ߣߌ߲߬ ߞߏ ߡߊߞߓߊߣߍ߲߫ ߞߏߛߓߍ߫، ߞߕߌ ߘߏ߫ ߟߋ߬ ߦߴߌߘߐ߫ ߖ߭ߌߞߌ߲ߛ߭ߐߙ ߞߎ߲߬ߞߏ߬ߓߊ߬ߕߐ߬ߦߊ ߓߏ߲ߘߋ߲ ߠߊ߫߸ ߞߍ߫ ߦߴߌߘߐ߫߫ ߛߊߖߐ߬ ߟߋ߬ ߞߐ߫߸ ߊ߬ߟߋ ߡߍ߲ ߦߋ߫ ߓߊ߯ߙߊ߫ ߟߊ߫ ߝߊ߲ߘߊߓߏ߲ ߘߏ߫ ߟߊ߫ ߞߊߔ ߛߑߞߌߙߌ߲߫، ߊ߬ ߟߊ߫ ߞߕߌ߫ ߘߊߞߎ߲ ߘߐ߫߸ ߊ߬ ߞߵߊ߬ ߟߊߟߐ߬ ߞߏ߫ ߊ߬ ߞߵߊ߬ ߖߋ߬ߕߌ߰ߡߛߏ߫ ߝߊ߰ ߡߙߎ߬ߓߊ ߟߊ߫߸ ߏ߬ ߡߍ߲ ߕߐ߯ ߞߏ߫ ߓߌ߲ߕߊ߬ ߖߊ߬ߕߊ߫߸ ߣߴߊ߬ ߞߊ߲߬ߕߐ߮ ߦߋ߫ ߓߌ߲ߕߊ߬ ߝߊߟ ߘߌ߫، ߏ߬ ߞߍ߫ ߘߊ߫ ߂߀߂߄ ߞߏ߲ߞߏߜߍ ߕߟߋ߬ ߁߀ ߠߋ߬ ߡߊ߬߸ ߊ߬ߟߎ߬ ߡߊߞߍ߫ ߦߌߟߊ ߘߐ߫ ߡߐ߲ߕߊߢ ߞߌ߲߬ߘߊ ߟߊ߫.

ߞߕߌ߫ ߓߋߟߋ߲ ߠߊ߫߸ ߡߊ߬ߝߌ߲߬ߓߊ߰ߕߐ ߞߵߊ߬ ߟߐ߬ ߊ߬ ߛߐ߲߭ ߠߊ߫ ߣߌ߫ ߕߙߎߕߙߎߟߌ߫ ߕߍ߫߸ ߊ߬ ߞߊ߲߫ ߞߏ߫: <<ߕߎ߬ߢߊ ߟߋ߬ ߝߋߎ߫߸ ߒߠߋ ߟߋ߬ ߞߊ߬ ߒ ߠߊ߫ ߛߎ߲ߞߎߘߎ߲ ߓߌ߲ߕߊ߬ ߖߊ߬ߕߊ߫ ߝߊ߰ [...] ߊ߬ ߞߍ ߘߐ߫ ߞߊ߬ ߒ ߠߊߡߐߣߍ߫، ߒ ߞߊ߬ ߡߙߎ߬ߓߊ ߟߋ߬ ߟߊߓߊ߯ߙߊ߫߸ ߞߊ߬ ߞߍߓߊߟߌ ߞߍ߫.>> ߊ߬ ߞߵߏ߬ ߦߌ߬ߘߊ߬߸ ߞߣߊ߬ߕߏ߫ ߊ߬ ߟߊ߫ ߟߴߊ߬ ߞߊ߲߬ ߞߏ߫ ߊ߬ߟߋ߫ ߖߍ߬ߘߍ ߓߊ߬ߟߌ߬ ߘߊ߫ ߟߋ߬߸ <<ߒ ߡߴߊ߬ ߟߐ߲߫ ߒ ߛߋ߫ ߘߊ߫ ߣߌ߲߬ ߞߍ߫ ߟߊ߫ ߢߊ ߡߍ߲ ߡߊ߬.>>

