ߞߊ߲ߞߊ߲߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߊߛߌ߱ ߞߐߝߍ߬ ߊ߬ ߟߊ߫ ߥߊ߰ߣߍ߲ ߘߐ߫߸ ߊ߲ ߞߊ߬ ߛߋ߲߬ߠߊ߬ߓߐ߬ߟߌ ߞߍ߫ ߞߊ߬ ߛߋ߫ ߘߎ߰ߘߋ߲ ߠߎ߫ ߡߊ߬ ߞߊ߬ ߓߍ߲߬ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߊ߫ ߓߊ߯ߙߊ߫ ߞߍߕߊ ߟߎ߫ ߡߊ߬ ߞߊ߲ߞߊ߲߫ ߛߏ ߞߣߐ߫، ߏ߬ ߟߋ ߘߐ߫ ߸ ߕߍ߬ߣߍ߲ ߖߊߥߙߊ߫ ߞߵߊ߬ ߦߌ߬ߘߵߊ߲ ߠߊ߫ ߸ ߞߏ߫ ߊ߬ߟߋ ߛߍߥߊߣߍ߲߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߊ߫ ߣߊ߬ߟߌ ߟߊ߫ ߞߏߛߓߍ߫، ߓߊ߬ߙߌ߬ ߸ ߞߏ߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߣߊ߬ߣߍ߲߫ ߊ߬ߟߎ߫ ߛߐ߬ߘߐ߲߬ ߠߊ߫ ߜߟߍ߬ߦߊ ߖߍ߬ߘߍߖߍ߬ߘߍ ߟߋ߬ ߕߍߡߊ߬: <<ߒ ߧߴߊ߬ ߝߐ߫ ߟߊ߫ ߟߋ߬ ߊ߲ ߠߊ߫ ߞߊ߬ߝߏ߬ߙߋ߲߬ߕߌ߮ ߦߋ߫߸ ߊ߬ ߛߌ߱ ߞߐ ߢߌ߲߬ ߘߐ߫߸ ߊ߬ ߦߴߊ߲ߠߎ߬ ߡߏ߬ߛߏ ߟߎ߬ ߡߊߘߍ߬ߡߍ߲߬، ߓߊߏ߬߸ ߟߐ߯ ߞߣߐߟߊ ߓߘߊ߫ ߜߟߍ߬ߦߊ߫ ߞߊߕߌ߫߸ ߌ ߓߊ߯ ߘߏ߲߬ ߟߐ߮ ߞߣߐ߫ ߛߊ߲߬ߠߌ߲߬ ߞߊ߲ߡߊ߬ ߕߋ߲߬߸ ߊ߬ ߘߌ߫ ߞߍ߫ ߦߏ߫ ߌ ߦߴߌ ߓߏ߬ߙߌ߫߸ ߤߊߞߍߕߏ߫ ߟߐ߯ ߞߣߐߟߊ ߓߘߊ߫ ߜߟߍ߬ߦߊ߫ >> ߊ߬ ߞߵߏ߬ ߟߊߢߌߣߌ߲߫.
