ߜ߭ߊ߯ߣߊ߬ ߞߕߌߘߊ ߡߍ߲ ߦߋ߫ ߏߘߎ߳ߡߊߛ ߞߙߏߓߏ߫߸ ߏ߬ ߟߋ ߣߐ߬ ߞߕߌ ߘߏ߫ ߟߊ߫ ߟߊ߫߸ ߞߊ߬ ߟߞߊ߬ߙߊ߲߬ߠߌ߲߬ߠߊ߫ ߛߊ߲߬ ߃߂ ߘߏ߫ ߖߊ߲߬ߞߌ߲߫ ߛߊ߲߬ ߁߂ ߥߛߎ߫ ߟߊ߫߸ ߊ߬ ߓߋ߭ ߞߏߛߐ߲߬ ߞߊ߬ߙߊ߲߬ߘߋ߲߫ ߛߊ߲߬ ߁߂ ߘߏ߫ ߞߊ߲߬ ߞߊ߬ߝߏ߬ߢߐ߲߰ߦߊ ߛߌߟߊ ߝߍ߬߸ ߊ߬ ߕߘߍ߬ ߏ߬ ߡߍ߲ ߞߊ߬ߙߊ߲߬ ߠߴߊ߬ߟߎ߬ ߟߊ߫ ߟߎ ߞߣߐ߫ ߝߊ߬ߙߊ߲߬ߛߌ ߟߊ߫.

ߟߞߊ߬ߙߊ߲߬ߠߌ߲߬ߠߊ ߢߌ߲߬ ߕߐ߯ ߟߋ߬ ߞߏ߫ ߤߏ߲ߘߣߊ ߡߊ߲ߛߊ߫߸ ߊ߬ߟߋ ߛߐ߲߭ ߦߋ߫ ߘߊ߫ ߓߋ߬ߒ߬ߞߊ߲߬ߠߌ߲߬ ߞߏ ߟߋ߬ ߘߐ߫߸ ߏ߬ ߡߍ߲ ߠߊߕߐ߲ߣߍ߲߫ ߜ߭ߊ߯ߣߊ߬ ߞߏߟߊߕߐ߲ ߛߊ߬ߙߌ߬ߦߊ߬ߛߎ߲ ߞߣߐ߫، ߒ߬ߓߊ߬߸ ߞߕߌߕߍ߯ߟߊ ߞߎߥߊߛߌ ߊߔߌߦߊߛߕ ߊߓߍߘߏ߫ ߞߊ߬ ߞߕߌ ߢߌ߲߬ ߠߋ߬ ߛߍ߲ߛߍ߲߫߸ ߞߊ߬ ߥߴߊ߬ ߦߋ߫ ߞߏ߫ ߗߍ߭ ߛߐ߲߭ ߦߴߊ߬ ߘߐ߫ ߝߛߊߦߌ߫߸ ߊ߬ ߝߣߊ߫ ߞߊ߬ ߛߊ߲߬ ߁߂ ߟߴߊ߬ ߞߎ߲߬، ߐ߲߬ߤߐ߲߫߸ ߡߎ߲߬ ߞߋߟߋ߲߫ ߕߊ߬ߡߌ߲߬ߣߍ߲؟