ߞߵߊ߬ ߛߐ߬ߘߐ߲߬ ߜߎ߸ ߊ߬ ߞߏ ߞߍ ߡߍ߲ ߞߍ߫ ߘߊ߫߸ ߊ߬ ߓߴߊ߬ ߟߐ߲߫ ߞߏ߫ ߓߟߏ ߘߌ߫ ߟߴߊ߬ ߘߐ߫ ߝߊ߲߭ ߡߍ߲߸ ߊ߬ ߘߴߏ߬ ߢߊߞߍ߫ ߞߵߊ߬ ߞߟߊ߬ߟߊߝߟߌ߬، ߝߏ߫ ߞߐ ߟߋ߬ ߟߊ߫߸ ߊ߬ ߣߐ߬ ߊ߬ ߦߋ߫ ߟߊ߸ ߢߌߣߌ߲ߠߌ߲ ߓߘߊ߫ ߜߊ߬߸ ߊ߬ ߥߊ߫ ߘߴߊ߬ ߖߘߍ߬ ߢߍ߫ ߞߊߔ ߛߑߞߌߙߌ߲߫ ߞߟߍ߬ߡߐ߰ߘߊ ߟߊ߫߸ ߞߵߊ߬ ߝߐ߫ ߏ߬ ߟߎ߬ ߦߋ߫߸ ߞߏ߫ ߊ߬ ߟߊ߫ ߛߎ߲ߞߎߘߎ߲ ߛߎ߭ ߓߘߊ߫ ߦߋ߫ ߊ߬ ߟߊ߫ ߓߏ߲ ߠߊ߫ ߁߅ߕߎߡߊ߄߅ ߡߊ߬، ߞߏ߬ߣߌ߲߬ ߊߜߊ߫߸ ߢߊߢߌߣߌ߲ߠߌ߲ߠߊ ߟߎ߬ ߞߵߊ߬ ߟߊ߫ ߝߊ߲߬ߝߘߊ ߏ߬ ߞߘߐߟߐ߲߫ ߌߞߘߐ߫.

ߓߏ߲ ߠߊ߫ ߦߋ߲߬߸ ߞߟߍ߬ߡߐ߮ ߟߎ߫ ߞߊ߬ ߞߏ ߘߏ߫ ߟߎ߫ ߟߊߞߙߐ߬ߛߌ߬: ߝߊ߰ߓߊ߰ߕߐ ߟߊߣߴߊ߬ ߞߣߐ ߞߊ߲߬ ߘߏ߬ߝߙߏ ߘߐ߫߸ ߓߌߘߌ߲ߞߊ߲ ߦߴߊ߬ ߝߊ߲߬ ߞߋߟߋ߲ ߞߊ߲߬߸ ߡߊ߬ߘߌ߬ߡߌ߲߬ߠߌ߲߬ߣߐ ߖߍ߬ߘߍߖߍ߬ߘߍ ߦߴߊ߬ ߡߊ߬߸ ߊ߬ ߞߎ߲߭߸ ߊ߬ ߞߊ߲߸ ߊ߬ ߣߴߊ߬ ߝߊ߬ߘߊ ߝߊ߲߭ ߠߎ߬، ߊ߬ ߝߊ߰ ߢߊ ߢߊߢߌߣߌ߲ ߘߐ߫ ߏ߬ ߘߐ߫߸ ߊ߬ ߦߋ߫ ߘߊ߫ ߞߏ߫ ߖߋ߬ߟߌ߬ߓߐ߫ ߘߊ߲߬ߠߊߕߊ߬ߡߌ߲߬ߣߍ߲ ߠߋ߬ ߞߍߣߴߊ߬ ߛߕߊ ߘߌ߫، ߓߊߏ߬߸ ߖߋ߬ߟߌ߫ ߥߓߊ߬ߞߏ߬ ߓߐ ߟߋ߬ ߞߍߣߴߊ߬ ߞߊ߲ ߝߍ߬.

ߢߊߢߌߣߌ߲ߠߌ߲ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߡߊ߬ߝߌ߲߬ߓߊ߰ߕߐ ߣߌ߲߬ ߕߐ߮ ߕߴߛߋ߫ ߓߐ߫ ߟߴߊ߬ ߘߐ߫، ߓߊߏ߬߸ ߡߙߎ߬ߓߊ ߖߋ߬ߟߌ߬ߡߊ ߦߋ߫ ߘߊ߫ ߦߋ߲߬߸ ߏ߬ ߛߐߙߐ߲ߣߍ߲߫ ߕߘߍ߬ ߓߏ߲ ߛߊ߲ߝߍ߬، ߕߙߍ߫߸ ߊ߬ߟߎ߬ ߥߊ߫ ߘߴߊ߬ߟߎ߬ ߢߊ ߟߊߕߊ߬ ߝߊ߰ߣߌ߲ ߘߏ߫ ߟߊ߫߸ ߝߊ߰ߓߊ߰ߕߐ ߘߐ߯ߡߛߏ߫ ߞߵߊ߬ ߦߌ߬ߘߊ߬ ߞߏ߫ ߞߊ߲ߡߋߙߋ߲ ߕߊ ߟߵߏ߬ ߘߌ߫ ߝߛߊߦߌ߫، ߏ߬ ߕߊ߬ߡߌ߲߬ ߘߊ߫ ߘߏ߬ߣߌ߲ ߟߊ߫ ߟߴߊ߬ ߞߎ߲߬ ߓߘߍߞߍ߭.