ߘߎ߰ߘߋ߲ ߘߏ߫ ߟߎ߫ ߞߵߊ߬ ߦߌ߬ߘߊ߬߸ ߞߏ߫ ߣߌ߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߛߋ߫ ߘߴߊ߬ߟߎ߬ ߣߌߞߊ߲ߞߏ ߟߎ߬ ߞߍ߫ ߟߴߊ߬ ߤߊߡߌ߲ ߘߌ߫ ߊ߬ ߟߊ߫ ߟߐ߬ߒ߬ߞߋ߬ߟߊ ߞߎ߲߬ߕߊ߮ ߞߣߐ߫߸ ߛߌߞߊ߫ ߛߌ߫ ߕߴ ߊ߬ ߛߎߥߊ߲ߘߌ ߘߐ߫ ߞߏߞߎߘߊ߫ ߊ߬ߟߎ߬ ߓߟߏ߫، ߘߏ߫ ߟߎ߫ ߖߍ߬ߘߍ ߞߎߡߊ߫ ߘߊ߫ ߞߊ߬ ߓߍ߲߬ ߓߙߊߡߊߖߊ߲ߓߊ߲ ߞߎߡߊ߫ ߝߐߣߍ߲ ߠߎ߬ ߡߊ߬، ߞߊ߬ߕߎ߲߯߸ ߊ߬ ߝߊ߲߬ߓߊ ߡߙߌ߫ ߘߐ߫߸ ߡߊ߲߬ߛߊ߬ߦߊ ߢߌߣߌ߲߫ ߞߊ߲ ߣߴߊ߬ ߛߐ߬ߘߐ߲߬ߣߍ߲ ߞߊ߲ ߕߍ߫ ߞߋߟߋ߲ߘߌ߫، ߡߐ߰ ߘߏ߲߬ ߞߍߢߊ߫ ߕߍ߫ ߞߊ߬ ߡߊ߲߬ߛߊ ߡߙߌߦߊ ߟߐ߲߫ ߡߍ߲ ߦߴߊ߬ ߟߊ߫ ߞߵߊ߬ ߟߐ߬ ߖߡߊ߬ߣߊ߬ ߞߣߐ߬ߘߋ߲ ߠߎ߫ ߡߊ߬ ߸ߏ߬ ߘߊ߲߭ ߦߴߊ߬ ߞߋߟߋ߲߫ ߠߋ߬ ߘߌ߫، ߏ߬ ߘߐ߫ ߸ ߞߏ߫ ߣߌ߫ ߞߊ߲ߞߊ߲߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߛߋ߫ ߘߴߏ߬ ߞߍ߫ ߟߴߊ߬ߟߎ߬ ߦߋ߫ ߞߊ߬ ߓߊ߲߫ ߞߊ߬ ߝߏߟߏ߲ ߠߎ߬ ߘߓߐ߫ ߏ߬ ߘߌ߫ ߘߌߦߊ߫ ߊ߬ߟߎ߬ ߦߋ߫.
ߥߊߟߌߥߊߟߌ߫ ߓߏߙߌߟߊ ߘߏ߫ ߓߍ߫ ߞߏ߫ ߡߊ߬ߡߊ߬ߘߌ߬ ߞߋߕߊ߬ ߸ ߏ߬ ߝߣߊ߫ ߞߵߊ߬ ߝߊ߲߬ߝߍ߬ߟߊ ߝߐ߫ ߸ ߞߏ߫ ߊ߬ߟߋ ߛߍߥߊߣߍ߲߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߊߛߌ߱ ߘߐ߫ ߊ߬ߟߎ߫ ߞߎ߲߬ߠߊ߫، ߓߊ߸ ߞߊ߬ ߞߐ߲߬ ߊ߬ ߟߊ߫ ߣߊ߬ߟߌ ߢߍ߫߸ ߛߏ߫ ߞߣߐߟߊ ߕߎ߲߬ ߓߘߊ߫ ߢߊߞߍ߫ <<ߊ߲ߠߎ߬ ߦߋ߫ ߥߊߟߌߥߊߟߌ߫ ߓߏߙߌ ߟߋ߬ ߟߊ߫߸ ߊ߲ ߧߴߊ߲ ߟߐ߬ ߟߊ߫ ߝߏߟߏ߲ ߡߍ߲ ߠߎ߬ ߞߊ߲߬ ߸ ߏ߬ ߓߍ߯ ߞߘߐߟߊ ߓߘߊ߫ ߜߋߘߋ߲߫ ߢߊ߬ߡߊ ߟߊ߫ ߔߋ߲߫، ߣߵߊ߲ ߘߏ߲߬ ߞߵߊ߬ߟߎ߬ ߘߓߐ߫߸ ߊ߬ߟߎ߫ ߕߊ߬ߓߊ߰ ߕߍ߫ ߛߐ߬ߘߐ߲߬ ߠߊ߫߸ ߊ߲ߠߎ߬ ߖߘߍ߬ߓߊ߬ߞߎ߲ ߠߋ߬ ߞߵߊ߲ ߟߐ߬ ߦߌߟߊ ߣߌ߲߬ ߞߘߐߟߊ ߘߓߐ߫ ߞߵߊ߬ ߢߊ߬ߡߊ ߟߎ߬ ߡߊߘߏ߬ߣߌ߲߫ ߞߕߊ߬ߕߞߊ߬ߣߍ߲ ߘߐ߫߸ ߞߊ߬ ߦߙߌ ߛߊ߲߬ ߞߵߊ߬ ߟߴߊ߬ ߘߟߊ߫߸ ߏ߬ ߓߍ߯ ߟߊߥߟߌ߬ߣߍ߲߫ ߊ߲ ߓߟߏ߫ ߞߊ߬ߝߏ߬ߙߋ߲߬ߕߌ߮ ߡߊߘߍ߬ߡߍ߲ ߠߋ߬ ߡߊ߬، ߊ߬ߟߋ ߡߍ߲ ߠߊ߫ ߞߍߕߊ ߦߴߏ߬ ߟߎ߬ ߘߌ߫ ߛߏ ߞߣߐ >> ߊ߬ ߞߵߏ߬ ߓߐ߱ ߘߐߘߐ߲߬ ߠߋ߬ ߝߋߎ߫.
