߯ ߦߌ߬ߘߊ߫ ߞߐߝߍ߬ ߸ ߊ߬ ߞߵߊ߬ ߟߐ߬ ߊ߬ ߛߐ߲߭ ߘߏ߫ ߟߎ߫ ߟߊ߫ ߞߏ߫ ߊ߬ ߘߋ߲ ߠߋ߬ ߖߌ߬ߦߊ߬ߖߟߎ ߏ߬ ߟߎ߬ ߘߐ߫ ߏ߬ ߘߌ߫ ߝߛߊߦߌ߫.

ߒ߬ߓߊ߬߸ ߞߎߣߎ߲߬ ߞߐ߬ߓߊ߬ߟߏ߲ ߡߊ߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߈߸ ߊ߬ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߞߊ߲ߓߍ߲ ߞߕߌߞߊ߲ߘߊ ߢߊߞߘߐ߫، ߊ߬ ߣߐ߬ߝߍ߬ߜߍ߲ߣߍ߲߫ ߞߎ߲߬ߓߊ߬ߕߐ߬ߦߊ ߣߌ߫ ߖߎ߬ߟߊ߬ߖߎ߰ߦߊ ߞߏߛߐ߲߬، ߏ߬ ߘߏ߲߬ ߞߏ߫ ߛߎ߮ ߟߎ߬ ߓߊ߯ ߞߍ߫ ߡߐ߰ ߓߟߏ߫ ߛߣߍ߬ߜ߭ߊߟߌ߫ ߞߣߐ߫߸ ߥߛߎ߫ ߘߎߡߊߣߍ߲ ߠߋ߬ ߛߎ߬ߘߎ߲߬ߧߊ߬ ߟߴߌ ߟߊ߫.