ߞߊ߬ ߓߍ߲߬ ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߡߊ߬ ߛߣߍ߬ߜ߭ߊߟߌ߫ ߝߐ߰ߓߍ߬ ߛߓߍߘߐߕߊ߫ ߟߌߓߋߙߊߛߌߦߐ߲ ߞߣߐ߫߸ ߞߏߢߊ ߘߏ߫ ߟߋ߬ ߓߘߊ߫ ߞߎ߲ߖߋߟ ߘߎ߱ ߟߊߡߊ߰ ߕߋ߲߬ ߞߏߛߓߍ߫߸ ߡߍ߲ ߜߊ߬ߣߍ߲߫ ߡߐ߰ ߛߌߦߊߡߊ߲߫ ߠߊ߫، ߏ߬ ߦߋ߫ ߡߎ߲߬ ߘߌ߫߸ ߘߋ߲ߡߛߏߣߍ߲߫ ߛߊ߲߬ ߁߄ ߘߏ߫߸ ߊ߬ ߦߋ߫ ߞߊ߬ߙߊ߲߬ ߠߊ߫ ߞߊ߬ߙߊ߲߬ߘߊ߬ߓߊ ߟߋ߬ ߟߊ߫߸ ߊ߬ ߣߊ߫ ߓߘߊ߫ ߛߊ߬߸ ߊ߬ ߘߌ߫ ߘߴߊ߬ ߡߐ߬ߡߛߏ ߟߋ߬ ߡߵߊ߬ ߟߊߡߐ߬ ߞߊ߲ߡߊ߬، ߒ߬ߓߊ߬߸ ߏ߬ ߟߋ ߘߍ߬ߢߐ߲߯ ߛߊ߲߬ ߁߇ ߘߏ߫ ߓߋ߬ߣߴߊ߬ ߞߊ߲߬߸ ߊ߬ ߣߌ߫ ߡߍ߲ ߓߍ߯ ߦߋ߫ ߞߊ߬ߙߊ߲߬ߕߊ߬ ߞߋߟߋ߲߫ ߠߊ߫، ߊ߬ ߝߊ߬ ߞߍߣߍ߲߫ ߏ߬ ߟߋ ߞߊ߬ߟߊߡߊ߬߸ ߛߟߊߕߌ߯ ߔߍߣ߸ ߏ߬ ߡߊ߫ ߛߴߊ߬ ߡߊߞߎ߲߬ ߠߴߊ߬ ߞߏ ߡߊ߬߸ ߊ߬ ߕߊ߯ ߘߴߊ߬ ߡߊߞߊ߬ߛߌ߫ ߛߊ߬ߙߌ߬ߦߊ߬ ߟߊ߫.

ߓߋ߬ߒ߬ߞߊ߲߬ߠߌ߲߬ ߞߏ ߡߞߊ߬ߛߌ߬ߟߌ ߟߋ߬ ߞߍߣߍ߲߫، ߓߊ߬ߙߌ߬߸ ߞߏߢߊߢߌߣߌ߲ߠߊ ߟߎ߬ ߥߊߣߍ߲߫ ߕߙߍ߬ߣߍ߬ ߟߊ߫ ߡߎ߲߬ ߠߊ߫߸ ߣߌ߫ ߛߐ߲߬ ߕߴߛߋ߫ ߞߍ߫ ߟߴߊ߬ ߡߊ߬߸ ߏ߬ ߟߋ ߞߍߣߍ߲߫ ߡߛߏ߬ߞߘߐ ߟߊ߫ ߞߏ ߘߌ߫، ߘߋ߲ߡߛߏߣߍ߲ ߡߐ߬ߡߛߏ ߡߍ߲ ߞߊ߫ ߞߊ߲߫ ߞߊ߬ ߘߋ߲ߣߍ߲ ߠߊߞߊ߲ߘߊ߫߸ ߏ߬ ߣߌ߫ ߓߋ߬ߒ߬ߞߊ߲߬ߠߌ߲߬ߠߊ ߟߊ߫ ߡߐ߱ ߟߎ߬ ߞߎߡߊ߫ ߘߊ߫ ߞߊ߬ ߓߍ߲߬ ߘߓߌ߬ߘߐ߬ ߞߏ߫ ߜߘߍ߫ ߡߊ߬، ߊ߬ ߞߵߊ߬ ߝߐ߫ ߏ߬ ߟߎ߬ ߦߋ߫߸ ߞߏ߫ ߊ߬ߟߎ߬ ߦߋ߫ ߛߍߝߊ ߥߊ߯ ߗߡߍ߬ ߣߌ߫ ߥߊ߯ ߡߎ߬ߥߊ߲߫ ߛߙߊ߬ (߆߀߀ ߀߀߀߀)߸ ߛߴߊ߬ ߘߴߊ߬ ߛߋ߲߭ ߟߴߊ߬ ߞߏ ߞߊ߲߬، ߓߊ߬ߙߌ߬߸ ߊ߬ߟߎ߫ ߣߊ߬ ߘߊ߫ ߓߍ߲߬ ߛߍߝߊ ߥߊ߯ ߓߌߛߊ߬ߓߊ߫ ߟߋ߬ ߡߊ߬ (߁߅߀ ߀߀߀߀).