ߓߋ߬ ߞߍߣߍ߲߫ ߘߋ߲ߣߍ߲ ߡߍ߲ ߞߊ߲߬ ߣߌ߲߬߸ ߊ߬ߟߋ ߦߋ߫ ߦߌߟߡߊ ߥߐ߯ߙߐߣߊ߲ ߠߋ߬ ߟߊ߫߸ ߊ߬ ߣߊ߫ ߦߋ߫ ߖߎ߬ߟߊ ߟߋ߬ ߘߌ߫߸ ߡߍ߲ ߛߌ߬ߞߛߊߓߌ ߦߋ߫ ߛߊ߲߬ ߄߃ ߖߊ߬ߕߋ߬ ߘߐ߫߸ ߊ߬ ߦߋ߫ ߛߌ߱ ߘߐ߫ ߞߐ߲ߓߌߣ ߠߋ߬߸ ߏ߬ ߦߋ߫ ߊߞߏߛߏ߲ߓߏ߫ ߛߏ߫ ߞߐߞߊ߲ߠߊ ߟߋ߬ ߘߐ߫، ߒ߬ߓߊ߬߸ ߏ߬ ߟߋ ߥߊߣߴߊ߬ ߡߊߞߊ߬ߛߌ߬ ߟߊ߫ ߕߐ߲ߓߟߏߡߟߊ߫߸ ߞߏ߫ ߓߋ߬ ߓߘߊ߫ ߞߍ߫ ߊ߬ ߘߋ߲ߡߛߏ߫ ߞߊ߲߬، ߡߊ߬ߝߌ߲߬ߞߊ߲߬ߠߊ ߟߎ߬ ߘߐ߫߸ ߡߍ߲ ߢߊߝߐ߫ ߘߊ߫ ߜߋ߬ߟߎ߲߬ߠߌ߲߬ߠߊ߫ ߜ߭ߏߘߛߑߥߊߦߌ߫ ߞߙߏߡߏߥߊ߫ ߓߟߏ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߝߐߣߍ߲߫ ߞߏ߫ ߡߊ߲ߛߊ߫ ߟߋ߬ ߕߊ߬ߣߍ߲߫ ߘߋ߲ߡߛߏߣߍ߲ ߢߌ߲߬ ߛߐ߬ߘߐ߲߬ ߣߊ ߓߟߏ߫߸ ߞߏ߫ ߊ߬ ߦߴߊ߬ ߘߋ߲ ߞߊ߬ߙߊ߲߫ ߝߊ߬ߙߊ߲߬ߛߌ ߟߴߊ߬ߟߎ߬ ߟߊ߫ ߟߎ ߞߣߐ߫߸ ߏ߬ ߞߍ ߛߊ߲߬ ߣߊ߯ߣߌ߲ ߠߋ߬ ߕߋ߲߬.

ߞߕߌߘߊ ߟߊ߫ ߝߐߟߌ߫ ߘߐ߫߸ ߞߏ߫ ߞߊ߬ߙߌ߬ߝߐ ߕߟߋ߬ ߁߁ ߠߋ߬ ߡߊ߬߸ ߡߏ߬ߛߏ ߞߵߊ߬ ߘߋ߲ߡߛߏ߫ ߕߊ߯ߡߊ߫ ߢߊ ߟߊߞߙߐ߬ߛߌ߬߸ ߞߵߊ߬ ߦߋ߫ ߊ߬ ߕߊ߯ߡߊ߫ ߢߊ ߓߘߊ߫ ߡߊߝߊ߬ߟߋ߲߬߸ ߊ߬ ߞߵߊ߬ ߘߊߘߐߢߌ߬ߣߌ߲߬ߞߊ߬، ߘߋ߲ߡߛߏߣߍ߲ ߞߵߊ߬ ߦߌ߬ߘߊ߬ ߞߏ߫ ߞߊ߬ߙߌ߬ߝߐ ߕߟߋ߬ ߈ ߡߊ߬߸ ߞߎߣߎ߲ߟߏ߲ ߥߎ߬ߙߊ ߝߍ߬ ߕߋ߲߬ ߁߇ߕߎߡߊ ߟߊ߫߸ ߞߏ߫ ߕߊ߬ߡߌ߲߬ ߘߴߊ߬ ߣߴߊ߬ ߞߊ߬ߙߊ߲߬ߡߐ߰ߗߍ߬ ߕߍ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߦߋ߫ ߞߊ߬ߙߊ߲ ߞߊ߲߬ ߟߎ ߞߣߐ߫.