ߏ߬ ߦߙߐ߫ ߞߋߟߋ߲ ߘߊߞߎ߲ ߘߐ߫ ߸ ߡߏ߬ߤߊߡߍߘ ߞߋߕߊ߬ ߝߣߊ߫ ߞߵߊ߬ ߦߌ߬ߘߊ߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߊ߫߸ ߞߏ߫ ߊ߬ ߦߴߊ߬ ߢߊ ߟߐ߬ ߞߊ߲ߞߊ߲ߞߊ ߟߎ߬ ߘߐ߫ ߊ߬ ߣߌ߫ ߞߊ߲ߞߊ߲߫ ߛߏ߫ ߞߣߐߟߊ ߘߐ߫ <<ߒߠߋ ߛߍߥߊߣߍ߲߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߊߛߌ߱ ߘߐ߫߸ ߤߊߞߟߌߣߊ߲ ߡߍ߲ ߦߴߊ߲ ߠߊ߫ ߞߊ߬ ߓߍ߲߬ ߊ߬ ߟߊ߫ ߞߏ ߡߊ߬߸ ߊ߬ ߦߴߊ߬ ߢߊ ߟߐ߬ ߞߊ߲ߞߊ߲߫ ߘߐ߫߸ ߞߵߊ߬ ߢߊ ߟߐ߬ ߊ߲ ߝߊ߬ߛߏ ߘߐ߫߸ ߊ߲ߠߎ߬ ߖߍ߬ߘߍ ߟߋ߬ ߞߊ߬ ߦߙߌ ߛߊ߲߬ ߞߵߊ߬ ߟߴߊ߲ ߠߊ߫ ߝߏߟߏ߲ ߢߌ߲߬ ߘߟߊ߫߸ ߏ߬ ߟߊߥߟߌ߬ߣߍ߲߫ ߞߊ߬ߝߏ߬ߙߋ߲߬ߕߌ߮ ߡߊߘߍ߬ߡߍ߲߬ ߠߋ ߡߊ߬. ߏ߬ ߘߐ߫߸ ߊ߲ ߛߍߥߊߣߍ߲߫ ߊ߬ ߣߊ߭ ߟߊ߫߸ ߓߊ߬ߙߌ߫߸ ߊ߲ ߡߴߊ߬ ߟߊ߫ ߓߊ߯ߙߊ߫ ߟߐ߲߫ ߝߟߐ߫ ߘߋ߬، ߊ߬ ߞߏ߬ߣߌ߲ ߘߌߡߴߊ߲ ߧߋ߫ ߊ߬ ߦߴߊ߬ ߢߊ ߟߐ߬ ߊ߲ ߘߐ߫߸ ߊ߲ ߠߊ߫ ߝߏ߬ߟߌ ߦߋ߫ ߞߊ߬ߝߏ߬ߙߋ߲߬ߕߌ߰ ߞߘߐ ߏ߬ ߝߣߊ߫ ߡߊ߬،ߞߊ߬ߡߊߛߐ߬ߘߐ߲߬߸ ߊ߬ ߝߣߊ߫ ߞߵߊ߬ ߛߋ ߞߍ߫ ߞߊ߲ߞߊ߲߫ ߦߋ߫>> ߞߋߕߊߞߍ ߞߵߏ߬ ߦߌ߬ߘߊ߫.