ߛߋ߫ ߞߍ ߕߐ߲ߓߟߏߡߊ ߟߎ߬ ߢߊߞߘߐ߫ߟ ߞߊ߲ߡߋߙߋ߲ߣߍ߲ ߡߍ߲ ߡߊߝߌ߲߬ߣߍ߲߫߸ ߏ߬ ߣߴߊ߬ ߝߊ߬ ߞߵߊ߬ ߟߊߛߙߋߦߊ߫߸ ߞߏ߫ ߊ߬ߟߎ߫ ߞߊ߬ ߥߊߘߌ ߘߌ߫ ߟߋ߬ ߡߛߏ߬ߞߘߐ ߡߊ߬ ߝߋߎ߫، ߡߛߏ߬ߞߘߐ ߣߌ߲߬ ߕߐ߯ ߟߋ߬ ߞߏ߫ ߒߘߍߦߌ߬ ߗߊߡ߸ ߊ߬ ߝߣߊ߫ ߡߴߊ߬ ߛߐ߬ߛߐ߫ ߊ߬ ߟߊ߫ ߜߘߍߞߍ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߥߊߘߌ ߡߌ߬ߣߊ߬ ߖߎ߯ߡߊ߲߫ ߞߊ߲ߡߊ߬߸ ߊ߬ ߞߵߏ߬ ߡߌ߬ߣߊ߫ ߟߋ߬ ߛߴߊ߬ ߘߴߏ߬ ߛߊ߲߬ ߓߊߛߌ ߘߏ߫ ߟߎ߫ ߟߊ߫ ߞߵߊ߬ ߡߊ߬ߡߊ߬ߙߋ߲ ߘߊ߲ߘߊ߫ ߏ߬ ߟߊ߫، ߓߊ߬ߙߌ߬߸ ߞߏߢߊߢߌߣߌ߲ߠߊ ߟߎ߬ ߡߊ߫ ߛߐ߲߬ ߘߊ߬ߟߎ ߏ߬ ߡߊ߬.

ߏ߬ ߘߐ߫߸ ߓߌ߬ߟߊ߬ ߞߍߣߍ߲߫ ߞߊ߲ߡߋߙߋ߲ߣߍ߲ ߞߐ߫ ߓߋ߬ߒ߬ߞߊ߲߬ߠߌ߲߬ ߞߏ ߘߐ߫߸ ߏ߬ ߓߘߊ߫ ߟߊߘߏ߲߬ ߥߛߎ ߟߊ߫، ߡߛߏ߬ߞߘߐ ߝߣߊ߫ ߓߘߊ߫ ߟߊߘߏ߲߬ ߥߛߎ߫ ߞߋߟߋ߲ ߏ߬ ߟߊ߫ ߌߞߐ߫߸ ߞߏ߫ ߊ߬ ߓߘߴߊ߬ ߡߊߞߎ߲߬ ߕߌߢߍߟߌ ߡߊ߬߸ ߊ߬ ߣߴߊ߬ ߓߘߴߊ߬ ߛߋ߲߭ߓߌ߬ߟߊ߬ ߕߌߢߍߟߌ ߘߐ߫ ߞߊ߬ ߞߍ߫ ߕߌߢߍߟߌߟߊ ߛߋ߲߬ߘߏ߲߬ߢߐ߲߮ ߘߌ߫.