ߞߵߊ߬ ߕߊ߬ ߘߐ߲߬ߞߌ߬ ߛߊߟߌ ߢߊߞߘߐߟߊ ߡߊ߬ ߤߊ߲߯ ߓߌ߬ ߞߍ߲ߘߍߟߏ߲ ߂߀߂߆ ߘߓߊ߬ߕߊ ߕߟߋ߬ ߃߀ ߣߌ߲߬ ߡߊ߬ ߸ ߞߌ߲ߘߌߦߞߊ ߟߎ߬ ߦߋ߫ ߖߌߥߎ߫ ߞߏߖߊ ߘߐ߫. 

ߞߌ߲ߘߌߦߊ߫ ߘߎ߰ߘߋ߲ ߘߏ߫ ߞߵߊ߬ ߦߌ߬ߘߊ߬߸ߓߊ߬ߙߌ߬ ߞߏ߫ ߊ߬ ߕߐ߯ ߞߊߣߊ߬ ߝߐ߫߸ ߊ߬ ߦߋ߫ ߖߌߥߎ߫ ߖߎߟߊ ߟߋ߬ ߘߌ߫ ߟߐ߯ߝߍ߫ ߝߌ߲ ߘߐ߫ ߊߓߊߕߎߥߊߙ ߁ ߞߌ߲߬ߘߊ ߟߊ߫ ߞߏ߫ :

 << ߘߐ߲߬ߞߌ߬ ߛߊߟߌ ߢߊߞߘߐߟߊ ߓߊ߯ ߛߋ߫ ߞߏߕߊ߲߫ ߊ߲ ߧߋ߫ ߞߍ߫ ߟߊ߫ ߖߌߥߎ߫ ߞߏߖߊ ߡߊ߲߬ߕߙߐ ߣߌ߲߬ ߠߋ߬ ߘߐ߫ ߝߏ߫ ߞߊ߬ ߛߊߟߌ ߓߊ߲߫ ߸ ߊ߲ ߣߌ߫ ߘߎ߲ ߓߊ߯ ߥߊ߫ ߖߌߥߎߘߊ ߟߊ߫ ߛߐ߲߬ ߞߏ߫ ߊ߲ ߧߋ߫ ߖߌߥߎ ߕߏ߲ߜߊ߫ ߂߀ ߞߐ߫ ߸ ߊ߬ߟߎ߬ ߘߴߊ߬ ߢߌߣߌ߲߫ ߊ߲ ߝߍ߬ ߞߏ߫ ߞߊ߬ ߁߀.߀߀߀ ߘߌ߫ ߞߵߊ߬ ߘߝߊ߫ ߂߅߀ ߟߊ߫ >>. 

ߝߊߦߌߘߊ߫ ߛߐ߲߬ߞߐ߬ ߞߋߟߋ߲߫ ߕߍ߫ ߖߌߥߎ߫ ߟߊ߫ ߞߌ߲ߘߌߦߊ߫ ߟߐ߯ߝߍ߫ ߝߌ߲ ߘߐ߫،ߓߊߏ߬ ߘߏ߫ ߟߎ߫ ߦߋ߫ ߖߌߥߎ߫ ߕߏ߲ߜߊ߫ ߞߋߟߋ߲߫ ߝߙߋ߬ ߟߊ߫ ߖߌ߬ߣߍ߬ ߕߊߡߊ߲߫ ߁߄.߀߀߀ ߣߌ߫ ߁߅ ߀߀߀ ߤߊ߲߯ ߂߀.߀߀߀ ߠߋ߬ ߕߍߟߊ ߘߐ߫߸ ߦߏ߫ ߛߙߋ ߘߏ߫ ߞߵߊ߬ ߦߌ߬ߘߊ߬ ߢߊ߫ ߡߍ߲ ߡߊ߬. 

 <<ߊ߬ ߘߏ߲߬ ߞߘߐ߬ߡߊ߲߬ ߊ߲ ߧߋ߫ ߖߌߥߎ ߕߏ߲ߜߊ߫ ߂߀ ߕߊ߬ ߟߊ߫ ߂߄߀.߀߀߀ ߠߋ߬ ߟߊ߫،ߌߞߏߡߌ߲߬ ߊ߲ ߝߣߊ߫ ߦߋ߫ ߁߀.߀߀߀ ߠߋ߬ ߟߊ߫ ߟߴߊ߬ ߞߊ߲߬ ߸ ߏ߬ ߘߏ߲߬ ߓߊ߯ ߞߍ߫ ߕߎ߲߫ ߝߏ߫ ߊ߲ ߝߣߊ߫ ߘߏ߫ ߟߋ߬ ߟߴߊ߬ ߞߊ߲߬ ߸ߏ߬ ߟߋ߬ ߞߏߛߐ߲߬ ߊ߲ ߧߋ߫ ߘߏ߫ ߟߎ߫ ߝߙߋ߬ ߟߊ߫ ߁߅.߀߀߀ ߟߊ߫ ߛߐ߲߬ ߤߊ߲߯ ߏ߬ ߛߊ߲ߘߐ߫ >>

ߞߌ߲ߘߌߦߊ߫ ߘߎ߰ߘߋ߲ ߠߎ߬ ߕߟߋ߬ ߘߊ߲ߘߐ߫ ߟߋ߬ ߖߌߥߎ߫ ߞߏߖߊ ߣߌ߲߬ ߘߐ߫ ߸ߖߌߥߎߘߊ ߘߏ߫ ߟߎ߫ ߕߍ߫ ߡߊ߬ߛߐ߰ߟߌ߬ ߞߍ߫ ߟߊ߫ ߕߋ߲߬ ߸ߕߜߋߣߍ߲ ߡߍ߲ ߠߎ߬ ߝߣߊ߫ ߦߋ߫ ߡߊ߬ߛߐ߰ߟߌ ߞߍ߫ ߟߊ߫ ߸ߖߊ߬ߡߊ ߓߘߊ߫ ߛߌߦߊߦߊ߫ ߏ߬ ߟߎ߬ ߟߊ߫.

ߞߎ߲߬ߠߊ߬ߛߌ߮ ߞߊ߫ ߞߊ߲߫ ߞߵߊ߬ ߢߊ ߡߊߖߌ߰ ߣߌ߲߬ ߞߏ ߘߊߝߍ߬߸ ߛߊ߫ ߘߊ߲߬ ߘߌ߫ ߛߌ߰ ߖߌߥߎ߫ ߞߏߖߊ ߟߊ߫ ߢߊ ߡߍ߲ ߠߎ߬ ߡߊ߬ ߘߐ߲߬ߞߌ߲߬ ߛߊߟߌ ߢߊߞߘߐߟߊ ߟߎ߬ ߘߐ߫.