ߞߊ߬ߙߊ߲߬ߡߐ߰ߗߍ ߞߵߊ߬ ߝߐ߫ ߘߋ߲ߡߛߏߣߍ߲ ߦߋ߫߸ ߞߏ߫ ߊ߬ ߞߊߣߊ߬ ߏ߬ ߞߏ ߢߊߝߐ߫ ߘߋ߬߸ ߣߴߏ߬ ߕߍ߫ ߞߏ߫ ߊ߬ ߟߊߡߊ߬ߟߏ߬ߦߊ߬ ߞߏ ߟߵߏ߬ ߘߌ߫߸ ߊ߬ ߘߴߊ߬ ߟߊ߲߬ߓߋ ߓߐ߫ ߊ߬ ߟߊ߫، ߊ߬ ߓߊ߲߫ ߘߊ߫ ߞߵߊ߬ ߝߐ߫ ߝߣߊ߫߸ ߞߏ߫ ߣߌ߫ ߘߋ߲ߡߛߏߣߍ߲ ߞߵߊ߬ ߢߊߝߐ߫ ߡߐ߰ ߜߘߍ߫ ߦߋ߫߸ ߊ߬ ߘߴߊ߬ ߟߊߗߌߙߏ߲߫ ߊ߬ ߟߊ߫ ߥߟߊ߬ߟߊ߬ߓߐ ߘߐ߫ ߞߊ߬ ߥߊ߫ ߛߊ߯ߘߊ߫ ߥߐߙߐ߲ߝߌߟߊߣߊ߲ ߠߊ߫، ߒ߬ߓߊ߬߸ ߏ߬ ߟߋ ߞߎߡߊ ߢߊߝߐߣߍ߲߫ ߕߐ߲ߓߟߏߡߊ ߟߎ߬ ߦߋ߫߸ ߏ߬ ߟߎ߬ ߝߣߊ߫ ߞߊ߬ ߘߋ߲ߣߍ߲ ߣߊ߬ ߘߊߘߐߢߌ߬ߣߌ߲߬ߞߊ߬߸ ߞߊ߬ ߞߏߢߊ ߝߊ߰ߡߎ߲߫ ߊ߬ ߢߊ ߡߊ߬، ߊ߬ߟߎ߬ ߥߊ߫ ߘߊ߫ ߘߋ߲ߣߍ߲ ߘߌ߫ ߞߎ߲߬ߠߊ߬ߛߌ߮ ߟߊ߫ ߘߊ߲ߘߊߛߏ ߟߊ߫߸ ߊ߬ ߦߋ߫ ߘߊ߫ ߞߏ߫ ߞߎߡߊ ߡߍ߲ ߝߐߣߍ߲߫߸ ߕߎ߬ߢߊ ߟߋ߬ ߝߛߊߦߌ߫߸ ߓߋ߬ ߞߍߣߍ߲߫ ߠߵߊ߬ ߞߊ߲߬߸ ߏ߬ ߞߊ߬ ߡߊ߬ߝߌ߲߬ߞߊ߲߬ߠߊ ߞߍ߫ ߕߎ߬ߢߊ߬ ߘߌ߫.

ߡߊ߲ߛߊ߫ ߡߌ߬ߣߊ߬ ߘߊ߫ ߞߊ߬ߙߌ߬ߝߐ ߕߟߋ߬ ߁߂ ߟߋ߬ ߡߊ߬، ߊ߬ ߡߌ߬ߣߊ ߡߍ߲ ߞߍ߫ ߘߊ߫߸ ߊ߬ ߞߵߊ߬ ߛߐ߬ߛߐ߫ ߟߋ߬ ߣߌ߲߬ ߞߏ ߓߍ߯ ߟߊ߫߸ ߞߏ߫ ߞߏ߫ ߡߊ߫ ߘߏ߲߬ ߊ߬ߟߋ ߣߌ߫ ߘߋ߲ߡߛߏߣߍ߲ ߕߍ߫.

ߞߕߌߘߊ ߞߏ߬ߣߌ߲ ߞߵߊ߬ ߖߊ߲߬ߞߌ߫ ߏ߬ ߓߍ߯ ߞߐ߫߸ ߘߊ߬ߟߎ߫ ߛߐ߬ߘߐ߲ ߞߐ ߘߐ߫ ߢߊߝߐߟߌ ߣߌ߫ ߛߙߋߦߊ ߘߏ߫ ߟߎ߫ ߡߊ߬߸ ߞߊ߬ ߞߏ߫ ߟߊߕߐ߲߫ ߡߐ߰ ߟߊ߫߸ ߡߍ߲ ߠߎ߬ ߦߋ߫ ߓߋ߬ ߟߊ߫ ߘߋ߲ߣߍ߲ ߠߎ߬ ߣߌ߫ ߟߐ߬ߦߙߌ߬ߕߐ ߟߎ߫ ߞߊ߲߬.