ߞߕߌ ߘߊߡߌ߬ߣߊ ߡߍ߲ ߞߍߣߍ߲߫ ߣߌ߲߬߸ ߓߌ߲ߕߊ߬ ߖߊ߬ߕߊ߫ ߞߘߐ߬ߡߛߏ߫ ߞߵߊ߬ ߦߌ߬ߘߊ߬ ߞߏ߫ ߞߊ߲ߡߋߙߋ߲ ߣߌ߲߬ ߕߍ߬ߘߍ߫ ߊ߬ ߘߐ߰ߡߛߏ߫ ߜߊ߬ߛߌ߬ ߟߊ߫ ߟߋ߬ ߕߎ߬ߡߊ߬ ߛߌߦߊߡߊ߲߫߸ ߞߊ߬ ߕߙߐߦߊ ߟߴߊ߬ ߞߊ߲߬߸ ߦߊ߬ߣߌ߫ ߝߊ߰ߟߌ߬ ߞߏ ߣߌ߲߬ ߦߋ߫ ߣߊ߬ ߓߌ߬ߟߴߊ߬ ߘߐ߫.

ߢߌ߲߬ ߠߎ߫ ߟߋ߬ ߓߍ߯ ߞߏߛߐ߲߬߸ ߝߘߏ߬ߓߊ߬ ߞߏߕߌ߯ߘߊ ߞߊ߲߫ ߞߏ߫ ߛߌߞߊ߫ ߕߍ߫ ߣߌ߲߬ ߞߏ ߘߐ߫߸ ߞߊ߬ ߞߊ߲ߡߋߙߋ߲ ߓߌ߬ߟߊ߫ ߛߊ߲߭ ߡߎ߬ߥߊ߲߬ ߘߌߦߊߜߏߦߊ߫ ߓߊ߯ߙߊ ߟߊ߫߸ ߓߊߏ߬߸ ߣߌ߲߬ ߞߏ ߜߍߣߍ߲߫ ߠߋ߬ ߦߏ߫ <<ߣߐߣߐ߫ ߞߍ߲ߘߍ>>.

ߞߊ߲ߡߋߙߋ߲ ߠߊ߫ ߟߊ߬ߝߛߊ߬ߟߌ߬ߟߊ ߟߎ߬ ߛߊ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߝߊ߰ߟߌ ߢߌ߲߬ ߠߊߥߌ߬ߟߌ߫ ߊ߬ ߡߊ߬، <<ߟߊ߬ߥߟߌ߬ߒ߬ߡߊ߬ ߡߊ߫ ߦߴߊ߬ ߣߐ߬ ߘߐ߫ [...] ߊ߬ ߞߵߊ߬ ߖߋ߬ߕߌ߰ߡߛߏ߫ ߝߊ߰ ߦߙߊ߬ߓߌ ߟߋ߬ ߡߊ߬.>> ߟߊ߬ߝߛߊ߬ߟߌ߬ߟߊ ߟߎ߫ ߟߋ߬ ߞߊ߲߫ ߕߋ߲߬߸ ߏ߬ ߘߐ߫߸ ߞߏ߫ ߞߵߊ߬ ߝߐ߫ ߟߋ߬ ߞߏ߫ ߜߊ߬ߛߌ߬ߟߌ ߣߌ߫ ߡߊ߬ߘߌ߬ߡߌ߲߬ߠߌ߲ ߟߊ߬ߥߟߌ߬ߒ߬ߡߊ߸ ߞߏ߬ߣߵߊ߬ ߞߊߣߊ߬ ߝߐ߫ ߞߏ߫ ߊ߬ ߞߊ߬ ߝߊ߰ߟߌ ߞߏ ߘߐߛߘߊ߫ ߟߋ߬.

ߞߕߌ ߣߌ߲߬ ߕߊ ߓߐߣߍ߲ ߊ߬ ߟߊ߫߸ ߢߌ߲߬ ߠߋ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߦߙߊ߬ߓߌ߬ ߛߌߦߊߡߊ߲߫ ߠߋ߬ ߓߍ߫߸ ߕߙߐߦߊ ߟߎ߬ ߦߋ߫ ߡߍ߲ ߘߐ߫ ߘߏ߲߰ ߓߟߏ ߡߊ߬߸ ߤߊ߲߯ ߊ߬ ߘߏ߫ ߟߎ߫ ߘߌ߫ ߟߊߓߊ߲߫ ߞߍߓߊߟߌ ߞߍߟߌ ߡߊ߬.

ߞߎ߲߬ߞߏ߬ߓߊ߬ߕߐ߬ߦߊ ߓߏ߲ߘߋ߲ ߞߏ߬ߣߌ߲ ߓߘߊ߫ ߞߕߌ ߟߊߕߊ߯ ߞߊ߬ߙߌ߬ߝߐ߫ ߣߊ߬ߕߐ ߕߟߋ߬ ߁߭ ߘߐ߫߸ ߞߕߌ ߘߌ߫ ߕߍ߰ ߏ߬ ߟߏ߲ ߞߊ߬ ߞߊ߲ߡߋߙߋ߲ ߞߎ߲߬ߘߏߣߌ߲ ߟߴߊ߬ ߞߎ߲߬.