ߊ߲ ߣߊ߫ ߡߛߏ ߤߊߥߊ߬ ߛߘߌ߬ߓߋ߫ ߞߵߊ߬ ߘߊ ߝߛߊ߬ ߟߐ߯ ߞߣߐߟߊ ߜߟߍ߬ߦߊ ߡߊ߬ ߝߘߌߝߘߌ߫ ߸ ߊ߬ ߣߌ߫ ߘߋ߲ ߠߎ߬ ߟߊ߫ ߓߊ߯ߙߊ߫ ߞߏ ߟߊߣߐ߰ߦߊ << ߤߊߡߌ߲߫ ߡߍ߲ ߦߴߊ߲ߠߎ߬ ߡߏ߬ߛߏ ߟߎ߬ ߟߊ߫߸ ߊ߬ߟߎ߬ ߦߴߊ߲ ߘߋ߲ ߠߎ߬ ߡߊߘߍ߬ߡߍ߲߬ ߓߊ߯ߙߊ߫ ߞߏ ߘߐ߫، ߓߊߏ߬߸ ߓߊ߯ߙߊ߫ ߕߴߦߋ߲߬߸ ߊ߬ ߣߌ߫ ߞߊ߬ ߟߐ߯ߝߍ߫ ߞߣߐߟߊ ߟߊߣߐ߰ߦߊ߫، ߣߴߏ߬ ߕߍ߫߸ ߟߐ߯ߝߍ ߜߟߍ߬ߡߊ߲߫ ߠߋ߬ ߝߋߝߋ߫، ߌ ߓߊ߯ ߣߊ߬ ߁߀߀ ߀߀߀ ߡߊ߲ߝߋ߲ ߛߊ߲߬ ߦߙߐ ߕߋ߲߬ ߸ ߌߟߋ ߖߍ߬ߘߍ ߘߌ߫ ߖߌ߱ߕߍ߰، ߏ߬ ߘߐ߫߸ ߡߏ߬ߛߏ ߟߎ߬ ߘߌ߫ ߡߊߘߍ߬ߡߍ߲߬ ߢߊ߫ ߛߌ߫ ߡߊ߬߸ ߊ߬ ߦߋ߫ ߓߐ߫ ߏ߬ ߛߌߟߊ ߘߌ߫߸ ߣߴߏ߬ ߕߍ߫ ߊ߲ ߓߘߊ߫ ߛߍ߰ ߸ ߞߵߊ߲ ߘߋ߲ ߠߎ߬ ߝߣߊ߫ ߡߊߘߍ߬ߡߍ߲߬߸ ߘߋ߲ߣߍ߲ ߠߎ߬ ߓߘߊ߫ ߓߊ߲߫ ߞߊ߬ߙߊ߲ ߠߊ߫߸ ߓߊ߯ߙߊ߫ ߕߍ߫ ߦߋ߲߬>> ߏ߬ ߞߵߏ߬ ߡߞߊ߬ߛߌ߬ߟߌ ߞߍ߫.
ߘߋ߲ߣߍ߲ ߠߎ߬ ߓߘߊ߫ ߓߊ߲߫ ߞߊ߬ߙߊ߲ ߠߊ߫ ߓߊ߯ߙߊ߫ ߕߴߦߋ߲߬ ߸ ߞߊ߬ ߟߐ߯ߝߍ ߞߣߐߟߊ ߜߟߍ߬ߦߊ ߡߊߘߐ߯ߦߊ߫ ߸ ߞߊ߬ ߝߏߟߏ߲ ߠߎ߬ ߘߓߐ߫... ߏ߬ ߓߍ߯ ߟߊߘߍ߬ߣߍ߲ ߞߍߟߌ ߛߌ߰ߣߍ߲߫ ߞߊ߬ ߞߊ߬ߝߏ߬ߙߋ߲߬ߕߌ߰ ߞߎߘߊ ߡߊߞߐ߬ߣߐ߲߬ ߕߋ߲߬، ߊ߲ ߞߏ߬ߣߌ߲ ߡߴߊ߬ ߟߐ߲߫ ߊ߬ ߞߍߕߐ߫ ߊ߬ ߟߊ߫ ߓߊ߯ߙߊ ߘߊߡߌ߬ߣߊ߬ ߟߊ߫ ߡߍ߲ ߡߊ߬.
Aucun commentaire pour le moment.